മയ്യിത്തിൻ്റെ ബന്ധുക്കൾക്ക് ഒന്നാം സ്വഫ്ഫ്⁉️*

 *മയ്യിത്തിൻ്റെ ബന്ധുക്കൾക്ക് ഒന്നാം സ്വഫ്ഫ്⁉️*

❓ ഹാളിറായ മയ്യിത്ത് നിസ്കാരം നിർവഹിക്കപ്പെടുമ്പോൾ  മയ്യിത്തിന്റെ അടുത്ത കുടുംബക്കാർ മുന്നിലേക്ക് കടന്നുവരണമെന്ന് ചിലയിടത്ത് പറയാറുണ്ടല്ലോ. മറ്റുള്ളവർ ആദ്യം എത്തിയാലും ഒന്നാം സ്വഫ് മയ്യിത്തിൻ്റെ ബന്ധുക്കൾക്കായി  ഒഴിച്ചിടാറുണ്ട്. കൂടുതൽ ബന്ധുക്കൾ മുന്നിലേക്ക് വരുമ്പോൾ ആദ്യമേ സ്വഫ്ഫിൽ നിന്നവർ പിന്നിലെ സ്വഫ്ഫിലേക്ക് നിൽക്കാൻ നിർബന്ധിതരാകാറുമുണ്ട്. 

    ഈയടുത്ത കാലത്താണ് ഈ ഒരു ഏർപ്പാട് കണ്ടു തുടങ്ങിയത്. മുമ്പില്ല.

   മയ്യിത്തിൻ്റെ ബന്ധുക്കൾക്ക് ഒന്നാം സ്വഫ്ഫിൽ നിൽക്കാൻ പ്രത്യേക അധികാരം ഉണ്ടോ? ഉണ്ടെങ്കിൽ കഴിഞ്ഞ കാല ഉസ്താദുമാരൊന്നും അങ്ങനെ ഒരു അറിയിപ്പ് നൽകാതിരുന്നത് എന്തുകൊണ്ട്?

ഈ വിഷയത്തിൽ സംശയം തീർത്തു തന്നാലും.

കെ. ശറഫുദ്ദീൻ മുസ്'ലിയാർ കൽപറ്റ

 

✅ മയ്യിത്തിൻ്റെ അടുത്ത ബന്ധുക്കൾക്ക് ഒന്നാം സ്വഫ്ഫിൽ നിൽക്കാൻ പ്രത്യേകം അധികാരമൊന്നുമില്ല. സ്വഫ്ഫിൽ അണിനിരന്നവരെ - അവർ കൂട്ടികളാണെങ്കിൽ പോലും -  പിന്നിലേക്ക് ആക്കരുത് എന്നാണ് ഫുഖഹാക്കൾ പഠിപ്പിച്ചത്. 

*ولا يؤخر الصبيان للبالغين لاتحاد جنسهم* ( فتح المعين )

  സ്വഫ്ഫിൽ നിന്നവരെ അവിടെ നിന്നു മാറ്റി അവിടെ നിൽക്കൽ ഹറാമാണ്. ( നിഹായ :2/339)

*يحرم أن يقيم أحدا ليجلس مكانه* ( نهاية : ٢ / ٣٣٩ )

   ഇനി ഒരാൾ തൻ്റെ ഇഷ്ടപ്രകാരം താൻ നിന്നിരുന്ന സ്ഥലത്ത് മയ്യിത്തിൻ്റെ ബന്ധുവിനെ നിർത്തി പിന്നിലേക്ക് മാറി നിൽക്കലും ശരിയായ രീതിയല്ല . ആ രീതി കറാഹത്താണ്. 

ഒരാൾ മറ്റൊരാൾക്ക് വേണ്ടി സ്ഥലം മാറിക്കൊടുക്കുന്നത് അതേ പദവിയിലോ 

അതിനേക്കാൾ മുന്തിയ പദവിയിലോ നിൽക്കാൻ സാധിക്കുമ്പോൾ ആവണം .അല്ലാത്ത രീതി ശർഅ് അംഗീകരിച്ച കാരണം കൂടാതെ  കറാഹത്താണ്. 

അതേ സമയം ഇമാമിനു പിഴവു വന്നാൽ തീർക്കാൻ വേണ്ടി പണ്ഡിതൻ, ഖാരിഅ് എന്നിവരെ ഇമാമിൻ്റ അടുത്തേക്ക് തെരഞ്ഞെടുക്കൽ കറാഹത്തില്ല.( നിഹായ :2/339)

*പള്ളി ഇമാമിൻ്റെ പ്രഖ്യാപനം*

   ''ഒന്നാം സ്വഫ് അവിടെ ഒഴിച്ചിടണം. അവിടെ ആരും നിൽക്കരുത്. അതു മയ്യിത്തിൻ്റെ അടുത്ത ബന്ധുക്കൾക്ക് നിൽക്കാനുള്ളതാണ്. ആ സ്ഥലം അവർക്കു വേണ്ടി ഒഴിച്ചിടണം'' എന്ന മുന്നറിയിപ്പ് നൽകാൻ പള്ളി ഇമാമിന് അധികാരമില്ല. കമ്മിറ്റിക്കും മറ്റുള്ളവർക്കും അധികാരമില്ല പരിശുദ്ധ മതം പഠിപ്പിച്ചതിന് എതിരാണ് ആ അറിയിപ്പ് എന്നതാണ് അധികാരമില്ലാതിരിക്കാൻ കാരണം.

