📚
* ബിദ്അത്ത് .*
البدعة الشرعية
ASLAM KAMIL SAQUAFI PARAPPANANGADI
محمد اسلم الثقافي الكاملي بربننغادي المليباري الهندي
*✦🔅ﷺ🔅●﷽●🔅🔅✦*
*ശറഇയ്യായ ബിദ്അത്ത് എന്ത് ?*
البدعة الشرعية
*എല്ലാ ബിദ്അത്തും പിഴച്ചതാണ് എന്നത് കൊണ്ട് ഉദ്ധേശിച്ചത് എന്ത് ?*
ലോക പണ്ഡിതന്മാർ മുഹദ്ദിസുകൾ വിവരിക്കുന്നു.
مفهوم البدعة عند الحفاظ والمحدثين
ഖുർആനും സുന്നത്തും ശരിയായ രീതിയിൽ പഠിപ്പിച്ചു തന്ന വിവരിച്ചു തന്ന ലോക പണ്ഡിതന്മാരെ മുഴുവനും തള്ളിയിട്ട് നിങ്ങൾ ഏത് ഇസ്ലാം ആണ് സ്വീകരിക്കുന്നത് വഹാബി പുരോഹിതന്മാരെ ?
നബി ﷺയുടെ കാലത്ത് ഇല്ലങ്കിലും പുതുതായ കാര്യമാണെങ്കിലും ശറഇന്റെ അടിസ്ഥാന തത്വങ്ങൾക്ക് വിരുദ്ധമായതിന് മാത്രമേ ശറഇൽ ബിദ്അത്ത് എന്ന് പറയുകയുള്ളൂ.
① ഇമാം ശാഫിഈ رحمه الله
വഫാത്ത്: 204 ഹി.
📚 കിതാബ്: മനാഖിബുശ്ശാഫിഈ — ഇമാം ബൈഹഖി
📖 വാള്യം: 1, പേജ്: 469
المحدثات من الأمور ضربان:
أحدهما: ما أُحدِث يخالف كتابًا أو سنة أو أثرًا أو إجماعًا، فهذه البدعة الضلالة.
والثانية: ما أُحدِث من الخير لا خلاف فيه لواحد من هذا، وهذه محدثة غير مذمومة.
പരിഭാഷ:
പുതുതായി ഉണ്ടായ കാര്യങ്ങൾ രണ്ട് വിഭാഗമാണ്.
ഒന്ന്: ഖുർആൻ, സുന്നത്ത്, അസർ, അല്ലെങ്കിൽ ഇജ്മാഅ് എന്നിവയ്ക്ക് വിരുദ്ധമായി പുതുതായി ഉണ്ടായ കാര്യം. ഇതാണ് വഴികേടായ ബിദ്അത്ത്.
രണ്ട്: നന്മയിൽപ്പെട്ടതും ഇവയിൽ ഒന്നിനും വിരുദ്ധമല്ലാത്തതുമായ പുതുതായി ഉണ്ടായ കാര്യം. ഇത് നിന്ദിക്കപ്പെടുന്ന ബിദ്അത്തല്ല.
② ഇമാം അബൂ സുലൈമാൻ അൽ-ഖത്താബി رحمه الله
വഫാത്ത്: 388 ഹി.
📚 കിതാബ്: മആലിമുസ്സുനൻ
📖 വാള്യം: 4, പേജ്: 301
«كلّ مُحدَثةٍ بدعةٌ»، فإن هذا خاصٌ في بعض الأمور دون بعض، وكل شيء أُحدِث على غير أصل من أصول الدين، وعلى غير عياره وقياسه، وأما ما كان منها مبنيًا على قواعد الأصول ومردودًا إليها فليس ببدعة ولا ضلالة.
പരിഭാഷ:
“എല്ലാ പുതുതായി ഉണ്ടായ കാര്യവും ബിദ്അത്താണ്” എന്നത് ചില കാര്യങ്ങളെ മാത്രം ഉദ്ദേശിച്ചുള്ളതാണ്; എല്ലാറ്റിനെയും ഉൾക്കൊള്ളുന്നതല്ല.
ദീനിന്റെ അടിസ്ഥാനങ്ങളിൽ യാതൊരു അടിസ്ഥാനവുമില്ലാതെ, അതിന്റെ മാനദണ്ഡങ്ങൾക്കും നിയമതത്വങ്ങൾക്കും വിരുദ്ധമായി പുതുതായി ഉണ്ടായ കാര്യമാണ് ബിദ്അത്ത്. എന്നാൽ ദീനിന്റെ അടിസ്ഥാന നിയമങ്ങളിൽ അധിഷ്ഠിതമായതും അവയിലേക്ക് തിരിച്ചുകൊണ്ടുവരാൻ കഴിയുന്നതുമായ കാര്യം ബിദ്അത്തോ വഴികേടോ അല്ല.
③ ഹാഫിള് ഇബ്നു അബ്ദിൽ ബർ رحمه الله
വഫാത്ത്: 463 ഹി.
📚 കിതാബ്: അൽ-ഇസ്തിദ്കാർ
📖 വാള്യം: 2, പേജ്: 53
وما كان من بدعة لا تخالفُ أصلَ الشريعة والسنة فتلك (نعمت البدعة) كما قال عمر.
പരിഭാഷ:
ശരീഅത്തിന്റെയും സുന്നത്തിന്റെയും അടിസ്ഥാനങ്ങൾക്ക് വിരുദ്ധമല്ലാത്ത ബിദ്അത്ത് “എത്ര നല്ല ബിദ്അത്ത്!” എന്ന വിഭാഗത്തിൽപ്പെടുന്നു. ഉമർ رضي الله عنه പറഞ്ഞതുപോലെ.
