*ആധുനിക സംഘടിതസകാതും ബൈതുസ്സകാതും മതവിരുദ്ധം!*
✒️ *ഹുസൈൻ കാമിൽ ഒമച്ചപ്പുഴ*
ജമാഅത്തെ ഇസ് ലാമിയുടെ കീഴിൽ മുസ്ലിം പൊതുജനങ്ങളിൽനിന്ന് സകാത് സംഭരിച്ചു പ്രസ്ഥാനപ്രവർത്തനങ്ങൾ (പത്രവും ചാനലും "മാധ്യമ ജിഹാദ്"എന്ന രീതിയിൽ വഖ്ഫിന്റെയും സകാത്തിന്റെയും പണം ഉപയോഗിച്ചു ആവിഷ്കരിക്കപ്പെട്ടതാണെന്നു അതിന്റെ ഒരു പ്രമുഖനേതാവ് തന്നെ ഓഡിയോ ക്ലിപ്പ് വഴി പ്രചരിപ്പിച്ചത് എല്ലാവരും കേട്ടിട്ടുള്ളതാണല്ലോ)ഊർജ്ജിതമാക്കാൻ ലക്ഷ്യംവെച്ചു ആവിഷ്ക്കരിക്കപ്പെട്ട "ബൈത്തുസ്സകാത് ക്യാമ്പയിനി"ന്റെ സംസ്ഥാനതല ഉദ്ഘാടനം 31/01/2025 ന് കണ്ണൂരിൽ വെച്ചു മുസ്ലിം ലീഗ് ദേശീയ ഓർഗനൈസിംഗ്‌ സെക്രട്ടറി ഇ ടി മുഹമ്മദ് ബഷീർ നിര്വഹിക്കുമെന്ന പരസ്യം കാണാനിടയായി,ക്യാമ്പയിനിന്റെ ലോഗോ പ്രകാശനം നേരത്തെ തന്നെ മുസ്ലിം യൂത്ത്‌ലീഗ് സംസ്ഥാന പ്രസിഡണ്ട് മുനവ്വറലി ശിഹാബ് തങ്ങൾ നിർവഹിക്കുകയും ബൈതുസ്സകാത് എന്ന സംഘടിതസകാത് പദ്ധതിയെ എല്ലാവരും സഹായിക്കണമെന്ന് അഭ്യാർതിച്ചുകൊണ്ട് വീഡിയോ ഇറക്കുകയും ചെയ്തിട്ടുണ്ടായിരുന്നു,തികച്ചും ഇസ്ലാമിക വിരുദ്ധമായ ഈ സമീപനത്തിന്റെ മത കാഴ്ചപ്പാട് ചൂണ്ടിക്കാണിക്കുക എന്ന ധർമ്മ നിർവഹണാർത്ഥവും ലീഗിന്റെ സമുന്നത നേതാവും പാണക്കാട്ടെ കുട്ടിത്തങ്ങന്മാരും ഇതിന്റെ പ്രചാരകാരവുക വഴി ഇത് മതപരമായി സാധുതയുള്ളതാണെന്നു പാമരന്മാർ തെറ്റിദ്ധരിക്കാനും വഞ്ചിക്കപ്പെടാനും സാധ്യതയുള്ളതിനാലുമാണ് ഈ കുറിപ്പ് പബ്ലിഷ് ചെയ്യുന്നത്.