 ﻭﻳﺤﺮﻡ ﺃﻥ ﻳﻘﻴﻢ ﺃﺣﺪا ﻟﻴﺠﻠﺲ ﻣﻜﺎﻧﻪ ﺑﻞ ﻳﻘﻮﻝ ﺗﻔﺴﺤﻮا ﻟﻷﻣﺮ ﺑﻪ، ﻓﺈﻥ ﻗﺎﻡ اﻟﺠﺎﻟﺲ: ﺑﺎﺧﺘﻴﺎﺭﻩ ﻭﺃﺟﻠﺲ ﻏﻴﺮﻩ ﻓﻴﻪ ﻟﻢ ﻳﻜﺮﻩ ﻟﻠﺠﺎﻟﺲ ﻭﻻ ﻟﻤﻦ ﻗﺎﻡ ﻣﻨﻪ ﺇﻥ اﻧﺘﻘﻞ ﺇﻟﻰ ﻣﻜﺎﻥ ﺃﻗﺮﺏ ﺇﻟﻰ اﻹﻣﺎﻡ ﺃﻭ ﻣﺜﻠﻪ، ﻭﺇﻻ ﻛﺮﻩ ﺇﻥ ﻟﻢ ﻳﻜﻦ ﻋﺬﺭ ﻷﻥ اﻹﻳﺜﺎﺭ ﺑﺎﻟﻘﺮﺏ ﻣﻜﺮﻭﻩ... 

ﻭﻟﻮ ﺁﺛﺮ ﺷﺨﺼﺎ ﺃﺣﻖ ﺑﺬﻟﻚ اﻟﻤﺤﻞ ﻣﻨﻪ ﻟﻜﻮﻧﻪ ﻗﺎﺭﺋﺎ ﺃﻭ ﻋﺎﻟﻤﺎ ﻳﻠﻲ اﻹﻣﺎﻡ ﻟﻌﻠﻤﻪ ﺃﻭ ﻳﺮﺩ ﻋﻠﻴﻪ ﺇﺫا ﻏﻠﻂ ﻓﻬﻞ ﻳﻜﺮﻩ ﺃﻳﻀﺎ ﺃﻭ ﻻ ﻟﻜﻮﻧﻪ ﻣﺼﻠﺤﺔ ﻋﺎﻣﺔ؟ اﻷﻭﺟﻪ اﻟﺜﺎﻧﻲ ( نهاية : ٢ / ٣٣٩ )

ﻗﻮﻟﻪ: ﻭﻳﻜﺮﻩ ﺇﻳﺜﺎﺭ ﻏﻴﺮﻩ) ﺃﻱ ﻭﻳﻜﺮﻩ ﻟﻤﻦ ﺳﺒﻖ ﻓﻲ ﻣﻜﺎﻥ ﻣﻦ اﻟﺼﻒ اﻷﻭﻝ ﻣﺜﻼ ﺃﻥ ﻳﻘﻮﻡ ﻣﻨﻪ ﻭﻳﺠﻠﺲ ﻏﻴﺮﻩ ﻓﻴﻪ.

(ﻗﻮﻟﻪ: ﺇﻻ ﺇﻥ اﻧﺘﻘﻞ ﻟﻤﺜﻠﻪ) ﺃﻱ ﺇﻻ ﺇﻥ اﻧﺘﻘﻞ اﻟﻤﺆﺛﺮ ﻟﻤﻜﺎﻥ ﻣﺜﻞ اﻟﻤﻜﺎﻥ اﻟﺬﻱ ﺁﺛﺮ ﺑﻪ، ﻓﻼ ﻳﻜﺮﻩ اﻹﻳﺜﺎﺭ.

(ﻭﻗﻮﻟﻪ: ﺃﻭ ﺃﻗﺮﺏ ﻣﻨﻪ ﺇﻟﻰ اﻹﻣﺎﻡ) ﺃﻱ ﺃﻭ ﺇﻻ ﺃﻥ اﻧﺘﻘﻞ ﻟﻤﻜﺎﻥ ﺃﻗﺮﺏ ﺇﻟﻰ اﻹﻣﺎﻡ ﻣﻦ اﻟﻤﻜﺎﻥ اﻟﺬﻱ ﺁﺛﺮ ﺑﻪ، ﻓﻼ ﻳﻜﺮﻩ.

