ഗ്രന്ഥ രചനയിലൂടെ പുത്തന്‍വാദികളെ പിന്തുണക്കുന്നത് സുന്നി മാര്‍ഗമല്ല:

 ഗ്രന്ഥ രചനയിലൂടെ പുത്തന്‍വാദികളെ പിന്തുണക്കുന്നത് സുന്നി മാര്‍ഗമല്ല: സമസ്ത ഇസ്‌ലാമിന്റെ യഥാര്‍ഥ വിശ്വാസ ധാരയെ വികലമാക്കാന്‍ മുന്നില്‍ നിന്നവരെ മഹത്വവത്കരിച്ച് മുസ്‌ലിം സമൂഹത്തില്‍ ആശയക്കുഴപ്പം സൃഷ്ടിക്കുന്നത് അംഗീകരിക്കാന്‍ കഴിയില്ല. സമസ്ത❤️🔥♨️💥⚡️

കോഴിക്കോട്: ഇസ്ലാമിന്റെ യഥാര്‍ഥ വിശ്വാസധാരയെ വികലമാക്കാന്‍ മുന്നില്‍ നിന്നവരെ മഹത്വവത് കരിച്ച് മുസ്ലിം സമൂഹത്തില്‍ ആശയക്കുഴപ്പം സൃഷ്ടിക്കുന്നത്  അംഗീകരിക്കാന്‍ കഴിയില്ലെന്ന് സമസ്ത കേരള ജംഇയ്യത്തുല്‍ ഉലമ മുശാവറ വ്യക്തമാക്കി. 

 നബി (സ്വ)യുടെ കാലം മുതല്‍ തുടര്‍ന്നു വരുന്ന ആചാരങ്ങളും അനുഷ്ഠാനങ്ങളും ശിര്‍ക്കും കുഫുറുമാണെന്ന് വാദിച്ച് മുഖ്യധാരാ മുസ്്‌ലിംകളെ അവിശ്വാസികളാക്കി ചിത്രീകരിക്കുന്നവരുടെ ഗ്രന്ഥങ്ങള്‍ക്ക് പദ്യാവിഷ്‌കാരമോ ഗദ്യാവിഷ്‌കാരമോ ചമച്ച് പിന്തുണക്കുന്നത് യഥാര്‍ഥ വിശ്വാസികള്‍ക്ക് ഭൂഷണമല്ല. പുത്തനാശയക്കാരോട് മുന്‍കാല പണ്ഡിതന്മാര്‍ സ്വീകരിച്ച നിലപാടുകള്‍ക്ക് വിരുദ്ധമാണിത്.

 സമസ്തയുടെ പേരില്‍ നടക്കുന്ന സ്ഥാപനങ്ങളില്‍ അധ്യാപനം നടത്തുന്നവരില്‍ നിന്ന് ഇത്തരം നീക്കങ്ങള്‍ ഉണ്ടാകുന്നത് വേദനാജനകമാണ്. പുത്തന്‍വാദികളുടെ ഗ്രന്ഥങ്ങള്‍ ആരുതന്നെ പരിഭാഷപ്പെടുത്തിയാലും പിന്തുണച്ചാലും സുന്നികള്‍ക്ക് അതില്‍ യാതൊരു ഉത്തരവാദിത്വമോ ബാധ്യതയോ ഇല്ലെന്നും മുശാവറ വ്യക്തമാക്കി.