④ ഇമാം ഖാദി ഇയാദ് رحمه الله
വഫാത്ത്: 544 ഹി.
📚 കിതാബ്: മശാരിഖുൽ അൻവാർ അലാ സിഹാഹിൽ ആഥാർ
📖 വാള്യം: 1, പേജ്: 81
والبدعة: فعل ما لم يسبق إليه، فما وافق أصلًا من السنة يقاس عليها، فهو محمود، وما خالف أصول السنن، فهو ضلالة، ومنه قوله: كل بدعة ضلالة.
പരിഭാഷ:
മുമ്പ് ചെയ്യപ്പെട്ടിട്ടില്ലാത്ത ഒരു കാര്യം ചെയ്യുന്നതാണ് ബിദ്അത്ത്. സുന്നത്തിലെ ഒരു അടിസ്ഥാനത്തോട് യോജിക്കുന്നതും അതിനോട് ഉപമിക്കാവുന്നതുമായ കാര്യം പ്രശംസനീയമാണ്. സുന്നത്തിന്റെ അടിസ്ഥാനങ്ങൾക്ക് വിരുദ്ധമായത് വഴികേടാണ്. “എല്ലാ ബിദ്അത്തും വഴികേടാണ്” എന്ന വചനവും ഇതിൽ ഉൾപ്പെടുന്നു.
⑤ ഇമാം ഇബ്നുൽ അഥീർ അൽ-ജസരി رحمه الله
വഫാത്ത്: 606 ഹി.
📚 കിതാബ്: അന്നിഹായ ഫീ ഗരീബിൽ ഹദീസി വൽഅഥർ
📖 വാള്യം: 1, പേജ്: 106
البدعة بدعتان: بدعة هدى، وبدعة ضلال؛ فما كان في خلاف ما أمر الله به ورسوله، فهو في حيز الذم والإنكار، وما كان واقعاً تحت عموم ما ندب الله إليه، وحضَّ عليه الله أو رسوله فهو في حيز المدح...
പരിഭാഷ:
ബിദ്അത്ത് രണ്ട് തരമാണ്: സന്മാർഗത്തിന്റെ ബിദ്അത്തും വഴികേടിന്റെ ബിദ്അത്തും.
അല്ലാഹുവും അവന്റെ റസൂലും കൽപ്പിച്ചതിന് വിരുദ്ധമായത് നിന്ദിക്കപ്പെടുകയും നിരാകരിക്കപ്പെടുകയും ചെയ്യും. എന്നാൽ അല്ലാഹുവോ അവന്റെ റസൂലോ പ്രോത്സാഹിപ്പിച്ച കാര്യങ്ങളുടെ പൊതുവായ പരിധിയിൽ ഉൾപ്പെടുന്നത് പ്രശംസിക്കപ്പെടുന്നതാണ്.
وعلى هذا التأويل يُحمل الحديث الآخر «كلّ مُحدَثةٍ بدعةٌ» إنما يريد ما خالف أصول الشريعة ولم يوافق السنة...
പരിഭാഷ:
ഈ വിശദീകരണത്തിന്റെ അടിസ്ഥാനത്തിലാണ് “എല്ലാ പുതുതായി ഉണ്ടായ കാര്യവും ബിദ്അത്താണ്” എന്ന ഹദീസ് മനസ്സിലാക്കേണ്ടത്. ശരീഅത്തിന്റെ അടിസ്ഥാനങ്ങൾക്ക് വിരുദ്ധവും സുന്നത്തിനോട് യോജിക്കാത്തതുമായ കാര്യങ്ങളെയാണ് അതിൽ ഉദ്ദേശിക്കുന്നത്.
⑥ ഇമാം അബൂൽ അബ്ബാസ് അൽ-ഖുർതുബി رحمه الله
വഫാത്ത്: 656 ഹി.
📚 കിതാബ്: അൽ-മുഫ്ഹിം ലിമാ അശ്കല മിൻ തൽഖീസി കിതാബി മുസ്ലിം
📖 വാള്യം: 2, പേജ്: 508
وقوله «شرَّ الأمورِ مُحدثاتُها» يعني: المحدثات التي ليس لها في الشريعة أصل يشهد لها بالصحة والجواز، وهي المسمّاة بالبدع...
പരിഭാഷ:
“കാര്യങ്ങളിൽ ഏറ്റവും മോശപ്പെട്ടത് പുതുതായി ഉണ്ടായ കാര്യങ്ങളാണ്” എന്നതിന്റെ അർത്ഥം: ശരീഅത്തിൽ അവയുടെ സാധുതയ്ക്കോ അനുവദനീയതയ്ക്കോ സാക്ഷ്യം നൽകുന്ന യാതൊരു അടിസ്ഥാനവുമില്ലാത്ത പുതുതായി ഉണ്ടായ കാര്യങ്ങളാണ്. അവയ്ക്കാണ് ബിദ്അത്ത് എന്ന് പറയുന്നത്.
⑦ സുൽത്താനുൽ ഉലമാ ഇസ്സുദ്ദീൻ ഇബ്നു അബ്ദിസ്സലാം رحمه الله
വഫാത്ത്: 660 ഹി.