ﻓﺈﻥ اﻧﺘﻘﻞ ﻟﻤﻜﺎﻥ ﺃﺑﻌﺪ ﻣﻦ اﻟﺬﻱ ﺁﺛﺮ ﺑﻪ ﻛﺮﻩ ( اعانة : ٢ / ١٠٩ ) കോപ്പി 

-----------------------------------------

ഖതീബുമാരുടെ അശ്രദ്ധ ജുമുഅ നിശ്ഫലമാക്കും*

 *ഖതീബുമാരുടെ അശ്രദ്ധ ജുമുഅ നിശ്ഫലമാക്കും*

      ❓ ചില ഖത്വീബുമാർ വെള്ളിയാഴ്ച ജുമുഅ: യുടെ ഇഖാമത്തിനു ശേഷം പ്രാർത്ഥന നിർവ്വഹിക്കുകയും തുണി ഞെരിയാണിക്ക് മീതെ എടുക്കാനും മൊബൈൽ സ്വിച്ച് ഓഫ് ചെയ്യാനുമൊക്കെ ഉപദേശിച്ച് സമയം ദീർഘമാക്കുന്നു. അവരെക്കുറിച്ച് എന്തു പറയുന്നു.                                         = സ്വാലിഹ് പുത്തൻ പള്ളി                                              :                                                                        ✅   ജുമുഅ: നഷ്ടപ്പെടുത്തുന്ന ഖതീബുമാർ എന്നു പറയാം.                                    ജുമുഅ: ഖുത്ബയുടെ അവസാനത്തിന്റെയും ഇമാം ജുമുഅ:നിസ്കാരത്തിൽ പ്രവേശിക്കുന്നതിന്റെയും ഇടയിൽ മുവാലാത് (തുടർച്ച) നിർബന്ധമാണ്. അതായത്  ഏറ്റവും ചുരുങ്ങിയ രൂപത്തിൽ (ഫർളു മാത്രം എടുത്ത് ) രണ്ടു റക്അത് നിസ്കരിക്കാൻ ആവശ്യമായ ഇടവേള( ഏകദേശം ഒന്നര മിനിറ്റ് ) വരാൻ പാടില്ല .വന്നാൽ മുവാലാത്ത് നഷ്ടപ്പെടും. അപ്പോൾ ജുമുഅ: നഷ്ടപ്പെടും. അതിനുമുമ്പ് ഇമാം ജുമുഅ:  നിസ്കാരത്തിൽ പ്രവേശിക്കൽ നിർബന്ധമാണ്.                                      ഇഖാമത് അവസാനിക്കലോടു കൂടി ഖതീബ് മിഹ്റാബിൽ എത്തി ഉടനെ ജുമുഅ: നിസ്കാരത്തിൽ പ്രവേശിക്കണമെന്ന് ഇമാമുകൾ വ്യക്കമാക്കിയിട്ടുണ്ട്.

      ഇടവേള നഷ്ടപ്പെടരുതെന്നു കരുതി ജാഗ്രതയുടെ ഭാഗമായി  വെള്ളിയാഴ്ച ജുമുഅയുടെ ഇമാമിനു ഇഖാമതിനു ശേഷമുള്ള സ്വലാത്തും സലാമും പ്രാർത്ഥനയും സ്വഫ് നേരെയാക്കൽ കൊണ്ടുള്ള കൽപ്പനയും  സുന്നത്തില്ലന്നു ഇമാമുകൾ വ്യക്തമാക്കിയിട്ടുണ്ട്.   (അധിക വായനക്ക് തുഹ്ഫ : 1/ 476 , ഖൽയൂബി : 1/ 148, നിഹായത്തു സൈൻ: 1/97.,അൽ ഫതാവൽ മുഅ്തമദ: പേജ് 89 - 97 നോക്കുക )

   