സുന്നിവിരുദ്ധർ അവരുടെ അഭിനവ മതത്തിൽ സൃഷ്ടിച്ചുണ്ടാക്കിയ അടിസ്ഥാനമില്ലാത്തതും നിയമവിരുദ്ധമായതുമായ ഒരു പുതിയ ആചാരമാണ് സകാത് വിതരണം കമ്മറ്റി മുഖേന നടത്തുകയെന്നത്. “സകാത് വാങ്ങാൻ അർഹരായവർക്ക് സകാത് വിഹിതം ശാസ്ത്രീയമായി എത്തിക്കാനുള്ള സംവിധാനം എന്നതാ ണിതിനു വേണ്ടി ഉന്നയിക്കപ്പെടുന്ന ദുർന്യായം,സകാത് ശേഖരി ക്കാൻ കമ്മറ്റി രൂപീകരിച്ച് അതിനു ഇസ്ലാമിക പാരമ്പര്യം ചാർത്തി“ബൈതുൽ മാലി'ൻ്റെ പവറിലേക്കുയർത്താനും ചിലപ്പോഴൊക്കെ അവർ ശ്രമിക്കാറുണ്ട്. ഈ കമ്മറ്റി മെമ്പർമാർക്ക് “ആമി ലീങ്ങൾ” (ഉദ്യോഗസ്ഥർ) എന്ന ഓമനപ്പേർ നല്കി അവകാശികൾക്ക് നൽകേണ്ട ഒരു വിഹിതം കമ്മറ്റി പ്രവർത്തകർ മുഖേന സ്വന്തം പ്രസ്ഥാന ഫണ്ടിലേക്ക് തിരിക്കുന്ന കുത്സിത ശ്രമം കൂടെ ഇതിനുള്ളിൽ നടക്കുന്നുണ്ട്. ഇങ്ങിനെ കൃത്രിമങ്ങൾ കാണിച്ചു സ്വർഗ്ഗം നേടാൻ ശ്രമിക്കുന്നതിലുപരി സകാതിന്റെ സമ്പത്ത് ലാഭിച്ചു നരകത്തിലേക്ക് പോവാൻ ഒരുങ്ങുന്നതാണ് കരണീയം. മതം പറയുന്ന ലക്ഷ്യവും മാർഗവും സ്വീകരിക്കാൻ മനസ്സില്ലാത്തവർ “മുസ്ലിം ഐഡന്റിറ്റി" ഒഴിവാക്കുന്നതാണുചിതം. മതശാസനകൾ ധിക്കരിച്ചു അനുഷ്ഠിക്കുന്ന കർമങ്ങളെല്ലാം നിഷ്‌ഫലമാണ്. എല്ലാം നിയമാനുസൃതമായിരിക്കണമെന്ന നിർബന്ധനിബന്ധനയുമുണ്ട്. ശരീഅത്ത് പാലിക്കാത്ത സകാത്ത് വിതരണം നഷ്‌ടം വരുത്തുന്ന ഏർപ്പാട് മാത്രമാണ്.
*കമ്മറ്റിയുടെ പോരായ്മ‌കൾ*
സകാത് വിതരണത്തിനു ഇസ്ലാമിൽ മൂന്ന് രീതി മാത്രമാണുള്ളത്. ഒന്ന് ഇസ്ലാമിക ഭരണമുള്ള രാജ്യത്ത് അവിടുത്തെ ഇമാമിനെ ഏല്പിക്കുക. രണ്ട്: സ്വയം വിതരണം ചെയ്യുക. മൂന്ന്: അർഹതയുള്ളവനെ “വകാലത്താ''ക്കുക എന്നിവയാണവ ,നമ്മുടെ രാജ്യത്ത് ഇസ്ലാമിക ഭരണ മില്ലാത്തതിനാൽ വിതരണത്തിനു രണ്ടു രീതി മാത്രമേയുള്ളൂ. എന്നാൽ: ഈ മൂന്ന് വകുപ്പിലും അഭിനവ കമ്മിറ്റികൾക്ക് ഒരു പ്രവേശനവുമില്ല.