📚 കിതാബ്: ഖവാഇദുൽ അഹ്കാം ഫീ മസാലിഹിൽ അനാം
📖 വാള്യം: 2, പേജ്: 204
البدعة فعل ما لم يُعهد في عصر رسول الله - صلى الله عليه وسلم - وهي منقسمة إلى: بدعة واجبة، وبدعة محرمة، وبدعة مندوبة، وبدعة مكروهة، وبدعة مباحة...
പരിഭാഷ:
റസൂൽ ﷺയുടെ കാലത്ത് പരിചിതമല്ലാതിരുന്ന ഒരു കാര്യം ചെയ്യുന്നതാണ് ബിദ്അത്ത്. അത് അഞ്ച് വിഭാഗമാണ്: നിർബന്ധമായ ബിദ്അത്ത്, ഹറാമായ ബിദ്അത്ത്, ശുപാർശ ചെയ്യപ്പെട്ട ബിദ്അത്ത്, മക്റൂഹായ ബിദ്അത്ത്, മുബാഹായ ബിദ്അത്ത്.
⑧ ഇമാം നവവി رحمه الله
വഫാത്ത്: 676 ഹി.
📚 കിതാബ്: അൽ-മിൻഹാജ് ശർഹു സ്വഹീഹി മുസ്ലിം
📖 വാള്യം: 6, പേജ്: 154
«كلّ بدعةٍ ضلالةٌ» هذا عام مخصوص، والمراد غالب البدع، قال أهل اللغة: هي كل شيء عُمِل على غير مثال سابق، قال العلماء: البدعة خمسة أقسام: واجبة ومندوبة ومحرمة ومكروهة ومباحة.
പരിഭാഷ:
“എല്ലാ ബിദ്അത്തും വഴികേടാണ്” എന്നത് പൊതുവായ വചനമാണെങ്കിലും പ്രത്യേകമായി പരിമിതപ്പെടുത്തിയതാണ്. ഉദ്ദേശിക്കുന്നത് ഭൂരിഭാഗം ബിദ്അത്തുകളാണ്.
പണ്ഡിതന്മാർ പറഞ്ഞു: ബിദ്അത്ത് അഞ്ച് വിഭാഗമാണ്: നിർബന്ധം, ശുപാർശ, ഹറാം, മക്റൂഹ്, മുബാഹ്.
⑨ ഇബ്നുൽ ഹാജ് അൽ-അബ്ദരി رحمه الله
വഫാത്ത്: 737 ഹി.
📚 കിതാബ്: അൽ-മദ്ഖൽ
📖 വാള്യം: 4, പേജ്: 277
فإن البدع ثلاثة أضرب: أحدها: ما كان مباحًا كالتوسع في المأكل والمشارب والملابس والمناكح فلا بأس بشيء من ذلك، الضرب الثاني: ما كان حسناً، وهو كل مبتدع موافق لقواعد الشريعة غير مخالف لشيء... الضرب الثالث: ما كان مخالفًا للشرع الشريف أو مستلزمًا لمخالفة الشرع الشريف.
പരിഭാഷ:
ബിദ്അത്ത് മൂന്ന് തരമാണ്.
ഒന്ന്: മുബാഹായ കാര്യങ്ങൾ — ഭക്ഷണം, പാനീയം, വസ്ത്രം, വിവാഹം തുടങ്ങിയവയിൽ സൗകര്യപ്രകാരം വിപുലീകരിക്കുന്നത്.
രണ്ട്: നല്ല ബിദ്അത്ത് — ശരീഅത്തിന്റെ നിയമതത്വങ്ങളോട് യോജിക്കുകയും അവയ്ക്കൊന്നിനും വിരുദ്ധമാകാതിരിക്കുകയും ചെയ്യുന്ന പുതുതായി ഉണ്ടായ കാര്യം.
മൂന്ന്: ശരീഅത്തിന് വിരുദ്ധമായതോ ശരീഅത്തിന് വിരുദ്ധതയിലേക്ക് നയിക്കുന്നതോ ആയ കാര്യം.
⑩ ഇമാം അൽ-കിർമാനി رحمه الله
വഫാത്ത്: 786 ഹി.
📚 കിതാബ്: അൽ-കവാകിബുദ്ദറാരി ഫീ ശർഹി സ്വഹീഹിൽ ബുഖാരി
📖 വാള്യം: 9, പേജ്: 3
والبدع خمسة أنواع: واجبة ومندوبة ومحرمة ومكروهة ومباحة.
പരിഭാഷ:
ബിദ്അത്ത് അഞ്ച് തരമാണ്: നിർബന്ധമായത്, ശുപാർശ ചെയ്യപ്പെട്ടത്, ഹറാമായത്, മക്റൂഹായത്, മുബാഹായത്.
⑪ ഹാഫിള് ഇബ്നു റജബ് അൽ-ഹൻബലി رحمه الله
വഫാത്ത്: 795 ഹി.
📚 കിതാബ്: ജാമിഉൽ ഉലൂമി വൽഹികം
📖 വാള്യം: 2, പേജ്: 131
البدعة المذمومة: ما ليس لها أصل من الشريعة يرجع إليه، وهي البدعة في إطلاق الشرع، وأما البدعة المحمودة: فما وافق السنة...
പരിഭാഷ:
നിന്ദിക്കപ്പെടുന്ന ബിദ്അത്ത് എന്നത് ശരീഅത്തിൽ തിരിച്ചുകൊണ്ടുപോകാൻ കഴിയുന്ന യാതൊരു അടിസ്ഥാനവുമില്ലാത്ത കാര്യമാണ്.
