ഇസ്ലാം -കൊറോണ #വിശ്വാസിയും_ഭൗതികവാദിയും

#കൊറോണ
#വിശ്വാസിയും_ഭൗതികവാദിയും

ദൈവ വിശ്വാസ കേന്ദ്രങ്ങളെല്ലാം അടച്ചു പൂട്ടുന്നു.  ശാസ്ത്ര നിരീക്ഷണ കേന്ദ്രങ്ങളെല്ലാം തുറന്നിട്ടിരിക്കുന്നു. #ദൈവം_എവിടെ? എന്നു ചോദിക്കുന്നവരോട്:

സാംക്രമിക രോഗങ്ങൾ വന്നാലെന്തു ചെയ്യണം? രോഗിയെ ചികിത്സിക്കണമെന്നു പറയുന്നതോടൊപ്പം മറ്റുള്ളവർ സ്വീകരിക്കേണ്ട കരുതൽ നടപടികളായി ഇസ്‌ലാം മുന്നോട്ടുവെച്ചിട്ടുള്ള രണ്ടു നിർദ്ദേശങ്ങൾ ഉദ്ധരിക്കാം. ഒന്ന്: പ്ലേഗ് (അന്നുണ്ടായിരുന്ന സാംക്രമിക രോഗം അതായിരുന്നല്ലോ) ഒരിടത്തുണ്ടെന്നറിഞ്ഞാൽ നിങ്ങളങ്ങോട്ടു പോകരുത്. നിങ്ങളുള്ളയിടത്താണ് അതു വന്നതെങ്കിൽ പേടിച്ചോടി നിങ്ങളവിടം വിട്ടു പോകയുമരുത് (ബുഖാരി, മുസ്‌ലിം).

മറ്റൊന്ന്: സാംക്രമിക രോഗങ്ങൾ ഉള്ളവർ അതു മറ്റുള്ളവരിലേക്കു പടർത്തുന്ന വിധം  സമ്പർക്കം പുലർത്തരുത്  (ബുഖാരി, മുസ്‌ലിം).

രോഗം ഏതുമാവട്ടെ, അതിനെല്ലാം മരുന്നും അല്ലാഹു തന്നെ സൃഷ്ടിച്ചിട്ടിട്ടുണ്ടെന്നാണ് നബി തിരുമേനി സ്വ.യുടെ അധ്യാപനം. പുതിയ രോഗങ്ങൾ പ്രത്യക്ഷപ്പെട്ടാൽ അതിനും മരുന്നു കണ്ടെത്തണം. വെറുതെ മാനം നോക്കി നിന്നാൽ മേഘങ്ങൾ മരുന്നു വർഷിപ്പിച്ചു തരില്ല. പഠിക്കണം, നിരീക്ഷിക്കണം, പരീക്ഷിക്കണം.

ചുരുക്കത്തിൽ, ഇത്തരം സന്ദർഭങ്ങളിൽ ജനങ്ങൾ ഒരുമിച്ചു കൂടുന്നയിടങ്ങളിൽ - അതു തീർഥാടന കേന്ദ്രങ്ങളായിരുന്നാൽ പോലും നിയന്ത്രണമേർപ്പെടുത്തണം. മരുന്നുണ്ടാക്കാൻ പഠന മനനത്തിനു ശാസ്ത്രശാലകൾ തുറന്നിടണം. ഇതാണ് ശരീഅതിന്റെ നിലപാട്.

അല്ലാഹുവിന്റെ വിധിയെ കവച്ചു വെക്കുന്ന ഒന്നും ഇല്ലെന്നു ഉറച്ചു വിശ്വസിക്കുന്നവരാണ് മുസ്‌ലിംകൾ. അതിനാൽ, രോഗമാവട്ടെ അരോഗമാവട്ടെ, ജീവിതമോ മരണമോ ആകട്ടെ, ഉടയതമ്പുരാന്റെ ചൊല്പടിയല്ലാതെ ഒന്നും സംഭവിക്കുന്നില്ല. അവയത്രയും അവൻ കണക്കാക്കിയതാകട്ടെ, സന്തോഷത്തിലും സന്താപത്തിലും അവനെ അനുസരിക്കുന്നവരെയും ധിക്കരിക്കുന്നവരെയും വേർതിരിച്ചറിയിക്കാൻ തന്നെ. അതിനാൽ, അവന്റെ അടിമകളാണെന്ന വിധേയത്വവും പരമാധികാരിയായി അവനൊരാളുണ്ടെന്ന സനാഥത്വ ബോധവും ഉള്ളതിനാൽ മരുന്നും പ്രാർഥനയും വിശ്വാസിക്കുണ്ടാകും. ഫലം അനുകൂലമായിരുന്നാലും അല്ലെങ്കിലും പാരത്രിക ലോകത്തെ സന്തോഷത്തിനു അവർ മുൻഗണന നൽകും. ഏതു നിലയിലും അവർ ആത്മവിശ്വാസവും സന്തുഷ്ടിയും നിറഞ്ഞവരായിരിക്കും.

ശാസ്ത്രം മാത്രമാണ് ഒരേയൊരു വഴി എന്നു ചിന്തിക്കുന്ന വിഡ്ഢികളാകട്ടെ, തങ്ങളുടെ ആയുധം എത്ര നിഷ്ഫലമാണ് എന്നു തിരിച്ചറിയുന്നു. ശാസ്ത്രജ്ഞർ കിണഞ്ഞു ശ്രമിച്ചിട്ടും ശരിയായ ഔഷധം കണ്ടെത്താതിരിക്കുമ്പോൾ  "കൊലയാളിക്കൊറോണ'' എന്നു പ്രാകി കൈമലർത്തുന്നു. നിസ്സഹായതയുടെ നിരാശക്കുമ്പിളിൽ മുഖം താഴ്ത്തി വിലപിക്കുന്നു. എന്നും വിലപിക്കാനായി വിധിക്കപ്പെട്ട പാവങ്ങൾ!!

✍Muhammad Sajeer Bukhari

രോഗം_പകരില്ല_എന്ന_ഹദീസ് വിശദീകരിക്കാമോ? Shamil Abdulla

#രോഗം_പകരില്ല_എന്ന_ഹദീസ് വിശദീകരിക്കാമോ?
Shamil Abdulla

വിശുദ്ധ ഇസ്‌ലാമിനെയും മുത്തുനബി സ്വ.യെയും ചെറുതാക്കി കാണിക്കാൻ ഇപ്പോൾ കൊറോണക്കാലത്തും മുമ്പ് നിപ്പക്കാലത്തും സമാനമായ പല സാഹചര്യങ്ങളിലും വിരോധികൾ ദുർവ്യാഖ്യാനം ചെയ്ത ഹദീസാണ് ലാ അദ്'വാ എന്നത്. പകർച്ചവ്യാധികൾ വന്നതോടെ ഇസ്‌ലാം ആറാം നൂറ്റാണ്ടിലെ പഴഞ്ചൻപുരാണങ്ങളുടെ ഭാണ്ഡമാണെന്നു കൂടുതൽ വ്യക്തമാകുന്നുവെന്നാണ് ഇമ്മിണി ബല്യ ബുജീകളുടെ കണ്ടെത്തൽ. ഹദീസിന്റെ  അർഥം പറയുന്നതിനു മുമ്പ് ഒരു ഉപോദ്ഘാതം പറയാം.

ശുചിത്വ സംവിധാനങ്ങളെ നടപ്പു ശീലങ്ങളുടെ ഭാഗമാക്കുന്നതിൽ ഇസ്‌ലാമോളം സക്രിയമായി ഇടപെട്ട ഒരു ദർശനവും വേറെയില്ല. അല്ലാഹുവിങ്കൽ ഉന്നതമായ പ്രതിഫലം വാഗ്ദാനം ചെയ്യപ്പെട്ടിരിക്കുന്ന സത്കർമങ്ങളായി പരിചയപ്പെടുത്തിയവയുടെ ലിസ്റ്റിൽ ഏറെ പ്രാധാന്യമർഹിക്കുന്നതാണ് ശുചിത്വം. "വൃത്തിയാണ് മതവിശ്വാസത്തിന്റെ പാതി" എന്ന തിരുനബിവചനം മാത്രം ആലോചിച്ചു നോക്കൂ.

ഒരുദാഹരണം മാത്രം പറയാം; നിസ്കാരം. വിശ്വാസിയെയും അവിശ്വാസിയെയും വ്യവഛേദിക്കുന്ന ഏറ്റവും സുപ്രധാനമായ സംഗതിയാണ് അഞ്ചു നേരത്തെ നിസ്കാരങ്ങൾ. പുലർന്നെണീറ്റതു മുതൽ അന്തിമയങ്ങുന്നതു വരെയുള്ള നമ്മുടെ ആക്ടീവ് ടൈം സ്പാനിലാണ്  ഇത് ക്രമീകരിച്ചിരിക്കുന്നത്. കുളിച്ചും അംഗസ്നാനം ചെയ്തിട്ടുമല്ലാതെ നിസ്കാരം അനുവദനീയമല്ല. അംഗസ്നാനം മുമ്മൂന്ന് തവണ നിർവഹിക്കണം. എല്ലാ അർഥത്തിലും മാലിന്യമുക്തമായ ശുദ്ധജലം മാത്രമേ ഉപയോഗിക്കാവൂ. ഓരോ നിസ്കാരത്തിനും മുമ്പ് ദന്തശുചീകരണം നടത്തണം. ശരീരവും വസ്ത്രവും നിസ്കരിക്കുന്ന സ്ഥലവും ഉൾപ്പടെ എല്ലാം പൂർണമായും മാലിന്യമുക്തമാകണം - ഇല്ലെങ്കിൽ നിസ്കാരം സ്വീകാര്യമല്ല തന്നെ. ഇപ്രകാരം ദിവസവും അഞ്ചു തവണ രോഗമുള്ളപ്പോഴും അല്ലാത്തപ്പോഴും ശരിയായ വിശ്വാസി ശുചീകരണം നടത്തുന്നു.

ഇനി, പകർച്ചവ്യാധികളിലേക്കു വരാം. ഇതു സംബന്ധിച്ച ക്വാറന്റയ്ൻ നടപടികളുടെ ഭാഗമായി നബിതിരുമേനി സ്വ. നിർദ്ദേശിച്ചിട്ടുള്ള ഗമനാഗമനവിലക്കും ഐസൊലേഷൻ നടപടിയും #കൊറോണ #വിശ്വാസിയും_ഭൗതികവാദിയും എന്ന പോസ്റ്റിൽ ഉദ്ധരിച്ചിട്ടുണ്ട്. ഒന്ന്: പ്ലേഗ് - അന്നുണ്ടായിരുന്ന സാംക്രമിക രോഗം അതായിരുന്നല്ലോ - ഒരിടത്തുണ്ടെന്നറിഞ്ഞാൽ നിങ്ങളങ്ങോട്ടു പോകരുത്. നിങ്ങളുള്ളയിടത്താണ് അതു വന്നതെങ്കിൽ പേടിച്ചോടി നിങ്ങളവിടം വിട്ടു പോകയുമരുത് (ബുഖാരി, മുസ്‌ലിം). രണ്ട്: സാംക്രമിക രോഗങ്ങൾ ഉള്ളവർ അതു മറ്റുള്ളവരിലേക്കു പടർത്തുന്ന വിധം സമ്പർക്കം പുലർത്തരുത്  (ബുഖാരി, മുസ്‌ലിം).

ഏതു രോഗത്തിനും മരുന്നുണ്ടെന്നും പഠിച്ചു കണ്ടെത്തേണ്ട ഉത്തരവാദിത്തം അറിവാളരുടേതാണെന്നും  ഇസ്‌ലാം പഠിപ്പിച്ചു. തിരുമേനി സ്വ. നിർദ്ദേശിച്ച ക്വാറന്റയ്ൻ നടപടികളല്ലാതെ മറ്റൊരു പ്രതിരോധ മാർഗവും കൊവിഡ് -19ന്റെ കാര്യത്തിൽ ഇതുവരെയും ഇല്ലെന്നതും ഓർമിക്കണം. ഇത്തരം ഭയാനകമായ രോഗങ്ങൾ പടർന്നു പിടിക്കുന്ന സാഹചര്യങ്ങളിൽ ജുമുഅ, ജമാഅതുകൾക്കടക്കം നിയന്ത്രണമാകാമെന്നു കർമശാസ്ത്ര വിശാരദർ രേഖപ്പെടുത്തിയതും ഈ ഹദീസിന്റെ വെളിച്ചത്തിലാണ്.

അല്ലാഹുവിന്റെ വിധി കൊണ്ടല്ലാതെ സുഖമോ അസുഖമോ ഉണ്ടാവുന്നില്ലെന്നാണ് ഇസ്‌ലാമിക വിശ്വാസം: ലാ ഹൗല വലാ ഖുവ്വത ഇല്ലാ ബില്ലാഹ് - ചേതനവും അചേതനവുമായ സകലതിന്റെയും ചലന നിശ്ചലനങ്ങളോ പ്രവർത്തനശേഷിയോ ഒന്നും അവന്റെ അധികാരമോ നിയന്ത്രണമോ കൂടാതെ സംഭവിക്കുന്നില്ല. സ്വഭാവികമായും ആ വിശ്വാസത്തിന്റെ ഭാഗമാണ്, ഒരു രോഗാണുവിനും സ്വന്തമായി പടർന്നു പിടിക്കാനും വിപത്തു പരത്താനും സാധിക്കുകയില്ലെന്നത്. അതു അല്ലാഹുവിന്റെ നിശ്ചയമാണ്. അതിനാൽ ഏതു സാഹചര്യത്തിലും അവന്റെ ശാസനകൾ ശിരസ്സാവഹിച്ച് പുതിയ രോഗങ്ങൾക്കുള്ള ഔഷധങ്ങൾക്കായി ഗവേഷണങ്ങൾ നടത്തിയും ക്വാറന്റയ്ൻ നടപടികളോടു സഹകരിച്ചും മതപാഠങ്ങളെ അനുസരിക്കുക. അവനിൽ പ്രതീക്ഷയർപ്പിക്കുകയും പ്രാർഥനാ നിരതരാവുകയും ചെയ്യുക. അവൻ രോഗാണുവിന്റെയും പ്രതിരോധാണുവിന്റെയും അധികാരിയാകുന്നു!!

രക്ഷപ്പെടുത്താൻ ഒരാളുണ്ടെന്ന സനാഥത്വ ബോധമില്ലാത്തവനാകട്ടെ, രോഗ പ്രതിരോധത്തിനായുള്ള ഇമ്മാതിരി ശാസനകളെ അനുസരിക്കാൻ കൂട്ടാക്കാതെ പേടിച്ചോടുന്നു. രോഗാണു വന്നാൽ പടരാതിരിക്കില്ല എന്നാണവൻ കരുതുന്നത്. ഇസ്‌ലാം പൂർവകാലത്ത് - ജാഹിലിയ്യാ കാലത്ത് ഇതായിരുന്നു ജനങ്ങളുടെ ധാരണ. രോഗം പടർന്നു പിടിച്ച സ്ഥലത്തു നിന്നു ക്വാറന്റയ്ൻ നടപടികളെ  അനുസരിക്കാതെ ആളുകൾ കൂട്ടത്തോടെ മാറിത്താമസിക്കാൻ ഒരുമ്പെട്ടാൽ അതു ഗുരുതരമായ ആരോഗ്യ, സാമൂഹിക, രാഷ്ട്രീയ, നയതന്ത്ര പ്രശ്നങ്ങൾക്കു വഴിവെക്കും. ഉദാഹരണത്തിനു കേരളത്തിൽ രോഗം റിപ്പോർട്ട് ചെയ്തപ്പോൾ കേരളക്കാരെല്ലാം നാടുവിട്ടോടിപ്പോയിരുന്നാലുള്ള അവസ്ഥ ഒന്നാലോചിച്ചു നോക്കൂ. അതു സൃഷ്ടിക്കുന്ന സാമൂഹിക പ്രത്യാഘാതങ്ങളും ആരോഗ്യ പ്രശ്നങ്ങളും വളരെ വലുതും അതിവിദൂരവുമായിരിക്കും. അതിനാൽ, കൃത്യമായ വസ്തുതകൾ ജനങ്ങളെ അറിയിക്കുകയും  ആത്മവിശ്വാസം പകരുകയും ചെയ്യേണ്ട രംഗമാണിത്. നബിതിരുമേനി സ്വ. ഓർമപ്പെടുത്തി: ലാ അദ്'വാ.... രോഗം സ്വന്തമായി പടർന്നു പിടിക്കില്ല.

ഈ ഹദീസിലെ "ലാ..." എന്ന പദം ഇംഗ്ലീഷിലെ NO എന്നതിനു സമാനമായ പദമാണ്. ഇവിടെ അതു നിഷേധാർഥത്തിലാണോ നിരോധനാർഥത്തിലാണോ പ്രയോഗിച്ചത് എന്ന കാര്യത്തിൽ പണ്ഡിത ലോകത്ത് രണ്ടു നിലപാടുകളുണ്ട്. നിഷേധാർഥത്തിലാണെന്ന നിലപാടിലാണ് "ലാ അദ്'വാ"ക്ക് "രോഗം സ്വന്തമായി പടർന്നു പിടിക്കില്ല" എന്നർഥം പറഞ്ഞത്. അതേ സമയം, നിരോധനാർഥത്തിലാണെങ്കിൽ "സാംക്രമിക രോഗങ്ങൾ  മറ്റുള്ളവരിലേക്കു പടർത്തരുത്" എന്നാകും അർഥം. ആദ്യത്തേത് വസ്തുതാ കഥനത്തിലൂടെ വിശ്വാസമുറപ്പിക്കലും രണ്ടാമത്തേത് ക്വാറന്റയ്ൻ നടപടിക്കുള്ള ആഹ്വാനവുമാണ്. രണ്ടായാലും ഇസ്‌ലാമിനും വിശ്വാസിക്കും ഈ പ്രസ്താവന അഭിമാനമാണ്.
✍ Muhammad Sajeer Bukhari

കൊറോണ 'പാൻഡമിക്_കാലത്തെ_മുസ്‌ലിം_ജീവിതം

#പാൻഡമിക്_കാലത്തെ_മുസ്‌ലിം_ജീവിതം

കൊറോണ വൈറസ് ലോകവ്യാപകമായി പടർന്നു പിടിക്കുകയാണ്. ഇറ്റലിയിൽ കഴിഞ്ഞ 24 മണിക്കൂറിനിടെ മാത്രം 189 പേർ മരിച്ചിരിക്കുന്നു. ഇറാനിൽ ഇന്നലെ വരെ 11364 പേർക്ക് രോഗം സ്ഥിരീകരിച്ചിട്ടുണ്ട്. പ്രതിരോധിക്കാൻ മാർഗങ്ങളില്ലാതെ ഉത്തര കൊറിയ രോഗിയെ വെടിവെച്ചുകൊന്നു! ബൾഗേറിയയിൽ ഏപ്രിൽ 13 വരെ ദേശീയ അടിയന്തിരാവസ്ഥ. പൊതുജന സമ്പർക്കം പരമാവധി ഒഴിവാക്കാൻ എല്ലാ ഭരണകൂടങ്ങളും നിയമപരമായ മുന്നറിയിപ്പ് നൽകുന്നു. കല്യാണങ്ങൾ, ഉത്സവങ്ങൾ, സമ്മേളനങ്ങൾ എല്ലാം മാറ്റി വെച്ചു. വിദേശികൾക്കു ഉംറ തീർഥാടനത്തിനു നിയന്ത്രണം വന്നു. പ്രതിദിനം ജമാഅതു നിസ്കാരങ്ങൾക്കും പ്രതിവാര ജുമുഅക്കും പലയിടത്തും വിഘ്നം നേരിടുന്നു. ഇത്തരം സന്ദർഭങ്ങളിൽ എന്തു ചെയ്യണമെന്നാണ് മതവിശ്വാസത്തിന്റെ താത്പര്യം? ഇസ്‌ലാമിക കർമശാസ്ത്രവും സ്വഭാവശാസ്ത്രവും  ഇത്തരമൊരു ഘട്ടത്തെ എങ്ങനെ സമീപിക്കുന്നു?