വിവിധ തസ്തികകളുള്ള ഒരു സംവിധാനത്തിനാണ് കമ്മറ്റിയെന്നു പറയുന്നത്. പ്രസിഡണ്ട്,സെക്രട്ടറി, ട്രഷറർ,മെമ്പർ തുടങ്ങിയ പോസ്റ്റുകളുള്ള കമ്മറ്റിയെ സകാത് ഏല്പ്‌പിച്ചാൽ മറ്റുള്ള എല്ലാവരെയും നിഷ്പ്രഭമാക്കാൻ പ്രസിഡന്റിനു കഴിയും. സെക്രട്ടറിയുടെ അധികാരം മെമ്പർമാർക്കില്ല. ഇങ്ങനെ വ്യത്യസ്ഥ തരത്തിലായി അധികാരങ്ങളുള്ള ഒരു "കൂട്ടുകമ്പനി'യെ വകാലത്താക്കാൻ പോലും വകുപ്പില്ല. വകാലത്തിൻ്റെ മറപിടിച്ചാണ് ചില കമ്മറ്റിക്കാർ രംഗപ്രവേശം ചെയ്യാറുള്ളത്. വ്യത്യസ്ത പവറുള്ള ഒരു കൂട്ടത്തെ വകാലത്താക്കപ്പെട്ട വസ്തുവിലും ഓരോരുത്തർക്കും വ്യത്യസ്ഥ അധികാരങ്ങളാണുണ്ടാവുക. അവിടെ അരി കൊടുക്കാൻ കമ്മറ്റിയോഗം ചേർന്നാൽ, ഒരു നിശ്ചിത ഫഖീറിനു അരി കൊടുക്കണമെന്ന് ഒരു മെമ്പർ അഭിപ്രായപ്പെടുമ്പോൾ മറ്റുള്ളവർ അതിനെ എതിർക്കാം.അയാളുടെ അഭിപ്രായത്തിനു ഭൂരിപക്ഷ പിന്തുണയില്ലാതിരുന്നാൽ അയാളുടെ വകാലത്ത് പവർ നഷ്ടപ്പട്ടു. ഇങ്ങനെ വിടവാങ്ങുന്നതല്ല "വകാലത്ത് അധികാരം' അതിനാൽ;കമ്മറ്റിക്ക് വകാലത്തിന്റെ പവർ നല്കാൻ ഇസ്ലാമിക ഫിഖ്ഹിൽ ഒരു പഴുതും കാണുന്നില്ല. ചിലപ്പോൾ ഫഖീറിന്റെ യോഗ്യത തീരുമാനിക്കാൻ കമ്മറ്റിയിലെ ഭൂരിഭാഗം പരിശോധിക്കേണ്ടതായും വരും. ഇത്തരുണത്തിലുള്ള പലതരം പ്രശ്‌ന-പ്രതിസന്ധികൾ കമ്മറ്റിയിലുണ്ടാവു ന്നതിനാൽ രൂപീകരിച്ച കമ്മറ്റിയിലെ ഒരംഗത്തെ കമ്മറ്റി മെമ്പർമാർ എന്ന നിലയ്ക്ക് വകാലത്താക്കുന്നതും ക്ഷന്തവ്യമല്ല.
*ആന്തരിക സ്വത്തും ബാഹ്യസ്വത്തും*
ഇസ്ലാമിക രാജ്യത്തെ ഇമാമിനു ചില ഘട്ടങ്ങളിൽ സകാത് പിരിച്ചെടുക്കാനുള്ള പവറുണ്ടായതിനാൽ അതിന്റെ മറപിടിച്ചും സകാത് കമ്മറ്റിക്ക് പരി ശുദ്ധി കല്പിക്കാൻ നൂതന വാദികൾ ശ്രമിക്കാറുണ്ട്. എന്നാൽ; ഫിത്വർ സകാത് പോലുള്ളവ ഇമാമിനു തന്നെ പൂർണ്ണാർത്ഥത്തിൽ പിരിച്ചെടുക്കാൻ അവകാശമില്ലെന്നതാണ് വസ്‌തുത. സകാതിനെ "ആന്തരികസ്വത്തിന്റെ സകാത്" "ബാഹ്യസ്വത്തിൻ്റെ സകാത്"എന്നിങ്ങനെ രണ്ടായി തരംതിരിച്ചിട്ടുണ്ട്. അവ ഏതൊക്കെയാണെന്നതു
സംബന്ധമായുള്ള വിവരണം കാണുക:
أن المال الباطن النقد وعرض التجارة والركاز وزكاة الفطر والمال الظاهر المواشى والزروع والثمار والمعادن (نهاية 3/136 ، شروانی3/ ٣٤٤)
“ഒന്ന് : ആന്തരികമായ സ്വത്തിൻ്റെ സകാത്. സ്വർണ - വെള്ളി നാണയങ്ങൾ, നിധി, കച്ചവട ചരക്കുകൾ തുടങ്ങിയവയുടെ സകാത്തും ഫിത്വർ സകാത്തുമാണവ. രണ്ട് : ബാഹ്യധനത്തിന്റെ സകാത്ത്. കൃഷികൾ, ആട്, മാട്, ഒട്ടകം, പഴവർഗ്ഗങ്ങൾ, ലോഹങ്ങൾ എന്നിവയുടെ സകാത്താണവ."(നിഹായ : 3/136) (ശർവാനി : 3/344).
