ബറാഅത്ത് രാവ്: പ്രാർത്ഥന, ഖബർ സിയാറത്ത്, ചീരിണി*

 *ബറാഅത്ത് രാവ്:  പ്രാർത്ഥന, ഖബർ സിയാറത്ത്, ചീരിണി* 

*പ്രാർത്ഥനയ്ക്ക് പ്രത്യേക സ്വീകാര്യത* 

قال الشافي وبلغنا انه كان يقال ان الدعاء يستجاب في خمس ليال:في ليلة الجمعة وليلة الأضحى وليلة الفطر وأول ليلة من رجب وليلة النصف من شعبان 

(كتاب الأم ١/٢٦٤)

" ഇമാം ശാഫിഈ (റ) പറയുന്നു: അഞ്ച് രാത്രികളിൽ പ്രാർത്ഥന പ്രത്യേകം സ്വീകരിക്കപ്പെടുന്നതാണ്: വെള്ളിയാഴ്ച രാവ്, ബലിപെരുന്നാൾ രാവ്, ചെറിയ പെരുന്നാൾ രാവ് , റജബ് മാസത്തിലെ ആദ്യ രാത്രി, പിന്നെ ശഅബാൻ പകുതിയുടെ രാത്രി (ബറാഅത്ത് രാവ്) എന്നിവയാണവ."

 *ഖബർ സിയാറത്ത്* 

عن إبن عباس رضي الله عنهما إذا كان يوم العيد ويوم العشر ويوم الجمعة الأولى من شهر رجب *وليلة النصف من شعبان* وليلة الجمعة يخرج الأموات من قبورهم ويقفون على أبواب بيوتهم ويقولون ترحموا علينا في هذه الليلة بصدقة ولو بلقمة من خبز فإنا محتاجون إليها فان لم يجدوا شيئا يرجعون بالحسرة 

( الدرر الحسان في البعث ونعيم الجنان -للامام السيوطي)

ഇമാം സുയൂത്വി(റ)യുടെ 'അദ്ദുററുൽ ഹിസാൻ' എന്ന ഗ്രന്ഥത്തിൽ പറയുന്നു:

ഇബ്നു അബ്ബാസ്(റ) നിവേദനം ചെയ്യുന്നു: രണ്ട് പെരുന്നാൾ ദിനങ്ങളിലും, ദുൽഹിജ്ജ പത്തിലെ ദിനങ്ങളിലും, റജബ് മാസത്തിലെ ആദ്യ വെള്ളിയാഴ്ചയും, ശഅ്ബാൻ പകുതിയിലെ രാവിലും (ബറാഅത്ത് രാവ്), വെള്ളിയാഴ്ച രാവുകളിലും മരിച്ചവർ അവരുടെ ഖബറുകളിൽ നിന്ന് പുറത്തു വരികയും അവരുടെ വീട്ടുവാതിൽക്കൽ വന്ന് നിൽക്കുകയും ചെയ്യും. അവർ പറയും: "ഈ രാത്രിയിൽ ഒരു കഷ്ണം അപ്പമെങ്കിലും ദാനം ചെയ്തുകൊണ്ട് നിങ്ങൾ ഞങ്ങളോട് കരുണ കാണിക്കണേ, തീർച്ചയായും ഞങ്ങൾ അതിലേക്ക് ആവശ്യമുള്ളവരാണ്." അവർക്ക് ഒന്നും ലഭിച്ചില്ലെങ്കിൽ അവർ അങ്ങേയറ്റത്തെ വിഷമത്തോടെ (ഖബറുകളിലേക്ക്) മടങ്ങും.

ففي الحديث دلالة على استحباب *زيارة القبور في ليلة النصف من شعبان* والإستغفار للأقارب والإخوان

 

(التبيان في بيان ما في ليلة النصف من شعبان وليلة القدر من رمضان -ملا علي القاري)

മുല്ലാ അലിയ്യുൽ ഖാരി(റ)യുടെ 'അത്തബിയാൻ' എന്ന ഗ്രന്ഥത്തിൽ നിന്ന്:

 ഹദീസിൽ കാണാം, ശഅ്ബാൻ പകുതിയിലെ രാവിൽ (ബറാഅത്ത് രാവ്) ഖബർ സിയാറത്ത് ചെയ്യുന്നതും, ബന്ധുക്കൾക്കും സഹോദരങ്ങൾക്കും വേണ്ടി പാപമോചനം തേടുന്നതും (ഇസ്തിഗ്ഫാർ) സുന്നത്താണ്.

 *ചീരിണി* 

وكذا ما اعتيد من الكعك والنقل والسمك في العيد الصغير والحلوى ليلة نصف شعبان 

 

(حاشية الجمل ٤/٤٩٠)

"ശഅ്ബാൻ പകുതിയിലെ രാവിൽ മധുര പലഹാരങ്ങൾ നൽകുക പോലെയുള്ള പതിവ് കാര്യങ്ങൾ ഭാര്യക്ക് കൊടുക്കേണ്ട ചെലവിൽ പെട്ടതാണ്."

(ഹാശിയത്തുൽ ജമൽ 4/490)

 *അശ്റഫ് സഖാഫി വെണ്ണക്കോട്*

90 48 0 1 7 4 7 3