ഉറങ്ങുന്നവരെ ഉണർത്തൽ സുന്നത്താണ്

 ഉറങ്ങുന്നവരെ ഉണർത്തൽ സുന്നത്താണ്.

……………

നമസ്കാരത്തിനായി ഉറങ്ങുന്നവരെ ഉണർത്തുന്നത് സുന്നത്താണ്. പ്രത്യേകിച്ച് നമസ്കാരത്തിന്റെ സമയം തീരാൻ അടുത്തിരിക്കുമ്പോൾ ഉണർത്തുന്നത് കൂടുതൽ പ്രധാനമാണ്.

ഒരാൾ ഉറങ്ങിയത് കാരണം നമസ്കാരം നഷ്ടപ്പെടുന്ന അവസ്ഥയിലാണെങ്കിൽ, അയാളുടെ അവസ്ഥ അറിയുന്നവർ അയാളെ ഉണർത്തൽ നിർബന്ധമാണ്.

താഴെ പറയുന്ന സാഹചര്യങ്ങളിലും ഉറങ്ങുന്നവരെ ഉണർത്തുന്നത് സുന്നത്താണ്:

1\. നമസ്കരിക്കുന്നവരുടെ മുന്നിൽ ഒരാൾ ഉറങ്ങുന്നതായി കണ്ടാൽ.

2\. ഒന്നാം സ്വഫിൽ ഉറങ്ങുന്നതായി കണ്ടാൽ.

3\. പള്ളിയുടെ മിഹ്റാബിൽ ഉറങ്ങുന്നതായി കണ്ടാൽ.

4\. കൈവരിയോ തടസ്സമോ ഇല്ലാത്ത മേൽക്കൂരയിൽ ഉറങ്ങുന്നതായി കണ്ടാൽ.

5\. സുബ്ഹി നമസ്കാരത്തിന്റെ സമയം പ്രവേശിച്ച ശേഷം സൂര്യോദയത്തിന് മുമ്പ് ഉറങ്ങുന്നതായി കണ്ടാൽ. അയാൾ സുബ്ഹി നമസ്കരിച്ചിട്ടുണ്ടെങ്കിലും ഉണർത്തുന്നത് സുന്നത്താണ്.

6\. അസ്വർ നമസ്കാരത്തിനു ശേഷം ഉറങ്ങുന്നതായി കണ്ടാൽ. അയാൾ അസ്വർ നമസ്കരിച്ചിട്ടുണ്ടെങ്കിലും ഉണർത്തുന്നത് സുന്നത്താണ്.

7\. വീട്ടിൽ തനിച്ചായിരിക്കെ ഉറങ്ങുന്നതായി കണ്ടാൽ.

8\. സ്ത്രീ മലർന്നു കിടന്ന്, മുഖം ആകാശത്തേക്ക് തിരിച്ച് ഉറങ്ങുന്നതായി കണ്ടാൽ.

9\. പുരുഷനോ സ്ത്രീയോ കമിഴ്ന്നു കിടന്ന് മുഖം താഴേക്ക് വെച്ച് ഉറങ്ങുന്നതായി കണ്ടാൽ. കാരണം, അത് അല്ലാഹു تعالى വെറുക്കുന്ന കിടപ്പുരീതിയാണ്.

10\. രാത്രിയിലെ നമസ്കാരത്തിനായി (തഹജ്ജുദ്) മറ്റുള്ളവരെ ഉണർത്തുന്നതും സുന്നത്താണ്.

11\. അത്താഴം കഴിക്കുന്നതിനായി (സഹർ) മറ്റുള്ളവരെ ഉണർത്തുന്നതും സുന്നത്താണ്.

12\. കൈയിൽ എണ്ണയോ കൊഴുപ്പോ മറ്റോ പുരണ്ട നിലയിൽ ഒരാൾ ഉറങ്ങുന്നതായി കണ്ടാൽ അയാളെ ഉണർത്തുന്നതും സുന്നത്താണ്.

13\. അറഫയിൽ വഖ്ഫിന്റെ സമയത്ത് ഉറങ്ങുന്നവരെയും ഉണർത്തുന്നത് സുന്നത്താണ്. കാരണം, അത് അല്ലാഹുവിനോട് പ്രാർത്ഥിക്കാനും വിനയത്തോടെ തേടാനുമുള്ള പ്രത്യേക സമയമാണ്.

അവലംബം: ഹാശിയത്തുശ്ശർവാനി, 1/441.

നഹായയിലും മുഗ്നിയിലും വന്ന വിവരണത്തോടൊപ്പം ശർവാനിയിൽ കൂടുതൽ വിശദീകരണവും ചേർത്തിട്ടുണ്ട്.

(تَنْبِيهٌ)

يُسَنُّ إيقَاظُ النَّائِمِينَ لِلصَّلَاةِ لَا سِيَّمَا عِنْدَ ضِيقِ وَقْتِهَا فَإِنْ عَصَى بِنَوْمِهِ وَجَبَ عَلَى مَنْ عَلِمَ بِحَالِهِ إيقَاظُهُ، وَكَذَا يُسْتَحَبُّ إيقَاظُهُ إذَا رَآهُ نَائِمًا أَمَامَ الْمُصَلِّينَ، أَوْ الصَّفِّ الْأَوَّلِ، أَوْ مِحْرَابِ الْمَسْجِدِ، أَوْ عَلَى سَطْحٍ لَا إجَّارَ لَهُ أَيْ لَا حَاجِزَ لَهُ، أَوْ بَعْدَ طُلُوعِ الْفَجْرِ وَقَبْلَ طُلُوعِ الشَّمْسِ أَيْ وَلَوْ كَانَ صَلَّى الصُّبْحَ، أَوْ بَعْدَ صَلَاةِ الْعَصْرِ أَيْ وَلَوْ كَانَ صَلَّاهَا، أَوْ نَامَ خَالِيًا فِي بَيْتٍ وَحْدَهُ، أَوْ نَامَتْ الْمَرْأَةُ مُسْتَلْقِيَةً وَوَجْهُهَا إلَى السَّمَاءِ، أَوْ نَامَ الرَّجُلُ أَيْ، أَوْ الْمَرْأَةُ مُنْبَطِحًا عَلَى وَجْهِهِ فَإِنَّهَا ضَجْعَةٌ يَبْغَضُهَا اللَّهُ تَعَالَى، وَيُسَنُّ إيقَاظُ غَيْرِهِ أَيْضًا لِصَلَاةِ اللَّيْلِ وَلِلتَّسَحُّرِ وَمَنْ نَامَ وَفِي يَدِهِ غَمْرٌ أَيْ دُهْنٌ وَنَحْوُهُ، وَالنَّائِمُ بِعَرَفَاتٍ وَقْتَ الْوُقُوفِ؛ لِأَنَّهُ وَقْتُ طَلَبٍ وَتَضَرُّعٍ نِهَايَةٌ وَمُغْنِي بِزِيَادَةٍ مِنْ ع ش

حاشية الشرواني 1/441

Muhammad Aslam Kamil saquafi parappanangadi 

محمد أسلم الثقافي الكاملي المليباري الهندي 

https://chat.whatsapp.com/DpSjQz0mOqp7ptpvjdYuGy?s=cl&p=a&iam=2