എന്നാൽ പ്രശംസനീയമായ ബിദ്അത്ത് സുന്നത്തിനോട് യോജിക്കുന്നതാണ്. അതായത് സുന്നത്തിൽ അതിലേക്ക് തിരിച്ചുകൊണ്ടുപോകാൻ കഴിയുന്ന ഒരു അടിസ്ഥാനമുള്ള കാര്യം. അതിനാൽ അത് ഭാഷാപരമായി ബിദ്അത്താണ്; ശരീഅത്തിന്റെ സാങ്കേതിക അർത്ഥത്തിൽ ബിദ്അത്തല്ല.
⑫ ഹാഫിള് സിറാജുദ്ദീൻ ഇബ്നുൽ മുലഖിൻ رحمه الله
വഫാത്ത്: 804 ഹി.
📚 കിതാബ്: അത്തൗളീഹ് ലിശർഹിൽ ജാമിഇസ്സ്വഹീഹ്
📖 വാള്യം: 13, പേജ്: 554
والبدعة: اختراع ما لم يكن قبل، فما خالف السنة فهو بدعة ضلالة، وما وافقها فهو بدعة هدى.
പരിഭാഷ:
മുമ്പ് ഉണ്ടായിട്ടില്ലാത്ത കാര്യം പുതുതായി ഉണ്ടാക്കുന്നതാണ് ബിദ്അത്ത്. സുന്നത്തിന് വിരുദ്ധമായത് വഴികേടിന്റെ ബിദ്അത്താണ്. സുന്നത്തിനോട് യോജിക്കുന്നതാകട്ടെ സന്മാർഗത്തിന്റെ ബിദ്അത്താണ്.
📚 മറ്റൊരു കിതാബ്: അൽ-മുഈൻ അലാ തഫഹ്ഹുമിൽ അർബഈൻ
📖 പേജ്: 338
وإنما يُذم من البدعة ما خالف السنة؛ ومن المحدث: ما دعا إلى ضلالة...
പരിഭാഷ:
ബിദ്അത്തിൽ നിന്ന് നിന്ദിക്കപ്പെടുന്നത് സുന്നത്തിന് വിരുദ്ധമായതാണ്. പുതുതായി ഉണ്ടായ കാര്യങ്ങളിൽ വഴികേടിലേക്ക് ക്ഷണിക്കുന്നതാണ് നിന്ദിക്കപ്പെടുന്നത്. അതിനാൽ ശരീഅത്തിന്റെ യാതൊരു തെളിവും പിന്തുണയ്ക്കാത്ത ബിദ്അത്താണ് ഹദീസിൽ ഉദ്ദേശിക്കുന്നത്.
⑬ ഹാഫിള് അബൂ സുർഅ അൽ-ഇറാഖി رحمه الله
വഫാത്ത്: 826 ഹി.
📚 കിതാബ്: തർഹുത്തഥ്രീബ് ഫീ ശർഹിത്തഖ്രീബ്
📖 വാള്യം: 3, പേജ്: 65
الظاهر أن من عدَّ صلاة الضحى بدعة لا يراها من البدع المذمومة، بل هي بدعة محمودة؛ فإن الصلاة خير موضوع، وليس فيها ابتداع أمر ينكره الشرع.
പരിഭാഷ:
ദുഹാ നമസ്കാരത്തെ ബിദ്അത്ത് എന്ന് എണ്ണിയ വ്യക്തി അതിനെ നിന്ദിക്കപ്പെടുന്ന ബിദ്അത്തായി കണ്ടിട്ടില്ല. മറിച്ച് അത് പ്രശംസനീയമായ ബിദ്അത്താണ്. കാരണം നമസ്കാരം ഏറ്റവും നല്ല ഇബാദത്തുകളിൽ ഒന്നാണ്; ശരീഅത്ത് നിഷേധിക്കുന്ന ഒരു കാര്യം അതിൽ പുതുതായി ഉണ്ടാക്കിയിട്ടില്ല.
⑭ ഇമാം അബൂ അബ്ദില്ലാഹ് അൽ-ഉബ്ബി رحمه الله
വഫാത്ത്: 827 ഹി.
📚 കിതാബ്: ഇക്മാലു ഇക്മാലിൽ മുഅല്ലിം
📖 വാള്യം: 3, പേജ്: 23
البدعة لغة: ما أُحدِثت ولم يسبق لها مثالٌ، وحديث «كلّ بدعةٍ ضلالةٌ» من العام المخصوص؛ لأن البدع خمس...
പരിഭാഷ:
ഭാഷാപരമായി ബിദ്അത്ത് എന്നത് മുമ്പ് മാതൃകയില്ലാത്ത രീതിയിൽ പുതുതായി ഉണ്ടായ കാര്യമാണ്. “എല്ലാ ബിദ്അത്തും വഴികേടാണ്” എന്ന ഹദീസ് പൊതുവായതാണെങ്കിലും പ്രത്യേകമായി പരിമിതപ്പെടുത്തിയതാണ്. കാരണം ബിദ്അത്ത് അഞ്ച് വിഭാഗമാണ്.
📖 വാള്യം: 7, പേജ്: 109
ويدخل في السُّنّة الحسنة: البدع المستحسنة.
പരിഭാഷ:
നല്ല സുന്നത്തിന്റെ പരിധിയിൽ പ്രശംസിക്കപ്പെട്ട ബിദ്അത്തുകളും ഉൾപ്പെടുന്നു.
⑮ ഇമാം ശംസുദ്ദീൻ അൽ-ബിർമാവി رحمه الله
വഫാത്ത്: 831 ഹി.