കർമശാസ്ത്രപരമായ ചില പ്രശ്നങ്ങളെ സമീപിക്കുന്നേടത്ത് നിദാനശാസ്ത്രം മുന്നോട്ടു വെക്കുന്ന ഒരു മൗലിക തത്വമാണ് درء المفاسد مقدم على جلب المصالح : "ആപത്തുകളെ പ്രതിരോധിക്കുന്നതിനു സ്വസ്തി നേടുന്നതിനേക്കാൾ മുൻഗണന നൽകണം" എന്നത്. സമാനാർഥമുള്ള മറ്റൊരു തത്വത്തിൽ يُتحمل الضرر الخاص لدفع الضرر العام : "വ്യാപകമായ നാശനഷ്ടങ്ങളെ തടയുന്നതിനു പ്രത്യേകമായ ചില നഷ്ടങ്ങൾ സഹിക്കാവുന്നതാണ്" എന്നും പറയുന്നുണ്ട്. ഈ മൗലികതത്വങ്ങളിൽ ഊന്നിനിന്നു ഇസ്‌ലാമിക ശരീഅത് താഴെ ചേർത്തിട്ടുള്ള നിർദ്ദേശങ്ങൾ മുന്നോട്ടു വെക്കുന്നു.

#ഒന്ന്. #ചികിത്സ_തേടുക
രോഗത്തിനു ചികിത്സ തേടണമെന്നതു മതശാസനയാണ്. സ്വശരീരത്തെ പീഡിപ്പിക്കുവാനോ നശിപ്പിക്കുവാനോ ഇസ്‌ലാം അനുവദിച്ചിട്ടില്ല. കുറ്റകൃത്യമാണ്.

#രണ്ട്. #നിർദ്ദേശങ്ങൾ_പാലിക്കുക
ക്വാറന്റയ്നു വിധേയമാകുന്നത് ഉൾപ്പടെ വൈറസ് വ്യാപനം തടയുന്നതിനു ഭരണാധികാരികൾ പുറപ്പെടുവിക്കുന്ന എല്ലാ നിർദ്ദേശങ്ങളും സമൂഹത്തിലെ എല്ലാ വിഭാഗങ്ങളും പൂർണ്ണമായും പാലിക്കേണ്ടതാണ്.

#മൂന്ന് #ശുചിത്വം_പാലിക്കുക
ദേഹം, വസ്ത്രം, പാർപ്പിടം, വാഹനം തുടങ്ങി എല്ലായിടങ്ങളും പൂർണമായും മാലിന്യമുക്തമാക്കുകയും വൃത്തിയായി സൂക്ഷിക്കുകയും ചെയ്യുക.

#നാല് #വീട്ടിൽ_നിസ്കരിക്കുക
ഭീതിദമോ മാരകമോ അസഹ്യമോ ആയ രോഗങ്ങൾ ഉള്ളവർക്കു സംഘടിതമായി നടക്കുന്ന ജുമുഅ, ജമാഅതുകൾക്കും പെരുന്നാൾ നിസ്കാരങ്ങൾക്കും പങ്കെടുക്കുന്നതിൽ ആനുകൂല്യമുണ്ടെന്നു മതത്തിൽ പരക്കെ അറിയപ്പെട്ടതാണ്. ഇത്തരം സന്ദർഭങ്ങളിൽ രോഗവ്യാപനം ഭയപ്പെടുന്നുവെങ്കിൽ ഈ ആനുകൂല്യത്തെ നിർബന്ധ ബുദ്ധ്യാ പാലിക്കണം. ജുമുഅയിൽ പങ്കെടുക്കാൻ സാധിക്കാത്തവർ പകരം ളുഹ്ർ നിസ്കരിക്കുക. ദിക്ർ - സ്വലാത് മജ്ലിസുകൾ, പഠന ക്ലാസുകൾ എന്നിവ താത്കാലികമായി നിർത്തിവെക്കുക.

#അഞ്ച് #യാത്രകൾക്കു_വിലക്ക്
സിയാറതു യാത്രകൾ, ബിസിനസ് യാത്രകൾ, അത്യന്താപേക്ഷിതമല്ലാത്ത മറ്റു യാത്രകൾ എന്നിവയിൽ നിന്നു പിൻമാറുക.

#ആറ് #ഉംറ_തീർഥാടനങ്ങൾക്കു_നിയന്ത്രണം
മക്കയിൽ കൊറോണ റിപ്പോർട്ട് ചെയ്തിട്ടുണ്ട്. അങ്ങോട്ടു തീർഥാടനത്തിനു വരുന്നയിടങ്ങളിൽ പലയിടത്തും രോഗം വ്യാപിച്ചിരിക്കുന്നു. ഉംറ കഴിഞ്ഞെത്തിയയാളാണ് ഇന്ത്യയിൽ ആദ്യം മരിച്ചത്. അതിനാൽ ഗമനാഗമന വിലക്ക് ഉംറ തീർഥാടനങ്ങൾക്കു കൂടി ബാധകമാണ്.

#ഏഴ് #ഭീതി_പരത്തരുത്
അഭ്യൂഹങ്ങളും കിംവദന്തികളും പരത്താതിരിക്കുക. ഏതു സന്ദർഭത്തിലും അതു കുറ്റകരമാണ്. ഔദ്യോഗികമായ വാർത്തകളും സത്യസന്ധമായ റിപ്പോർട്ടുകളും മാത്രം  ഷെയർ ചെയ്യുക.

#എട്ട് #സഹായഹസ്തം_നീട്ടുക
രോഗികൾ, രോഗമുണ്ടെന്നു സംശയമുള്ളവർ, യാത്രാ തടസ്സം നേരിട്ടു വഴിയിൽ കുടുങ്ങിയവർ, ക്വാറന്റയ്നു വിധേയമായി പൊതുജന സമ്പർക്കം വിലക്കപ്പെട്ടവർ, ജോലി നഷ്ടപ്പെട്ടവർ തുടങ്ങി ആവശ്യക്കാർക്കു സാമ്പത്തികമോ ശാരീരികമോ ആയ സഹായങ്ങൾ, ആത്മവിശ്വാസം പകരുന്ന മനഃശാസ്ത്ര കൗൺസിലിംഗ്, ബോധവത്കരണം എന്നിവ നൽകി കൂടെ നിൽക്കുക.

#ഒമ്പത് #പ്രാർഥിക്കുക
ഏതു പ്രതിസന്ധികളിലും അല്ലാഹുവിലഭയം തേടുക. സത്കർമങ്ങളെയും സത്'വൃത്തികളെയും മുൻനിർത്തി പ്രാർഥിക്കുക. സുന്നതു നിസ്കാരങ്ങൾ, ഇസ്തിഗ്ഫാർ, ഹംദ്, ഖുർആനോത്ത്, സ്വലാത്, ദിക്റുകൾ, നബികീർത്തനങ്ങൾ എന്നിവ വർധിപ്പിക്കുക.
✍ Muhammad Sajeer Bukhari

_പ്രവചനം: #അവരെന്തു_കൊണ്ടു_പ്രവാചകൻമാരല്ല?

#കൊറോണ_പ്രവചനം:
#അവരെന്തു_കൊണ്ടു_പ്രവാചകൻമാരല്ല?

കഴിഞ്ഞ രണ്ടു മൂന്നു ദിവസമായി വാട്സപ്പിലൂടെ അനേകം സഹോദരങ്ങൾ എഴുതിയുന്നയിച്ച ചോദ്യമാണിത്. 2020ൽ കൊറോണ വരുമെന്നു പല നോവലിസ്റ്റുകളും പ്രവചിച്ചതായി ചൂണ്ടിക്കാണിക്കപ്പെടുന്നു. അവരൊന്നും എന്തുകൊണ്ടു നബിമാരല്ല?!

വിഷയത്തിലേക്കു വരുന്നതിനു മുമ്പ് ചോദ്യത്തിന്നാധാരമായ 'പ്രവചനങ്ങൾ'(?) ഉദ്ധരിക്കാം.

അമേരിക്കൻ എഴുത്തുകാരി സിൽവിയ ബ്രൗൺ ആണ് കൊറോണ എന്ന അസുഖത്തിന്റെ  വരവ് പ്രവചിച്ചിരുന്ന ഒരാൾ. ഒരു സ്വയം പ്രഖ്യാപിത സൈക്കിക്ക് സിൽവിയ ബ്രൗൺ. 2008 ൽ എഴുതിയ End of Days: Predictions and Prophecies about the End of the World എന്ന പുസ്തകത്തിലാണ് കൊറോണയെ സൂചിപ്പിക്കുന്ന വാക്കുകൾ ഉള്ളത്.

"In around 2020 a severe pneumonia-like illness will spread throughout the globe, attacking the lungs and bronchial tubes resisting all known treatments. Almost more baffling than the illness itself will be the fact that it will suddenly vanish as quickly as it arrives, attack again ten years later and then disappear completely."

"2020നോടടുത്തു ന്യൂമോണിയ പോലെയുള്ള ഒരു മാരക രോഗം ലോകമെമ്പാടും വ്യാപിക്കുകയും ശ്വാസകോശങ്ങളെയും ശ്വാസകോശ നാളികളെയും ആക്രമിക്കുകയും അറിയപ്പെടുന്ന എല്ലാ ചികിത്സകളെയും പ്രതിരോധിക്കുകയും ചെയ്യും. അസുഖത്തേക്കാൾ ഏറെ അമ്പരപ്പിക്കുന്ന വസ്തുത മറ്റൊന്നാണ്: അത് വളരെ പെട്ടെന്ന് എത്തുന്ന പോലെ അതിശീഘ്രം അപ്രത്യക്ഷമാവുകയും ചെയ്യും, പത്ത് വർഷത്തിന് ശേഷം വീണ്ടും ആക്രമിക്കുകയും വീണ്ടും പൂർണ്ണമായും അപ്രത്യക്ഷമാവുകയും ചെയ്യും!!"

സോഷ്യൽ മീഡിയയിൽ ചർച്ചയായ മറ്റൊരു നോവൽ ഡീൻ കൂൻസിന്റെ  The eyes of darkness ആണ്. 1981 ലാണ് ഈ നോവൽ പ്രസിദ്ധീകരിച്ചത്.

ഈ കഥയിൽ, ദുഃഖിതയായ അമ്മ ക്രിസ്റ്റീന ഇവാൻസ്, തന്റെ മകൻ ഡാനി പട്ടാളത്തിന്റെ ക്യാമ്പിംഗിൽ മരിച്ചിട്ടുണ്ടോ അതോ സംശയാസ്പദമായ ചില സന്ദേശങ്ങൾ സൂചിപ്പിക്കുന്നത് പോലെ അവൻ ഇപ്പോഴും ജീവിച്ചിരിപ്പുണ്ടോ എന്ന് കണ്ടെത്താൻ ശ്രമിക്കുന്നു. ഒടുവിൽ, വുഹാനിലെ ഗവേഷണ കേന്ദ്രത്തിലുള്ള ഒരു സൈനിക കേന്ദ്രത്തിൽ അവനെ തടവിലാക്കിയതായി അവൾ കണ്ടെത്തുന്നു. പ്രസ്തുത കേന്ദ്രത്തിൽ ഗവേഷണത്തിലൂടെ സൃഷ്ടിച്ച മനുഷ്യനിർമിത സൂക്ഷ്മാണുക്കളാൽ അവനെ അപായപ്പെടുത്തിയിരിക്കുന്നുവെന്നു ആകസ്മികമായി അവൾ  മനസ്സിലാക്കുന്നു. പുസ്തകത്തിൽ നിന്നു വായിക്കാം:

“It was around that time that a Chinese scientist named Li Chen moved to the United States while carrying a floppy disk of data from China’s most important and dangerous new biological weapon of the past decade. They call it Wuhan-400 because it was developed in their RDNA laboratory just outside the city of Wuhan.”

“ഏതാണ്ട് ആ സമയത്താണ് ലി ചെൻ എന്ന ചൈനീസ് ശാസ്ത്രജ്ഞൻ അമേരിക്കയിലേക്ക് താമസം മാറ്റിയത്. കഴിഞ്ഞ ദശകത്തിൽ ചൈന ഉണ്ടാക്കിയ ഏറ്റവും പ്രധാനപ്പെട്ടതും അപകടകരവുമായ പുതിയ ജൈവായുധത്തെ സംബന്ധിച്ചുള്ള വിവരങ്ങൾ അടങ്ങിയ ഫ്ളോപ്പി ഡിസ്കുമായാണ് അയാൾ പോയത്. വുഹാൻ നഗരത്തിന് പുറത്തുള്ള അവരുടെ ആർ‌ഡി‌എൻ‌എ ലബോറട്ടറിയിൽ വികസിപ്പിച്ചതിനാൽ ഇതിനെ വുഹാൻ -400 എന്നാണ് അവർ വിളിക്കുന്നത്. ”

ഇവിടെ, വുഹാൻ - 400 എന്ന കില്ലർ വൈറസിനെ കുറിച്ച്  പ്രതിപാദിച്ചിരിക്കുന്ന ഭാഗമാണ് ഇപ്പോൾ ചർച്ചയായിരിക്കുന്നത്. കൊറോണ വൈറസിന്റെ ഉത്ഭവ സ്ഥലമാണ് ചൈനയിലെ വുഹാൻ പ്രവശ്യ എന്നതു ചേർത്തു വായിക്കുക. അതിനാൽ, നോവലിൽ പറഞ്ഞിരിക്കുന്ന വുഹാൻ എന്ന വാക്ക് പ്രവചനമായിരിക്കാം എന്നാണ് ചിലർ പ്രചരിപ്പിക്കുന്നത്. എന്നാൽ,  ഈ സാങ്കൽപ്പിക നോവലിന് ഇതല്ലാതെ മറ്റു സാമ്യതകൾ ഒന്നും കൊറോണയുമായി ഇല്ല എന്നു പ്രത്യേകം ഓർമിക്കുക. വുഹാൻ 400 ചൈന നഗരാതിർത്തിക്ക് പുറത്ത് നിർമ്മിച്ച ബയോ വെപ്പൺ എന്ന രീതിയിലാണ് കഥ പുരോഗമിക്കുന്നത്.

പ്രശസ്ത അമേരിക്കന്‍ എഴുത്തുകാരനായ സ്റ്റീഫന്‍ കിംഗിന്റെ ‘ദി സ്റ്റാന്‍ഡ്’ എന്ന നോവലാണ് രോഗത്തെക്കുറിച്ച് പ്രതിപാദിച്ചിരിക്കുന്നതായി പറയപ്പെടുന്ന മറ്റൊരു പുസ്തകം. 16 വര്‍ഷം മുന്‍പാണ് ഈ നോവല്‍ പുറത്തിറങ്ങിയത്.

കൊറോണ വൈറസുമായി സാമ്യമുള്ള ക്യാപ്ടന്‍ ട്രിപ്പുകള്‍ എന്ന സൂപ്പര്‍ ഫ്‌ളൂ പൊട്ടിപ്പുറപ്പെടുന്നതിനെ ചുറ്റിപ്പറ്റിയാണ് നോവൽ. ക്യാപ്റ്റന്‍ ട്രിപ്പുകള്‍ എന്ന പകര്‍ച്ചവ്യാധിക്ക് കൊറോണ വൈറസുമായി പലരീതിയിലും സാമ്യതയുണ്ടത്രെ. ആഗോള ജനസംഖ്യയെ ബാധിക്കുന്ന ഈ വൈറസ് തുടക്കത്തില്‍ കുറഞ്ഞത് 3.3 ശതമാനം ആളുകളെയെങ്കിലും ഇല്ലാതാക്കുമെന്നു നോവല്‍ പറയുന്നു. കൊറോണ വൈറസ് പോലെ, ഇത് മനുഷ്യനില്‍ നിന്ന് മനുഷ്യനിലേക്ക് പകരുന്നതിനാല്‍ ന്യൂമോണിയ അല്ലെങ്കില്‍ സീസണല്‍ ഇന്‍ഫ്‌ളുവന്‍സക്ക് സമാനമായ ലക്ഷണങ്ങളാണ് ആളുകളില്‍ ഉണ്ടാക്കുന്നത്. ലോകജനസംഖ്യയുടെ 99.4 ശതമാനം പേരെയും ഇല്ലാതാക്കുന്ന ഈ രോഗം സാധാരണക്കാരില്‍ വലിയ തോതില്‍ പരിഭ്രാന്തി ഉണ്ടാക്കും. പേരിടാത്ത, തിരിച്ചറിയപ്പെടാത്ത വൈറസിനെ ഇതില്‍ പ്രോജക്റ്റ് ബ്ലൂ എന്നും, പിന്നീട് ക്യാപ്റ്റന്‍ ട്രിപ്പുകള്‍ എന്നും എഴുത്തുകാരന്‍ വിളിക്കുന്നുണ്ട്.

പ്രവചനങ്ങൾ പ്രവാചകത്വത്തിന്റെ തെളിവാണെങ്കിൽ #ഇവരൊക്കെ_പ്രവാചകൻമാരാണോ?

പ്രവചനം നടത്തുന്നവരൊക്കെ പ്രവാചകൻമാർ അഥവാ, നബിമാരാണ് എന്ന് ആരു പറഞ്ഞു?! നുബുവ്വത്ത് എന്ന പദത്തിൽ നിന്നാണ് നബി എന്ന പദം ഉണ്ടായത്. ഭാഷാര്‍ഥത്തിൽ ‘വിവരമറിയിക്കല്‍’ എന്നോ ‘പ്രവചിക്കല്‍’ എന്നോ ആണ് നുബുവ്വതിന്റെ വിവക്ഷ. എന്നാല്‍ കേവലം ഈ അര്‍ഥപരിധിയില്‍ ഒതുങ്ങുന്നതല്ല സാങ്കേതികാർഥത്തിൽ പ്രവാചകത്വം. മനുഷ്യ പ്രയത്‌നത്താല്‍ നേടിയെടുക്കാനാവാത്ത തികച്ചും ഇലാഹീ ദാനമായിട്ടുള്ള അത്യുത്തമ പദവിയാണത്. അല്ലാഹു തന്റെ അതിമഹത്തായ അനുഗ്രഹത്താൽ അവനിച്ഛിച്ചവരെ നബിമാരായി നിയോഗിക്കുന്നു. ഈ അടിസ്ഥാനത്തില്‍ നബി എന്നാല്‍ ‘അല്ലാഹു തന്റെ സന്ദേശങ്ങള്‍ നല്‍കുന്നതിനായി തിരഞ്ഞെടുത്തവന്‍’ എന്നാണര്‍ഥം.

മാനവരാശിയുടെ ഐഹികവും പാരത്രികവുമായ സുസ്ഥിതിക്കും സമാധാനത്തിനും ആവശ്യമായ നടപ്പുശീലങ്ങൾ നിര്‍ദ്ദേശിക്കാനായാണ് അവൻ പ്രവാചകന്‍മാരെ നിയോഗിച്ചത്. വിശുദ്ധ ഖുർആൻ പറയുന്നു: ‘നിശ്ചയം, നാം നമ്മുടെ ദൂതന്‍മാരെ ദൃഷ്ടാന്തങ്ങളുമായി അയച്ചിരിക്കുന്നു. അവരോടൊപ്പം ഗ്രന്ഥവും ജീവിത വ്യവസ്ഥയും നാം അവതരിപ്പിച്ചിരിക്കുന്നു; ജനങ്ങള്‍ നീതിപൂര്‍വ്വം നിലനില്‍ക്കാനായിട്ട്' (ആശയം; അല്‍ ഹദീദ്: 25).

