നേർച്ച മറുപടി

 ഇബ്നു ഹജർ അൽ ഹൈതമി (റ), ഇബ്നു നുജൈം (റ) തുടങ്ങിയ അഹ്‌ലുസ്സുന്നയുടെ മഹാന്മാരായ ഇമാമീങ്ങളുടെ കിതാബുകളിൽ നിന്ന് വരികൾ ഭാഗികമായി അറുത്തുമാറ്റി (Contextual Mutilation) ജനങ്ങളെ തെറ്റിദ്ധരിപ്പിക്കാൻ ശ്രമിക്കുന്ന വഹാബി പ്രചാരണങ്ങളുടെ കള്ളത്തരം വ്യക്തമാക്കുന്നു.

ഇമാമീങ്ങൾ പറയുന്ന വിഷയം എന്താണ്? വഹാബികൾ അത് എങ്ങോട്ടാണ് തിരിച്ചുവെക്കുന്നത്? യാഥാർത്ഥ്യം താഴെ കാണുക:

1. ഇബ്നു ഹജർ അൽ ഹൈതമി (റ) - «الفتاوى الفقهية الكبرى» (4/256) തട്ടിപ്പ്:

മൗലവി ഉദ്ധരിച്ച ഫതാവയിലെ അതേ പേജിൽ (Page 256) തൊട്ടടുത്ത വരികളിൽ ഇബ്നു ഹജർ അൽ ഹൈതമി (റ) നേർച്ചയുടെ സ്വഹീഹായ രൂപം വ്യക്തമായി പറയുന്നുണ്ട്:

«بخلاف ما إذا قصد به التصدق على من يسكن تلك البقعة أو من يرد إليها، فإنه يصح؛ لأن هذا نوع قربة...»  

 (അതായത്: ആ സ്ഥലത്ത് താമസിക്കുന്നവർക്കോ അവിടേക്ക് വരുന്ന സാധുക്കൾക്കോ (فقراء) ധർമ്മം ചെയ്യാൻ ഉദ്ദേശിച്ചാണ് നേർച്ചയാക്കുന്നതെങ്കിൽ ആ നേർച്ച സ്വഹീഹാകും. കാരണം അത് അല്ലാഹുവിലേക്ക് അടുപ്പിക്കുന്ന ഒരു പുണ്യകർമ്മമാണ്). 

യാഥാർത്ഥ്യം:

ഒരാൾ മഖ്ബറയിലെ കല്ലിനെയോ മണ്ണിനെയോ ബഹുമാനിച്ചുകൊണ്ട് അവിടേക്ക് അല്ലാഹുവല്ലാത്തവർക്ക് വേണ്ടി നേർച്ചയാക്കിയാൽ അത് കർമ്മശാസ്ത്രപരമായി (Fiqh) ബാത്വിലാണ്. എന്നാൽ "ആ മഖ്ബറയിലെ അന്തേവാസികളായ പാവപ്പെട്ടവർക്ക് അല്ലാഹുവിൽ നിന്നുള്ള പ്രതിഫലം ആഗ്രഹിച്ച് ധർമ്മം നൽകുന്നു" എന്ന് കരുതുന്നത് അഹ്‌ലുസ്സുന്നയിൽ തികച്ചും സ്വഹീഹായ കാര്യമാണ്. മൗലവി മറച്ചുവെച്ചതും ഇതേ പേജിലുള്ള ഈ വരികളാണ്!