ഇവയിൽ ആന്തരിക ഇനത്തിൽപെട്ട സകാത്ത് മുസ്ലീം ഭരണാധികാരിയിലേക്ക് തിരിക്കൽ കൊണ്ട് ബാധ്യത ഒഴിവായിക്കിട്ടു മെങ്കിലും പ്രത്യേക നിർദ്ദേശ മടിസ്ഥാനത്തിൽ ജനങ്ങളോടാവശ്യ പ്പെടാനോ പിരിച്ചെടുക്കാനോ അദ്ദേഹത്തിനു പോലും അവകാശമില്ലെന്നാണ് പണ്ഡിതർ വിവരിച്ചിട്ടുള്ളത്. തുഹ്ഫ: നിഹായ: മുഗ്നി എന്നീ ഗ്രന്ഥങ്ങൾ അവ വിവരിച്ചു രേഖപ്പെടുത്തിയ ലിഖിതം ഇങ്ങിനെ
വായിക്കാം:
وله أن يؤدي بنفسه
زكاة المال الباطن ) وليس للإمام أن يطلبها إجماعا ...... نعم يلزمه إذا علم أوظن أن المالك لا يزكي أن يقول له ما يأتي (تحفة3/ ٣٤٤) (نهاية3/ ١٣٦) (مغنى1/ ٤١٣)
ഇമാമിനു ഇതിന് അർഹതയില്ലെന്നതിനുള്ള ന്യായം പണ്ഡിതർ സമർത്ഥിക്കുന്നതിങ്ങനെ വായിക്കാം:
وأما الأموال الباطنة فقال الماوردي ليس للولاة نظر في زكاتها بل أصحاب الأموال أحق بتفرقتها فإن بذلوها طوعا قبلها الإمام منهم ( شرح المهذب ج 6/ ص ١٦٦)
“ആന്തരിക ധനത്തിൻ്റെ സകാത് ഭരണകർത്താക്കളുടെ നി യന്ത്രണ പരിധിയിൽ വരുന്നില്ലെന്ന് ഇമാം മാവറദി(റ) പ്രസ്താവി ച്ചിട്ടുണ്ട്. അതിനാൽ, അവ വിതരണം ചെയ്യേണ്ട ബാധ്യത മുതലുടമക്കാണ്. അഥവാ ഭരണാധികാരി ജനങ്ങളിൽ നിന്ന് സകാത് ആവശ്യപ്പെടാതെ മുതലുടമകൾ തന്നെ ഇഷ്ടാനുസൃതം ഇമാമിലേക്കു തിരിച്ചാൽ ബാധ്യത വീടുന്നതാണ്". (ശറഹുൽ മുഹദ്ദബ്: 6/166, അലിയ്യുശ്ശബ്‌റാമുല്ലസി: 3/136,ശർവാണി 3/344).