സത്യസന്ധത, വിശ്വസ്തത, ബുദ്ധികൂര്‍മ്മത, പ്രബോധനം ചെയ്യല്‍ തുടങ്ങിയ അനിവാര്യ ഗുണങ്ങളുണ്ടാവണം. കളവ്, വഞ്ചന, പൂഴ്ത്തിവെപ്പ് തുടങ്ങി ഒരു ദുര്‍ഗുണവും നബിമാരിൽ ഉണ്ടാവാന്‍ പാടില്ല. അതവരുടെ വ്യക്തിത്വത്തിന് ന്യൂനതയാണ്. നബിമാരുടെ ദൗത്യം മാര്‍ഗദര്‍ശനമാണ്. അതില്‍ വിജയിക്കാന്‍ സാധിക്കണമെങ്കില്‍ പാപസുരക്ഷയുള്ള പ്രായോഗികമായ മാതൃകാജീവിതം ആവശ്യമാണ്. ന്യൂനതയുള്ളവര്‍ മാതൃകായോഗ്യരല്ലല്ലൊ.

പ്രവാചകത്വത്തിന്റെ സത്യസന്ധതക്കു സാക്ഷ്യമായിട്ടാണ് മുഅ്ജിസത്തുകൾ അഥവാ അജയ്യമായ അത്ഭുതാനുഭവങ്ങൾ നൽകപ്പെട്ടിരുന്നത്. എല്ലാ നബിമാരും ഒരേ തരത്തിലുള്ള മുഅ്ജിസത്തുകളായിരുന്നില്ല കാണിച്ചത്. അതാതു കാലത്തെ ശ്രദ്ധേയമായ മേഖലയിലെ അസാധ്യതകളെന്നു വിശ്വസിക്കപ്പെട്ടിരുന്നവയെ അതിജയിക്കുന്ന അത്യല്‍ഭുതങ്ങളായിരുന്നു പ്രധാനമായും മുഅ്ജിസത്തുകള്‍. മുഹമ്മദ് നബി തിരുമേനി സ്വ.യുടെ ഏറ്റവും ശ്രദ്ധേയമായ മുഅ്ജിസത്ത് വിശുദ്ധ ഖുർആൻ തന്നെ.

ചന്ദ്രനെ പിളർത്തുക, വിരലിണകൾക്കിടയിൽ നിന്ന് വെള്ളം വരുക, തുച്ഛം അന്നം കൊണ്ടു ധാരാളം പേരെ ഊട്ടുക, മിണ്ടാപ്രാണികൾ മിണ്ടുക തുടങ്ങി പല സംഭവങ്ങൾക്കും അവിടുത്തെ സമകാലീനർ സാക്ഷിയായിട്ടുണ്ട്. അക്കൂട്ടത്തിൽ ഗണനീയമാണ് അവിടുന്നു നടത്തിയ പലവിധ പ്രവചനങ്ങൾ.

സിൽവിയ ബ്രൗണോ ഡീൻ കൂൻസോ സ്റ്റീഫൻ കിംഗോ പ്രവാചകൻമാരല്ലെന്നതിനു വിശ്വാസിയുടെ ഒന്നാം തെളിവ് മുഹമ്മദ് നബി സ്വ.യിലുള്ള വിശ്വാസമാണ്. അവിടുന്നു കേവലമൊരു നബിയാണെന്നല്ല, ഖാതമുന്നബിയ്യീൻ / അന്ത്യപ്രവാചകനാണെന്നാണ് ഇസ്‌ലാമിക വിശ്വാസം. അതിനെതിരെ വിശുദ്ധ ഖുർആൻ തന്നെ ഉദ്ധരിച്ചു വന്നാലും അംഗീകരിക്കപ്പെടുകയില്ല. അതുകൊണ്ടാണ് മീർസാ ഗുലാം അഹ്'മദിനെയും അയാളുടെ അനുയായികളെയും വിശ്വാസികളായി അംഗീകരിക്കാത്തത്. പിന്നെയല്ലേ, നോവലുകൾ എഴുന്നള്ളിക്കുന്നത്.

പ്രവാചകത്വത്തിന്റെയും അന്ത്യപ്രവാചകത്വത്തിന്റെയും വിശദമായ തെളിവുകൾ പറയാൻ ഈ കുറിപ്പ് അപര്യാപ്തമാണ്. താത്പര്യമുള്ളവർക്ക് ഐപിബി പുറത്തിറക്കിയ ഇസ്‌ലാം എന്ന റഫറൻസ് ഗ്രന്ഥം നിർദ്ദേശിക്കുന്നു.

എന്തു തന്നെയായാലും, #ഇവർ_പറഞ്ഞതു_പോലെ_സംഭവിച്ചുവല്ലോ, അതെങ്ങനെയെന്നാണ് വിശ്വാസി പറയുക?

അതിനെ സംബന്ധിച്ചൊരു തീർപ്പ് പറയേണ്ട ബാധ്യത വിശ്വാസികൾക്കില്ല തന്നെ. എന്നാലും, ആർക്കും മനസ്സിലാവുന്ന ഒരു കാര്യം പറയാം. ഇതു യാദൃശ്ചികതയാണ് - തീർത്തും അപ്രതീക്ഷിതമായി സംഭവിച്ചത്. നോവൽ എഴുതുന്ന കാലത്ത് തന്നെ മനുഷ്യാനുഭവ ചരിത്രത്തിലും ശാസ്ത്ര ബോധ്യത്തിലും ഉള്ള കാര്യങ്ങളുടെ അടിത്തറയിൽ നിന്ന് ഭാവനയിൽ കണ്ടതിനപ്പുറം അതിലൊന്നുമില്ല.

മുൻകൂട്ടി പറയുന്ന കാര്യങ്ങൾ വാസ്തവത്തിൽ പുലരുന്നുണ്ടെങ്കിൽ അതു കൃത്യമായ പ്രകൃതി നിയമങ്ങളെ അനുസരിക്കും. അറബിയിൽ അതിന്റെ പേര് ലുസൂമിയ്യ് എന്നാണ്. Premises / ആധേയങ്ങൾ ഉണ്ടായാൽ ഫലം തീർച്ച. 'മുകളിൽ നിന്നു എന്തിട്ടാലും നിലത്തു പതിക്കും' എന്ന പ്രസ്താവന ഉദാഹരണം. തീർച്ചയായും അതു താഴെ പതിക്കും. കാരണം, കൃത്യമായ പ്രകൃതി നിയമത്തിനു അനുസൃതമാണത്. ഹാർവാർഡ് മെഡിക്കൽ സ്കൂളിലെ മെഡിസിൻ ഇൻസ്ട്രക്ടറായിരുന്ന ജൊനാതൻ ഡി ക്യുക്കിന്റെ നേതൃത്വത്തിൽ നടന്ന പഠനം പ്രവചിച്ചതായി പറയപ്പെടുന്നതു പോലെയുള്ളത് ഈ ഗണത്തിൽ ചേർത്തു വായിക്കണം.

എന്നാൽ, നിയതമായ ഏതെങ്കിലും തത്വമനുസരിച്ചല്ലാതെ, അപ്രതീക്ഷിതമായ സംഭവിക്കുന്നവ ഇത്തിഫാഖിയ്യ് ആണ്. യാദൃശ്ചികത എന്നർഥം. ചക്കയിട്ടപ്പോൾ മുയൽ കിട്ടിയ കഥ പോലെ. നബിമാരുടെ പ്രവചനവും അതിന്റെ ഫലവും തമ്മിലുള്ള ബന്ധം ലുസൂമിയ്യ് ആണ്; യാദൃശ്ചികതയല്ല. അവ ചിരപരിചിതമായ പ്രകൃതിനിയമങ്ങൾക്കെതിരാകാം. പക്ഷെ, അപ്പടി പുലരുന്നതാകണം പ്രവാചക വചനം എന്നതാണ് അതിന്റെ പ്രകൃതവും നിയമവും! അവർ ഒരു വിധേനയും കളവു പറയുന്നില്ല.

രസകരമായ വസ്തുത, ഈ പറയപ്പെട്ടവരാരും പ്രവാചകത്വം വാദിച്ചിട്ടില്ല എന്നതാണ്. അവർ കേവലം ഭാവനയിൽ നിന്നെഴുതിയ കല്പിത കഥകളിൽ ചില പരാമർശങ്ങൾ നടപ്പു ലോകത്തെ ചില സംഗതികളോടു ഒത്തു വന്നു എന്നതിൽ കവിഞ്ഞ് ഒന്നും ഉണ്ടായിട്ടില്ല. അവ സത്യമായി പുലരുമെന്നു ഒരിക്കലും അവർ വാദിച്ചിട്ടില്ല, വിചാരിക്കുക പോലും ചെയ്തിട്ടില്ല. പ്രവാചകന്മാരാകട്ടെ, അവരുടെ സത്യസന്ധതക്കു തെളിവായിട്ടു നടത്തുന്ന പ്രവചനങ്ങൾ ദൃഢബോധ്യത്തോടെ പുലരുമെന്ന പൂർണവിശ്വാസത്തോടെ ആയിരിക്കും, അതൊരിക്കലും പുലരാതിരിക്കില്ല. വേണമെങ്കിൽ, നിങ്ങൾക്കും തെറ്റുപറ്റാത്ത നല്ലൊരു പ്രവചനക്കാരനാകാം, അവസാന കാലത്തു പുലരുമെന്നു മുത്തു നബിയോർ പറഞ്ഞതു കോപ്പിയടിച്ചു കാച്ചിയിൽ മതി!! സ്വല്ലല്ലാഹു അലയ്ഹി വസല്ലം.
✍ Muhammad Sajeer Bukhari

ഒട്ടകമൂത്രം_കൊറോണക്കുള്ള_മരുന്നാണോ

#ഒട്ടകമൂത്രം_കൊറോണക്കുള്ള_മരുന്നാണോ?

അങ്ങനെ ഇസ്‌ലാം പഠിപ്പിച്ചിട്ടില്ല. അത്തരം  വ്യാജ പ്രചരണങ്ങളിൽ വിശ്വാസികൾ വഞ്ചിതരാവരുത്. മൂത്രപാന ചികിത്സയെ സംബന്ധിച്ച് 2016 സെപ്തംബർ 15നും 16നുമായി മറ്റൊരു സാഹചര്യത്തിൽ ഈ വിനീതൻ തന്നെ ഒരു പഠനക്കുറിപ്പ് ഫേസ് ബുക്ക് വാളിൽ പ്രസിദ്ധീകരിച്ചിരുന്നു. സഹചര്യേണ പ്രസക്തമായതിനാൽ അപ്പടി പുനഃപ്രസിദ്ധീകരിക്കുന്നു. സത്യം മനസ്സിലാക്കുവാൻ ഉദ്ദേശിക്കുന്നവർക്കു ഉപകരിച്ചേക്കും.

#ഒട്ടകമൂത്രം_കുടിക്കാൻ_നബി_സ്വ_പറഞ്ഞോ?

ഒരു ക്രിസ്ത്യൻ പാതിരിയുടെ FB പോസ്റ്റിൽ നബി സ്വ. ഒട്ടകത്തിന്റെ മൂത്രം കുടിക്കാൻ നിർദേശിച്ചുവെന്ന് പറഞ്ഞു പരിഹസിക്കുന്നു. ഇനി മുതൽ മുസ് ലിംകൾ ഒട്ടകത്തിന്റെ മൂത്രം കുടിച്ചു സുഖക്കേട് മാറ്റട്ടെ എന്നാണയാൾ പറയുന്നത്. വസ്തുതയെന്ത്?
Mushthak Kannur, Nishad Naseer

#പ്രതികരണം

ഇസ് ലാമിനെ മൂത്രപാന ചികിത്സയുമായി ബന്ധപ്പെടുത്തി വക്രീകരിച്ചു ചിത്രീകരിക്കാനുള്ള ശ്രമങ്ങൾ മുമ്പും ഉണ്ടായിട്ടുണ്ട്.  ഇവയിൽ അധികവും അർത്ഥശൂന്യവും കഴമ്പില്ലാത്തതുമാണ്. നബി സ്വ. മൂത്രപാന ചികിത്സ നിർദ്ധേശിച്ച ഒരു സംഭവം - ഒരേയൊരു സംഭവം - ഉണ്ടായിട്ടുണ്ട് എന്നത് വാസ്തവമാണ്. സ്വഹീഹായ ഹദീസു ഗ്രന്ഥങ്ങളിലും അനേകം തഫ്സീറുകളിലും അക്കാര്യം ഉദ്ധരിച്ചിട്ടുണ്ട്. അബൂ ഖിലാബ റ. നിവേദനം ചെയ്യുന്ന സുദീർഘമായ ഒരു ഹദീസിന്റെ ആരംഭമിങ്ങനെ: അനസ് റ. പറഞ്ഞു   ഒരിക്കൽ ഉഖ്ൽ അല്ലെങ്കിൽ ഉറയ്ന ഗോത്രക്കാരായ ഒരു സംഘം മദീനയിൽ വന്നു ; അവർക്ക്  മദീനയിലെ കാലാവസ്ഥ പിടിച്ചില്ല (ദീനം ബാധിക്കുകയും ചെയ്തു).  അപ്പോൾ (മരുന്നായി) കറവ ഒട്ടകങ്ങളുടെ പാലും മൂത്രവും കുടിക്കാൻ നബി  സ്വല്ലല്ലാഹു അലൈഹി വ സല്ലമ അവരോടു നിർദേശിച്ചു. അങ്ങനെ നബി തിരുമേനി നിർദേശിച്ചത്‌ പ്രകാരം  അവർ ഒട്ടകങ്ങളുടെ അടുത്ത് പോകുകയും അവരുടെ അസുഖം ഭേദമാവുകയും ആരോഗ്യം വീണ്ടെടുക്കുകയും ചെയ്തു."

#ഹദീസ്_ശ്രദ്ധിച്ചു_വായിക്കുക.

ഒന്ന്. നബി സ്വ. ചികിത്സ നിർദേശിച്ചത് എല്ലാ രോഗികൾക്കുമല്ല. ഉഖ്ൽ അല്ലെങ്കിൽ ഉറയ്നയിൽ നിന്നു തിരുസന്നിധിയിൽ വന്നവർക്കു മാത്രമാണ്. രോഗം എന്തായിരുന്നുവെന്ന് ഈ ഹദീസിൽ നിന്നു വ്യക്തമല്ലെങ്കിലും അവർക്കനുഭവപ്പെട്ട ഏതോ ഒരു രോഗത്തിനു മാത്രമാണെന്നുറപ്പ്. അതു ഉദരസംബന്ധമായ അസുഖമായിരുന്നുവെന്ന് ചില നിവേദനങ്ങളിലുണ്ട് .

രണ്ട്. ഒട്ടകത്തിന്റെ മൂത്രം മാത്രമല്ല, പാലും മരുന്നായി നിർദേശിച്ചിട്ടുണ്ട്. അതു മിശ്രിതമോ വെവ്വേറെയോ ആകാം.

മൂന്ന്. മൂത്രചികിത്സയിലൂടെ അവർ ആരോഗ്യം വീണ്ടെടുക്കുകയും ചെയ്തിട്ടുണ്ട്.

അഥവാ, ഫലം കണ്ട ഒരു ചികിത്സയെ കുറിച്ചാണ്, അല്ലാതെ ശമനം ഓഫർ ചെയ്തു പണം പറ്റിച്ച അനുഭവമല്ല ചർച്ച! ഇനി പറയാം.

#മൂത്രപാന_ചികിത്സ

ആരോഗ്യപാലനം, സൗന്ദര്യസംവർദ്ധനം മുതലായവക്കായി മൂത്രം ഉപയോഗിക്കുന്ന വൈദ്യസമ്പ്രദായമാണ് Urine Therapy അഥവാ മൂത്രപാന ചികിത്സ. 2012 ഫെബ്രുവരി 20-ലെ Times of India യിൽ ആചാര്യ വി. വാസുദേവയുടെ Does urine therapy work? എന്ന ലേഖനത്തിൽ പറയുന്നത് ശരീരത്തെ ചൈതന്യവത്താക്കി നിലനിർത്തി വാർദ്ധക്യത്തെ അകറ്റാനും, വിട്ടുമാറാത്ത പല രോഗങ്ങളേയും ശമിപ്പിക്കാനും ഈ വൈദ്യമുറയ്ക്ക് കഴിവുണ്ടെന്നാണ്.

#മൂത്രപാന_ചികിത്സയുടെ_ചരിത്രം.

  ഇത് അറബികൾക്കിടയിൽ മാത്രം നിലനിന്നിരുന്നതോ നബി സ്വ.യോടെ ആരംഭിച്ചതോ അല്ല. പുരാതന കാലം മുതലേ ഈജിപ്തിലും ചൈനയിലും ഇതു പ്രചാരത്തിലുണ്ടായിരുന്നു. മെക്സിക്കോയിലെ ആസ്ടെക്കുകൾ മുറിവുകൾ കഴുകാൻ മൂത്രം ഉപയോഗിച്ചിരുന്നു എന്ന് മാക്സൈൻ ഫ്രിത്ത്  2006 ഫെബ്രുവരി 21-നു  The Independant എന്ന ബ്രിട്ടീഷ് ദിനപ്പത്രത്തിൽ എഴുതിയ "Urine: The body's own health drink" എന്ന ലേഖനം വ്യക്തമാകുന്നു. ഒന്നാം നൂറ്റാണ്ടിലെ റോമൻ ചരിത്രകാരൻ പ്ലിനി, (പ്ലിനി ദ എൽഡർ), വൃണങ്ങൾ, തീപ്പോള്ളൽ, മുറിവുകൾ, തേൾ കുത്തൽ എന്നിവയുടെയൊക്കെ ചികിത്സയ്ക്ക് പുതുമൂത്രത്തിന്റെ ഉപയോഗം നിർദ്ദേശിച്ചിരുന്നു എന്ന് 2011 മാർച്ച് 10-ലെ "The guardian" ദിനപ്പത്രത്തിൽ എഴുതിയ The Unusual Uses of Urine എന്ന ശാസ്ത്ര ലേഖനത്തിൽ Richard Sugg പറയുന്നുണ്ട്.

ബിസി ഒന്നാം നൂറ്റാണ്ടിലെ  ലാറ്റിൻ കവി Catallus, സ്പെയിൻകാരനായ ഇഗ്‌നേഷ്യസിന്റെ ചിരിയെ പരിഹസിച്ചു കൊണ്ട് തന്റെ  Your Teeth! : Egnatius എന്ന കവിതയിൽ എഴുതുന്നത് വായിക്കൂ:

there’s nothing more foolish than foolishly smiling.
Now you’re Spanish: in the country of Spain
what each man pisses, he’s used to brushing
his teeth and red gums with, every morning,
so the fact that your teeth are so polished
just shows you’re the more full of piss.

(വിഡ്ഢിച്ചിരിയേക്കാൾ വിഡ്ഡിത്തം വേറെയില്ല.
നീയിപ്പൊ ഒരു സ്പെയിൻകാരൻ,
സ്പെയിൻ നാട്ടിൽ ഓരോ മനുഷ്യനും
സ്വന്തം മൂത്രം കൊണ്ടാണ്
രാവിലെ പല്ലും മോണയും തേയ്ക്കുന്നത്‌.
അതിനാൽ നിന്റെ പല്ലുകളുടെ തിളക്കം,
നീയാണ് ഏറ്റവും കൂടുതൽ മൂത്രിക്കുന്നതെന്നാണ് കാണിക്കുന്നത്).

പുരാതനറോമിലും സ്പെയിനിലും പല്ലുകൾ തിളക്കമുള്ളതായി നിലനിർത്താൻ മൂത്രം ഉപയോഗിച്ചിരുന്നുവെന്ന് ഈ വരികൾ അറിയിക്കുന്നുണ്ട്.