മതത്തിന്റെ അടിസ്ഥാന ആരാധനകളിലൊന്നായ സക്കാത്ത് നല്‍കുന്നതിനും സ്വീകരിക്കുന്നതിനും വ്യക്തമായ മാനദണ്ഡമുണ്ട്. ഖുര്‍ആനിലും നബിചര്യയിലും അത് വ്യക്തമാണ്.  അതിന് വിരുദ്ധമായി സംഘടനാ പ്രവര്‍ത്തനത്തിനും പ്രചരണത്തിനും പത്രസ്ഥാപന നടത്തിപ്പിനും മറ്റും സക്കാത്ത് സമാഹരിക്കുന്നത് അംഗീകരിക്കാനാകില്ല. ഇത്തരം മതവിരുദ്ധ സംവിധാനങ്ങളെ പോത്സാഹിപ്പിക്കുന്നതും   അതിന് ജനങ്ങളെ പ്രേരിപ്പിക്കുന്നതും ശരിയല്ല. പുത്തനാശയക്കാരുടെ കുതന്ത്രങ്ങളിലും ചതിക്കുഴിയിലും പെട്ട് പോകാതിരിക്കാന്‍ സമൂഹത്തില്‍ ആദരിക്കപ്പെടുന്നവര്‍ ജാഗ്രത കാണിക്കണമെന്നും  മുശാവറ ഓര്‍മപ്പെടുത്തി.

പ്രസിഡന്റ് റഈസുല്‍ ഉലമ ഇ സുലൈമാന്‍ മുസ്്‌ലിയാര്‍  അധ്യക്ഷത വഹിച്ചു. കാന്തപുരം എ പി അബൂബക്കര്‍ മുസ്ലിയാര്‍ ഉദ്ഘാടനം ചെയ്തു.

അഗത്തി ഉസ്താദ്;* *മാർഗ്ഗ ദർശിയായ ഉറ്റസുഹൃത്ത്*

 📚

*അഗത്തി ഉസ്താദ്;*

*മാർഗ്ഗ ദർശിയായ ഉറ്റസുഹൃത്ത്* 

 _(ഭാഗം- 1)_ 

🌷🌾🌻🌳🌸🌴🌷🏵️🌳🌺🪴

   എങ്ങനെ പറയണമെന്നറിയില്ല. എല്ലാവരും പരിചയപ്പെടുത്തുന്ന പോലെ ' _അഗത്തി ഉസ്താദ്_ ' എന്നും വിളിക്കാൻ ' _ഉസ്താദേ..'_ എന്നും വാക്കുകളുണ്ടെങ്കിലും, ഈ സന്ദർഭത്തിൽ അവരെക്കുറിച്ച് അഭിസംബോധന ചെയ്യാൻ മനസ്സ് ശൂന്യമാണ്.. ഇത് കുറിക്കുമ്പോഴുള്ള എൻ്റെ ഫീലിങ് എനിക്ക് മാത്രമേ അറിയൂ.. -

 പടച്ച റബ്ബേ, ഞങ്ങളെ നിൻ്റെ ഇഷ്ടക്കാരോടൊന്നിച്ച് പരലോകത്ത് ഒരുമിപ്പിക്കണേ - ആമീൻ.

കഴിഞ്ഞ കുറച്ച് മാസമായി ഇങ്ങ് മിസ്റിലാണ്. മഅ്ദിനിലെ വിദ്യാർത്ഥികൾ ഇവിടെ കൂട്ടിനുണ്ട്. വഫാതിൻ്റെ തലേന്ന് ഫോണിൽ ബന്ധപ്പെട്ടിരുന്നു. ഇടക്ക്, ഇമാം അഹ്‌മദ് അദ്ദർദീരീ(റ)യുടെ പല കിതാബുകളും ഇവിടെ ലഭ്യമാണെന്ന കാര്യം ഞാൻ പറഞ്ഞു. പിന്നീട്, ഉസ്താദിൻ്റെ ശിഷ്യൻ ഞങ്ങളുടെ റൂമിൽ താമസിക്കുന്ന റാഷിദ് അദനിയെ ആ കിതാബുകൾ വാങ്ങാനേൽപിക്കുകയും ചെയ്തിരുന്നു. 