*ആരാണ് ഇമാം ?*
കമ്മറ്റിക്കാർ ഇമാമിൻ്റെ റോളിൽ അവതരിച്ചു സകാത്ത് നശിപ്പിക്കാൻ ശ്രമിക്കുന്നുണ്ട്. മതം വ്യക്തമായി പരിചയപ്പെടുത്തിയ എന്ത് യോഗ്യതയാണ് കമ്മറ്റിക്കുള്ളത്? ആരാണ് മേൽ അധികാരങ്ങൾ നിക്ഷിപ്തമായ ഇമാമെന്നു പരിചയപ്പെടുക:
يجوز دفع الزكاة للسلطان ..... إذا أخذها بنية الزكاة وقد صحت ولايته وقويت شوكته وانعقدت إمامته باستخلاف أو بيعة أو تغلب لكن التفريق بنفسه أو بوكيله أولى ( بغية ١٠٤
“പ്രാതിനിധ്യം, ഉടമ്പടി. ഭൂരിപക്ഷത്തിൻ്റെ പിന്തുണയാർജ്ജിക്കൽ എന്നിവ മുഖേന സ്ഥിരപ്പെട്ട ഇമാമത്തും ശക്തമായ അധികാരവും ഭരണ സാധുതയുമുള്ളവനാണ് ഇമാം." (ബിഗ് യ: 104)
രൂപീകരിക്കപ്പെടുന്നതും ആജീവാനന്തമായി നിയമിക്കപ്പെടുന്നതുമായ ഒരു കമ്മറ്റിക്കും ഇമാമിനു പറയപ്പെട്ട ഒരു യോഗ്യതയു മില്ലാത്തതിനാൽ കമ്മറ്റിയെ ഇമാമിനോടു താരതമ്യം ചെയ്യാൻ ശ്ര മിക്കുന്നത് തന്നെ അജ്ഞതയോ കടുത്ത ധിക്കാരമോ ആണ്. അതുകൊണ്ട് തന്നെ കമ്മറ്റിയോ സമിതികളോ ഇമാമല്ല എന്ന കാര്യം വ്യക്തമാണ്. മേൽ പവറുള്ള ഇമാമിനു പോലും ഫിത്വർസകാത് പോലുള്ളവ ചോദിച്ചു വാങ്ങാൻ അർഹതയില്ലെന്നിരിക്കെ ഇമാമിന്റെ സ്ഥാനത്തവതരിച്ചതാണെന്നവകാശപ്പെടുന്ന കമ്മ റ്റിക്ക് പിരിവുനടത്താൻ ഏത് മതമാണ് അധികാരം നൽകുന്നതെന്നറിയേണ്ടതുണ്ട്. ഇമാമിനു ഇത്തരുണത്തിൽ സകാത് ചോദിക്കൽ ഹറാമാണെന്നാണ് നിയമമെന്ന രേഖ നോക്കുക:
قوله ليس للولاة ) أي يحرم عليهم ( قليوبي ج ٢ ص ٤٣)
“ഭരണാധികാരികൾ ഉടമകളിൽ നിന്ന് സകാത് സംഭരിക്കൽ നിഷിദ്ധവുമാണ്' (ഖൽയൂബി: 2/43)
فإن بذلوها طوعا قبلها الوالى ( كنز الراغبين ج ٢ ص ٤٢ )
"ഫിത്വർ സകാത് ഉൾപ്പെടെയുള്ള ആന്തരിക സമ്പത്തുക്കളുടെ സകാത് സ്വാഷ്ടപ്രകാരം ഭരണാധികാരികളെ ഏൽപ്പിച്ചാൽ അവർക്കത് സ്വീകരിക്കാമെന്നു മാത്രം."( കൻസൂർ റാഗിബീൻ:2/42)
ഫിത്വർ സകാത് ഉൾപ്പെടെയുള്ള ആന്തരിക സമ്പത്തുക്കളുടെ സകാതിനെപറ്റി ഭരണാധികാരികൾ പോലും "വേവലാതിപ്പെടേണ്ടതില്ലെന്നും നിർബന്ധിച്ചു അടപിക്കാൻ വാളും പരിചയും എടുക്കേണ്ടതില്ലെന്നും വ്യക്തം.
നിസ്ക‌രിക്കുക, നോമ്പനുഷ്ഠിക്കുക, സകാത് നൽകുക തു ടങ്ങിയ മതനിർദ്ദേശങ്ങൾ വ്യക്തികളോട് സ്പെഷ്യലായിട്ടായതിനാലും പ്രസ്തുത നിർദ്ദേശം ഭരണകൂടങ്ങളോടല്ലാത്തതിനാലും വ്യക്തികൾ തന്നെ അതു നൽകുകയാണ് വേണ്ടത്. പക്ഷെ; വാ ങ്ങാൻ അർഹതയുള്ളവരെ സംബന്ധിച്ച് വ്യക്തികളെക്കാൾ ജ്ഞാനം ഗവൺമെന്റിനാകയാൽ ഉടമകൾക്ക് തങ്ങളുടെ സകാത്ത് ഇസ്ലാമിക ഗവൺമെന്റിനെ ഏല്പിക്കാമെന്നു മാത്രം. എന്നാൽ; ഇസ്ലാമിക ഗവൺമെന്റുകളില്ലാത്തതിനാൽ ഓരോ പ്രദേശത്തു മുള്ള മുസ്ലീംകൾ - ഗ്രാമം, താലൂക്ക്, ജില്ല, സംസ്ഥാനം, എന്നിവ അടിസ്ഥാനമാക്കി സകാത്ത് സംഘടിപ്പിച്ച് വിതരണം ചെയ്യാമെന്ന വാദം ശരിവെക്കാൻ ഒരു നിർവ്വാഹവുമില്ല. ഇത്തരുണത്തിൽ വിതരണം ചെയ്യപ്പെടുന്നവ സൗജന്യമായി നൽകപ്പെട്ടത് പോലെയായ തുകൊണ്ട് സകാതിന്റെ ബാധ്യത വീടണമെങ്കിൽ വേറെ നൽകുകയും കഴിഞ്ഞകാലങ്ങൾക്ക് വേണ്ടിയുള്ള സകാതുകൾ വേറെ തന്നെ കൊടുത്തു വീട്ടുകയും ചെയ്യേണ്ടതാണ്.