----- 

والحاصل أن الامام في الجمعة لا يسن له الدعاء المذكور وكذا الصلاة والسلام على النبي صلى الله تعالى عليه وسلم  عقب الإقامة *بل يشرع  فورا في الصلاةواما المؤموم فان كان يمكنه الاتيان بذلك مع تحرمه عقب تحرم الامام فيسن له ذلك وإلا فلا* (الفتاوى المعتمدة١/٩٤ للعلامة حبيب بن يوسف تلميذ الشرواني رحمهم الله تعالى )കോപ്പി 

~~~~~~~~~~~~~~~~~~~~

സ്ത്രീകൾക്കു ബാങ്ക് വിളിയുടെ ഇജാബത്ത് സുന്നത്തുണ്ടോ* ?

 *സ്ത്രീകൾക്കു ബാങ്ക് വിളിയുടെ ഇജാബത്ത് സുന്നത്തുണ്ടോ* ?

❓ നിസ്കാരത്തിനു വേണ്ടി സ്ത്രീകൾക്കു ബാങ്ക് വിളി സുന്നത്തില്ലല്ലോ . എന്നാൽ ബാങ്ക് കേൾക്കുമ്പോൾ ഇജാബത്ത് [ ഉത്തരം ] നൽകൽ സ്ത്രീകൾക്ക് സുന്നത്തുണ്ടോ?

✅ അതേ, ബാങ്കിന് ഇജാബത്ത് നൽകൽ സ്ത്രീകൾക്കും സുന്നത്തുണ്ട്. (തുഹ്ഫ: 1/422) 

   ബാങ്കിനു ഇജാബത്ത് നൽകൽ, ബാങ്കിനു ശേഷം നബി(സ്വായുടെ മേൽ സ്വലാത്തും സലാമും ചൊല്ലൽ , ശേഷമുള്ള പ്രാർത്ഥന , ബാങ്ക് ഇഖാമത്തിൻ്റെ ഇടയിൽ ആയത്തുൽ കുർസിയ്യ് ഓതൽ, ബാങ്കിൻ്റെ രണ്ടു റക്അത്ത് സുന്നത്തു നിസ്കാരം എന്നിവയെല്ലാം സ്ത്രീ പുരുഷഭേദമന്യേ എല്ലാവർക്കും സുന്നത്താണ്.

[ ബാങ്ക് വിളി എന്നു പറയും പോലെ വാങ്ക് വിളി എന്നും പറയാം - ശബ്ദതാരാവലി ]

يندب للمرأة إجابة المؤذن ( കോപ്പി )

••••••••••••••••••••••••••••••••••

വാച്ച് കെട്ടേണ്ടത് ഏതു കൈയ്യിൽ*⁉️ ❓

 *വാച്ച് കെട്ടേണ്ടത് ഏതു കൈയ്യിൽ*⁉️

❓ സാധാരണമായി പലരും ഇടതു കൈയ്യിലാണ് വാച്ച് കെട്ടാറുള്ളത് . വലതു കൈയ്യിൽ കെട്ടാമോ?

=

✅ ഇഷ്ടമുള്ള കൈയ്യിൽ കെട്ടാം. അതു അനുവദനീയമാണ്.

    ബഹുമാനിക്കപ്പെടുന്ന കാര്യങ്ങളിൽ വലതിനെ മുന്തിക്കണമെന്നും നിന്ദതയുള്ള കാര്യങ്ങളിൽ ഇടതിനെ മുന്തിക്കണമെന്നും സുന്നത്തായ നിയമമുണ്ട്. ഇതിന് എതിർ ചെയ്യൽ കറാഹത്താണ്. (തുഹ്ഫ: 1/235, നിഹായ :1/130)

    ബഹുമാനവും നിന്ദതയും ഇല്ലാത്ത കാര്യങ്ങളിൽ ഏതിനെ  മുന്തിക്കണമെന്നതിൽ ഫുഖഹാഇനു ഭിന്നതയുണ്ട്. 

    ഇമാം റംലി (റ) ഇമാം ഖത്വീബ്ശ്ശിർബീനി (റ) എന്നിവരടക്കം നിരവധി പണ്ഡിതരുടെ വീക്ഷണം ഇടതിനെ  മുന്തിക്കണമെന്നാണ്. ഈ വീക്ഷണമാണ് ഇമാം നവവീ (റ) ശർഹുൽ മുഹദ്ദബിൽ വിവരിച്ചത്.

    എന്നാൽ ഇമാം ഇബ്നു ഹജർ(റ)വിൻ്റെ വീക്ഷണം വലതിനെ മുന്തിക്കണമെന്നാണ്..( നിഹായ :1/131, തുഹ്ഫ: 1/235, ശർവാനി: 1/158, 235)