📚 കിതാബ്: അൽ-ലാമിഉസ്സബീഹ് ബിശർഹിൽ ജാമിഇസ്സ്വഹീഹ്
📖 വാള്യം: 6, പേജ്: 226
والبدعة تكون واجبة، ومندوبة، ومباحة، ومكروهة، وحرامًا.
പരിഭാഷ:
ബിദ്അത്ത് നിർബന്ധമായതും, ശുപാർശ ചെയ്യപ്പെട്ടതും, മുബാഹായതും, മക്റൂഹായതും, ഹറാമായതും ആകാം.
⑯ ഹാഫിള് ഇബ്നു ഹജർ അൽ-അസ്ഖലാനി رحمه الله
വഫാത്ത്: 852 ഹി.
📚 കിതാബ്: ഫത്ഹുൽ ബാരി ശർഹു സ്വഹീഹിൽ ബുഖാരി
📖 വാള്യം: 2, പേജ്: 458
وكل ما لم يكن في زمنه يسمى بدعة، لكن منها ما يكون حسنًا، ومنها ما يكون بخلاف ذلك.
പരിഭാഷ:
നബി ﷺയുടെ കാലത്ത് ഉണ്ടായിരുന്നില്ലാത്ത എല്ലാ കാര്യങ്ങൾക്കും ബിദ്അത്ത് എന്ന് പറയാം. എന്നാൽ അതിൽ ചിലത് നല്ലതായിരിക്കും; ചിലത് അങ്ങനെയല്ലാത്തതും ആയിരിക്കും.
📖 വാള്യം: 4, പേജ്: 253
والتحقيق أن البدعة إن كانت مما تندرج تحت مستحسن في الشرع فهي حسنة، وإن كانت مما تندرج تحت مستقبح في الشرع فهي مستقبحة، وإلا فهي من قسم المباح، وقد تنقسم إلى الأحكام الخمسة.
പരിഭാഷ:
കൃത്യമായ നിലപാട് ഇതാണ്: ബിദ്അത്ത് ശരീഅത്തിൽ പ്രശംസിക്കപ്പെട്ട ഒരു കാര്യത്തിന്റെ പരിധിയിൽ വരുന്നതാണെങ്കിൽ അത് നല്ല ബിദ്അത്താണ്. ശരീഅത്തിൽ നിന്ദിക്കപ്പെട്ട കാര്യത്തിന്റെ പരിധിയിൽ വരുന്നതാണെങ്കിൽ അത് നിന്ദിക്കപ്പെട്ടതാണ്. അല്ലാത്തപക്ഷം അത് മുബാഹിന്റെ വിഭാഗത്തിലാണ്. അങ്ങനെ ബിദ്അത്ത് അഞ്ച് വിധികളായി വിഭജിക്കപ്പെടാം.
📖 വാള്യം: 13, പേജ്: 253
والمُحدَثات - بفتح الدال - جمع محدَثة، والمراد بها: ما أُحدِث وليس له أصل في الشرع، ويسمى في عرف الشرع بدعة، وما كان له أصل يدل عليه الشرع فليس ببدعة.
പരിഭാഷ:
ശരീഅത്തിൽ യാതൊരു അടിസ്ഥാനവുമില്ലാതെ പുതുതായി ഉണ്ടായ കാര്യങ്ങളെയാണ് ഇവിടെ ഉദ്ദേശിക്കുന്നത്. ശരീഅത്തിന്റെ സാങ്കേതിക പ്രയോഗത്തിൽ അതിനെയാണ് ബിദ്അത്ത് എന്ന് വിളിക്കുന്നത്. എന്നാൽ ശരീഅത്ത് അതിന് അടിസ്ഥാനമായി തെളിവ് നൽകുന്നുണ്ടെങ്കിൽ അത് ബിദ്അത്തല്ല.
⑰ ഇമാം ബദ്റുദ്ദീൻ അൽ-ഐനി رحمه الله
വഫാത്ത്: 855 ഹി.
📚 കിതാബ്: ഉംദത്തുൽ ഖാരി ശർഹു സ്വഹീഹിൽ ബുഖാരി
📖 വാള്യം: 8, പേജ്: 396
والبدعة لغة: كل شيء عُمِل على غير مثال سابق، وشرعاً: إحداث ما لم يكن له أصل في عهد رسول الله – صلى الله عليه وسلم - وهي على قسمين: بدعة ضلالة... وبدعة حسنة...
പരിഭാഷ:
ഭാഷാപരമായി ബിദ്അത്ത് എന്നത് മുമ്പ് മാതൃകയില്ലാത്ത രീതിയിൽ ചെയ്ത എല്ലാ കാര്യവുമാണ്. ശരീഅത്തിന്റെ അർത്ഥത്തിൽ, റസൂൽ ﷺയുടെ കാലത്ത് അടിസ്ഥാനമില്ലാതിരുന്ന കാര്യം പുതുതായി ഉണ്ടാക്കുന്നതാണ്.
അത് രണ്ട് വിഭാഗമാണ്: വഴികേടായ ബിദ്അത്തും നല്ല ബിദ്അത്തും.
⑱ ഇമാം ശംസുദ്ദീൻ അൽ-കൂറാനി رحمه الله
വഫാത്ത്: 893 ഹി.
📚 കിതാബ്: അൽ-കൗഥറുൽ ജാരി ഇലാ റിയാദി അഹാദീസിൽ ബുഖാരി
📖 വാള്യം: 4, പേജ്: 331
فإن قلت: ففي الحديث: «كلَّ بدعةٍ ضلالةٌ»؟ قلتُ: أراد بدعة لا أصل لها في الإسلام؛ بدليل قوله: «مَنْ سَنَّ سُنَّةً حَسَنَةً فَلَهُ أَجْرُهَا وَأَجْرُ مَنْ عَمِلَ بِهَا إِلَى يَوْمِ الْقِيَامَةِ».