*വിരുതന്മാരെ പിടികൂടണം*
ഇസ് ലാമിക ഭരണാധികാരിക്ക് സകാത് വിഹിതം ചോദിച്ചു വാങ്ങാൻ അവകാശമില്ലെങ്കിലും നിയമത്തിന്റെ മറവിൽ വല്ല വിരുതൻമാരും രക്ഷപ്പെടാൻ ശ്രമിക്കുന്നു വെങ്കിൽ അവരെ പിടികൂടാൻ ഇമാമിനു അവകാശം നൽകപ്പെടുന്നുണ്ട്. കുതന്ത്രം പ്രയോഗിച്ചു നിയമത്തിൽ നിന്ന് ഒളിച്ചോടുന്നവരെ പിടിച്ചു കെട്ടാനുള്ള സ്പെഷ്യൽ ഓർഡറാണത്. നിർദ്ദേശമിതാ
فيلزمه إذا ظن من إنسان عدم إخراجها أن يقول له أدها والآفادفعها لي لأفرقها لانه إزالة منكر (تحفة :3/345 ) (شرح المهذب: 6/166) (نهاية: 3/136) “
ഒരാൾ സകാത്
നൽകിയിട്ടില്ലെന്ന് ഭരണാധികാരിക്ക് ബോ ധ്യമായാൽ സ്വന്തം നൽകണമെന്നോ അല്ലെങ്കിൽ, തന്നെ ഏല്പി ക്കണമെന്നോ നിർദ്ദേശിക്കാൻ ഭരണാധികാരിക്ക് അവകാശമുണ്ടെന്നു മാത്രമല്ല അത് നിർബന്ധവുമാണ്.” (ശറഹുൽ മുഹദ്ദബ് 6/166 , തുഹ്ഫ : 3/344, നിഹായ: 3/136)
പക്ഷേ, ഇങ്ങനെ ആവശ്യപ്പെടാൻ ഇമാമിനു മാത്രമേ അർഹതയുള്ളു. ഒറ്റപ്പെട്ട വ്യക്തികൾക്ക് അവകാശമില്ല. ഇക്കാര്യം വിവരിച്ച് പണ്ഡിതർ രേഖപ്പെടുത്തിയതിങ്ങനെ വായിക്കാം:
قوله نعم يلزمه ومثل الإمام فى ذلك الآحاد لكن في الأمر بالدفع لا فى الطلب ع ش ) شروانی ج ٣ ص ٣٤٤)
“പ്രസ്തുത വിഷയത്തിൽ മറ്റു വ്യക്തികളും ഇമാമിനു സമമാണ്. പക്ഷെ; ഇത് സകാത് നൽകാൻ നിർദ്ദേശിക്കുന്ന വിഷയ ത്തിൽ മാത്രമാണ്. വ്യക്തികളെ ഏല്പ‌ിക്കാൻ ആവശ്യപ്പെടുന്ന വി ഷയത്തിലല്ല”. (ശരവാനി: 3/344)
മേൽ ഉദ്ധരണിയടിസ്ഥാനത്തിൽ വ്യക്തികൾക്ക് ഒരു സാഹ ചര്യത്തിലും സകാത് ചോദിച്ചു വാങ്ങാൻ വകുപ്പില്ലെന്നാണ് വ്യ ക്തമാവുന്നത്. അതിനാൽ, ഫിത്വർ സകാത് സമാഹരിക്കുന്നതിനു വേണ്ടി കമ്മറ്റി രൂപീകരിക്കുന്നതിനും ആ കമ്മറ്റികൾ വഴി ജനങ്ങ ളിൽ നിന്ന് സകാതിന്റെ ഓഹരികൾ പിരിച്ചെടുക്കുന്നതിനും ഇസ്ലാമികമായി ഒരു മാനവും ന്യായവുമില്ലെന്നു സുതാരം വ്യക്തമായി.