 വീട്ടിൽ പലപ്പോഴായി അഗത്തി ഉസ്താദ് വന്നിട്ടുണ്ട്. വെറും കയ്യോടെയല്ല. മാന്യതക്ക് വേണ്ടി കയ്യിൽ കരുതുന്ന ബേക്കറി മധുരങ്ങളിൽ ഒതുങ്ങുന്നതുമല്ല. അതിനേക്കാളപ്പുറം ഒന്ന് രണ്ട് മാസത്തേക്കുള്ള അരിയും പഞ്ചസാരയുമൊക്കെ ഉണ്ടാകും. ഉംറഃക്ക് പോകുന്ന സമയത്ത് വീട്ടിലേക്കാവശ്യമായ അരിയും മറ്റുമെല്ലാം ഉസ്താദ് എത്തിച്ചു. യാത്ര പുറപ്പെടുന്നതിൻ്റെ കുറച്ച് ദിവസങ്ങൾക്ക് മുമ്പാണ് ഇത്. ഇങ്ങോട്ട് പോരാൻ നേരത്തും തഥൈവ. ഓർ വിട്ടു പിരിഞ്ഞ ശനിയാഴ്ചയുടെ രണ്ട് ദിവസം മുമ്പ് ഭാര്യ വിളിച്ചപ്പോഴും, മൂപ്പര് കൊണ്ടുതന്നതിൽ അരക്കിലോ പഞ്ചസാര കൂടി ബാക്കിയുണ്ടെന്ന് പറഞ്ഞതേയുള്ളൂ.

ഞാൻ അഗത്തിയിലോട്ടും പോയിട്ടുണ്ട്. തിരിച്ച് വരുമ്പോ, രണ്ട് വലിയ ബോക്സ് നിറയെ സാമഗ്രികൾ! ഇപ്പോൾ എൻ്റെ വീട്ടിലുപയോഗിക്കുന്ന മിക്ക പാത്രങ്ങളും ആ ബോക്സിൽ ഉണ്ടായിരുന്നതാണ്.

ഇതൊക്കെ ദുൻയവിയ്യായ കാര്യങ്ങളാണെങ്കിലും, സ്നേഹ ബന്ധത്തിന്റെ ഏകദേശ രൂപം വായിച്ചെടുക്കാൻ പറഞ്ഞെന്ന് മാത്രം. ബന്ധങ്ങൾ ആഖിറതിൽ ഉപകരിക്കുന്നതാകട്ടെ - ആമീൻ.

 അൽ- ഇഹ്സാനിലെ കലണ്ടറിൽ പ്രസിദ്ധീകരിക്കാനുള്ള നിസ്കാര സമയം വേണമെന്ന് ഞാൻ ആവശ്യപ്പെട്ടിരുന്നു, വഫാതിൻ്റെ അന്ന് 10 മണിക്ക് ശേഷം. അസ്റിന് തൊട്ടുമുമ്പ്, റഫീഖ് അഹ്സനി(എൻ്റെ വന്ദ്യഗുരുവും അൽ- ഇഹ്സാൻ സ്ഥാപനങ്ങളുടെ ശിൽപിയുമായ ടി.ടി ഉസ്താദിൻ്റെ മകനാണ് റഫീഖ് അഹ്സനി)യുടെ വാട്സാപ്പിലേക്ക് അയച്ചതേയുള്ളൂ.

കുറച്ചായി, മരണത്തിന് മാനസികമായി ഒരുങ്ങിയ മട്ടായിരുന്നു. ഇപ്പോൾ വന്ന് കൊണ്ടിരിക്കുന്ന അവരുടെ അടുപ്പക്കാരുടെ എഴുത്തുകളിലെല്ലാം അത് പറയുന്നുണ്ട്. മിസ്റിലേക്ക് പോരുന്നതിൻ്റെ കുറച്ച് ദിവസങ്ങൾക്ക് മുമ്പ് ഉസ്താദ് വിളിച്ചു. ഞാനങ്ങോട്ട് വരുന്നുണ്ടെന്ന് അറിയിച്ചു. മകളെ കല്യാണം കഴിഞ്ഞ സമയമാണ്. സുമനസ്കരുടെ സഹായ ഹസ്തങ്ങൾ ഉസ്താദിലേക്ക് നീട്ടാതിരിക്കില്ലല്ലോ. മിച്ചം വന്നത് വീട്ടിൽ വെക്കുകയുമില്ല. ഇനി എനിക്ക് നേരെ ഉസ്താദും സഹായ ഹസ്തം നീട്ടാനുള്ള പുറപ്പാടാണ്. ഉംറഃക്ക് പോകുമ്പോൾ തന്ന മാതിരി, മിസ്റിലേക്ക് പോകുന്നുണ്ടെന്ന് അറിഞ്ഞ് സാധനങ്ങളായി വരാനായിരിക്കും എന്നറിയാവുന്നത് കൊണ്ടും, അസുഖവും ക്ഷീണവും തളർത്തിയ നേരമായത് കൊണ്ടും ഞാൻ, പറഞ്ഞു: "നിങ്ങൾ ഇപ്പോൾ ഇങ്ങോട്ട് വരണ്ട, ഞാനങ്ങോട്ട് വരാം.." 