[ ബഹുമാനവും നിന്നതയും ഇല്ലാത്തതിന് ഉദാ: ഒരു ഭാഗത്ത് നിന്നു മറ്റൊരു ഭാഗത്തേക്ക് നീക്കിവെക്കാൻ വേണ്ടി ചരക്ക് പിടിക്കൽ ] (ശർവാനി : 1/ 158)

_സംഗ്രഹം_

1)  വാച്ച് കെട്ടൽ സുന്നത്തില്ല.

2) വാച്ച് കെട്ടുകയാണെങ്കിൽ  ഇടതു കൈയ്യിൽ കെട്ടണമെന്നാണ് [അതാണു സുന്നത്ത് എന്നാണ്] ഇമാം നവവി(റ) , ഇമാം റംലി (റ) , ഇമാം ഖത്വീബുശ്ശിർബീനി , ഇമാം സിയാദീ (റ) അടക്കമുള്ള നിരവധി ഇമാമുകളുടെ ഉദ്ധരണിയിൽ നിന്നു വ്യക്തമാകുന്നത്.

3) എന്നാൽ വാച്ച് വലതു കൈയ്യിൽ കെട്ടലാണ് സുന്നത്ത്, ഇടതു കൈയ്യിൽ കെട്ടൽ കറാഹത്താണ് എന്നാണ് ഇമാം ഇബ്നു ഹജർ(റ)വിൻ്റെ ഉദ്ധരണിയിൽ നിന്നു മനസ്സിലാകുന്നത്.

[ الله اعلم وعلمه أتم ]

`ويلحق به أي بباب التكريم ما لا تكرمة فيه ولا إهانة كما مر ويكره تركه` ( تحفة :  1/235) 

 ﻛﺎﻥ اﻷﻭﺟﻪ ﻓﻴﻤﺎ ﻻ ﺗﻜﺮﻣﺔ ﻓﻴﻪ ﻭﻻ اﺳﺘﻘﺬاﺭ ﺃﻧﻪ ﻳﻔﻌﻞ ﺑﺎﻟﻴﻤﻴﻦ ( تحفة 1/158)

 ﻗﻮﻟﻪ ﻛﺎﻥ اﻷﻭﺟﻪ ﺇﻟﺦ) ﺧﻻﻓﺎ ﻟﻠﻤﻐﻨﻲ ﻭاﻟﺰﻳﺎﺩﻱ ﻭاﻟﻨﻬﺎﻳﺔ (ﻗﻮﻟﻪ: ﻣﺎ ﻻ ﺗﻜﺮﻣﺔ ﻓﻴﻪ ﺇﻟﺦ) ﻛﺄﺧﺬ ﻣﺘﺎﻉ ﻟﺘﺤﻮﻳﻠﻪ ﻣﻦ ﻣﻜﺎﻥ ﺇﻟﻰ ﻣﻜﺎﻥ ﺁﺧﺮ ﻋ ﺷ (ﻗﻮﻟﻪ: ﺃﻧﻪ ﻳﻔﻌﻞ ﺑﺎﻟﻴﻤﻴﻦ) ﻟﻜﻦ ﻗﻀﻴﺔ ﻗﻮﻝ اﻟﻤﺠﻤﻮﻉ ﻣﺎ ﻛﺎﻥ ﻣﻦ ﺑﺎﺏ اﻟﺘﻜﺮﻳﻢ ﻳﺒﺪﺃ ﻓﻴﻪ ﺑﺎﻟﻴﻤﻴﻦ ﻭخلاﻓﻪ ﺑﺎﻟﻴﺴﺎﺭ ﻳﻘﺘﻀﻲ ﺃﻥ ﻳﻜﻮﻥ ﻓﻴﻬﺎ ﺑﺎﻟﻴﺴﺎﺭ ﻧﻬﺎﻳﺔ اﻩـ ﻭاﻋﺘﻤﺪﻩ اﻟﺰﻳﺎﺩﻱ ﻭاﻟﻤﻐﻨﻲ ﻛﻤﺎ ﻣﺮ ( شرواني : 1/158)

ﻗﻮﻟﻪ: ﻭﻳﻠﺤﻖ ﺑﻪ ﺇﻟﺦ) ﺧﻻﻓﺎ ﻟﻠﻨﻬﺎﻳﺔ ﻭاﻟﻤﻐﻨﻲ ( شرواني :  1/235 )

(കോപ്പി)

××××××××××××××××××××××××

h

ആ പ്രാർത്ഥന ഹറാം, നിസ്കാരം ബാത്വിൽ*

 *ആ പ്രാർത്ഥന ഹറാം, നിസ്കാരം ബാത്വിൽ*

❓ ''എല്ലാ മുസ്'ലിംകൾക്കും എല്ലാ തെറ്റുകളും പൊറുത്തു കൊടുക്കണേ '' എന്ന പ്രാർത്ഥന ഹറാമാണെന്നു കേട്ടു . ശരിയാണോ? എങ്കിൽ കാരണമെന്ത്? 

✅ അതേ, പ്രസ്തുത പ്രാർത്ഥന ഹറാമാണ്. (തുഹ്ഫ: 2/88, ഫതാവൽ ഹദീസിയ്യ: 1/34  ശർവാനി: 2/88, ഹാശിയത്തു നിഹായ :1/532, ജമൽ: 1/389)

  പ്രസ്തുത പ്രാർത്ഥന നിസ്കാരത്തിൽ പ്രാർത്ഥിച്ചാൽ നിസ്കാരം ബാത്വിലാകും.  (ബുശ്റൽ കരീം: 1/275)

  *ഹറാമാകാൻ കാരണമെന്ത്?*

❓ ''എല്ലാ മുസ്'ലിംകൾക്കും എല്ലാ തെറ്റുകളും പൊറുത്തു കൊടുക്കണേ '' എന്ന പ്രാർത്ഥന ഹറാമാകാൻ കാരണമെന്ത്?

✅ മുസ്'ലിംകളിൽ പെട്ട ഒരു വിഭാഗം നരകത്തിൽ പ്രവേശിക്കുമെന്ന് ഖണ്ഡിതമായി അറിയപ്പട്ടതാണ്.( എല്ലാ മുസ്'ലിംകൾക്കും എല്ലാ തെറ്റുകളും അല്ലാഹു പൊറുത്തു കൊടുക്കുകയില്ല) ഖണ്ഡിതമായി അറിയപ്പെട്ടതിനെതിരാണ് പ്രസ്തുത പ്രാർത്ഥന. അതാണ് ഹറാമാകാനുള്ള കാരണം .

