നോമ്പിന്റെ ഫർളുകൾ) “فروض الصوم”

 

(നോമ്പിന്റെ ഫർളുകൾ)

“فروض الصوم”
ചോദ്യം :1
*നോമ്പിന്റെ ഫർളുകൾ എത്ര ?*
ഏവ ?*

ഉ :നോമ്പിന്റെ ഫർളുകൾ  രണ്ടാണ്:

1.നിയ്യത്ത്

– ഓരോ ദിവസവും നിയ്യത്ത് ചെയ്യണം.

2 .നോമ്പ് മുറിക്കുന്ന കാര്യങ്ങളിൽ നിന്നും
വിട്ടുനിൽക്കണം.

* നിയ്യത്ത്*

ചോദ്യം :2.
* ഫർള് നോമ്പിന് നിയ്യത്തിൽ നിർബന്ധമായും ശ്രദ്ധിക്കേണ്ട രണ്ട് കാര്യങ്ങൾ ഏത് ?*

ഉ :ഫർള് നോമ്പിന്റെ നിയ്യത്തിൽ സംബന്ധമായും ശ്രദ്ധിക്കേണ്ട രണ്ട് കാര്യങ്ങൾ .

1.ഇന്ന നോമ്പാണെന്ന് കൃത്യമാക്കണം.
ഉദാഹരണം റമളാൻ നോമ്പ് എന്ന് -
കഫാറത്ത് ആണെങ്കിൽ കഫ്ഫാറത്ത് എന്ന് കൃത്യമാക്കണം.

2.രാത്രി തന്നെ നിയ്യത്ത് ചെയ്യണം.
മഗരിബ് മുതൽ സുബഹിക്ക് മുമ്പായി നിയ്യത്ത് ചെയ്യണം.

നിയ്യത്ത് ചെയ്യുന്ന സമയത്ത് ഇപ്പോൾ
ഫജ്റിന് മുമ്പാണോ ശേഷമാണോ നിയ്യത്ത് എന്ന് സംശയം ഉണ്ടെങ്കിൽ, അത് സ്വഹീഹാവുകയില്ല.

നിയ്യത്ത് ചെയ്തതിനുശേഷം
ചെയ്ത നിയ്യത്ത് ഫജറിന് മുമ്പായിരുന്നു ശേഷമായിരുന്നു എന്ന് സംശയിച്ചാൽ അത് സ്വഹീഹാകുന്നതാണ്

ചോ :3.
ഫർള് നോമ്പിൽ ഉച്ചക്ക് മുമ്പ് നിയ്യത്ത് ചെയ്താൽ മതിയാകുമോ ?

ഉ : മതിയാവില്ല . രാത്രി തന്നെ നിയ്യത്ത് ചെയ്യണം

ചോ : 4
സുന്നത്ത് നോമ്പിൽ ഉച്ചക്ക് മുമ്പ് നിയ്യത്ത് വെച്ചാൽ മതിയാകുമോ ?

ഉ : സുന്നത്തായ നോമ്പാണെങ്കിൽ
ഉച്ചയ്ക്ക് മുമ്പ് (സൂര്യൻ മദ്ധ്യത്തിൽ എത്തുന്നതിന് മുമ്പ്) നിയ്യത്ത് ചെയ്താൽ മതി.അത്തരം ഘട്ടത്തിൽ ഫജ്റ് മുതൽ നോമ്പ് മുറിക്കുന്ന കാര്യങ്ങളിൽ നിന്ന് വിട്ടുനിൽക്കണം.

ചോ: 5
റമദാൻ നോമ്പിലെ നിയ്യത്തിന്റെ ചുരുങ്ങിയ രൂപം ?

ഉ :റമദാൻ നോമ്പിലെ നിയ്യത്തിൽ ഏറ്റവും കുറഞ്ഞത്
نويت صوم رمضان
  “റമദാൻ നോമ്പ് ഞാൻ നോൽക്കാൻ കരുതി” എന്നാണ്.

ചോ: 6
റമദാൻ നോമ്പിലെ നിയ്യത്തിന്റെ ചുരുങ്ങിയ രൂപം ?

ഉ :റമദാൻ നോമ്പിലെ നിയ്യത്തിലെ
പൂർണ്ണമായ രൂപം:
نويت صوم غدٍ عن أداء فرض رمضان هذه السنة لله تعالى.

“ ഈ വർഷത്തെ റമളാനിലെ ഫർളായ അദാആയ നാളത്തെ നോമ്പിനെ അല്ലാഹു തആലാക്ക് വേണ്ടി നോറ്റ് വീട്ടുവാൻ ഞാൻ കരുതി.

ചോ: 7
നിയ്യത്ത് നാക്കു കൊണ്ട് പറയുന്നതിന്റെ വിധി ?
ഉ : സുന്നത്ത്

ചോ :8:
നിയ്യത്ത് മനസ്സിൽ കരുതുന്നതിന്റെ വിധി ?

ഉ : വാചിബ് (നിർബന്ധം )
മനസ്സിൽ കരുതാതെ അശ്രദ്ധമായി മൊഴിഞ്ഞാൽ നിയ്യത്ത് സ്വഹീഹാവുകയില്ല നോമ്പ് അസ്വീകാര്യമാവും

9. ഗീബത്ത് / നമീമത്ത് പറഞ്ഞാൽ
നോമ്പ് മുറിയുമോ ?
ഉ : മുറിയില്ല.

10.ഗീബത്ത് / നമീമത്ത് പറഞ്ഞാൽ
നോമ്പ് പ്രതിഫലം നഷ്ടപ്പെടുമോ?

ഉ : പ്രതിഫലം നഷ്ടപ്പെടും

അസ്‌ലം കാമിൽ സഖാഫി
പരപ്പനങ്ങാടി

فروض الصوم
فروض الصوم اثنان: الأول النية لكل يوم والثاني الإمساك عن المفطرات، وشرط في نية الفرض التبييت والتعيين، فلو شك هل وقعت قبل الفجر أو بعده لم تصح، بخلاف ما لو نوى ثم شك هل طلع الفجر أو لا.
وصوم التطوع ولو مؤقتًا يكفي فيه النية قبل الزوال، بشرط الإمساك عن المفطرات من الفجر، لكن الأولى التبييت والتعيين فيه أيضًا.
وأقل النية في رمضان نويت صوم رمضان، وأكملها أن يقول بقلبه ولسانه نويت صوم غدٍ عن أداء فرض رمضان هذه السنة لله تعالى
من خلاصة الفقه الاسلامي