പരിഭാഷ:
“എല്ലാ ബിദ്അത്തും വഴികേടാണ്” എന്ന ഹദീസിൽ പറഞ്ഞിട്ടില്ലേ?
ഉത്തരം: ഇസ്ലാമിൽ യാതൊരു അടിസ്ഥാനവുമില്ലാത്ത ബിദ്അത്താണ് ഉദ്ദേശിച്ചത്. അതിന് തെളിവാണ് “ആരെങ്കിലും ഒരു നല്ല സുന്നത്ത് ആരംഭിച്ചാൽ അതിന്റെ പ്രതിഫലവും അതനുസരിച്ച് പ്രവർത്തിക്കുന്നവരുടെ പ്രതിഫലവും അവന് ലഭിക്കും” എന്ന നബി ﷺയുടെ വചനം.
⑲ ഹാഫിള് ശംസുദ്ദീൻ സഖാവി رحمه الله
വഫാത്ത്: 902 ഹി.
📚 കിതാബ്: ഫത്ഹുൽ മുഗീസ് ബിശർഹി അൽഫിയത്തിൽ ഹദീസ്
📖 വാള്യം: 2, പേജ്: 61
والبدعة هي ما أُحدِث على غير مثال متقدم، فيشمل المحمود والمذموم، ولذا قسمها العز بن عبد السلام إلى الأحكام الخمسة.
പരിഭാഷ:
മുമ്പ് മാതൃകയില്ലാതെ പുതുതായി ഉണ്ടായ കാര്യമാണ് ബിദ്അത്ത്. അതിനാൽ പ്രശംസനീയമായതും നിന്ദിക്കപ്പെടുന്നതും അതിൽ ഉൾപ്പെടുന്നു. അതുകൊണ്ടാണ് ഇസ്സുദ്ദീൻ ഇബ്നു അബ്ദിസ്സലാം ബിദ്അത്തിനെ അഞ്ച് വിധികളായി വിഭജിച്ചത്.
⑳ ഇമാം ജലാലുദ്ദീൻ അസ്സുയൂത്തി رحمه الله
വഫാത്ത്: 911 ഹി.
📚 കിതാബ്: അദ്ദീബാജ് അലാ സ്വഹീഹി മുസ്ലിം
📖 വാള്യം: 2, പേജ്: 445
قوله: «وكلَّ بدعةٍ ضلالةٌ» قال النووي: هذا عام مخصوص، والمراد غالب البدع، فإن البدعة خمسة أقسام: واجبة ومندوبة ومحرمة ومكروهة ومباحة.
പരിഭാഷ:
“എല്ലാ ബിദ്അത്തും വഴികേടാണ്” എന്ന വചനത്തെക്കുറിച്ച് ഇമാം നവവി പറഞ്ഞു: ഇത് പൊതുവായ വചനമാണെങ്കിലും പ്രത്യേകമായി പരിമിതപ്പെടുത്തിയതാണ്. ഉദ്ദേശിക്കുന്നത് ഭൂരിഭാഗം ബിദ്അത്തുകളാണ്. കാരണം ബിദ്അത്ത് അഞ്ച് വിഭാഗമാണ്: നിർബന്ധം, ശുപാർശ, ഹറാം, മക്റൂഹ്, മുബാഹ്.
㉑ ഇമാം അൽ-ഖസ്തലാനി رحمه الله
വഫാത്ത്: 923 ഹി.
📚 കിതാബ്: ഇർശാദുസ്സാരി ലിശർഹി സ്വഹീഹിൽ ബുഖാരി
📖 വാള്യം: 3, പേജ്: 426
وهي خمسة: واجبة ومندوبة ومحرمة ومكروهة ومباحة، وحديث «كلَّ بدعةٍ ضلالةٌ» من العام المخصوص.
പരിഭാഷ:
ബിദ്അത്ത് അഞ്ച് വിഭാഗമാണ്: നിർബന്ധമായത്, ശുപാർശ ചെയ്യപ്പെട്ടത്, ഹറാമായത്, മക്റൂഹായത്, മുബാഹായത്. “എല്ലാ ബിദ്അത്തും വഴികേടാണ്” എന്ന ഹദീസ് പൊതുവായതാണെങ്കിലും പ്രത്യേകമായി പരിമിതപ്പെടുത്തിയതാണ്.
㉒ ശൈഖുൽ ഇസ്ലാം സകരിയ്യ അൽ-അൻസാരി رحمه الله
വഫാത്ത്: 926 ഹി.
📚 കിതാബ്: മിൻഹതുല് ബാരി ബിശർഹി സ്വഹീഹിൽ ബുഖാരി
📖 വാള്യം: 4, പേജ്: 229
والبدعةُ تكون واجبة، ومندوبة، ومباحة، ومكروهة، وحرامًا، وأما خبر: «كلَّ بدعةٍ ضلالةٌ» فَمن العام المخصوص.
പരിഭാഷ:
ബിദ്അത്ത് നിർബന്ധമായതും, ശുപാർശ ചെയ്യപ്പെട്ടതും, മുബാഹായതും, മക്റൂഹായതും, ഹറാമായതും ആകാം. “എല്ലാ ബിദ്അത്തും വഴികേടാണ്” എന്ന ഹദീസ് പൊതുവായതാണെങ്കിലും പ്രത്യേകമായി പരിമിതപ്പെടുത്തിയതാണ്.