   ഇമാം ഇബ്നു ഹജർ(റ) പ്രസ്താവിക്കുന്നു: പ്രസ്തുത പ്രാർത്ഥന കുഫ്'രിലേക്ക് എത്തിക്കും 

(..فإن نوى بعمومها هذا أيضا امتنع بل ربما يكون كفرا لمخالفته ما علم قطعا ضرورة أنه لا بد من دخول جمع منهم النارَ : تحفة : 2/88)

 (തുഹ്ഫ: 2/88)

ﻭﻻ ﺗﺒﻄﻞ) اﻟﺼﻼﺓ (ﺑﺎﻟﺬﻛﺮ ﻭاﻟﺪﻋﺎء) ﻭﻣﻦ ﺛﻢ ﻟﻮ ..ﻛﺎﻧﺎ ﻣﺤﺮﻣﻴﻦ ﻛﺎﻟﺬﻛﺮ ﺑﺄﻟﻔﺎﻅ ﻻ ﻳﻌﺮﻑ ﻣﻌﻨﺎﻫﺎ، *ﻭﻛﺎﻟﺪﻋﺎء ﻟﺟﻤﻴﻊ اﻟﻤﺴﻠﻤﻴﻦ ﺑﻤﻐﻔﺮﺓ ﺟﻤﻴﻊ ﺫﻧﻮﺑﻬﻢ  ﺑﻄﻠﺖ ﺻﻼﺗﻪ* ( بشرى الكريم : 1/275)

ﻭﻗﺪ ﻳﻜﻮﻥ اﻟﺪﻋﺎء ﺣﺮاﻣﺎ ﻭمنه.. ﻃﻠﺐ ﻧﻔﻲ ﻣﺎ ﺩﻝ اﻟﺸﺮﻉ ﻋﻠﻰ ﺛﺒﻮﺗﻪ ﺃﻭ ﺛﺒﻮﺕ ﻣﺎ ﺩﻝ ﻋﻠﻰ ﻧﻔﻴﻪ، *ﻭﻣﻦ ﺫﻟﻚ: اﻟﻠﻬﻢ اﻏﻔﺮ ﻟﺟﻤﻴﻊ اﻟﻤﺴﻠﻤﻴﻦ ﺟﻤﻴﻊ ﺫﻧﻮﺑﻬﻢ* ﻟﺪﻻﻟﺔ اﻷﺣﺎﺩﻳﺚ اﻟﺼﺤﻴﺤﺔ ﻋﻠﻰ ﺃﻧﻪ ﻻ ﺑﺪ ﻣﻦ ﺗﻌﺬﻳﺐ ﻃﺎﺋﻔﺔ ﻣﻨﻬﻢ ﺑﺨﻼﻑ ﻧﺤﻮ اﻟﻠﻬﻢ اﻏﻔﺮ ﻟﻠﻤﺴﻠﻤﻴﻦ ﺃﻭ ﻟﺟﻤﻴﻊ اﻟﻤﺴﻠﻤﻴﻦ ﺫﻧﻮﺑﻬﻢ ﻋﻠﻰ اﻷﻭﺟﻪ ﻟﺼﺪﻗﻪ ﺑﻐﻔﺮاﻥ ﺑﻌﺾ اﻟﺬﻧﻮﺏ ﻟﻠﻜﻞ ﻓﻼ ﻣﻨﺎﻓﺎﺓ ﻟﻠﻨﺼﻮﺹ 

( حاشية الشرواني : 2/88 )

( ഫതാവൽ ഹദീസിയ്യ:യിൽ مسلمين എന്ന സ്ഥാനത്ത് مؤمنين എന്നാണുള്ളത്)

  *''സർവ്വ മുഅ്മിനുകൾക്കും പൊറുക്കണേ''* എന്നു പ്രാർത്ഥിക്കാം

   _അനുവദനീയമായ ചില പ്രാർത്ഥനാ പദങ്ങൾ വിവരിക്കാം_

*ഒന്ന്:*

*اللهم اغفر للمؤمنين والمؤمنات*

   ഈ പ്രാർത്ഥന വളരെ നല്ലതാണ്. എല്ലാ വെള്ളിയാഴ്ച ഖുത്ബയിലൂടെ നാം ഈ പ്രാർത്ഥന കേൾക്കാറുണ്ടല്ലോ. 

    ഈ പ്രാർത്ഥനയിൽ

 '' എല്ലാ മുഅ്മിനിനും മുഅ്മിനാത്തിനും പൊറുക്കണേ '' എന്നാണുള്ളത് *എല്ലാ തെറ്റുകളും* ( جميع ذنوبهم) എന്നില്ല . അതു ചേർത്താൽ അപകടം വരും. അതു നേരെത്തെ ഉണർത്തിയതാണ്. 

*രണ്ട്:*

*اللهم اغفر للمسلمين والمسلمات*

   ഈ പ്രാർത്ഥനയും വളരെ നല്ലതാണ്. 

    ഇതിലും *എല്ലാ തെറ്റുകളും* ( جميع ذنوبهم) എന്നില്ല .അതുകൊണ്ടാണ് നല്ല പ്രാർത്ഥന ആയത്.

*മൂന്ന്:*

  *اللهم اغفر للمؤمنين والمؤمنات ذنوبهم*

    ഈ പ്രാർത്ഥന അനുവദനീയവും നല്ലതുമാണ്. കാരണം എല്ലാ തെറ്റുകളും എന്ന് ഇതിലില്ല. ذنوبهم എന്നത് ചില തെറ്റുകൾക്ക് പറയാമല്ലോ ( ശർവാനി 2 /88)

*നാല്:*

*اللهم اغفر للمسلمين والمسلمات ذنوبهم*

  ഈ പ്രാർത്ഥനയും നേരെ മുകളിൽ പറഞ്ഞ കാരണം കൊണ്ട് തന്നെ നല്ലതാണ്. 

*അഞ്ച്:*

*اللهم اغفر لجميع المؤمنين ذنوبهم*

  ഈ പ്രാർത്ഥന നല്ലതാണ്. കാരണം മുകളിൽ വിവരിച്ചല്ലോ.

*ആറ്:*

*اللهم اغفر لجميع المسلمين ذنوبهم*

    ഈ പ്രാർത്ഥനയിലും പ്രശ്നമില്ല.കാരണം മുമ്പ് വിവരിച്ചത് തന്നെ .

