*മൗലിദ് വിമർശനത്തിന് മറുപടി*
📘📗📓📙📕📘📓📗📙📕📘📓📗
*ഇസ്ലാമിക ആദര്‍ശ പഠനത്തിന് ഇസ്ലാമിക് ഗ്ലോബല്‍ വോയ്സ് ബ്ലോഗ് ഉപയോഗപ്പെടുത്തുക*
*മൗലിദ് വിമർശനം*12
♦️ *ചോദ്യം:*
*മൻഖുസ് മൗലിദിൽ പറയുന്നു:*
إن بيتا أنت ساكنه ليس محتاجا إلى السرج
*നിശ്ചയം താങ്കൾ താമസിക്കുന്ന വീട് വിളക്കുകളിലേക്ക് ആവശ്യമാകുന്നതല്ല. ഇതിന്റെ ഉദ്ധേശ്യമെന്ത്?*
🔶 *മറുപടി*
നബി(صلى الله عليه وسلم) പ്രശോഭിക്കുന്ന വിളക്കാണന്ന് അഹ്സാബ് 46-ൽ അല്ലാഹു വിശേഷിപ്പിക്കുന്നു. ഇവിടെ ചിലപതിപ്പുകളിൽ "ബൈതൻ' എന്നതിനു പകരം 'ഖൽബൻ' എന്നു കാണാം. (തുഹ്ഫത്തുൽ മുശാഖീൻ: 177)
നബി(ﷺ) നിലകൊള്ളുന്ന ഹൃദയം
ഹിദായത്തിനുവേണ്ടി മറ്റു വിളക്കുകളിലേക്ക് ആവശ്യമാവുകയില്ലെന്നർത്ഥം.
വീടിന്റെ വിവക്ഷയും ഇതു തന്നെയാണ്.
പ്രവാചക സ്നേഹവും ബഹുമാനവും
മായാതെ നിലനിൽക്കുന്ന ഹൃദയത്തിന്റെ
വക്താക്കൾക്ക് പ്രതിസന്ധി ഘട്ടങ്ങളിൽ
മാർഗ്ഗദർശിയായി മറ്റാരും വേണ്ടിവരില്ലെന്നു ചുരുക്കം.
മുറബ്ബിയായ ശൈഖിനെ
കിട്ടാത്തവർ നബി(ﷺ)യുടെ മേൽ സ്വലാത്ത് വർദ്ധിപ്പിച്ചാൽ അവന് അത് വഴികാട്ടിയാകുമെന്ന് മഹാന്മാർ പറഞ്ഞതിന്റെ പൊരുളും മറ്റൊന്നല്ല. '
ആന്തരികമായ ഇരുട്ടകറ്റാൻ നബി(صلى الله عليه وسلم)
വിളക്കായതു പോലെ ബാഹ്യമായ ഇരുട്ടകറ്റാനും അവിടുന്ന് വെളിച്ചം കാണിച്ചിട്ടുണ്ട്. മഹതിയായ ആഇഷാബീവി(റ)യും
ഹലീമാബീവി(റ)യുമെല്ലാം വീട്ടിൽ വിളക്കണഞ്ഞപ്പോൾ നബി(ﷺ)യുടെ പ്രകാശം കൊണ്ട് വീണുപോയ സൂചിപോലും കണ്ടെത്തിയിരുന്നതായി ഹദീസുകളിൽ വന്നിട്ടുണ്ട്. ഈ സംഭവം ഇബ്നുഅസാകിർ
(റ) നിവേദനം ചെയ്തിട്ടുണ്ട്. (സുബുലുൽ
ഹുദാ വർറശാദ്: 2/ 40)
അവലംബം
*വിശ്വാസകോശം*
*അബദുൽ അസീസ് സഖാഫി വെള്ളയൂർ*
നോക്കി എഴുത്ത് - *അസ് ലം
പരപ്പനങ്ങാടി