#ആധുനിക_കാലത്ത്.

ഇന്ത്യയുടെ അഞ്ചാം പ്രധാനമന്ത്രിയായിരുന്ന മൊറാർജി ദേശായി മൂത്രപാന ചികിത്സയുടെ അതിശക്തനായ ഒരു വക്താവ് ആയിരുന്നു. സർവ രോഗസംഹാരിയാണെന്ന് പോലും അദ്ദേഹം വാദിച്ചിരുന്നുവത്രെ. 1978ൽ Dan Rather മായി അദ്ദേഹം നടത്തിയ ഒരു മണിക്കൂർ നീണ്ട സംഭാഷണത്തിൽ യൂറിൻ തെറാപ്പിക്കു അനുകൂലമായി വാദഗതികൾ നിരത്തുകയുണ്ടായി. ദീർഘകാലമായി മൂത്രപാന ചികിത്സ ചെയ്തിരുന്ന ദേശായി, ശരിയായ ചികിത്സ നേടാൻ കഴിയാത്ത മില്യൺ കണക്കിന് ഭാരതീയർ മൂത്രപാന ചികിത്സ സ്വീകരിക്കണമെന്ന് നിർദേശിക്കുകയും ചെയ്തു ( Chowdhury, Prasenjit (July 27, 2009)."Curative Elixir: Waters Of India". The Times of India. Archived from the original on 2009-06-30).

ബ്രിട്ടീഷ് സിനിമാ നടിയായിരുന്ന സാറാ മൈൽസ് മുപ്പതു വർഷത്തോളം അലർജി സംബന്ധമായ രോഗങ്ങൾക്ക് മൂത്രപാന ചികിത്സ നടത്തിയിരുന്നു ( 'I can't wait to get off this planet', interview with Sarah Miles in The Independent, September 2007).

2008 ൽ നിലവിൽ വന്ന ചൈന യൂറിന്‍ തെറാപ്പി അസോസിയേഷന്‍ വക്താക്കള്‍ പറയുന്നത് കഷണ്ടി മുതല്‍ ട്യൂമര്‍ വരെ മാറ്റാനുള്ള ഔഷധ ഗുണം മൂത്രത്തിനുണ്ടെന്നാണ്. രോഗശാന്തിയ്ക്ക് വേണ്ടി ഈ അസോസിയേഷനിലെ അംഗങ്ങള്‍ മൂത്രം കുടിയ്ക്കും. ഏത് രോഗവും ഇത്തരത്തില്‍ ഭേദമാക്കാമെന്നാണ് സംഘടന വാദിയ്ക്കുന്നത്.

കേരള നിയമസഭയിൽ ഇപ്പോഴും ഉദുമ മണ്ഡലത്തെ പ്രതിനിധീകരിക്കുന്ന കെ.കുഞ്ഞിരാമൻ എം.എൽ.എ 1995 മുതൽ ഹൃദ്രോഗ ചികിത്സക്കായി യൂറിൻ തെറാപ്പിയാണ് സ്വീകരിച്ചിരുന്നത്. ചന്തേര യു.പി. സ്കൂളിൽ നടന്ന 'രോഗമുക്തി സമൂഹത്തിന് യൂറിൻ തെറാപ്പി' എന്ന സെമിനാറിൽ സംസാരിച്ചുകൊണ്ടാണ് നല്ലൊരു വൈദ്യൻ കൂടിയായ എം.എൽ.എ ഇക്കാര്യം വെളിപ്പെടുത്തിയത്. 2013 നവംബർ 20ന് മൂത്രപാനചികിത്സയെ (urine therapy or urotherapy) കുറിച്ച് സൂര്യ ടി.വി സംഘടിപ്പിച്ച ഒരു സംവാദത്തില്‍  മൂത്രപാനംമൂലം വിവിധ രോഗങ്ങള്‍ ഭേദമായ ഇരുപതിലധികം പേര്‍ അനുഭവസാക്ഷ്യം പറയാനെത്തി. ഇങ്ങനെ ശ്രദ്ധേയരായ
അനേകം വ്യക്തികളെയും സംഭവങ്ങളെയും  ഉദ്ധരിക്കാനാകും. ചുരുക്കത്തിൽ ജനപ്രീതി നേടിയ ഒരു പരമ്പരാഗത ചികിത്സാ രീതിയാണ് യൂറിൻ തെറാപ്പി .

#പ്രീമാരിൻ
ആർത്തവം നിലച്ചുപോവുക, യോനി വരണ്ടതാവുക, ആർത്തവവിരാമത്തെ തുടർന്നുണ്ടാകുന്ന അസ്ഥിക്ഷതം,  തുടങ്ങിയവക്ക് സ്ത്രീകൾക്ക് നിർദേശിക്കപ്പെടാറുള്ള ഈസ്ട്രജൻ ഉത്പന്നമായ PREMARIN എന്ന ഔഷധം പെൺകുതിരയുടെ മൂത്രമാണ് എന്ന് അറിയുന്നവർ വിരളമായിരിക്കും. PREMARIN എന്ന വാക്കിന്റെ പൂർണ രൂപം തന്നെ PREgnant MARe urIN (ഗർഭിണിയായ പെൺകുതിരയുടെ മൂത്രം) എന്നാണ്! ലോകത്ത് ഏറ്റവും കൂടുതൽ ഉപയോഗിക്കപ്പെടുന്ന മൂന്നാമത്തെ ഔഷധം പ്രീമാരിനാണ് - Tylenol ന്റെ തൊട്ടുപിറകെ!

#ഒട്ടകമൂത്രത്തിനു_പ്രത്യേകതയുണ്ടോ?

ഓരോ നാട്ടിലെയും ജനങ്ങൾ ആ നാട്ടിലെ വ്യത്യസ്ത ജീവികളുടെ മൂത്രത്തിനു സവിശേഷതയുണ്ടെന്ന് മനസിലാക്കിയിരുന്നു. ഭാരതത്തിൽ ഗോമൂത്രത്തിനായിരുന്നു പ്രചാരം. യൂറോപ്പിൽ കുതിരമൂത്രമാണ് കൂടുതൽ പ്രചരിച്ചത്. നബിതിരുമേനി യൂറിൻ തെറാപ്പി നിർദേശിച്ച സംഭവത്തിലുള്ളത് ഒട്ടകമാണ്. അതിനു മറ്റുള്ളവയേക്കാൾ സവിശേഷതയുണ്ടെന്ന വാദം അവിടെ ഉന്നയിച്ചിട്ടില്ല. എങ്കിലും ആധുനിക കാലത്തെ ചില പഠനങ്ങൾ ഒട്ടകമൂത്രത്തിന് സവിശേഷതയുണ്ടെന്ന് പറയുന്നു. British Institute of Biology യുടെ പ്രസിദ്ധീകരണത്തിൽ Dr Sabah Jassim  എഴുതിയ ശാസ്ത്ര പ്രബന്ധത്തിൽ ഒട്ടകമൂത്രത്തിലുള്ള പ്രതിരോധാണുക്കളുടെ എണ്ണം താരതമ്യേന കൂടുതലാണ് എന്ന് രേഖപ്പെടുത്തിയിട്ടുണ്ട്.  BBC ലേഖകൻ David Bamford അദ്ദേഹവുമായി നടത്തിയ അഭിമുഖത്തിന് ഈ ലിങ്ക് ഉപയോഗിക്കുക: http://news.bbc.co.uk/1/hi/world/middle_east/1702393.stm

ശ്രദ്ധേയമായ മറ്റൊരു നിരീക്ഷണം Chinese Pharmaceutical Company നടത്തിയിട്ടുണ്ട്. കാൻസർ രോഗികൾക്ക് നടത്തിയ കീമോതെറാപ്പി 30 ശതമാനം പേരിലേ വിജയിച്ചുള്ളൂ. എന്നാൽ ഒട്ടക മൂത്രത്തിൽ നിന്ന് ഉണ്ടാക്കുന്ന കാൻസർ പ്രതിരോധ മരുന്നായ CDA-II അറുപത്തൊന്ന് ശതമാനം പേർക്ക് ഗുണം ചെയ്തു!

#പഠനങ്ങൾ
മൂത്രപാന ചികിത്സയെ കുറിച്ച് വിശദമായി ആഖ്യാനിക്കുന്ന ധാരാളം പഠനങ്ങൾ ഇന്റർനെറ്റിൽ ലഭ്യമാണ്. ഗൂഗ്ളിൽ medicine made from urine എന്ന് ടൈപ് ചെയ്താൽ പ്രത്യക്ഷപ്പെടുന്ന ഒരോ ലിങ്കും നിങ്ങളെ അതിശയിപ്പിക്കും. ഈ മേഖലയിലെ ഏറ്റവും ശ്രദ്ധേയമായ രചന 1940 കളില്‍ ജെ.ഡബ്‌ളിയു. ആംസ്‌ട്രോങ് എന്ന ബ്രിട്ടീഷുകാരന്‍ എഴുതിയ The Water Of Life: A Treatise on Urine Therapy എന്ന പുസ്തകമാണ്. ടി. നാരായണന്‍ നിർവഹിച്ച ഈ ഗ്രന്ഥത്തിന്റെ സ്വതന്ത്ര പരിഭാഷ 2011 ൽ  'യൂറിന്‍ തെറാപ്പി' എന്ന പേരില്‍ മാതൃഭൂമി ബുക്‌സ് മലയാളത്തില്‍ പ്രസിദ്ധീകരിച്ചിട്ടുണ്ട്.

Martha M. Christy  എഴുതിയ Your Own Perfect Medicine: The Incredible Proven Natural Miracle Cure that Medical Science Has Never Revealed! എന്ന ഗ്രന്ഥവും ലോകവ്യാപകമായി വായിക്കപ്പെട്ടിട്ടുണ്ട്. Flora Peschek-Böhmer, Gisela Schreiber എന്നിവർ ചേർന്നെഴുതിയ Urine Therapy: Nature's Elixir for Good Health എന്ന ഗ്രന്ഥവും മികച്ച റഫറൻസാണ്.

#ഇസ്ലാമിക_നിലപാട്
ഇത്രയും വിവരിച്ചതിന്റെ താത്പര്യം യൂറിൻ തെറാപ്പി സർവ രോഗസംഹാരിയാണെന്നോ ഏറ്റവും മികച്ച ചികിത്സാരീതിയാണെന്നോ നിരുപാധികം പ്രോത്സാഹിക്കപ്പെടേണ്ടതാണെന്നോ  ഇസ്‌ലാം വിശ്വസിക്കുന്നുണ്ട് എന്നല്ല. ഒരു ചികിത്സാ രീതി എന്ന നിലയിൽ മനുഷ്യാനുഭവ ചരിത്രം അതിനെ വകവെച്ചിട്ടുണ്ട് എന്നാണ്. മൂത്രം മനുഷ്യന്റെതായാലും മൃഗത്തിന്റെതായാലും നജസ് - മാലിന്യം ആണ്. അത് ഉപയോഗിക്കുന്നതല്ലാതെ ജീവൻ നിലനിർത്തുവാനോ രോഗശമനത്തിനോ വേറെ വഴിയില്ലാതാകുമ്പോൾ അല്ലാതെ ഇസ്‌ലാം അനുവദിക്കുന്നില്ല. എന്നു മാത്രമല്ല, മറ്റു വഴികളുണ്ടായിരിക്കെ മൂത്രപാനം ചെയ്യുന്നത് ഹറാം - നിഷിദ്ധമായ പാപകൃത്യം കൂടിയാണ്. ആധുനിക വൈദ്യശാസ്ത്രത്തിന്റെ വളർച്ചയോ വികാസമോ ഒന്നും ഇല്ലാതിരുന്ന കാലത്താണ് മറുമരുന്നില്ലാത്ത സാഹചര്യത്തിൽ നബിതിരുമേനി യൂറിൻ തെറാപ്പി നിർദേശിച്ചത്.

#മുസ്ലിംകൾ_ഒട്ടകമൂത്രം_കുടിക്കണോ?

ഹദീസിൽ യൂറിൻ തെറാപ്പിക്കു നിർദേശിച്ചതു ചൂണ്ടിക്കാട്ടി മുസ്‌ലിംകൾ ഇനി മുതൽ അസുഖം വന്നാൽ ഒട്ടകമൂത്രം കുടിക്കണം എന്ന് പരിഹസിക്കുന്ന മിഷണറി സുഹൃത്തും അയാളുടെ പോസ്റ്റിനു കീഴെ കമന്റിടുന്ന മറ്റു ചിലരും കഥയറിയാതെയാണ് ആട്ടം കാണുന്നത്. സാക്ഷാൽ ബൈബിളിൽ തന്നെ മൂത്രചികിത്സയെ സൂചിപ്പിക്കുന്ന വരികളുണ്ട്.

ഇരുപതാം നൂറ്റാണ്ടിൽ യൂറിൻ തെറാപ്പിയെ സംബന്ധിച്ച് എഴുതിയ ജെ.ഡബ്ലിയൂ. ആംസ്ട്രോങ്ങ്, തന്നെ ഈ ചികിത്സാവിധിയിലേക്ക് ആകർഷിച്ചത് ഹീബ്രു ബൈബിളിലെ 5/15 വാക്യമാണെന്ന് അവകാശപ്പെടുകയുണ്ടായി. "നിന്റെ സ്വന്തജലാശയത്തിലെ തണ്ണീരും സ്വന്തകിണറ്റിൽനിന്നു ഒഴുകുന്ന വെള്ളവും കുടിക്ക." എന്നാണ് പ്രസ്തുത വാക്യം.

ചിലർ യിരമ്യാവ് 2/13 ഇതിനോട് ചേർത്തു വായിക്കുന്നു: "എന്റെ ജനം രണ്ടു ദോഷം ചെയ്തിരിക്കുന്നു: അവർ ജീവജലത്തിന്റെ ഉറവായ എന്നെ ഉപേക്ഷിച്ചു, വെള്ളമില്ലാത്ത കിണറുകളെ, പൊട്ടക്കിണറുകളെ തന്നേ, കുഴിച്ചിരിക്കുന്നു."

ആദ്യത്തെ വാക്യത്തിലെ 'സ്വന്തജലാശയത്തിലെ തണ്ണീർ' എന്ന വാക്യവും രണ്ടാമത്തേതിലെ 'ജീവജലം' എന്ന വാക്കുമാണ് വേറെ അർഥസാധ്യതകൾ ഉണ്ടെങ്കിലും യൂറിൻ തെറാപ്പിക്ക് അനുകൂലമായി ഉദ്ധരിക്കപ്പെടാറുള്ളത്. ആംസ്ട്രോങ്ങ് തന്റെ കൃതിക്കു "ജീവജലം" (Water of Life)  എന്ന പേരാണ് കൊടുത്തതു എന്നതും ശ്രദ്ധേയമാണ്. അതുകൊണ്ട് കുഞ്ഞാടുകൾ ആദ്യം സ്വന്തം മൂത്രം പാനം ചെയ്യണമെന്ന് ആരെങ്കിലും പറഞ്ഞാൽ തെറ്റാവില്ല.

ഹൈന്ദവ നിലപാടും വ്യത്യസ്തമല്ല. മൂത്രപാന ചികിത്സ ആർഷഭാരത സംസ്കാരത്തിന്റെ ഭാഗമാണ് എന്നാണ് പല ഹിന്ദുക്കളും വിശ്വസിക്കുന്നത്. കേന്ദ്രമന്ത്രി ശ്രീ നിദിൻ ഗാഡ്കരിയെ ഉദ്ധരിച്ച് ഈയിടെ സോഷ്യൽ മീഡിയയിൽ പ്രചരിച്ച വാർത്തകൾ നിങ്ങൾ ശ്രദ്ധിച്ചിരിക്കും.

താന്ത്രിക പാരമ്പര്യത്തിൽ പെട്ട 'ദമരതന്ത്രം' എന്ന സംസ്കൃതകൃതിയിലെ ഒരു ഖണ്ഡം മൂത്രപാനത്തിന്റെ മഹത്വങ്ങൾ എടുത്തു പറയുന്നു. ശിവൻ പാർവതിക്കു നൽകുന്ന ഉപദേശത്തിന്റെ രൂപത്തിൽ എഴുതപ്പെട്ട 107 ശ്ലോകങ്ങൾ അടങ്ങുന്ന ഈ ഖണ്ഡം മൂത്രചികിത്സയുടെ രീതിയും പ്രയോജനങ്ങളും വിവരിക്കുന്നുണ്ട്.

രാത്രി മൂന്നു യാമം പിന്നിട്ട ശേഷം ഉറക്കമുണർന്ന്, കിഴക്കുദിശയിലേക്ക് തിരിഞ്ഞു നിന്ന് സ്വർണ്ണം, വെള്ളി, ചെമ്പ്, ഓട്, പിത്തള, ഇരുമ്പ്, മണ്ണ്, ദന്തം, തോൽ, തടി എന്നിവയിൽ ഏതെങ്കിലും കൊണ്ടുള്ള പാത്രത്തിൽ മൂത്രം ശേഖരിക്കണം. ഇപ്രകാരം ശേഖരിക്കുന്ന മൂത്രം പത്തു വർഷം നിഷ്ഠാപൂർവം പാനം ചെയ്താൽ വായുവിലൂടെ പറക്കാനാകുമെന്നും പന്ത്രണ്ടു വർഷം അതു തുടരുന്നവർ ആചന്ദ്രതാരം ജീവിക്കുമെന്നും മറ്റുമുള്ള അവകാശവാദവും ഇതിലുണ്ട്.

സാധാരണ ഉദ്ധരിച്ചു കാണാറുള്ളത് ദമരതന്ത്രത്തിലെ പത്താം ശ്ലോകമാണ്:
"മുഖശുദ്ധിം വിധായാതാ
കൃത്വാ ചാവശ്യകീ ക്രിയാം
പിബേത് ശിവാംബു വിമലം
ജൻമ രോഗ വിനാശനം"
(പ്രഭാതത്തിൽ എഴുന്നേറ്റ് മുഖം കഴുകി പ്രാഥമിക കൃത്യങ്ങൾ നിർവഹിച്ച ശേഷം തന്റെ നിർമലമായ മൂത്രം - ശിവാംബു - കുടിച്ചാൽ എല്ലാ വിധ ജൻമരോഗങ്ങളെയും അതു നശിപ്പിക്കും).  കൂടുതൽ വായിക്കാൻ :
www.healsa.co.za/PDF%20Files/Damar_Tantra.pdf.

ആയുർവേദത്തിലെ ത്രിമൂർത്തികളിൽ ഒരാളായ ചരകന്റെ വിശ്വപ്രസിദ്ധമായ ഗ്രന്ഥമായ ചരകസംഹിതയിലെ ഒരു ഭാഗത്ത് എട്ടു തരം മൂത്രങ്ങളുടെ ഗുണങ്ങൾ വിശദീകരിക്കുന്നത് പ്രസിദ്ധമാണ്. wikisource ൽ "ചരകസംഹിത/സൂത്രസ്ഥാനം/ദീർഘഞ്‌ജീവിതീയം'' എന്ന് ടൈപു ചെയ്താൽ പൂർണമായ സംസ്കൃത മൂലത്തോടൊപ്പമുള്ള പരിഭാഷയും ലഭ്യമാണ്.