*ഏഴ്:* 

   *اللهم اغفر لي جميع ذنوبي*

( എൻ്റെ എല്ലാ തെറ്റുകളും നാഥാ, എനിക്ക് നീ പൊറുത്ത് തരണേ )

   ഈ പ്രാർത്ഥന നല്ലതാണ്. കാരണം മുൻ വിശദീകരണത്തിൽ നിന്നു വ്യക്തമാണല്ലോ.

*എട്ട്:*

   സ്വന്തത്തെയും സദസ്സിലുള്ളവരെയും ഉദ്ദേശിച്ച്

*اللهم اغفر لنا جميع ذنوبنا*

(ഞങ്ങളുടെ എല്ലാ തെറ്റും പൊറുക്കണേ,

   ഈ പ്രാർത്ഥനയും മുമ്പ് വിവരിച്ച കാരണം കൊണ്ട് തന്നെ നല്ലതാണ്.

    *ഹറാമായ, കുഫ്'രിലേക്ക് എത്തിച്ചേരുന്ന പ്രാർത്ഥന*

👇🏻   👇    👇

    *ഒന്ന്:*

اللهم اغفر لجميع المؤمنين جميع ذنوبهم

( എല്ലാ മുഅ്മിനീങ്ങൾക്കും എല്ലാ തെറ്റുകളും പൊറുക്കണേ )

     *രണ്ട് :*

اللهم اغفر لجميع المسلمين جميع ذنوبهم

( എല്ലാ മുസ്'ലിംകൾക്കും എല്ലാ തെറ്റുകളും പൊറുക്കണേ )

 *[ തുഹ്ഫ: ശർവാനി :2/88 ]* കോപ്പി 

------------------------------------------- ht

നിസ്കാരത്തിൽ ഏതു രീതിയിൽ ഇരിക്കണം ?

 ❓നിസ്കാരത്തിൽ  ഏതു രീതിയിൽ ഇരിക്കണം ?

 ✅ ആറു ഇരുത്തത്തിലും ഇഫ്തിറാശിൻ്റെ ഇരുത്തം ഇരിക്കണം. ആ ഇരുത്തമാണ്  സുന്നത്ത്.

`ആറു ഇരുത്തങ്ങൾ`

1) രണ്ടു സുജൂദിൻ്റെ ഇടയിലുള്ള ഇരുത്തം

2) ആദ്യത്തെ അത്തഹിയ്യാത്തിലെ ഇരുത്തം

3) ഇസ്തിറാഹ ത്തിൻ്റെ ഇരുത്തം

4) നിൽക്കാൻ സാധിക്കാത്തൻ്റെ ഇരുത്തം 

5) ഇമാമിൻ്റെ കൂടെ മസ്ബൂഖിൻ്റെ ഇരുത്തം

6) സഹ്'വിൻ്റ സുജൂദ് ചെയ്യാൻ ഉദ്ദേശിച്ചവൻ്റെ ഇരുത്തം .

   സലാം വീട്ടൽ ഉടനെ വരുന്ന അവസാനത്തെ അത്തഹിയ്യാത്തിൽ തവർറുകിൻ്റെ ഇരുത്തമാണ് സുന്നത്ത് . ഇതാണു ഏഴാമത്തെ ഇരുത്തം. 

`പ്രത്യേക ശ്രദ്ധയ്ക്ക്`

    ഇഫ്തിറാശിൻ്റ ഇരുത്തം സുന്നത്തുള്ള ആറു ഇരുത്തത്തിലും 'സുന്നത്തായ _ഇഖ്ആഅ്_ ഇരുത്തവും സുന്നത്തുണ്ട്. എന്നാൽ _ഇഖ്ആഅ്_ ഇരുത്തത്തിനേക്കാൾ അഫ്ളല് ഇഫ്തിറാശിൻ്റെ ഇരുത്തമാണ്. (തുഹ്ഫ: 2/25,ബുശ്റൽ കരീം: 1/200,  ബിഗ്'യ: പേജ്: 32 )

❓ഇഖ്ആഅ് ഇരുത്തം കറാഹത്തല്ലേ?

✅ ഇഖ്ആഅ് [ إقعاء ] രണ്ടു വിധത്തിലുണ്ട്. ഒന്ന്, സുന്നത്ത് . രണ്ട് , കറാഹത്ത്. 

   സുന്നത്തായ ഇഖ്ആഇൻ്റ രുപം ഇങ്ങനെ : ''രണ്ടു കാൽവിരലുകളുടെ പള്ള ഭൂമിയിൽ ചേർത്തിവെച്ച് രണ്ടു മടമ്പിൻ്റെ മേൽ ചന്തി വെക്കുക''

  കറാഹത്തുള്ള ഇഖ്ആഅ് ഇങ്ങനെ: ''രണ്ടു മുട്ടുംകാൽ നാട്ടിവെച്ച് രണ്ടു ചന്തിൻ്റെ മേൽ ഇരിക്കുക'' (ബുശ്റൽ കരീം 1/200 )