*കമ്മറ്റി മെമ്പറെ വകീലാക്കിയാൽ .....?*
ഒരു പ്രദേശത്ത് രൂപം കൊണ്ട കമ്മറ്റിയിലെ ഒരംഗത്തെ വകാലത്താക്കിക്കൂടെ എന്ന ചോദ്യമുയരാറുണ്ട് അയാൾ കമ്മറ്റി മെമ്പറായി എന്ന പരിഗണന വെച്ചാണ് അയാളെ വകാലത്താക്കുന്നതെ ങ്കിൽ അത് ഗതകാല കീഴ് വഴക്കങ്ങൾക്കെതിരാണ്. അത്തരത്തിലുള്ള ഒരാൾ വകീലാവാനുള്ള സർവ്വ നിബന്ധനകളും യഥോചിതം പാലിച്ചിട്ടുണ്ടെന്ന് ഉടമക്ക് ബോധ്യമുണ്ടെങ്കിൽ മാത്രമേ വിതരണത്തിന് അദ്ദേഹത്തേ ഏൽപിച്ച ഉടമയുടെ ബാധ്യത വീടുകയുള്ളുവെന്നാണ് ഇമാം നവവി(റ)യുടെ ഭാഷ്യം. ശറഹുൽ മുഹദ്ദബിൽ അതിങ്ങനെ വായിക്കാവുന്നതാണ്:
. قال أصحابنا : تفريقه بنفسه أفضل من التوكيل بلاخلاف لأنه على ثقة من تفريقه بخلاف الوكيل وعلى تقديرخيانة الوكيل
لايسقط الفرض عن المالك لأن يده كيده فما لم يصل المال الى المستحقين لا يبرأ ذمة المالك بخلاف دفعها إلى الإمام فإنه بمجرد قبضه تسقط
الزكاة عن المالك ( شرح المهذب ج 6 ص ١٦٥) "
നമ്മുടെ അസ്ഹാബിമാർ പറഞ്ഞു: സകാത് വകാലത്താക്കുന്നതിനേക്കാൾ ശ്രേഷ്‌ഠം സ്വന്തം വിതരണമാണ്. കാരണം സ്വന്തം വിതരണത്തിൽ ഉറപ്പും വകീലിനെ ഏല്‌പിക്കുന്നതിൽ സംശയവുമാണുള്ളത്. വകീൽ വഞ്ചന കാണിക്കാൻ സാധ്യതയുണ്ടെങ്കിൽ ഉടമയുടെ ബാധ്യത വീടുകയില്ല. അവ അവകാശികൾക്കെ ത്തിയിട്ടില്ലെങ്കിലും വിധി ഇതു തന്നെ. എന്നാൽ, ഇമാമിലേക്ക് ഏല്പിക്കുന്ന തോടെ ഉടമയുടെ ബാധ്യത വീടുന്നതാണ്.” (ശറഹുൽ മുഹദ്ധബ് : 6/165)
നാട്ടിലെ ഭരണാധികാരിയെ ഏൽപ്പിക്കുന്നതിനേക്കാളും വകീലിനെ ഇറക്കി വിതരണം നടത്തുന്നതിനേക്കാളും അത്യുത്തമം സ്വയം വിതരണം ചെയ്യലാണ്. എനി, സ്വയം വിതരണത്തിനു സാ ധ്യമല്ലാത്തിടത്തെ ഇമാം അക്രമി കൂടിയാണെങ്കിൽ മാത്രമേ വകീലിനെ സമീപിക്കുന്നതിൽ ഔചത്യമുള്ളൂവെന്ന് വിവരിച്ചു ഇമാം റംലി(റ) രേഖപ്പെടുത്തുന്നു.