അതായത്, ലോകത്തെ എല്ലാ പുരാതന സംസ്കാരങ്ങളിലും മൂത്രപാന ചികിത്സ നിലനിന്നിരുന്നു. എല്ലാവരും അംഗീകരിക്കുകയും വാഴ്ത്തുകയും ചെയ്തിട്ടുണ്ട്. ഇസ്‌ലാം മാത്രമാണ് നിവൃത്തി കെട്ടാലല്ലാതെ ഈ 'മാലിന്യചികിത്സ' പാടില്ലെന്ന് വിലക്കിയത്.
✍ Muhammad Sajeer Bukhar

_യുക്തിവാദികളുടെ_വഹാബിപ്പാലവും

*കൊറോണയും_വഹാബികളുടെ_പിത്തലാട്ടവും_യുക്തിവാദികളുടെ_വഹാബിപ്പാലവും...!*
👇👇👇👁👁👁👇👇👇
https://m.facebook.com/story.php?story_fbid=628296784411529&id=100016936382946
✍കഴിഞ്ഞ വർഷങ്ങളിൽ  മമ്പുറം മഖാമിന്റെ  മുറ്റത്ത് വെള്ളം കയറി...  നിലാമുറ്റം മഖ്ബറയിലും വെള്ളം കയറി... 1941 ൽ വിശുദ്ധ ഗേഹമായ  കഅബയിൽ വെള്ളം കയറ്റിയ അതേ റബ്ബിന്റെ പരീക്ഷണമാണെന്ന് മുസ്ലിംകൾ... ഈ വർഷം കൊറോണ തല പൊക്കി... സ്വലാത്ത് മജ്ലിസുകളും ജുമുഅകളും ഉൾപ്പെടെ ജനങ്ങൾ സമ്മേളിക്കുന്നവയെല്ലാം പലനിലക്കും നിയന്ത്രിച്ച് ആരോഗ്യ വകുപ്പുമായി ജനങ്ങൾ സഹകരിച്ചു... വിശുദ്ധ കഅബയിൽ പോലും കടുത്ത നിയന്ത്രണങ്ങൾ ഏർപ്പെടുത്തി... ,''ബായാർ ഇതര സ്വലാത്ത് മജ്ലിസുകൾക്ക് നിയന്ത്രണമേർപ്പെടുത്താൻ ആരോഗ്യ വകുപ്പ് ആവശ്യപ്പെട്ടപ്പോൾ സമുദായം അതംഗീകരിച്ച് ഗവൺമെന്റുമായി സഹകരിച്ചു... സ്വലാത്തിൽ പങ്കെടുത്തും മഖ്ബബറകൾ സന്ദർശിച്ചും രോഗശമനം ലഭിച്ചവർ ഇപ്പോളെവിടെ എന്ന് ചോദിച്ച് വഹാബീ മൗദൂദാതി പുത്തൻ വാദികൾ പലയിടത്തും തലപൊക്കി യുക്തിവാദത്തിന് മേൽപ്പാലമിട്ടു കൊടുത്തു. അതിൽ തൂങ്ങിക്കയറിയ യുക്തിവാദികൾ കഅബയിലെ നിയന്ത്രണത്തെച്ചൊല്ലി പടച്ചോന് നേരെ പല്ലിളിച്ചപ്പോൾ വഹാബികൾക്ക് ലക്ഷ്യം പൂർത്തീകരിച്ച സന്തോഷവും ബല്ലാത്ത മനസമാധാനവും... ഇതിന് മുമ്പിവർ ഇത്രക്ക് സന്തോഷിച്ചത് സലഫീ ഫെസ്റ്റിലെ താളമേളങ്ങളുടെ സീൽക്കാര ഓളങ്ങളിലായിരുന്നു...

                   മണ്ടൻമാരായ വഹാബീ മൗദൂദാതികളെക്കണ്ട്, ആശയ പരമായി അവരുടെ തോളത്ത് കയ്യിട്ട്  കോലം തുള്ളുന്ന യുക്തിവാദികളോട് സഹതാപം മാത്രം... ജലപ്രളയത്തിൽ വിശുദ്ധ കഅബ പൊളിഞ്ഞതും അവസാന നാളിൽ കഅബ പൊളിക്കപ്പെടുന്നതും പഠിപ്പിച്ച പ്രവാചക തിരുമേനിയിൽ നിന്ന് മതം പഠിച്ചവരാണ് മുസ്ലിംകൾ... പൊളിഞ്ഞതും പൊളിക്കുന്നതുമായി കാര്യങ്ങൾ വിശ്വസിക്കുന്ന സമുദായത്തിന് മുന്നിൽ ,കഅബയിലേർപ്പെടുത്തിയ നിയന്ത്രണത്തിന്റെ പേര് പറഞ്ഞ് യുക്തിവാദത്തിലേക്ക് ആളെക്കൂട്ടാമെന്ന് ചിന്തിക്കുന്ന നിങ്ങൾ ആദരാജ്ഞലികൾ മാത്രമാണർഹിക്കുന്നത്...!

           ഒരു വഹാബിയുടെ ചോദ്യവും വിശ്വാസിയുടെ മറുപടിയും ദാ ഇങ്ങിനെ...

വഹാബി: റബ്ബ് എന്ത് തീരുമാനിച്ചാലും അത് മുഴുവൻ അട്ടിമറിക്കാൻ കഴിവുള്ളവരല്ലേ അല്ലാഹുവിന്റെ  ഔലിയാക്കളും സ്വലാത്ത് നടത്തുന്നവരും...?.

മുസ്ലിം:എന്നാര് പറഞ്ഞു...?

വഹാബി: അത് പിന്നെ... മൗ... മൗല... മൗലവി... അത്തരം ഒരു വിശ്വാസം മുസ്ലിംകൾക്കുണ്ടെന്ന് പറഞ്ഞാണ് ഞമ്മള് വഹാബിയായത്...!

മുസ്ലിം: അതാരാണ് പറഞ്ഞത്...?

വഹാബി: അതും മൗലവി പറഞ്ഞു...!

മുസ്ലിം: എന്നാൽ ഒരു കാര്യം ചെയ്യ്... താങ്കളെ പച്ചക്ക് പറ്റിച്ച മൗലവിയോടു പോയി ചോദിക്ക്... ഇതെല്ലാം...

വഹാബി: അ... അത് പിന്നെ... ഞമ്മളങ്ങിനെ...

                      മഖ്ബറകളിൽ വെള്ളം കയറിയപ്പോളും കൊറോണാ സുരക്ഷയുടെ പേരിൽ സ്വലാത്ത് മജ്ലിസുകളും കൂട്ടമായ  മഖ്ബറ സന്ദർശനങ്ങളും നിർത്തിവച്ചപ്പോളും , ബേജാറിലായതും വെട്ടിലായതും വഹാബികളാണ്.കാലാ കാലങ്ങളായി സ്വന്തം അണികളെ #പറ്റിച്ചിരുന്നത് അണികൾ തന്നെ തിരിച്ചറിഞ്ഞതിലെ ബേജാറ്... കഴിഞ്ഞ വർഷം സലഫിപ്പള്ളിയിൽ കൂടി വെള്ളം കയറിയതോടെ ,അണികളുടെ ആദർശ ചോദ്യം പേടിച്ച് മൗലവിമാരാകെ നെട്ടോട്ടമോടി... കൊറോണാ വിഷയത്തിൽ വഹാബിപ്പള്ളികൾ കൂടി അടച്ചപ്പോൾ മൗലവിമാർക്ക് മറുപടി ഇല്ലാതായി.പ്രളയ ദുരന്തത്തിൽ മനുഷ്യർ വാവിട്ട് കരഞ്ഞപ്പോൾ ,അല്ലാഹുവിന്റെ ഔലിയാക്കളുടെ #കറാമത്തെവിടെ എന്ന് മുസ്ലിംകളെ പരിഹസിച്ച--- ,കൊറോണയുടെ പേരിൽ ഗവൺമെന്റിനോട് സഹകരിച്ച് സ്വലാ ത്തു സദസുകൾ ഒഴിവാക്കിയ മുസ്ലിംകളെ കളിയാക്കിയ--- ,''വഹാബികളെ മാതൃകയാക്കി''-ദൈവ നിശേധികൾ #ദൈവമെവിടെ എന്ന് ചോദിക്കുന്നു.കഴിഞ്ഞ വർഷം  ആരും കാണാതിരിക്കാൻ ,വെള്ളം കയറിയ വഹാബിപ്പള്ളിയുടെ ഫോട്ടോ മൂടി വക്കാൻ മൗലവിമാർ പെട്ട പാട് ചില്ലറയല്ല.  ''അല്ലാഹുവിന്റെ ഔലിയാക്കൾക്ക് അല്ലാഹുവിന്റെ തീരുമാനങ്ങൾ  അട്ടിമറിക്കാൻ കഴിവുണ്ടെന്നാണ് - മുസ്ലിം വിശ്വാസമെന്ന് '' പാവങ്ങളെ പറഞ്ഞ് വിശ്വസിപ്പിച്ച് വഹാബിസത്തിലേക്കാളെ ചേർത്തു. ചിലർ ,മാൻമെയ്ഡ് തൗഹീദ് മൂത്തപ്പോൾ ഐ എസിൽ വരെയെത്തി...പോയവരിൽ പലരും അങ്ങേലോകത്തെത്തി...!... ''താനുൾപ്പെടെയുള്ള മുസ്ലിംകൾക്ക് അങ്ങിനെയുള്ള വിശ്വാസമുണ്ടോ'' എന്ന് ചിന്തിക്കാൻ പോലും കഴിയാത്ത രൂപത്തിൽ അവരുടെ മനസുകളിൽ വഹാബിസമെന്ന മാരക വിഷം പിടിമുറുക്കിയിരുന്നു. കള്ളി പൊളിയുന്ന വിവരം അണികൾ തന്നെ മനസ്സിലാക്കുമെന്നായപ്പോൾ മൗലവിമാർ ശെരിക്കും പെട്ടു. ചിലരെ പലപ്പോളും പലരെ ചിലപ്പോളും പറ്റിക്കാൻ ചിലർക്കെങ്കിലും കഴിഞ്ഞേക്കാം.പക്ഷേ എല്ലാവരെയും എപ്പോളും പറ്റിക്കാൻ ഒരു മൗലവിക്കും കഴിയില്ല. എന്നാലും ,എന്നെന്നും മൗലവിമാരാൽ പറ്റിക്കപ്പെടാൻ വിധിക്കപ്പെട്ട് പാവം വഹാബികൾ... എന്തായാലും മഹാ കഷ്ടം... പക്ഷേ ,ചിന്തിക്കുന്നവർക്ക് മാത്രമേ ദൃഷ്ടാന്തമുള്ളു...

              യുദ്ധത്തിൽ കണ്ണിന് പരിക്കുപറ്റിയ സ്വഹാബി ,തിരുനബിയോട് ആവലാതി പറഞ്ഞതും ഉമിനീരു പുരട്ടി, തിരുനബിയത് പരിഹരിച്ചതും- ''ഉഹ്ദ് യുദ്ധത്തിൽ മുൻ പല്ലിന് പരുക്കേറ്റവരാണ് തിരുനബി'' എന്ന വിവരം  അറിയാഞ്ഞിട്ടല്ല. മറിച്ച് ,അവരാരും വഹാബികളായിരുന്നില്ല എന്നതായിരുന്നു കാരണം. അവരിൽ നിന്നെല്ലാം മതം പഠിച്ച മുസ്ലിംകൾക്ക്, പള്ളിയിൽ വെള്ളം കയറിയാലും മഖ്ബറയിൽ വെള്ളം കയറിയാലും- കൊറോണ തല പൊക്കിയാലുമെല്ലാം   അല്ലാഹുവിന്റെ പരീക്ഷണങ്ങൾ മാത്രം... ക്ഷമയോടെ സ്നേഹത്തോടെ കൂട്ടായ ശ്രമങ്ങളിലൂടെ അവരതിനെ അതിജീവിക്കാൻ ശ്രമിക്കും... ഒപ്പം, മരുന്നിലൂടെയും  ദിക്റുകളിലൂടെയും സ്വലാത്തുകളിലൂടെയും മഹാത്മാക്കളുടെ സാമിപ്യത്തിലൂടെയുമെല്ലാം  അല്ലാഹുവിന്റെ സഹായമവർ പ്രതീക്ഷിക്കും...

               പട്ടി തൂറുന്ന പറമ്പിലെയും നാൽകാലികൾ മലീമസമാക്കിയ ആരാന്റെ ഗ്രൗണ്ടിലേയും പെരുന്നാൾ നിസ്കാരം ,മഴയെപ്പേടിച്ച് പള്ളിക്കുള്ളിലാക്കുന്ന വഹാബിക്ക് ,കൊറോണാ ജാഗ്രതയുടെ ഭാഗമായി മമ്പുറം സ്വലാത്ത് ,ഓരോരുത്തരും ഒരുമിച്ച് കൂടൽ ഒഴിവാക്കി വീടുകളിൽ നടത്താൻ പറയുമ്പോൾ ദഹിക്കാത്തത് സാരമില്ല... വിവരക്കുറവിന്റെതാണ്... അതാണല്ലോ ഇക്കൂട്ടരെ വഹാബിയാക്കിയതും...!

                 'സാധാരണക്കാരിൽ നിന്ന് സാധാരണ കാര്യങ്ങൾ സംഭവിക്കുമ്പോൾ' എന്ന പോലെ, 'അസാധാരണക്കാരായ അമ്പിയാ- ഔലിയാക്കളിൽ നിന്നും മുഅജിസത്ത്- കറാമത്ത് ഉണ്ടാകുന്നതും' അല്ലാഹുവിന്റെ ഖദ്ർ-ഖളാഅ അനുസരിച്ച് തന്നെയാണെന്നാണ് മുസ്ലിം വിശ്വാസം. സ്വലാത്ത് മജ്ലിസുകളിൽ അല്ലാഹുവിന്റെ സഹായം ലഭിക്കുന്നതും  ഇപ്രകാരം തന്നെയാണ്. ഇതൊക്കെ മറച്ചു വച്ച് , ,അണികളെ മൗലവിമാർ പറ്റിച്ചതിലൂടെ,മഖ്ബറകളുൾപ്പെടെ നാട് മുഴുവൻ പ്രളയത്തിൽ സങ്കടപ്പെട്ടപ്പോളും ,കൊറോണാ മുൻകരുതലായി, സ്വലാത്തുകളുൾപ്പെടെ  സർവ്വ കൂട്ടായ്മകളും നിർത്തി വച്ചപ്പോളും  അത് കണ്ട് സോഷ്യൽ മീഡിയയിൽ  സന്തോഷിക്കുന്നതിന് പിന്നിലെ വഹാബിച്ചതി ബ്രിട്ടീഷ് ചാരൻ ഹംഫറിനൊപ്പം കൂട്ടി വായിക്കപ്പെടേണ്ടതാണ്...  പെട്ടു പോയവരെങ്കിലും ചിന്തിച്ചിരുന്നെങ്കിൽ... ഇതൊക്കെക്കണ്ട് സന്തോഷിക്കാൻ മാത്രം മനസ് മരവിച്ച വഹാബികൾ...എന്ത് ചെയ്യാൻ... അവരെപ്പുകഴ്ത്താൻ തത്ക്കാലം വാക്കുകളില്ല...!

ഖുദ്സി
18-03-2020

ഖുനൂത്ത്നാസില കൊറോണ മസ് അലകൾ

🌹🕋🌹🕋🌹🕋🌹🕋
*2️⃣0️⃣ കൊറോണക്കാല മസ്അലഃകൾ*
(എല്ലാവരും ഷെയർ ചെയ്യണേ افضل العلم علم الحال)
Www.Jannathulminna.Com
📝📚📝📚📝📚📝📚
*മസ്അലഃ നമ്പർ 1️⃣*
❓❓❓❓❓❓❓

നാസിലതിന്റെ ഖുനൂതിൽ ആദ്യം കൊണ്ട് വരേണ്ടത് സാധാ ഖുനൂതിലെ വചനങ്ങളാണല്ലോ,അപ്പോഴും കൈകളുടെ പുറം ഭാഗം മേൽഭാഗത്തേക്കുയർത്തലാണോ വേണ്ടത്(അത് ഒരു കാര്യം നേടിയെടുക്കാനുള്ള ത്വലബിന്റെ വാചകങ്ങളാണല്ലോ)
,അതോ ശേഷം കൊണ്ട് വരുന്ന വിപത്ത് തട്ടിമാറ്റാനുള്ള പ്രത്യേക ദുആയിൽ മാത്രം മതിയോ
🤔
✍✅✅✅✅✅✅
ഏത് സീഗയാണെങ്കിലും(വാചകം) മഖ് സ്വൂദ്(ഉദ്ധേശ്യം) ആണ് പരിഗണനീയം
ഇവിടെ സാധാ ഖുനൂതിലെ വാചകം കൊണ്ടുവന്നാലും മറ്റു ത്വലബിന്റെ വചനങ്ങൾ കൊണ്ടുവന്നാലും ഉദ്ധേശ്യം  റബ്ഉൽ ബലാഅ്(വിപത്ത് ഉയർത്തൽ)ആണ്
അതിനാൽ
രണ്ടിലും(അഥവാ തുടക്കം മുതൽ തന്നെ) കൈകളുടെ പുറംഭാഗം ആകാശത്തേക്കുയർത്തലാണ് വേണ്ടതെന്നും
അതാണ് ഇബ്നു ഹജർ തങ്ങളുടെ ളാഹിറായ കലാമിൽ നിന്നും നിന്നും,റംലീ തങ്ങളുടെ സ്വരീഹായ കലാമിൽ നിന്നും മനസ്സിലാവുന്നതെന്നും ബിഗ് യയിൽ കാണാം
അതാണ് മുഅ്തമദെന്ന് ശർവാനിയിലുമുണ്ട്
ഹാശിയതുന്നിഹായഃയിലും ഫതാവൽ കുർദിയീലും തഥൈവ...