      ഈ ഇരുത്തം കറാഹത്താകുന്നതിലെ യുക്തി  നായ ഇരിക്കുന്ന ഒരു രീതിയായതുകൊണ്ടാണ് ( തുഹ്ഫ: 2/25)

   നായ ഇരുത്തം' എന്നു ഇതിനു സാധാരണ പറയാറുണ്ട്.

`ﻓاﻹﻗﻌﺎء اﻟﻤﺴﻨﻮﻥ؛ ﻷﻧﻪ ﻓﻲ ﻛﻞ ﺟﻠﻮﺱ ﺗﻌﻘﺒﻪ ﺣﺮﻛﺔ، ﻭﻫﻮ ﺃﻥ ﻳﻠﺼﻖ ﺑﻄﻮﻥ ﺃﺻﺎﺑﻊ ﺭﺟﻠﻴﻪ ﺑﺎﻷﺭﺽ، ﻭﻳﻀﻊ ﺃﻟﻴﻴﻪ ﻋﻠﻰ ﻋﻘﺒﻴﻪ، ﺑﺨﻼﻑ اﻹﻗﻌﺎء اﻵﺧﺮ ﻓﻤﻜﺮﻭﻩ ﻣﻄﻠﻘﺎ، ﻭﻫﻮ ﺃﻥ ﻳﺠﻠﺲ ﻋﻠﻰ ﻭﺭﻛﻴﻪ ﻧﺎﺻﺒﺎ ﺭﻛﺒﺘﻴﻪ`

 ( بشرى الكريم : ١ / ٢٠٠ )

കോപ്പി 

√√√√√√√√√√√√√√√√√√√√√

റജബ് മാസം പ്രഥമ രാവ്*

 *റജബ് മാസം പ്രഥമ രാവ്*

❓ റജബ് മാസത്തിലെ പ്രഥമ രാവിന് കൂടുതൽ മഹത്വമുണ്ടോ?

✅ അതേ, റജബ് മാസം പ്രഥമ രാവ് അതിപ്രധാനമാണ്. 

     ഇമാം ശാഫിഈ (റ) പറയുന്നു: അഞ്ചു രാവുകളിൽ പ്രാർത്ഥനയ്ക്ക് ഉത്തരം ലഭിക്കുമെന്നത് എനിക്കു ലഭിച്ചിട്ടുണ്ട്. റജബ് പ്രഥമ രാവ്, വെളളിയാഴ്ച രാവ് , രണ്ടു പെരുന്നാൾ രാവ്, ബറാഅത്ത് രാവ് എന്നിവയാണത്. [ ലത്വാഇഫുൽ മആരിഫ്: 137, ശർഹുൽ മുഹദ്ദബ്: 5/ 42,43 ]

     ഇമാം ഗസാലി (റ) പറയുന്നു: റജബ് പ്രഥമ രാവ് നന്മകളുടെ ഉത്സവ രാവാണ്. പ്രസ്തുത രാവിൽ ഇബാദത്തു കൊണ്ട് സജീവമാകൽ ശക്തമായ സുന്നത്താണ്. [ ഇഹ്'യാ: 1/361]

`أول ليلة من رجب موسم الخيرات`

     

     ഇമാം റംലി (റ) പറയുന്നു: റജബ് പ്രഥമ രാവ് ഇബാദത്ത് കൊണ്ട് സജീവമാക്കൽ സുന്നത്താണ് [ നിഹായ : 2/397 ]

`يستحب إحياء ليلة أول رجب`

    ഇമാം ഗസാലി (റ) പ്രസ്താവിക്കുന്നു: അല്ലാഹു ഒരു അടിമയെ ഇഷ്ടപ്പെട്ടാൽ മഹത്വമുള്ള സമയങ്ങളിൽ ഇബാദത്ത് ചെയ്യാൻ അവനു അല്ലാഹു അവസരം നൽകും. അല്ലാഹു ഒരു അടിമയെ വെറുത്താൽ. മഹത്വ സമയങ്ങളിൽ മോശപ്പെട്ട കർമങ്ങളിൽ അവൻ സമയം ചെലവഴിക്കും. അതുമൂലം അവൻ്റെ ശിക്ഷ അല്ലാഹു ശക്തമാക്കും [ ഇഹ്'യാ: 1/ 188 ]

 

 `റജബ് ആദ്യ ദിനം നോമ്പ്`

   റജബ് മാസം മുഴുവനും നോമ്പ് സുന്നത്താണ്. [ അൽ മുഖദ്ദിമത്തുൽ  ഹള്റമിയ്യ: 1/ 263 , ഫതാവൽ കുബ്റ:  2/ 67 ]

    റജബ് ആദ്യ മൂന്നു ദിവസം നോമ്പ് സുന്നത്താണ് [ തുഹ്ഫ:2/ 456 ]

    ഫർളു നോമ്പ് ഖളാ വീട്ടാനുള്ളവർ അതിൻ്റെ നിയ്യത്തോടെ സുന്നത്തു നോമ്പിൻ്റെ നിയ്യത്ത് വെച്ചാൽ ഒന്നിലധികം നോമ്പ് ലഭിക്കും [ ഫത്ഹുൽ മുഈൻ ] 

   ഉദാ: 2025 ജനുവരി 2 വ്യാഴം റജബ് ഒന്നാണെങ്കിൽ 

1 )ഫർളു നോമ്പ് ഖളാ വീട്ടൽ

2) റജബിലെ നോമ്പ്

3) വ്യാഴാഴ്ച നോമ്പ്

4 ) റജബ്  പ്രഥമ ദിവസത്തെ നോമ്പ് ഇവയെല്ലാം കരുതാം.

(Copy)

••••••••••••••••••••••••••••••••••••