ചിന്തിക്കുക! തിരിച്ചറിയുക!
സ്വഹാബികളുടെയും താബിഉകളുടെയും കാലം തൊട്ടേ നിലനിൽക്കുന്ന സൽചര്യയാണിത്! മരിച്ചവർ ആദ്യത്തെ ഏഴ് ദിവസം ഖബറിൽ കഠിനമായ വിചാരണ നേരിടുമ്പോൾ അവർക്ക് ആശ്വാസമാകാൻ കുടുംബവും മക്കളും ഭക്ഷണം സദഖ നൽകുന്ന ഈ നല്ല പ്രവർത്തിയെയാണ് വഹാബികൾ അനാചാരമെന്നും ബിദ്അത്തെന്നും വിളിച്ച് മുടക്കാൻ നോക്കുന്നത്.
നാളെ നമ്മൾ മരിച്ചു മണ്ണടിഞ്ഞാൽ നമ്മുടെ ഖബറിങ്കൽ വന്ന് യാസീൻ ഓതാനും, ഖുർആൻ ഓതി ഹദിയ ചെയ്യാനും, കബറിന്റെ അടുത്ത് വന്നു സലാം പറയാനും,നമുക്ക് വേണ്ടി ഭക്ഷണം സദഖ ചെയ്ത് അതിന്റെ പ്രതിഫലം കബറിൽ എത്തിച്ചുതരാനും നമ്മുടെ മക്കളുണ്ടാകണം.അതല്ല, ഈ വഹാബിസത്തിന്റെ കെണിയിൽ നമ്മുടെ മക്കൾ പോയി വീണാൽ,നാളെ നമ്മൾ മരിച്ചാൽ ഖബറിങ്കൽ വന്ന് ഒരു പ്രാർത്ഥന പോലും നടത്താൻ ആളില്ലാത്ത, മരണത്തോടെ എല്ലാ ബന്ധവും അറ്റുപോയി എന്ന് വിശ്വസിപ്പിക്കുന്ന കൊടും വന്ധകത്വമായിരിക്കും ബാക്കിയാവുക.
ഇന്ന് നാം ഈ യാഥാർത്ഥ്യം തിരിച്ചറിഞ്ഞില്ലെങ്കിൽ, വരുംതലമുറയെ സുന്നി ആചാരങ്ങളും പൂർവ്വസൂരികളുടെ മാർഗ്ഗവും പഠിപ്പിച്ചില്ലെങ്കിൽ, നാളെ നമ്മുടെ മക്കൾക്ക് ദീൻ പഠിക്കാൻ ഖുർആനും സുന്നത്തും പഠിപ്പിച്ച വഴിവിട്ട് ആടിനെ മേക്കാൻ യമനിലേക്ക് പോകേണ്ട ഗതികേടായിരിക്കും വന്നെത്തുക! ഈ വിഷലിപ്തമായ വഹാബി ചിന്ത എത്രമാത്രം അപകടകരമാണെന്ന് തിരിച്ചറിഞ്ഞ് നമ്മുടെ കുടുംബത്തെയും വരുംതലമുറയെയും കാത്തുസൂക്ഷിക്കുക.
മരിച്ചവർക്ക് വേണ്ടി ഒന്നും ചെയ്യരുത്, മൂന്നിലും ഏഴിലും മരണവീടുകളിൽ നിന്ന് ഭക്ഷണം നൽകുന്നത് അനാചാരമാണ്, ബിദ്അത്താണ്, ശാപ്പാട് കൊതിയന്മാരുടെ പണിയാണ് എന്നൊക്കെ പറഞ്ഞ് സുന്നികളുടെ പവിത്രമായ ആചാരങ്ങളെ പരിഹസിച്ചു നടക്കുന്ന മുജാഹിദുകൾ ഇത് കാണാതെ പോകരുത്!
മരണത്തോടെ എല്ലാം കഴിഞ്ഞു എന്ന് വിശ്വസിക്കുന്ന ഇത്തരക്കാരുടെ അബദ്ധ പ്രചാരണങ്ങൾക്ക് കൃത്യമായ മറുപടിയാണ് ലക്ഷക്കണക്കിന് ഹദീസുകൾ മനഃപാഠമുള്ള, അറന്നൂറിലധികം മഹാഗ്രന്ഥങ്ങൾ രചിച്ച പ്രശസ്ത ഹദീസ് പണ്ഡിതൻ ഇമാം ജലാലുദ്ദീൻ അസ്സുയൂത്വി (റ) തന്റെ അൽ ഹാവീ ലിൽ ഫതാവ (الحاوي للفتاوى) എന്ന ഗ്രന്ഥത്തിലൂടെ നൽകുന്നത്.മഹാനായ താബിഈ പണ്ഡിതൻ താവൂസ് (റ) ഉദ്ധരിച്ച ആ ചരിത്ര സത്യം അവിടുന്ന് വ്യക്തമാക്കുന്നു:
عَنْ طَاوُوسٍ قَالَ: «إِنَّ الْمَوْتَى يُفْتَنُونَ فِي قُبُورِهِمْ سَبْعًا، فَكَانُوا يَسْتَحِبُّونَ أَنْ يُطْعِمُوا عَنْهُمْ تِلْكَ الْأَيَّامَ»
താബിഹീ പണ്ഡിതൻ താവൂസ് (റ) പറയുന്നു: തീർച്ചയായും മരണപ്പെട്ടവർ തങ്ങളുടെ ഖബറുകളിൽ ആദ്യത്തെ ഏഴ് ദിവസം ചോദ്യം ചെയ്യപ്പെടുകയും വിചാരണ നേരിടുകയും ചെയ്യും. അതിനാൽ ആ ദിവസങ്ങളിൽ അവർക്ക് വേണ്ടി ഭക്ഷണം ദാനം ചെയ്യുന്നത് (സ്വദഖ നൽകുന്നത്) സ്വഹാബികളും താബിഉകളും നിർദ്ദേശിക്കാറുണ്ടായിരുന്നു (മുസ്തഹബ്ബായി കാണാറുണ്ടായിരുന്നു)
ഈ മഹത്തായ നിവേദനം ഹദീസ് ലോകത്തെ മഹാന്മാരായ ഇമാം അഹ്‌മദ്ബ്‌നു ഹമ്പൽ (റ) തന്റെ കിതാബുസ് സുഹ്ദ് എന്ന ഗ്രന്ഥത്തിലും, ഹാഫിള് അബൂ നുഐം (റ) തന്റെ അൽ ഹിലിയ്യ എന്ന ഗ്രന്ഥത്തിലും കൃത്യമായി രേഖപ്പെടുത്തിയിട്ടുണ്ട്.
സ്വഹാബികളുടെയും താബിഉകളുടെയും കാലം തൊട്ടേ നിലനിൽക്കുന്ന സൽചര്യയാണിത്! മരിച്ചവർ ആദ്യത്തെ ഏഴ് ദിവസം ഖബറിൽ കഠിനമായ വിചാരണ നേരിടുമ്പോൾ അവർക്ക് ആശ്വാസമാകാൻ കുടുംബവും മക്കളും ഭക്ഷണം സദഖ നൽകുന്ന ഈ നല്ല പ്രവർത്തിയെയാണ് വഹാബികൾ തെറ്റെന്നും ബിദ്അത്തെന്നും വിളിച്ച് മുടക്കാൻ നോക്കുന്നത്.
@
No comments:
Post a Comment