2. ഇബ്നു നുജൈം (റ) - «النهر الفائق شرح كنز الدقائق» (2/42) വഞ്ചന:

ഇബ്നു നുജൈം (റ) ഉദ്ധരിച്ച ശൈഖ് ഖാസിം (റ) വിന്റെ വാക്കുകളിൽ എവിടെയാണ് കുഫ്ര് ഉണ്ടാകുന്നത് എന്ന് വ്യക്തമായി പറയുന്നുണ്ട്:

«ومنها أنه ظن أن الميت يتصرف في الأمر دون الحق سبحانه وتعالى واعتقاد هذا كفر»  

 (അതായത്: അല്ലാഹുവിനെ കൂടാതെ മയ്യത്ത് കാര്യങ്ങളിൽ സ്വതന്ത്രമായി തീരുമാനം എടുക്കും/സൃഷ്ടിക്കും എന്ന വിശ്വാസത്തിലാണ് ചെയ്യുന്നതെങ്കിൽ അത്തരം വിശ്വാസം കുഫ്ര് ആണ്).

യാഥാർത്ഥ്യം:അല്ലാഹുവല്ലാത്ത പടപ്പുകൾക്ക് പ്രപഞ്ചത്തിൽ സ്വതന്ത്രമായ ശക്തിയുണ്ടെന്ന് വിശ്വസിച്ചാൽ അത് കുഫ്ര് ആണെന്നതിൽ അഹ്‌ലുസ്സുന്നത്തിന്ന് യാതൊരു തർക്കവുമില്ല. അത്തരം വിശ്വാസം ഒരു മുസ്ലിമിനുമില്ല.  

 എന്നാൽ അതേ പേജിലെ തൊട്ടടുത്ത വരികളിൽ ഹനഫി ഇമാമുകൾ വ്യക്തമാക്കുന്നത് കാണാം: "ഒരു വ്യക്തി 'അല്ലാഹുവേ, എന്റെ രോഗം മാറിയാൽ സയ്യിദത് നഫീസ (റ) വിന്റെ മഖ്ബറയിലുള്ള പാവപ്പെട്ടവർക്ക് ഞാൻ ഭക്ഷണം കൊടുക്കാം' എന്ന് നേർച്ചയാക്കിയാൽ ആ നേർച്ച സ്വഹീഹാണ്."

3. «الزواجر» യിലെ ദുർവ്യാഖ്യാനം:

അല്ലാഹുവല്ലാത്തവർക്ക് വേണ്ടി അറുക്കൽ (ذبح لغير الله) ശിർക്കാകുന്നത്, ആ പടപ്പിനെ അല്ലാഹുവിനെപ്പോലെ ആരാധിക്കുമ്പോഴാണ്. എന്നാൽ അല്ലാഹുവിന്റെ നാമത്തിൽ അറുക്കുകയും (بِسْمِ اللهِ) അതിന്റെ പ്രതിഫലം സ്വാലിഹീങ്ങൾക്ക് വേണ്ടി അല്ലാഹുവിൽ നിന്ന് ആഗ്രഹിച്ച് പാവങ്ങൾക്ക് കൊടുക്കുകയും ചെയ്യുന്നത് തികച്ചും അനുവദനീയമാണ് (ജാഇസ്).

ഇബ്നു ഹജർ (റ) തൊട്ടടുത്ത വരിയിൽ പറഞ്ഞ "സാധുക്കൾക്ക് സ്വദഖ ചെയ്യാൻ ഉദ്ദേശിച്ചാൽ നേർച്ച സ്വഹീഹാകും" എന്ന വരികൾ നിങ്ങൾ എന്തുകൊണ്ട് ജനങ്ങളിൽ നിന്ന് മറച്ചുവെച്ചു?

ഇമാമീങ്ങൾ ശിർക്ക് എന്നും കുഫ്ര് എന്നും പറഞ്ഞത് അല്ലാഹുവിനല്ലാതെ സൃഷ്ടികൾക്ക് സ്വതന്ത്ര ശക്തിയുണ്ടെന്ന വിശ്വാസത്തെക്കുറിച്ചാണ്. അതിനെ കൊണ്ടുവന്ന് അഹ്‌ലുസ്സുന്നയുടെ തവസ്സുലിന്റെയും സ്വദഖയുടെയും മേലിൽ കെട്ടിവെച്ച് തടിയൂരാൻ നോക്കേണ്ട!

@followers محمد طيب سليمان തൗഹീദ്