㉓ ഇമാം മുഹമ്മദ് ബിൻ അബ്ദിൽ ബാഖി അസ്സർഖാനി رحمه الله
വഫാത്ത്: 1122 ഹി.
📚 കിതാബ്: ശർഹു അസ്സർഖാനി അലൽ മുവത്ത്വ
📖 വാള്യം: 1, പേജ്: 418
تنقسم إلى الأحكام الخمسة، وحديث «كلَّ بدعةٍ ضلالةٌ» عام مخصوص.
പരിഭാഷ:
ബിദ്അത്ത് അഞ്ച് ശരീഅത്ത് വിധികളായി വിഭജിക്കപ്പെടുന്നു. “എല്ലാ ബിദ്അത്തും വഴികേടാണ്” എന്ന ഹദീസ് പൊതുവായതാണെങ്കിലും പ്രത്യേകമായി പരിമിതപ്പെടുത്തിയതാണ്.
㉔ ഇമാം മുർതദാ അസ്സബീദി رحمه الله
വഫാത്ത്: 1205 ഹി.
📚 കിതാബ്: താജുൽ അറൂസ് മിൻ ജവാഹിരിൽ ഖാമൂസ്
അദ്ദേഹം ഇബ്നുൽ അഥീർ رحمه الله പറഞ്ഞ ബിദ്അത്തിന്റെ നിർവചനവും വിഭജനവും ഉദ്ധരിക്കുകയും അതിനെ വിശദീകരണമായി സ്വീകരിക്കുകയും ചെയ്തിട്ടുണ്ട്.
㉕ ഇമാം മുഹമ്മദ് അബ്ദുൽ ഹയ്യ് അൽ-ലക്നവി رحمه الله
വഫാത്ത്: 1304 ഹി.
📚 കിതാബ്: ഇഖാമതുല്ലുജ്ജതി അലാ അന്നൽ ഇക്ഥാറ ഫിത്തഅബ്ബുദി ലൈസ ബിദ്അ
📖 പേജ്: 56
أن الحادث بعد الأزمان الثلاثة يُعرض على أدلة الشرع، فإن وُجد نظيرُه في العهود الثلاثة، أو دخل في قاعدة من قواعد الشرع: لم يكن بدعة...
പരിഭാഷ:
ആദ്യത്തെ മൂന്ന് തലമുറകൾക്ക് ശേഷം ഉണ്ടായ ഒരു കാര്യത്തെ ശരീഅത്തിന്റെ തെളിവുകൾക്ക് മുന്നിൽ അവതരിപ്പിക്കണം. ആദ്യത്തെ മൂന്ന് തലമുറകളിൽ അതിന് സമാനമായ കാര്യം ഉണ്ടായിരുന്നെങ്കിൽ, അല്ലെങ്കിൽ അത് ശരീഅത്തിന്റെ ഏതെങ്കിലും നിയമതത്വത്തിൽ ഉൾപ്പെട്ടിരുന്നെങ്കിൽ അത് ബിദ്അത്തല്ല.
ശരീഅത്തിൽ യാതൊരു അടിസ്ഥാനവുമില്ലാത്ത കാര്യമാണ് ബിദ്അത്ത്. അതിന് ശരീഅത്തിന്റെ അടിസ്ഥാനങ്ങളിൽ ഒന്നും ഇല്ലെങ്കിൽ അത് വഴികേടിന്റെ ബിദ്അത്താകും.
㉖ മുഹമ്മദ് ഹബീബുല്ലാഹ് അശ്ശൻഖീതി رحمه الله
വഫാത്ത്: 1363 ഹി.
📚 കിതാബ്: ഫത്ഹുൽ മുന്ഇം ബിബയാനി മാ ഇഹ്തീജ ലിബയാനിഹി മിൻ സാദിൽ മുസ്ലിം
📖 വാള്യം: 3, പേജ്: 46
وقد نصّ علماءُ السنة من المحدثين والأصوليين وفقهاء المذاهب: على أن قوله - عليه الصلاة والسلام «كلَّ بدعةٍ ضلالةٌ» من العام المخصوص؛ لما تقدم من أن البدعة تنقسم على الخمسة الأقسام المذكورة.
പരിഭാഷ:
സുന്നത്തിലെ മുഹദ്ദിസുകളും ഉസൂൽ പണ്ഡിതന്മാരും മദ്ഹബുകളുടെ ഫുഖഹാക്കളും വ്യക്തമാക്കിയിട്ടുണ്ട്: “എല്ലാ ബിദ്അത്തും വഴികേടാണ്” എന്ന നബി ﷺയുടെ വചനം പൊതുവായതാണെങ്കിലും പ്രത്യേകമായി പരിമിതപ്പെടുത്തിയതാണ്. കാരണം ബിദ്അത്ത് അഞ്ച് വിഭാഗങ്ങളായി വിഭജിക്കപ്പെടുന്നു.
㉗ ശബീർ അഹ്മദ് ഉസ്മാനി رحمه الله
വഫാത്ത്: 1369 ഹി.
📚 കിതാബ്: ഫത്ഹുൽ മുല്ഹിം ബിശർഹി സ്വഹീഹി മുസ്ലിം
📖 വാള്യം: 5, പേജ്: 329–336
والحاصل أن البدعة الشرعية، هي إحداث أمر ليس له ثبوتٌ بواحد من الأصول الأربعة الدينية، زاعمًا أنه من الدين، ومَظِنة للإثابة من الله والتحسين.