(സാധാ ഖുനൂതിൽ ദുആവചനങ്ങളല്ലാത്ത സനാഇൽ കൈകളുയർത്തൽ സുന്നത്തായത് പോലെ വിപത്ത് ഉയരാനുള്ള വചനങ്ങളില്ലെങ്കിലും മൊത്തത്തിൽ അത് നാസിലതിന്റെ ഖുനൂതാകയാൽ എല്ലാ സമയവും കൈകളുടെ പുറം മേൽപ്പോട്ടുയർത്തലാണ് വേണ്ടതെന്നാണ് ബിഗ്യ)
ഈ വിഷയത്തിൽ ഖിലാഫുണ്ട് എങ്കിലും മുഅതമദെന്ന് ശർവാനി പറഞ്ഞ,കൂടുതൽ പണ്ഡിതർ വിശദീകരിച്ച മേൽപറഞ്ഞ രൂപമാണ് ഖൈർ
*(ഇത് സ്വുബ്ഹിയിലൊഴികെയുള്ളതിലാണ്,സ്വുബ് ഹിയിൽ എല്ലായ്പ്പോഴും സുന്നത്തായ വാരിദായ ഖുനൂതിനോടൊപ്പമാണ് നാസിലതിന്റെ ഖുനൂത്,അവിടെ ആദ്യം മുതൽ സനാഅ് വരെ മുൻ കൈയിന്റെ ഉൾഭാഗം ആകാശത്തേക്കുയർത്തുകയും തുടർന്ന് നാസിലതിന്റെ ഖുനൂത് കൊണ്ടു വരുമ്പോൾ കൈകളുടെ പുറംഭാഗം ആകാശത്തേക്കുയർത്തലുമാണ് വേണ്ടത്*
*(കാരണം ഇവിടെ  സ്വുബ്ഹിയിലെ സ്പെഷ്യൽ  ഖുനൂതിന് ശേഷം നാസിലതിന്റെ ഖുനൂത് കൊണ്ടുവരുമ്പോൾ മാത്രമാണ് റബ്ഉൽ ബലാഅ് മഖ്സ്വൂദ്)  ശേഷം സ്വലാത്ത് ചൊല്ലി അവസാനിപ്പിക്കുക*

👇🏻ഇബാറത്ത് 👇🏻
*"والمفهوم من ظاهر كلام ابن حجر وصريح كلام م ر ان كل داع في قنوت الصلاة او في غيرها ان دعا برفع ما نزل به من بلاء جعل ظهر كفيه إلى السماء من أول القنوت الى اخره أي قنوت كان وان كان بصيغة الطلب كاللهم اسقنا غيثا مغيثا الخ لان المراد بقولهم برفع بلاء أي إذا كان المقصود منه رفع البلاء ويؤيده التصريح بندب رفع اليدين في حال الثناء مع أنه لا دعاء فيه*
(بغية ص 43)

ﻭﻳﺴﻦ ﺃﻥ ﻳﺮﻓﻊ ﻳﺪﻳﻪ ﻭﻳﺠﻌﻞ ﻇﻬﻮﺭﻫﻤﺎ ﺇﻟﻰ اﻟﺴﻤﺎء ﻭﻟﻮ ﻋﻨﺪ ﺃﻟﻔﺎﻅ اﻟﺘﺤﺼﻴﻞ ﻋﻠﻰ اﻟﻤﻌﺘﻤﺪ ﻛﻤﺎ ﻗﺎﻟﻪ اﻟﺤﻔﻨﻲ ﺗﺒﻌﺎ ﻟﻠﺤﻠﺒﻲ ﻭاﻟﺸﺒﺮاﻣﻠﺴﻲ؛ ﻷﻥ اﻟﻘﺼﺪ ﺭﻓﻊ اﻟﺒﻼء ﺧﻼﻓﺎ ﻟﻤﺎ ﻗﺎﻟﻪ اﻟﻘﻠﻴﻮﺑﻲ ﻭﺗﺒﻌﻪ اﻟﻤﺤﺸﻲ ﺑﺮﻣﺎﻭﻱ ﻣﻦ ﺃﻧﻪ ﻳﺠﻌﻞ ﺑﻄﻮﻧﻬﻤﺎ ﺇﻟﻰ اﻟﺴﻤﺎء ﻋﻨﺪ ﺃﻟﻔﺎﻅ اﻟﺘﺤﺼﻴﻞ ﻭﻇﻬﻮﺭﻫﻤﺎ ﻋﻨﺪ ﺃﻟﻔﺎﻅ اﻟﺮﻓﻊ ﻛﻤﺎ ﻓﻲ ﺳﺎﺋﺮ اﻷﺩﻋﻴﺔ ﻭﻟﻮ ﻓﻲ اﻟﺼﻼﺓ ﻭﻗﺪ ﻋﺮﻓﺖ ﺃﻥ ﻣﺤﻞ ﻫﺬا اﻟﺘﻔﺼﻴﻞ ﺇﺫا ﻟﻢ ﻳﻜﻦ اﻟﻘﺼﺪ ﺭﻓﻊ اﻟﺒﻼء ﻭﺇﻻ ﺭﻓﻊ اﻟﻈﻬﻮﺭ ﻣﻄﻠﻘﺎ ﻧﻈﺮا ﻟﻠﻘﺼﺪ ﺩﻭﻥ اﻟﻠﻔﻆ.(الشرواني)

فلو جمع بين الطلب والرفع بصيغة واحدة كما لو دعا شخص لتحصيل شيء ورفع آخر ، أو دعا اثنان أحدهما بطلب خير والآخر برفع شر فقال آخر : اللهم افعل لي ذلك فهل يفعل قائل ذلك ببطون الأكف أم بظهورها ؟ فيه نظر . 

قيل ولا يبعد أن يفعل ذلك مقرونا ببطون الأكف تغليبا للمطلوب على غيره لشرفه ا هـ . 

أقول : والأقرب أن ذلك يكون بظهور الأكف لأن درء المفاسد مقدم على جلب المصالح

شبراملسي

                    
🕋🕋🕋🕋🕋🕋🕋🕋
*മസ്അലഃ നമ്പർ 2️⃣*
❓❓❓❓❓❓❓❓
കൊറേണയെ പ്രതിരോധിക്കാൻ കൈകൾ ആൽക്കഹോളടങ്ങിയ ഡിറ്റർജന്റ് കൊണ്ട് ഹാൻഡ് വാഷ് ചെയ്യാൻ ആരോഗ്യവകുപ്പ് നിർദ്ധേശിച്ചിരിക്കുകയാണല്ലോ,ആൽക്കഹോളടങ്ങിയ
ഇത് ഉപയോഗിക്കാമോ
🤔
✍✅✅✅✅✅✅✅
മരുന്നുകളിലും,സ്പ്രേകളിലും,ഡിറ്റർജന്റുകളിലുമുപയോഗിക്കുന്ന ആൽക്കഹോളിൽ ലഹരിയില്ലെന്ന് അത്തരം കമ്പനികളുടെ മേൽനോട്ടക്കാരുമായി അന്വേഷിച്ചുറപ്പിച്ചതായി മുൻ യുഎഇ മതകാര്യവകുപ്പ് മന്ത്രിയായിരുന്ന عيسى بن عبد الله بن محمد بن مانع الحميري
തങ്ങൾ തന്റെ لباب النقول في طهارة العطور الممزوجة بالكحول.
എന്ന ഗ്രന്ഥത്തിൽ
രേഖപ്പെടുത്തിയിട്ടുണ്ട്
അങ്ങനെയെങ്കിൽ തീർച്ചയായും അതുപയോഗിക്കാം
(ലഹരി ദ്രാവകമാണല്ലോ നജസ്)
ഇനി അടിസ്ഥാനപരമായി ശുദ്ധിയുള്ള(മദ്യപാനിയുടെ/ഹൈളുകാരിയുടെ/കുട്ടികളുടെ വസ്ത്രങ്ങൾ പോലെ)
എന്നാൽ നജസിൽ സംശയമുള്ള വസ്തുക്കൾ  ഉപയോഗിക്കാമെന്നതാണ്
പ്രബലമെന്ന് ഫത്ഹുൽ മുഈനിൽ അല്ലാമഃ സൈനുദ്ധീൻ മഖ്ദൂം തങ്ങൾ ഉറപ്പിച്ച് പറയുന്നുണ്ട്
*പന്നിയുടെ കണ്ഠം ചേർക്കുന്നുണ്ടെന്നറിയപ്പെട്ടെ ശാമിലെ പാൽക്കട്ടി കൊണ്ടുവരപ്പെട്ടപ്പോൾ മുത്ത്നബി ഭക്ഷിച്ച(അത് ചേർത്തിട്ടുണ്ടെന്ന് ഉറപ്പില്ലാത്തതിനാൽ) ഹദീസാണതിന്റെ പ്രമാണം*

എങ്കിലും നജസ് സംശയമുണ്ടെങ്കിൽ  സൂക്ഷ്മത അതുപയോഗിക്കാതിരിക്കലാണ്
എന്നാൽ ആരോഗ്യ വകുപ്പ്  പകർച്ച വ്യാധി തടയാൻ ഇത് നിർബന്ധമാക്കുന്ന അവസ്ഥയെങ്കിൽ സൂക്ഷ്മത പരിഗണിക്കേണ്ടതില്ലെന്ന് പ്രത്യേകം പറയേണ്ടതില്ലല്ലോ

👇🏻ഇബാറത്ത്👇🏻
قاعدة مهمة: وهي أن ما أصله الطهارة وغلب على الظن تنجسه لغلبة النجاسة في مثله فيه قولان معروفان بقولي الأصل والظاهر أو الغالب أرجحهما أنه طاهر  بالأصل المتيقن لأنه أضبط من الغالب المختلف بالأحوال والأزمان وكذلك كثياب خمار وحائض وصبيان.  وأوانى متديـــنين بالنجــاسة وورق يغـلب نــثره على نجس ولعاب صبي وجـوخ اشــتهر عمله بشـحم الخــنزير وجبن شامي اشـتهر عمله بأنفحــة الخنـزير وقد جاءه صلى الله عليه وسلم جـبنة من عندهم فــأكل منها ولم يســئل عن ذلك. ذكره شيخـنا فى شرح المنهــاج .اهـ

فتح المعين ٢٣
🕋🕋🕋🕋🕋🕋🕋🕋
*മസ്അലഃ നമ്പർ 3️⃣*
❓❓❓❓❓❓❓❓
കൊറോണ പോലോത്ത പകർച്ചവ്യാധി സമയം ആരോഗ്യവകുപ്പും/വിദഗ്ധ ഡോക്ടർമാരും നിർദ്ധേശിക്കുന്ന പ്രതിരോധ നടപടികൾ അനുസരിക്കൽ എല്ലാവർക്കും നിർബന്ധമാണോ
🤔
✍✅✅✅✅✅✅✅
അതെ,
അല്ലാമഃ ഇബ്നു ഹജറുൽ ഹൈതമി തങ്ങളുടെ ഫതാവൽ കുബ്റയുടെ ഇബാറത്ത് അത് അടിവരയിടുന്നുണ്ട്
👇🏻ഇബാറത്ത്👇🏻
. ﻭﻣﻨﻬﺎ ﻳﻨﺒﻐﻲ ﺃﺧﺬا ﻣﻤﺎ ﻣﺮ ﻣﻦ ﻣﻨﻊ اﻟﺘﻌﺮﺽ ﻟﻠﺒﻼء، ﻭﻣﻦ ﻣﺸﺮﻭﻋﻴﺔ اﻟﺪﻭاء اﻟﺘﺤﺮﺯ ﺃﻳﺎﻡ اﻟﻮﺑﺎء ﻣﻦ ﺃﻣﻮﺭ ﺃﻭﺻﻰ ﺑﻬﺎ ﺑﻌﺾ ﺣﺬاﻕ اﻷﻃﺒﺎء ﻭاﻻﻋﺘﻨﺎء ﺑﺄﻣﻮﺭ ﺃﺧﺮﻯ
‎( الفتاوى الكبرى)
🕋🕋🕋🕋🕋🕋🕋🕋
*മസ്അലഃ നമ്പർ 4️⃣*
❓❓❓❓❓❓❓❓
വിപത്തിറങ്ങിയ നാട്ടിലുള്ളവർക്ക് വേണ്ടി ഇറങ്ങാത്ത നാട്ടുകാർക്കും ഖുനൂതുന്നാസിലഃ സുന്നത്താണോ,ഒരാൾക്ക് മാത്രമാണ് വിപത്ത് വന്നതെങ്കിലോ
🤔
✍✅✅✅✅✅✅
അതെ ഒരു നാട്ടിൽ വിപത്തെത്തിയിട്ടില്ലെങ്കിലും അന്നാട്ടുകാർക്ക് വിപത്തിലകപ്പെട്ട ഇതര നാട്ടുകാർക്ക് വേണ്ടി നാസിലതിന്റെ ഖുനൂതോതൽ സുന്നത്ത് തന്നെയാണ്
ഒരാൾക്ക് മാത്രമാണ് വിപത്തെങ്കിലും ഖൂനൂത് സുന്നത്താണെന്നാണ് ഒരു കൂട്ടം പണ്ഡിതർ ബഹ്സ് ചെയ്തിരിക്കുന്നത്
അതേസമയം ആ ഒരു വ്യക്തി ജനസേവകൻ(സമൂഹത്തിനുപകാരമുള്ളവൻ/ആവശ്യമുള്ളവൻ ഉദാഃ-പണ്ഡിതൻ,ധൈര്യശാലി) ആവണം എന്ന് അസ്നവീ ഇമാം നിബന്ധന വെച്ചിട്ടുണ്ട്
രണ്ടു പേരെങ്കിൽ ഈ ശർത്വില്ലെങ്കിലും സുന്നത്ത് തന്നെ
👇🏻ഇബാറത്ത് 👇🏻
قال العلامة البجيرمي الشافعي في حاشيته على شرح المنهج المُسمَّاة "التجريد لنفع العبيد" (1/ 207، ط. الحلبي): [(قوله: لنازلة) أي: "لرفعها ولو لغير من نزلت به؛ فيسن لأهل ناحية لم تنزل بهم فعل ذلك لمن نزلت به" اهـ حلبي، وعبارة "شرح الرملي": بأن نزلت بالمسلمين ولو واحدًا على ما بحثه جمع، لكن اشترط فيه الإسنوي تعدي نفعه؛ كأسرٍ لعالم أو شجاع، وهو ظاهر. اهـ. وخرج بالواحد الاثنان، ومقتضاه: أنه يقنت لهما وإن لم يكن فيهما نفع متعد. اهـ. "الشبراملسي على الرملي
🕋🕋🕋🕋🕋🕋🕋🕋
*മസ്അലഃ നമ്പർ 5️⃣*
❓❓❓❓❓❓❓❓
മാസ്ക് ധരിച്ച് നിസ്കരിച്ചാൽ സ്വഹീഹാവുമോ,സുജൂദിൽ മൂക്ക് മറകൂടാതെ വെക്കൽ വാജിബാണോ,സുജൂദിലെ അവയവങ്ങൾ വെക്കേണ്ട ക്രമം പറയാമോ,തർത്തീബൊഴിവാക്കൽ കറാഹത്താണോ
🤔
✍✅✅✅✅✅✅✅
നിസ്കാരം സ്വഹീഹാവും കാരണം മൂക്ക് വെക്കൽ തന്നെ നിർബന്ധമില്ല
(വെക്കാതിരിക്കൽ കറാഹത്താണ് ) മറയില്ലാതെ വെക്കലോ സുന്നത്താണു താനും
അത് കൊണ്ട് മൂക്ക് മറച്ചാൽ ആ സുന്നത്ത് നഷ്ടപ്പെടും
കൊറോണ പോലോത്ത മൂക്ക് മറക്കേണ്ട നിർബന്ധിത സാഹചര്യത്തിൽ
(ധരിക്കൽ അനിവാര്യമായവർക്ക് മാത്രം)
സുന്നത്ത് നഷ്ടപ്പെടില്ല
ആദ്യം രണ്ടുകാൽമുട്ടുകൾ ശേഷം രണ്ടു മുൻകൈകൾ,തുടർന്ന് നെറ്റിയും മൂക്കും ഒപ്പം
എന്നതാണ് അവയവങ്ങൾ വെക്കലിലെ സുന്നത്തും തർതീബും ഇതൊഴിവാക്കൽ കറാഹത്താണ്
👇🏻ഇബാറത്ത്👇🏻
. وسن (فى السجود وضع كل ركبة) على الأرض اولا  (ثم) بعد ذلك يسن وضع كل (يد) اي كف ثم (جبهة وانف )معا للإتباع
ويكره مخالفة الترتيب المذكور وعدم وضع الأنف

فتح الجواد  1/209

(ووضع انف) اي على محل سجوده مكشوفا قوله (لخبر صحيح)لسنية وضع الأنف وهذا الخبر رواه أبو داود قال فى المغني وانما لم يجب وضع الأنف كالجبهة، مع ان خبر أمرت أن اسجد على سبعة أعظم ظاهره الوجوب،
  للأخبار الصحيحة المقتصرة على الجبهة قالو وتحمل أخبار الأنف على الندب

اعانة ١/٢٨١
🕋🕋🕋🕋🕋🕋🕋🕋
*മസ്അലഃ നമ്പർ 6️⃣*
❓❓❓❓❓❓❓❓
കൊറോണ കാരണം പലരാജ്യങ്ങളിലും പള്ളികളടക്കപ്പെട്ടിരിക്കുകയാണല്ലോ
ഇത്തരം അവസ്ഥ ഏതെങ്കിലും കാലഘട്ടത്തിലുണ്ടായതായി ചരിത്ര കിതാബുകളിലുണ്ടോ
🤔
✍✅✅✅✅✅✅
അതെ,ഹിജ്റ വർഷം 448ൽ മിസ്വ് റിലും,അൽഅൻദുലുസിലും(ഇന്നത്തെ സ്പെയിൻ,അൻഡോറ,പോർച്ചുഗൽ  എന്നീ യൂറോപ്യൻ രാജ്യങ്ങൾ)
അതിന് മുമ്പ് കാണാത്ത വിധം
വലിയ ക്ഷാമവും പകർച്ച വ്യാധികളും സംഭിവച്ചിരുന്നതായും
നിസ്കാരിക്കാനാളില്ലാതെ പള്ളികൾ പൂട്ടിയടക്കപ്പെട്ടിരുന്നതായും ഹാഫിളുദ് ദഹബി തന്റെ സുപ്രസിദ്ധ ചരിത്ര ഗ്രന്ഥമായ سير أعلام النبلاء
ൽ രേഖപ്പെടുത്തിയതായി കാണാം

👇🏻ഇബാറത്ത് 👇🏻
في عام 448 هـ:

وقع في مصر والأندلس قحطٌ ووباءٌ كبير،
لم يُعهد قبله مثله،
حتى بقيت المساجد مغلقة بلا مصلِّ،
وسُمي: (عام الجوع الكبير).

"سير أعلام النبلاء" (18/ 311)
🕋🕋🕋🕋🕋🕋🕋🕋
*മസ്അലഃ നമ്പർ 7️⃣*
❓❓❓❓❓❓❓❓
കോവിഡ് കാരണം സ്വഫുകളിൽ വലിയ വിടവ് വരുത്തിയും,വളരെ അകലം പാലിച്ചും ചിലപള്ളികളിൽ നിസ്കരിക്കുന്ന വീഡിയോ വാട്ട്സ്ആപ്പിൽ കറങ്ങുന്നുണ്ട്
അങ്ങനെ നിസ്കരിച്ചാൽ നമ്മുടെ മദ്ഹബിൽ  നിസ്കാരം സ്വഹീഹാവുമോ,ജമാഅത്തിന്റെ പ്രതിഫലം നഷ്ടപ്പെടുമോ
🤔
✍✅✅✅✅✅✅✅
നിസ്കാരം സ്വഹീഹാവുമെന്നതിൽ രണ്ടഭിപ്രായമില്ല
പക്ഷെ
ജമാഅത്തിന്റെ ഭാഗത്തിലൂടെ വരുന്ന കറാഹത്തായതിനാൽ ജമാഅത്തിന്റെ പ്രതിഫലം നഷ്ടപ്പെടുമെന്നതാണ് പ്രബലം
(ഉദ്റില്ലെങ്കിൽ)
സ്വഫ്ഫിന്റെ ഫളീലതേ നഷ്ടപ്പെടൂ എന്നാണ് റംലീ ഇമാമിന്റെ അഭിപ്രായം
*കൊറോണ പോലോത്ത  കാരണങ്ങൾ(പ്രയാസങ്ങൾ) ഉണ്ടാവുമ്പോൾ ആ കറാഹത്ത് വരില്ലെന്നും ജമാഅത്തിന്റെ പ്രതിഫലം നഷ്ടപ്പെടില്ലെന്നും  നിഹായതു സ്സൈനിന്റെ ഇബാറത്തിൽ നിന്ന് മനസ്സിലാക്കാം*
👇🏻ഇബാറത്ത്👇🏻
. وفي ع ش على م ر ما نصه وبقي ما لو تعارض عليه مكروهان كالصلوة  فى الصف الأول مع الإرتفاع والصلوة في غيره مع تقطع الصفوف فهل يراعى الأول أو الثاني فيه نظر
والأقرب الثاني لأن فى الإرتفاع من حيث هو ما هو على صورة التفاخر والتعاظم بخلاف عدم تسوية الصفوف فإن الكراهة فيه من حيث الجماعة لا غير اه‍

جمل٢/٣٥٨

أن الكراهة إذا كانت من حيث الجماعة تفوت فضيلة الجماعة

حاشية الشرواني ٣/١٦

والإنفراد عن الصف مع إمكان الدخول  فيه مفوت فضيلة الجماعة  لأن ارتكاب المكروه من حيث الجماعة يفوتها
وحينئذ كره شروع فى صف قبل إتمام ما قبله وفي فتاوى محمد الرملي أن الصفوف المقطعة تحصل لهم فضيلة الجماعة دون فضيلة الصف والمعتمد الأول نعم إن كان تأخيرهم عن سد الفرجة لعذر كوقت الحر بالمسجد الحرام لم يكره لعدم التقصير فلا تفوتهم الفضيلة