فتفريق المالك بنفسه أفضل من التسليم إليه كما أن ذلك أفضل من التسليم لوكيله . لأنه على يقين من فعل نفسه وفي شك من فعل غيره والتسليم للوكيل أفضل منه إلى الجائر لظهور خيانته (نهاية :3/136)
ഇമാമിലേക്ക് ഏല്പിക്കുന്നതിനേക്കാളും വകീലിനെ ഏല്പി ക്കുന്നതിനേക്കാളും അത്യുത്തമം ഉടമ തന്നെ വിതരണം ചെയ്യലാണ്. സ്വന്തം വിതരണത്തിൽ ഉറപ്പും മറ്റുള്ളവരുടേതിൽ സംശയവുമുണ്ടെന്നതാണ് കാരണം. അക്രമിയായ ഭരണാധികാരിയിലേക്ക് ഏല്പിക്കുന്നതിലേറെ നല്ലത് വകീലിലേക്ക് ഏല്പിക്ക ലാണ്. (നിഹായ: 3/136)
ഒരു പ്രദേശത്ത് സകാത് സമാഹരിക്കാൻ വേണ്ടി രൂപം കൊണ്ട കമ്മറ്റി ജനങ്ങളിൽ നിന്ന് തീരെ സകാത് ആവശ്യപ്പെടാതെ കമ്മറ്റിയെ ഏല്പിക്കുന്നവ മാത്രം സ്വരൂപിക്കുക മാത്രമാണ് ചെയ്യുന്നതെങ്കിലും ആ കമ്മറ്റിയിലും അടക്കാൻ പാടില്ല. കാരണം കമ്മറ്റിക്ക് സകാതിൻ്റെ വകാലത്ത് വ്യവസ്ഥ പാലിക്കാനുള്ള ഒരർഹതയുമില്ലെന്നതു തന്നെ. പ്രത്യുത,“സംഘടിത സകാത് കമ്മറ്റി യുണ്ടാക്കുക" എന്ന നിഷിദ്ധമായ പ്രവർത്തനം ശരിവെക്കുന്നതും അതിനു പ്രോത്സാഹനം നൽകുന്നതുമാണിതെന്നതിനാൽ പരമാവധി ഈ കമ്മറ്റിയിൽപെട്ട അംഗങ്ങളെപ്പോലും വകാലത്ത് ഏൽപിക്കാ തിരിക്കുന്നതാണ് കൂടുതൽ ഗുണകരമെന്നുണർത്തുന്നു.
തോന്നുന്ന രീതിയിൽ സകാത് വിതരണം ചെയ്യാൻ ഉദ്യമിക്കുന്ന സുന്നി വിരുദ്ധരായ ശരീ അത്തിന്റെ ശത്രുക്കൾ ഇവ്വിഷയകമായും മതത്തിനു ഭീഷണിയാണ്. മതം പറഞ്ഞ ലക്ഷ്യവും മാ ർഗ്ഗവും അക്ഷരാർത്ഥത്തിൽ ഉൾക്കൊള്ളാൻ താത്പര്യമില്ലാത്തവർ ഇസ്ലാമിനു നേട്ടമുണ്ടക്കാൻ വേണ്ടി മതത്തിൽ അണിനിരന്നവരല്ല. ഇതര മതങ്ങളിൽ മതവിധികൾ തോന്നുന്നതു പോലെ വളച്ചൊടിക്കാനുള്ള പൂർണ്ണ സ്വാതന്ത്ര്യം മതത്തിനകത്തു തന്നെ യുണ്ടെന്നതിനാൽ വർഷത്തിനിടയിൽ ഒരു നിയമത്തെ തന്നെ പല തവണ പൊളിച്ചെഴുതാനുള്ള അവസരം ലഭിക്കുന്നതാണ്. മതം പൊളിച്ചെഴുതണമെന്നാ ഗ്രഹിക്കുന്നവർ ഇസ്ലാമിനെ വെറുതെ വിട്ട് അത്തരം സംരംഭങ്ങളിൽ സ്ഥാനം നേടുന്നതായിരിക്കും ഉചിതം? മആദല്ലാ.......
✒️ *ഹുസൈൻ കാമിൽ ഒമച്ചപ്പുഴ*