പരിഭാഷ:
ചുരുക്കത്തിൽ, ശരീഅത്തിന്റെ സാങ്കേതിക അർത്ഥത്തിലുള്ള ബിദ്അത്ത് എന്നത് ദീനിന്റെ നാല് അടിസ്ഥാനങ്ങളിൽ ഒന്നിലും തെളിവില്ലാത്ത ഒരു കാര്യം പുതുതായി ഉണ്ടാക്കി, അത് ദീനിൽപ്പെട്ടതാണെന്നും അതിലൂടെ അല്ലാഹുവിന്റെ പ്രതിഫലം ലഭിക്കുമെന്നും നല്ല കാര്യമാണെന്നും കരുതുന്നതാണ്.
㉘ അല്ലാമ അബ്ദുല്ലാഹ് ബിൻ സിദ്ദീഖ് അൽ-ഗുമാരി رحمه الله
വഫാത്ത്: 1413 ഹി.
📚 കിതാബ്: ഇത്ഖാനുസ്സൻഅ ഫീ തഹ്ഖീഖി മഅ്നൽ ബിദ്അ
يُعلم مما مر: أن العلماء متفقون على انقسام البدعة إلى محمودة ومذمومة، وأن عمر - رضي الله عنه - أول من نطق بذلك، ومتفقون على أن قول النبي - صلى الله عليه وسلم: «كلَّ بدعةٍ ضلالةٌ» عام مخصوص...
പരിഭാഷ:
മുകളിൽ പറഞ്ഞ കാര്യങ്ങളിൽ നിന്ന് മനസ്സിലാകുന്നത്: പണ്ഡിതന്മാർ ബിദ്അത്ത് പ്രശംസനീയവും നിന്ദനീയവുമായി വിഭജിക്കുന്ന കാര്യത്തിൽ ഏകാഭിപ്രായക്കാരാണ്.
“എല്ലാ ബിദ്അത്തും വഴികേടാണ്” എന്ന നബി ﷺയുടെ വചനം പൊതുവായതാണെങ്കിലും പ്രത്യേകമായി പരിമിതപ്പെടുത്തിയതാണ് എന്നും അവർ അംഗീകരിക്കുന്നു.
ഇമാം ശാതിബി رحمه الله ഈ വിഭജനം നിഷേധിച്ചെങ്കിലും, നിർബന്ധമായോ ശുപാർശയായോ ആവശ്യപ്പെടുന്ന ചില കാര്യങ്ങൾ ഉണ്ടെന്ന് അദ്ദേഹം അംഗീകരിച്ചു. അവയെ അദ്ദേഹം മസ്ലഹതുൽ മുർസല എന്ന പേരിലാണ് വിളിച്ചത്. അതിനാൽ അദ്ദേഹവുമായുള്ള അഭിപ്രായവ്യത്യാസം പ്രധാനമായും പദപ്രയോഗപരമാണ്.
🔴 ചുരുക്കത്തിൽ
ഈ ഉദ്ധരണികളിൽ നിന്ന് വ്യക്തമായി കാണുന്നത്:
ബിദ്അത്ത് എന്ന പദം ഭാഷാപരമായി എല്ലാ പുതിയ കാര്യങ്ങൾക്കും ഉപയോഗിക്കാം. എന്നാൽ ശരീഅത്തിന്റെ അടിസ്ഥാനങ്ങളോട് യോജിക്കുന്ന പുതുമയും ശരീഅത്തിന്റെ അടിസ്ഥാനങ്ങൾക്ക് വിരുദ്ധമായ പുതുമയും പണ്ഡിതന്മാർ വേർതിരിച്ചിട്ടുണ്ട്.
ഇമാം ശാഫിഈ, ഖത്താബി, ഇബ്നു അബ്ദിൽ ബർ, ഖാദി ഇയാദ്, ഇബ്നുൽ അഥീർ, ഇസ്സുദ്ദീൻ ഇബ്നു അബ്ദിസ്സലാം, ഇമാം നവവി, ഇബ്നു ഹജർ, ഐനി, സഖാവി, സുയൂത്തി, ഖസ്തലാനി തുടങ്ങിയ നിരവധി പ്രമുഖ പണ്ഡിതന്മാർ ഈ വ്യത്യാസം വ്യക്തമാക്കിയിട്ടുണ്ട്.
അതേസമയം “كُلُّ بِدْعَةٍ ضَلَالَةٌ” — “എല്ലാ ബിദ്അത്തും വഴികേടാണ്” എന്ന ഹദീസ് അവർ ശരീഅത്തിന്റെ അടിസ്ഥാനമില്ലാത്ത, സുന്നത്തിന് വിരുദ്ധമായ ബിദ്അത്തുകളെ ഉദ്ദേശിച്ചുള്ള പൊതുവചനമായി വിശദീകരിക്കുന്നു.
അസ്ലം കാമിൽ സഖാഫി
✦🔅ﷺ🔅●﷽●🔅🔅ﷺ ✦*
https://t.me/ahlussunnahva
https://chat.whatsapp.com/25iXC28SbjWFoTZeUBXBoh?s=cl&p=a&ilr=4
അഹ്ലുസ്സുന്നയുടെ ആദർശ പഠനത്തിന് ഇസ്ലാമിക് ഗ്ലോബൽ വോയ്സ് ബ്ലോഗ് ഉപയോഗപ്പെടുത്തുക
http://islamicglobalvoice.blogspot.com/
htps://islamicglobalvoice.blogspot.in/?m