نهاية الزين ١١٩
🕋🕋🕋🕋🕋🕋🕋🕋
*മസ്അലഃ നമ്പർ 8️⃣*
❓❓❓❓❓❓❓❓
ഗൾഫിൽ പല സ്ഥലത്തും  ജുമുഅ നിർത്തലാക്കിയിരിക്കുകയാണല്ലോ;ഞങ്ങൾ പ്രവാസികൾ  ഒരു റൂമിൽ 15 പേർ ഉണ്ട്
ഞങ്ങൾക്കിവിടെ റൂമിൽ  ജുമുഅഃ നിർബ്ബന്ധമുണ്ടോ ?അതോ ളുഹ്ർ നിസ്ക്കരിച്ചാൽ മതിയോ?
ജമാഅത്തായി നിസ്കരിക്കാമോ
🤔
✍✅✅✅✅✅✅
പ്രവാസികളായ നിങ്ങൾ മുഖീമീങ്ങളാണ്(താൽക്കാലിക താമസക്കാർ) മുതവത്വിനീങ്ങളെക്കൊണ്ടേ(നാട്ടിലെ സ്ഥിര താമസക്കാർ)ജുമുഅഃ സ്വഹീഹാവൂ..
അതിനാൽ നിങ്ങൾ  റൂമിൽ 40 പേരുണ്ടായാലും ജുമുഅഃ നിസ്കരിക്കേണ്ടതില്ല
എന്ന് മാത്രമല്ല ആ നിസ്കാരം തന്നെ സ്വഹീഹല്ല
ളുഹ്റ് നിസ്കരിക്കുകയാണ് വേണ്ടത്
അതിൽ
ജമാഅത്തായി നിർവ്വഹിക്കൽ സുന്നത്താണ്
👇🏻ഇബാറത്ത് 👇🏻
ولكن لا تنعقد به أي بمقيم غير متوطن
(ഫത്ഹുൽ മുഈൻ 95)

فان تعدد المعذورون سن لهم الظهر جماعة

كتاب العباب المحيط بمعظم نصوص الشافعي والأصحاب
١/٢١٠
🤲🏻🤲🏻🤲🏻🤲🏻🤲🏻🤲🏻🤲🏻🤲🏻
*തയ്യാറാക്കിയത്-VMH SAQUAFI WANDOOR*
(അഡ്മിൻ ജന്നതുൽമിന്ന)
Www.Jannathulminna.Com
🕋🕋🕋🕋🕋🕋🕋🕋
*മസ്അലഃ നമ്പർ 9️⃣*
❓❓❓❓❓❓❓❓
*മുസ്വ് ഹഫിലെ മുടിയും,മക്കയിലെ പാറാവുകാരനും കൊറോണക്കാലത്തെ കോമഡിയാണോ,അതോ യാഥാർത്ഥ്യമുണ്ടോ*
🤔
✍✅✅✅✅✅✅
തീർച്ചയായും കോമഡി തന്നെ..🤠🤠
ഷിയാക്കളോ,ചില കള്ള ത്വരീഖത്തുകാരോ,ഖാദിയാനികളോ ഒരുപക്ഷേ നമ്മെ പരിഹസിക്കാൻ വഹാബീസോ ചമഞ്ഞുണ്ടാക്കിയ വേലയാണിതെന്ന് നാം മനസ്സിലാക്കണം
ഖാദിയാനിയുടെ ഇൽഹാം വാദം പോലെ(ആദ്യം വലിയ്യ്,പിന്നെ മഹ്ദീ,മസീഹ് പിന്നെ നബി😇)
പച്ചനുണകൾ വിളമ്പി ഇൽഹാമാക്കാനായി ചില ആത്മീയകള്ളൻമാരും...
ഏറ്റവും വലിയ സൂറത്ത് ബഖറയിലും(ഓതിത്തീരുമ്പോഴേക്ക് തലചൊറിയുമുറപ്പ്)
,പതിവായി ഓതുന്ന യാസീനിലും മുടികാണുമെന്നുറപ്പല്ലേ🤠🤠
തിരുനബിയുടെ മുടിക്ക് പ്രത്യേകതയുണ്ടെന്ന കാര്യത്തിൽ പണ്ഡിതർക്കിടയിൽ രണ്ടഭിപ്രായമില്ല
ആ ശറഫായ കേശം ലഭിക്കാൻ തിക്കിത്തിരക്കിയത് സ്വഹാബത്തൊന്നടങ്കമാണ്,അത് കഫൻ പുടയിൽ വെക്കാൻ വസ്വിയ്യത്ത് ചെയ്തത് മുആവിയ തങ്ങളാണ്,യുദ്ധവിജയത്തിന് വേണ്ടി അത് തൊപ്പിയിൽ തുന്നിപ്പിടിപ്പിച്ചത് ഖാലിദുബ്നു വലീദ് തങ്ങളാണ്
ആ ബറകത്ത് നമ്മുടെ മുടിക്കൂണ്ടെന്ന് ഏതെങ്കിലും പടുജാഹിൽ പറഞ്ഞാൽ നാമത് ഏറ്റുപിടിക്കണോ🤠🤠
മുസ്വ് ഹഫിൽ മുടികണ്ടാൽ വേഗമതെടുത്തു കളയണമെന്നാണ് പണ്ഡിതർ നമ്മെ പഠിപ്പിച്ചത്
അല്ലാതെ അതിട്ട വെള്ളം കുടിക്കാനല്ല🤠😇
ഇത്തരം കള്ള വഹ് യുമായി വരുന്നവരെ കണ്ടം വഴി ഓടിക്കുക

*മക്കയിലെ പാറാവുകാരൻ ശൈഖ് അഹമ്മദിന്റെ സ്വപ്നമാണ് മറ്റൊരു വിഷയം*
അത് മേൽപറഞ്ഞതിലും വലിയ കോമഡിയാണ്😁
മുൻവർഷങ്ങളിലൊക്കെ ഇത് പ്രചരിച്ചത് മദീനയിലെ പാറാവുകാരൻ എന്ന ടൈറ്റിലോടെയായിരുന്നു😂
ഇപ്പോൾ മക്കയുമായി ബന്ധിപ്പിക്കലാണല്ലോ കൂടുതൽ ട്രന്റ്..അപ്പോ അങ്ങനെയാവട്ടേന്ന് കരുതി😆
ഖുർആനും ഹദീസും തൊട്ടറിഞ്ഞ ആലിമീങ്ങൾ നമുക്ക് വേണ്ടി വിവിധ കിതാബുകൾ രചിച്ചിട്ടുണ്ട്
ഒരു മനുഷ്യന്റെ ആത്മീയ,ഭൗതീക നേട്ടങ്ങൾക്ക് വേണ്ട എല്ലാമതിലുണ്ട്
അത് മതി നമുക്ക്
കള്ള സ്വപ്നങ്ങളെ ചവറ്റുകൊട്ടയിലിട്ട് ചതച്ചരക്കുക
തിരുനബി സ്വപ്നത്തിൽ വന്ന് പറഞ്ഞൂവെന്നാണല്ലോ പറയുന്നത്
തിരുനബിയുടെ രൂപത്തിൽ ശൈത്വാൻ വരില്ലല്ലോ
അത് കൊണ്ട് ശരിയാവാൻ സാധ്യയതയുണ്ടല്ലോന്ന് കണ്ട് മുമ്പ് മദീനയിലും ഇപ്പോൾ മക്കയിലും ഒരു കൂട്ടം ദീനീസ്നേഹികൾ ശൈഖ് അഹമ്മദെന്ന പാറാവുകാരനെ അന്വേഷിച്ചപ്പോഴാണ് കൂടുതൽ കോമഡി..അങ്ങനെയൊരു പാറാവുകാരൻ ഇരുഹറമിലുമില്ലേയില്ല😇😆🤠😂😁
അപ്പോ ഏതോ മന്ച്ചന്റെ പച്ചനുണ കാച്ചൽ മാത്രമാണിതെന്ന് വ്യക്തം
ഈ സന്ദേശം 20 പേർക്കയച്ചാലുള്ള പ്രതിഫലും,അത് കിട്ടിയ ഒരുത്തന്റെ പേരും(നാട് കൊടുത്താൽ അന്വേഷിക്കും പണിപാളുംഅതോണ്ട് പേര് മാത്രം 😆)
അയക്കാത്തവർക്കുള്ള വിപത്തും അത് സംഭവിച്ച ഒരുത്തന്റെ പേരും കുറിപ്പിലുണ്ട്
(ആർക്കും എന്തും എഴുതാലോ)
എവിടെ നിന്നാണീ ജാതി വഹ് യാവോ😂
നമുക്ക് നമ്മുടെ അഹ് ലുസ്സുന്നയുടെ അഇമ്മത് പഠിപ്പിച്ച ഹഖ് മതി..
കണ്ട അണ്ടനും അടകോടനും എഴുതി വിടുന്ന ബാത്വില് വേണ്ട

🕋🕋🕋🕋🕋🕋🕋🕋
*മസ്അലഃ നമ്പർ 1️⃣0️⃣*
❓❓❓❓❓❓❓❓
കൊറോണ പകരുന്ന ഈ പ്രതിസന്ധി ഘട്ടത്തിൽ ഗൾഫ് നാടുകളിൽ ബാങ്കിൽ 
ألا صلو فى رحالكم
(നിങ്ങൾ നിങ്ങളുടെ വീടുകളിൽ നിന്ന് നിസ്കരിക്കുവീൻ) എന്നത്
ആഡ് ചെയ്തതായി കാണുന്നു,നമ്മുടെ മദ്ഹബിൽ അത് സുന്നത്തുണ്ടോ,ബാങ്കിനിടയിലാണോ ശേഷമാണോ കൊണ്ടു വരേണ്ടത്,എന്താണ് ഇജാബത് നൽകേണ്ടത്
🤔
✍✅✅✅✅✅✅
അതെ,ഇത്തരം ഘട്ടങ്ങളിൽ അത് ആഡ് ചെയ്യൽ സുന്നത്താണ്
ബാങ്കിനിടയിലും ശേഷവും പ്രസ്തുത വചനം കൊണ്ടുവരൽ ജാഇസാണെങ്കലും ശേഷം കൊണ്ടുവരലാണ് ഏറ്റവും നല്ലതെന്നും ബാങ്കിന്റെ കോർവ്വ അപ്പടി നിലനിൽക്കാൻ അതാണുചിതമെന്നും ഫുഖഹാഅ് രേഖപ്പെടുത്തിയതായി കാണാം
لا حول ولا قوة الا بالله العلي العظيم
ആണ് ഇജാബത് നൽകേണ്ടത്
👇🏻ഇബാറത്ത് 👇🏻
وقال النووي -رحمه لله- في " شرح صحيح مسلم " (5/207) : " في حديث ابن عباس رضي الله عنه أن يقول : ألا صلوا في رحالكم. في نفس الأذان ، وفي حديث ابن عمر أنه قال في آخر ندائه .

والأمران جائزان ، نص عليهما الشافعي رحمه الله تعالى في "الأم" في كتاب الأذان ، وتابعه جمهور أصحابنا في ذلك ، فيجوز بعد الأذان ، وفي أثنائه ؛ لثبوت السنة فيهما ، لكن قوله بعده أحسن ، ليبقى نظم الأذان على وضعه " انتهى

وبحث الأسنوي أنه فى قوله فى الليلة الممطرة أو نحو المظلمة عقب الحيعلتين الا صلو فى رحالكم يجيبه بلا حول ولا قوة الا بالله
(تحفة المحتاج)

(وبحث الأسنوي الخ) اعتمده النهاية والمغنى وجزم به الشارح فى شرح بافضل قوله (فى الليلة الخ) ليس بقيد كما فى شرح العباب بل النهار كذلك كردي قوله (أو نحو الظلمة) كذات الريح نهاية ومغني قوله (عقب الحيعلتين) أي أو بعد فراغ الأذان وهو الأولى نهاية ومغني وشرح بافضل (وقوله ذلك سنة لخبر الصحيحين)

حاشية الشرواني ٢/١١٣
🕋🕋🕋🕋🕋🕋🕋🕋
*മസ്അലഃ നമ്പർ 1️⃣1️⃣*
❓❓❓❓❓❓❓❓
ജുമുഅഃ നിസ്കാരത്തിലും നാസിലതിന്റെ ഖുനൂത് സുന്നത്തുണ്ടോ,അഞ്ച് നേര ഫർള് നിസ്കാരങ്ങളല്ലാത്ത എല്ലാ നിസ്കാരങ്ങളിലും ഓതലിന്റെ വിധിയെന്താണ്
🤔
✍✅✅✅✅✅✅
അതെ,ജുമുഅഃ യിലും സുന്നത്ത് തന്നെ
മയ്യിത്ത് നിസ്കാരത്തിൽ കറാഹത്തും
പെരുന്നാൾ,മഴയ തേടുന്ന നിസ്കാരങ്ങളടക്കം എല്ലാ
സുന്നത്ത് നിസ്കാരങ്ങളിലും,നേർച്ചയാക്കപ്പെട്ടവയിലും ഖിലാഫുൽ ഔലാ യുമാണ്
👇🏻ഇബാറത്ത് 👇🏻
مسألة يسن قنوت النازلة فى جميع المكتوبات ولو جمعة

فتاوى ابن زياد

المكتوبات) خرج المنذورة والجنازة والنافلة ولو عيداً أو استسقاء مما تسن فيه الجماعة فيكره في صلاة الجنازة ويكون خلاف الأولى في غيرها

حاشية الجمل ٢/٦٦
🕋🕋🕋🕋🕋🕋🕋🕋
*മസ്അലഃ നമ്പർ 1️⃣2️⃣*
❓❓❓❓❓❓❓❓
ഇമാമിന്റെ കൂടെ ആദ്യം ഖുനൂത് ലഭിച്ച മസ്ബൂഖിനും അവസാന റക്അതിലെ ഇഅ്തിദാലിൽ ഖുനൂത് സുന്നത്തുണ്ടോ,സ്വുബ്ഹിയിലെ ഖുനൂതും നാസിലതിന്റെ ഖുനൂതും ഈ വിഷയത്തിൽ സമമാണോ
🤔
✍✅✅✅✅✅✅
അതെ,സ്വുബ്ഹിയിലെ ഖുനൂത് പോലെ  നാസിലതിന്റെ ഖുനൂതും ആദ്യം ഇമാമിനൊപ്പമോതിയാലും അവസാന റക്അതിൽ മസ്ബൂഖിന് സുന്നത്ത് തന്നെ
👇🏻ഇബാറത്ത് 👇🏻
(وبسائر مكتوبة) من الخمس في اعتدال الركعة الاخيرة، *ولو مسبوقا قنت مع إمامه* (لنازلة) نزلت بالمسلمين.ولو واحدا تعدى نفعه - كأسر العالم أو الشجاع - وذلك للاتباع، وسواء فيها الخوف ولو من عدو مسلم، والقحط والوباء
( فتح المعين)
🕋🕋🕋🕋🕋🕋🕋🕋
*മസ്അലഃ നമ്പർ 1️⃣3️⃣*
*⁉️കൊറോണ ഹദീസിൽ‼️*
❓❓❓
കൊറോണയെ തിരുനബി പ്രവചിച്ചതായ തരത്തിൽ പല ക്യാപ്ഷനുകളും കൂടെ ഒരു കിതാബിന്റെ പേജും സോഷ്യൽ മീഡിയയാകെ പ്രചരിക്കുന്നുണ്ട്,വസ്തുത വിവരിക്കാമോ
🤔

✍✅✅✅✅✅✅
ആദ്യമേ പറയട്ടേ മുത്ത്നബിയുടെ ഒട്ടനേകം പ്രവചനങ്ങൾ മുഅ്ജിസത്ത് മുഖേനെ പുലർന്നതായി പണ്ഡിതർ സാക്ഷ്യപ്പെടുത്തിയിട്ടുണ്ട്
പലതും നാം കൺമുന്നിൽ കണ്ടുകൊണ്ടിരിക്കുന്നു ഇനിയും പുലരാനിരിക്കുന്നു..
അതേസമയം കൊറോണയെ പേരെടുത്ത് പരാമർശിച്ചുള്ള ഹദീസ് ഒരു കിതാബിലും ഇല്ലേയില്ല
മുമ്പ് കണ്ടിട്ടില്ലാത്ത പലവിധ പുതുരോഗങ്ങളുടെ വരവ് അന്ത്യനാടിന്റെ അടയാളങ്ങളായി തിരുനബി എണ്ണിയിട്ടുണ്ട്
(അത് ഒരു പുലർന്ന പ്രവചനം തന്നെയാണ്.അതിൽ കൊറോണ മാത്രമല്ല പലവേളകളിൽ പലപേരുകളിൽ വന്ന എല്ലാ പകർച്ചവ്യാധികളും പെടും)
അത്തരം അടയാളങ്ങളെ സവിസ്തരം പ്രതിപാദിക്കുന്ന ഒരു ഗ്രന്ഥമാണ്
അഞ്ഞൂറോളം പേജുകളുള്ള كتاب الأسس والمنطلقات
എന്ന പേരിൽ പ്രസിദ്ധമായ
كتاب الأسس والمنطلقات في تحليل وتفصيل غوامض فقه التحولات ومايرتبط به من سنن المواقف والدلالات المستنبطة من علامات الساعة وأحاديثها البينات
എന്ന ഗ്രന്ഥം
ആ ഗ്രന്ഥമെഴുതിയത് ഇന്നും ജീവിച്ചിരിക്കുന്ന യമനിലെ തലയെടുപ്പുള്ള പണ്ഡിതരിലൊരാളായ    الحبيب ابوبكر بن علي المشهور العدني തങ്ങളാണ്
ലോകപ്രശസ്തരായ ദാഈ ആണദ്ധേഹം അൻപതോളം കനപ്പെട്ട ഗ്രന്ഥങ്ങളുടെ കർത്താവ്
(മർകസിലും മഅ്ദിനിലുമടക്കം അദ്ധേഹം വിസിറ്റ് ചെയ്തിട്ടുണ്ട്)
പ്രസ്തുത കിതാബിലെ ഒരു പേജാണ് ആ പ്രചരിപ്പിക്കപ്പെടുന്നത്
അത്(കൊറോണ)
ഹദീസായല്ല മറിച്ച് മുമ്പ് പരാമർശിച്ച ഹദീസിന്റെ വിശദീകരണത്തിലാണ് മഹാൻ കൊണ്ടുവരുന്നത് അതോടൊപ്പം മുമ്പ് കണ്ടിട്ടില്ലാത്ത വിധം ലോകത്ത് പടർന്ന പലരോഗങ്ങളേയും മഹാൻ പരിചയപ്പെടുത്തുന്നുണ്ട്
2010 ലാണ് പ്രസ്തുത കിതാബിന്റെ പ്രഥമ എഡിഷൻ അതിൽ കൊറോണയെ പ്രതിപാദിക്കുന്നില്ല
2014 എഡിഷന്റെ താളുകളിലാണ് നമുക്കത് കാണാനാവുക
കൊറോണ വൈറസുകൾ പലഇനങ്ങളുണ്ട്
1937 ൽ തന്നെ പക്ഷികളിൽ ഈ രോഗം റിപ്പോർട്ട് ചെയ്യപ്പെട്ടിട്ടുണ്ട്
മറ്റു പലജീവികളിലും പിന്നീട് വൈറസ് കാണപ്പെട്ടു
2003 ലാണ് മനുഷ്യരെ ബാധിച്ചതായി കണ്ടെത്തുന്നത്
ഇപ്പോഴത്തെ പോലെ വലിയതോതിലുള്ള മരണങ്ങളില്ലെങ്കിലും അന്നും പലകോണുകളിൽ മരണങ്ങൾ റിപ്പോർട്ട് ചെയ്യപ്പെട്ടിട്ടുണ്ട്
ചുരുക്കിപ്പറഞ്ഞാൽ കൊറോണ എന്ന പേര് ഹദീസിലില്ല,ഈ രോഗം വരുന്നതിന് മുമ്പേ രചിക്കപ്പെട്ട ഒരു കിതാബുകളിലുമില്ല
മറിച്ച് ഈ രോഗം റിപ്പോർട്ട് ചെയ്യപ്പെട്ടതിന് ശേഷം ഇറക്കിയ കൃതിയിൽ ഇന്നും ജീവിച്ചിരിക്കുന്ന വലിയൊരു പണ്ഡിതൻ അതിനെ പരാമർശിച്ചെന്ന് മാത്രം
(കൊറോണ ഭാവിയിൽ വരും എന്നല്ല അത് പ്രത്യക്ഷപ്പെട്ടു കഴിഞ്ഞു എന്നാണ് ആ ഗ്രന്ഥത്തിലുള്ളതെന്നത് കൂടി ചേർത്ത് വായിക്കുക)

👇🏻ഇബാറത്ത് 👇🏻
"لم تَظْهَرْ الْفَاحِشَةُ في قَوْمٍ قَطُّ حَتَّى يُعْلِنُوا بِهَا إِلَّا فَشَا فِيهِمُ الطَّاعُونُ وَالْأَوْجَاعُ الَّتِي لَمْ تَكُنْ مَضَتْ فِي أَسْلَافِهِمُ الَّذِينَ مَضَوْا".

