തസ്ബീഹ് മാല

*📿 തസ്ബീഹ് മാല 📿*

     *വിരൽ തുമ്പുകൾ കൊണ്ട് നബി (സ്വ) എണ്ണം വയ്ക്കുകയും എണ്ണം വയ്ക്കാൻ കൽപിക്കുകയും ചെയ്തതു കൊണ്ട് വിരലുപയോഗിച്ചു ദിക്റ് ചൊല്ലുന്നതാണ് ഏറ്റവും ഉത്തമം ...*
*(മിർഖാത്ത്5/119 നോക്കുക)*

    *പക്ഷെ, എണ്ണം കൂടുമ്പോൾ കൈ വിരലുകൾ മതിയാവില്ല, എണ്ണത്തിൽ ശ്രദ്ധിക്കുമ്പോൾ ദിക്റിൽ ശ്രദ്ധ നഷ്ടപ്പെടും. എണ്ണം പിഴക്കാനും സാധ്യതയുണ്ട്. അങ്ങനെ വരുമ്പോൾ മറ്റു ഉപകരണങ്ങൾ ഉപയോഗിക്കുന്നതാണുത്തമം...*
*(അൽ ഹാവീലിൽ ഫതാവ)*

   *സ്വഹാബിമാരിൽ പലരും ദിക്റിനു ഈന്തപ്പനക്കുരുകളോ, ചരൽക്കല്ലുകളോ ഉപയോഗിക്കാറുണ്ടായിരുന്നു...*

   *പ്രവാചക പത്നിയായ സ്വഫിയ്യ ബീവി (റ), നാലായിരം ഈന്തപ്പനക്കുരുകൾ ഉപയോഗിച്ചു ദിക്റിനു എണ്ണം പിടിച്ചത് ഹദീസിൽ കാണാം...*

*عن صفية قالت: دخل علي رسول الله (ص) وبين يدي أربعة آلاف نواة أسبح بهن ، فقال: ما هذا يابنت حيي؟*

   *قلت أسبح بهن. قال: قد سبحت منذ قمت على رأسك أكثر من هذا.*

    *قلت: علمني يا رسول الله. قال: قولي:" سبحان الله عدد ما خلق من شيئ.( أخرجه الترمذي، والحاكم، والطبراني: الحاوي للفتاوى لتاج الدين السيوطي)*

  *സ്വഫിയ്യ (റ) ഉദ്ധരിക്കുന്നു: അല്ലാഹുവിന്റെ തിരു ദൂതർ (സ്വ) എന്റെ വീട്ടിൽ വന്നു. എന്റെ മുമ്പിൽ നാലായിരം ഈത്തപ്പഴക്കുരുക്കളുണ്ടായിരിക്കെയായിരുന്നു തിരുമേനിയുടെ (സ്വ) വരവ്.*

   *അതുപയോഗിച്ച് ഞാൻ തസ്ബീഹ് ചെയ്യുകയായിരുന്നു. അപ്പോൾ തിരുനബി(സ്വ) ചോദിച്ചു: "ഹുയയ്യിന്റെ മകളേ, ഇതെന്താണ് ...?"*

   *'അവയുപയോഗിച്ച്, ഞാൻ എണ്ണം പിടിച്ച്, തസ്ബീഹ് ചൊല്ലുകയാണ്' എന്ന് ഞാൻ മറുപടി നൽകി.*

  *തിരുമേനി (സ്വ), തദവസരം, പറഞ്ഞു:" ഞാൻ നിന്റെ തലക്കരികെ നിന്ന സമയം കൊണ്ട് ഇതിനേക്കാൾ കൂടുതൽ തസ്ബീഹ് ചെയ്തു കഴിഞ്ഞു".*

   *"അല്ലാഹുവിന്റെ തിരുദൂതരേ, അതൊന്ന് എനിക്ക് പഠിപ്പിച്ചു തരൂ" എന്നു ഞാൻ പറഞ്ഞപ്പോൾ അവിടുന്ന് പറഞ്ഞു:*

*നീ ഇപ്രകാരം പറഞ്ഞു കൊള്ളുക : سبحان الله عدد ما خلق من شيئ*

*സുബ്ഹാനല്ലാഹി അദദ മാ ഹൽക്കി മിൻ ശെയ്യ്*

  *"അല്ലാഹു സൃഷ്ടിച്ച ഏതൊക്കെ വസ്തുക്കളുണ്ടോ അവയുടെയെണ്ണം, ഞാൻ അല്ലാഹുവെ പ്രകീർത്തനം ചെയ്യുന്നു."*
*(തുർമുദി,ഹാകിം,ത്വബ്റാനി: അൽ ഹാവി ഇമാം സുയൂഥി 2/2)*

  *കണ്ടില്ലേ; സ്വഫിയ്യ ബീവി (റ)യോട് നബി(സ്വ) ഈ പ്രവർത്തനം നിരോധിക്കുകയോ നിരുത്സാഹപ്പെടുത്തുകയോ ചെയ്തിട്ടില്ല, പ്രത്യുത എണ്ണം വർദ്ധിപ്പിക്കുന്നതിനേക്കാൾ ഉത്തമം ആശയ ഗാംഭീര്യവും അർത്ഥവൈപുല്യവുമുള്ള പദങ്ങൾ ഉപയോഗിക്കുന്നതാണ് കൂടുതൽ ശ്രേഷ്ടമെന്ന് സൂചിപ്പിക്കുകയാണുണ്ടായത്...*

        *''☝️അള്ളാഹു അഅ്ലം☝️''*

             
*(നന്മ തോന്നുന്നുവെങ്കിൽ ഷെയർ ചെയ്യുക)*
🔹🔸🔹🔸🔹🔸🔹🔸🔹🔸🔹
*നമുക്ക് നമ്മുടെ ഹബീബിന്റെ ﷺ  ചാരത്തേക്ക്‌ ഒരു സ്വലാത്ത് ചൊല്ലാം ...*

🌹 *اللَّهُمَّ صَلِّ عَلَى سَيِّدِنَا مُحَمَّدٍ*
*وَعَلَى آلِ سَيِّدِنَا مُحَمَّدٍ*
*وَبَارِكْ وَسَلِّمْ عَلَيْه* 🌹

🔹〰️〰️〰️🔹🔸