رَوَاهُ ابْنُ مَاجَه
🕋🕋🕋🕋🕋🕋🕋🕋
*മസ്അലഃ നമ്പർ 1️⃣4️⃣*
❓❓❓❓❓❓❓❓
പകർച്ച വ്യാധി ദിനങ്ങളിൽ എല്ലാ ദിവസവും സൂറതു യാസീനിലെ
سلام قولا من رب رحيم »

എന്ന ആയത്ത്2️⃣8️⃣0️⃣തവണ ഓതിയാൽ രക്ഷ ലഭിക്കുമെന്നത് ശരിയാണോ
🤔

✍✅✅✅✅✅✅
അതെ ഇമാം സുയൂഥ്വി തങ്ങൾ തന്റെ മഹത്തായ ഗ്രന്ഥം
الرحمة فى الطب والحكمة യിൽ
അത് രേഖപ്പെടുത്തിയതായി കാണാം
👇🏻ഇബാറത്ത് 👇🏻

علاج الوباء : من ذكر و سلام قولا من رب رحيم » [يس: 58] مائتين وثمانين مرة أيام الطاعون كل يوم كان سالماً من الطاعون
الرحمة فى الطب والحكمة ١١٩
للامام السيوطي رحمه الل

🕋🕋🕋🕋🕋🕋🕋🕋
*മസ്അലഃ നമ്പർ 1️⃣5️⃣*

❓❓❓❓❓❓❓❓
ജുമുഅയില്ലാത്ത വെള്ളിയാഴ്ചയാണ് ദജ്ജാലിന്റെ(ചില പോസ്റ്റുകളിൽ മഹ്ദീ ഇമാമിന്റെ) ആഗമനമുണ്ടാവുകയെന്ന് ഹദീസുണ്ട്,അതിനാൽ
കൊറോണക്കാലത്ത്  ദജ്ജാലിറങ്ങാനിരിക്കുന്നു
സൂക്ഷിക്കുക
എന്ന ആശയം ഉൾക്കൊള്ളുന്ന ടെക്സ്റ്റ് പ്രചരിക്കുന്നുണ്ട്
അടിസ്ഥാനമുണ്ടോ
🤔
✍✅✅✅✅✅✅✅
അന്ത്യനാൾ വെള്ളിയാഴ്ച(സ്വുബ്ഹിയുടേയും സൂര്യോദയത്തിന്റേയുമിടയിൽ)
ആണെന്ന് ധാരാളം സ്വഹീഹായ ഹദീസുകളിലുണ്ട്
അതേസമയം അതിന്റെ വലിയ അടയാളങ്ങായ ദജ്ജാലിന്റെ ആഗമനവും മഹ്ദീ ഇമാമിന്റെ ആഗമനവും ജുമുഅഃ ദിവസമാണെന്ന് ഒരു ഹദീസിലുമില്ല,ചരിത്രത്തിലുമില്ല
(ഇന്റർനെറ്റിൽ ശിയാ ഐഡിയിലുള്ളവരാണ് ഈ പ്രചരണത്തിനു പിന്നിൽ)
ജനങ്ങൾ ദജ്ജാലിനെത്തൊട്ട് അശ്രദ്ധരാവുകയും ഖത്വീബുമാർ മിമ്പറിൽ അവന്റെ വിവരങ്ങളൊഴിവാക്കുകയും ചെയ്യപ്പെടുന്ന
ഘട്ടത്തിലാണവന്റെ വരവെന്ന് ഒരു ഹദീസുണ്ട് പലപണ്ഡിതരും അത് സ്വഹീഹാക്കിയിട്ടുമുണ്ട്
(അതിനർത്ഥം ജുമുഅഃ നടക്കാത്ത ദിവസം എന്നല്ലല്ലോ-ജുമുഅഃ ഖുത്വുബയിൽ അവനെക്കുറിച്ചുള്ള പരാമർശമുണ്ടാവില്ലെന്നു മാത്രമാണതിന്റെ സാരം)
ഇനി വാദത്തിനു വേണ്ടി സമ്മതിച്ചാൽ തന്നെ ലോകത്ത് എല്ലായിടത്തും ജുമുഅഃ നിർത്തലാക്കിയിട്ടില്ലല്ലോ,ഇരു ഹറമുകളിലും ലോകത്തിന്റെ പലകോണുകളിലും ജുമുഅഃ പള്ളികളിൽ പ്രൗഢമായിത്തന്നെ നടക്കുന്നുണ്ടിപ്പോഴും..
അത് കൊണ്ട് ഇത്തരം കെട്ടിച്ചമക്കപ്പെട്ട എഴുത്തുകളിൽ വഞ്ചിതരാവാതിരിക്കുക

👇🏻ഇബാറത്ത്👇🏻

فقد روى مسلم في صحيحه حديث أبي هريرة ـ رضي الله عنه ـ وفيه: ولا تقوم الساعة إلا في يوم الجمعة

ولا تقوم الساعة إلا في يوم الجمعة بين الصبح وطلوع الشمس

فيض القدير للعلامة المناوي الشافعي
🌷🌹🌷🌹🌷🌹🌷🌹
🕋🕋🕋🕋🕋🕋🕋🕋

ثَبَت ذلك في زوائد مسند أحمد (4 /72)؛ فعن راشد بن سعد، قال: لَمَّا افْتُتِحَتْ إصْطَخْرُ، فإذا مُنادٍ: ألا إنَّ الدجَّال قد خرج، قال: فلَقِيَهُمُ الصَّعْبُ بن جَثَّامة، فقال: لولا ما تقولون لأخْبَرْتُكم أنِّي سَمِعْتُ رسول الله صلى الله عليه وسلم يقول: ((لا يَخرُجُ الدَّجَّالُ حتى يَذْهَلَ الناسُ عن ذِكْرِه، وحتى تترُكَ الأئمَّةُ ذِكْرَه على المنابر))؛ قال الهيثمي في «مجمع الزوائد» (7/ 335): "رواه عبدالله بن أحمد من رواية بَقِيَّة، عن صفوان بن عمرو، وهي صحيحة، كما قال ابن معين، وبقيَّة رجاله ثقات"، وصحَّح الألباني الرِّواية في قصة المسيح الدجال، صـ30

أخرجه عبد الله بن أحمد فى زوائده على المسند (4/71 ، رقم 16718) 

وقال الزين في المسند (13/112) : إسناده صحيح وهو من زوائد عبدالله .

وراه وابن قانع في معجم الصحابة (686) 

والطبراني في مسند الشاميين 

🕋🕋🕋🕋🕋🕋🕋🕋
*മസ്അലഃ നമ്പർ 1️⃣6️⃣*
❓❓❓❓❓❓❓❓
*👇🏻സോഷ്യൽ മീഡിയകളിൽ വൈറലായിക്കൊണ്ടിരിക്കുന്ന ഇത് തിരുനബിയുടെ ഹദീസ് തന്നെയാണോ👇🏻*
പ്രവാചകൻ (സ) പറഞ്ഞു : 
*"നിങ്ങൾ ഒരു രാജ്യത്ത് പകർച്ച രോഗമുണ്ടെന്ന് കേട്ടാൽ  ആ നാട്ടിലേക്ക് പ്രവേശിക്കരുത് . നിങ്ങളുടെ നാട്ടിൽ അത് ബാധിച്ചാൽ നിങ്ങൾ അവിടെ നിന്നും പുറത്ത് പോകരുത് "*

(രോഗം പകരുമെന്നും മുൻകരുതൽ വേണമെന്നും 1400 വര്‍ഷം  മുമ്പേ പ്രവാചകന്‍ പറഞ്ഞുവെച്ചിട്ടുണ്ട്)
🤔

✍✅✅✅✅✅✅
അതെ
ഇമാം ബുഖാരിرضي الله عنه
  വും ഇമാം മുസ് ലിം
رضي الله عنه
വും ഉദ്ധരിച്ച സ്വഹീഹായ ഹദീസുകളാണവ
👇🏻ഇബാറത്ത് 👇🏻
روى البخاري (5739) ، ومسلم (2219) عن عبد الرحمن بن عوف رضي الله عنه أنه قال : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ : (إِذَا سَمِعْتُمْ بِهِ [يعني : الطاعون] بِأَرْضٍ فَلَا تَقْدَمُوا عَلَيْهِ ، وَإِذَا وَقَعَ بِأَرْضٍ وَأَنْتُمْ بِهَا فَلَا تَخْرُجُوا فِرَارًا مِنْه) .
وروى البخاري (3473) ، ومسلم (2218) عن أُسَامَةَ بْن زَيْدٍ
🕋🕋🕋🕋🕋🕋🕋🕋
*മസ്അലഃ നമ്പർ 1️⃣7️⃣*
❓❓❓❓❓❓❓❓
രോഗം പകരില്ലെന്നും പകരുമെന്നും സ്വഹീഹായ  ഹദീസുണ്ടല്ലോ
അവ തമ്മിൽ  വൈരുധ്യമില്ലേ,ഇല്ലെങ്കിൽ പണ്ഡിതർ അവയെ ജംഅ് ചെയ്തിട്ടുണ്ടോ

🤔

✍✅✅✅✅✅✅
അവ തമ്മിൽ വൈരുദ്ധ്യമില്ലെന്ന് ഒട്ടനേകം മുഹിദ്ധിസീങ്ങൾ അടയാളപ്പെടുത്തിയിട്ടുണ്ട്
പകരില്ലെന്ന  ഹദീസ് കൊണ്ട് വിവക്ഷ സ്വയം പകരില്ലെന്നതാണെന്നും
(സ്വയം പകരുമെന്നതായിരുന്നു ജാഹിലിയ്യാ ജനതയുടെ വിശ്വാസം)
പകരുമെന്ന ഹദീസിന്റെ ഉദ്ധേശ്യം അല്ലാഹുവിന്റെ ഖദ്ർ,ഫിഅ് ല് കൊണ്ട് സംഭവിക്കാമെന്നുമാണെന്ന്( അത് കൊണ്ടാണ് പകർച്ച വ്യാധികളിൽ നിന്ന് പ്രതിരോധം സൃഷ്ടിക്കാൻ പലവഴികൾ തിരുനബി പറഞ്ഞതും)
ഇമാം നവവി തങ്ങളടക്കമുള്ള മഹാപണ്ഡിതർ ജംഅ് ചെയ്തതായി കാണാം
👇🏻ഇബാറത്ത് 👇🏻
قوله صلى الله عليه وسلم من رواية أبي هريرة : ( لا عدوى ، ولا صفر ، ولا هامة ، فقال أعرابي : يا رسول الله فما بال الإبل تكون في الرمل كأنها الظباء ، فيجيء البعير الأجرب ، فيدخل فيها ، فيجربها كلها ؟ قال : ( فمن أعدى الأول ) وفي رواية : ( لا عدوى ، ولا طيرة ، ولا صفر ، ولا هامة ) وفي رواية : ( أن أبا هريرة كان يحدث بحديث ( لا عدوى ) ويحدث عن النبي صلى الله عليه وسلم أيضا أنه قال : ( لا [ ص: 378 ] يورد ممرض على مصح ) ثم إن أبا هريرة اقتصر على رواية حديث ( لا يورد ممرض على مصح ) وأمسك عن حديث ( لا عدوى ) فراجعوه فيه ، وقالوا له : إنا سمعناك تحدثه ، فأبى أن يعترف به . قال أبو سلمة الراوي عن أبي هريرة : فلا أدري أنسي أبو هريرة أو نسخ أحد القولين الآخر ؟ ) قال جمهور العلماء : يجب الجمع بين هذين الحديثين ، وهما صحيحان . قالوا : وطريق الجمع أن حديث ( لا عدوى ) المراد به نفي ما كانت الجاهلية تزعمه وتعتقده أن المرض والعاهة تعدي بطبعها لا بفعل الله تعالى . وأما حديث ( لا يورد ممرض على مصح ) فأرشد فيه إلى مجانبة ما يحصل الضرر عنده في العادة بفعل الله تعالى وقدره .

فنفى في الحديث الأول العدوى بطبعها ، ولم ينف حصول الضرر عند ذلك بقدر الله تعالى وفعله ، وأرشد في الثاني إلى الاحتراز مما يحصل عنده الضرر بفعل الله وإرادته وقدره .

فهذا الذي ذكرناه من تصحيح الحديثين والجمع بينهما هو الصواب الذي عليه جمهور العلماء ، ويتعين المصير إليه . ولا يؤثر نسيان أبي هريرة لحديث ( ولا عدوى ) لوجهين : أحدهما أن نسيان الراوي للحديث الذي رواه لا يقدح في صحته عند جماهير العلماء ، بل يجب العمل به . والثاني أن هذا اللفظ ثابت من رواية غير أبي هريرة ؛ فقد ذكر مسلم هذا من رواية السائب بن يزيد ، وجابر بن عبد الله ، وأنس بن مالك ، وابن عمر عن النبي صلى الله عليه وسلم .
🕋🕋🕋🕋🕋🕋🕋🕋
*മസ്അലഃ നമ്പർ 1️⃣8️⃣*
❓❓❓❓❓❓❓❓
കൊറോണക്കൊരു മരുന്ന് കണ്ടുപിടിക്കപ്പെടുകയും അതിൽ ലഹരിയോ,നജസോ ഉണ്ടെന്നുറപ്പാകുകയും ചെയ്താൽ അത് കുടിക്കൽ ജാഇസാണോ🤔
✅✅✅✅✅✅✅✅
അതെ. കള്ള് പോലെയുള്ള ലഹരി വസ്തുക്കളോ,മറ്റു നജസുകളോ ചേർത്തിട്ടുള്ള മരുന്നുകൾ ചികിൽസാവശ്യാർഥം ഉപയോഗിക്കാം
പക്ഷെ അത് കൊണ്ട് പ്രയോജനമുണ്ടാകുമെന്ന് തനിക്ക് ഉറപ്പുണ്ടാവുകയോ, വിദഗ്ധനായ ഡോക്ടർ പറയുകയോ വേണം. അത് പോലെ ശുദ്ധിയുള്ള പ്രയോജനപ്രദമായ മറ്റു മരുന്നുകൾ ഇല്ലാതിരിക്കുകയും വേണം.
👇🏻ഇബാറത്ത്👇🏻
: وإنما يجوز التداوي بالنجاسة إذا لم يجد طاهراً يقوم مقامها، فإن وجده حرمت النجاسة بلا خلاف

مجموع ٩/٤٥

ولو كان التداوي بها لتعجيل شفاء كما يكون لرجائه وأنه يجوز بشرط إخبار طبيب مسلم عدل بذلك أو معرفة المتداوي به إن عرف، ويشترط عدم ما يقوم مقامه مما يحصل به التداوي من الطاهرات
(നിഹായഃ 8/14)
ﺃﻣﺎ ﻣﺴﺘﻬﻠﻜﺔ ﻣﻊ ﺩﻭاء ﺁﺧﺮ ﻓﻴﺠﻮﺯ اﻟﺘﺪاﻭﻱ ﺑﻬﺎ ﻛﺼﺮﻑ ﺑﻘﻴﺔ اﻟﻨﺠﺎﺳﺎﺕ ﺇﻥ ﻋﺮﻑ ﺃﻭ ﺃﺧﺒﺮﻩ ﻋﺪﻝ ﻃﺐ ﺑﻨﻔﻌﻬﺎ ﻭﺗﻌﻴﻨﻬﺎ ﺑﺄﻥ ﻻ ﻳﻐﻨﻲ ﻋﻨﻬﺎ ﻃﺎﻫﺮ
(جمل: ٨/٨ )

🕋🕋🕋🕋🕋🕋🕋🕋
*മസ്അലഃ നമ്പർ 1️⃣9️⃣*
❓❓❓❓❓❓❓❓കൊറോണ കാരണം മാസ്ക്,കൈയുറ എന്നിവ ധരിച്ച് ഉംറ ചെയ്യാമോ🤔
✅✅✅✅✅✅✅✅
കാരണമില്ലാതെ പുരുഷൻ
തലമറച്ചാലോ ചുറ്റിത്തുന്നപ്പെട്ട വസ്ത്രം ധരിച്ചാലോ,സ്ത്രീ മുഖം മറച്ചാലോ,മുൻകൈകൾ മറയുന്ന കൈയുറ ധരിച്ചാലോ  കുറ്റകരമാണ് മാത്രമല്ല ഫിദ് യഃ നിർബന്ധവുമാണ്
ഉദ്റോടെയെങ്കിൽ കുറ്റമൊഴിവാകുമെങ്കിലും ഫിദ് യഃ നിർബന്ധം തന്നെയാണ്
അത് കൊണ്ട് കൊറോണ കാരണം മാസ്ക്/കൈയുറ ധരിച്ചാലും ഫിദ് യഃ വാജിബാണ്;കുറ്റകരമല്ല

👇🏻ഇബാറത്ത്👇🏻
لو احتاج الرجل إلى ستر رأسه أو لبس المخيط لحر أو برد أو مداواة أو نحوها أو احتاجت المرأة إلى ستر وجهها جاز  ووجبت الفدية

وإنما يحرم عليه لبس المخيط وما هو في معناه مما هو على قدر عضو من البدن( شرح المهذب6/205)

كتاب الإيضاح للنووي رحمه الله
فصل_محرمات الإحرام

أو قدر عضو منه) يشمل ما يعمل على قدر الوجه٠٠٠٠٠٠٠٠ وكيس اللحية( حاشية الايضاح لابن حجر رح)
🕋🕋🕋🕋🕋🕋🕋🕋
*മസ്അലഃ നമ്പർ 2️⃣0️⃣*
❓❓❓❓❓❓❓❓

❓ചിലർ ഖുനൂതിനു ശേഷം കൈകൾ കൊണ്ട് മുഖം തടവുന്നതായി കാണുന്നു.അങ്ങനെ ചെയ്യൽ സുന്നത്തുണ്ടോ❓
✅ഇല്ലെന്നാണ് അല്ലാമഃ ഇബ്നു ഹജർ തങ്ങളുടെ ഉദ്ധരണി സൂചിപ്പിക്കുന്നത്
👇🏻ഇബാറത്ത്👇🏻
 ولا يسن مسح الوجه بهما عقب القنوت
منهج القويم 103
👍🏻👍🏻👍🏻👍🏻👍🏻👍🏻👍🏻👍🏻

'