ഒരു വിരുന്നുകാരനോട് വരണ്ടാ എന്ന് പറയാൻ പാടില്ലെന്നറിയാം. അവരുടെ ക്ഷീണം മനസ്സിലാക്കിയതിനാലും ബന്ധം കൂടുതലായതിനാലും എനിക്കത് പറയാമായിരുന്നു. കുറച്ച് കഴിഞ്ഞ് വീണ്ടും കോൾ വന്നു - "ദേ, ഞാനിങ്ങ് കൂട്ടിലങ്ങാടി എത്തിയിട്ടുണ്ട്.."

 ഓട്ടോ പിടിച്ച് - സഹായത്തിന് ഒരു മുതഅല്ലിം കൂടെയുണ്ട് - കരുതിയ പോലെ, വസ്തുവകകളുമായി ദേ വീട്ടുമുറ്റത്ത് ! 

കാലിൽ നീരുവന്ന് വീർത്തിരുന്നു. 'എന്തിനാ ഇത്ര കഷ്ടപ്പെട്ട് ഇങ്ങോട്ട് ..? ' എന്ന് ചോദിച്ചപ്പോ - "അത് കൊണ്ട് തന്നെയാ വന്നത്, ഇനി വരാൻ പറ്റിയില്ലെങ്കിലോ.. " എന്നായിരുന്നു പറഞ്ഞത്. അത് പോലെ സംഭവിക്കുകയും ചെയ്തു.

ചില കുറിപ്പുകളൊക്കെ ആയസ്ഥിതിക്ക് അവരെക്കുറിച്ച് എഴുതണമെന്ന്, രണ്ട് ദിവസമായി ചില സുഹൃത്തുക്കൾ ആവശ്യപ്പെട്ടിരുന്നു. പക്ഷേ, അതിനുള്ള മൈൻ്റിലേ അല്ല ഞാനപ്പോൾ. മനം നൊന്ത് ഇരിക്കാനേ കഴിയുന്നുള്ളൂ. ഇപ്പോൾ ഓർമ്മയിലുള്ളത് പറയാമെന്ന് തോന്നി. നാട്ടിലെത്തിയിട്ട് വേറെ എഴുതാം. إن شاء الله 

പിന്നെ, ഉറ്റവരുടെ വേർപാടിൽ സ്വാഭാവികമായി ഉണ്ടാകുന്ന ചില ഫീലിങ്ങുകളുടെ ഭാഗമാണ് ഇപ്പറഞ്ഞതെല്ലാം. വിശ്വാസിക്ക് എല്ലാത്തിനും റബ്ബ് കൂടെയുണ്ടെന്ന ബോധ്യം വേണം.

{ ٱللَّهُ لَاۤ إِلَـٰهَ إِلَّا هُوَ ٱلۡحَیُّ ٱلۡقَیُّومُۚ لَا تَأۡخُذُهُۥ سِنَةࣱ وَلَا نَوۡمࣱۚ }

[البقرة- ٢٥٥]

ഉറക്കത്തിൻ്റെ ലാഞ്ചന പോലുമില്ലാതെ حي قيوم ആയിട്ട് വിശ്വാസിക്ക് റബ്ബ് കൂട്ടിനുണ്ട്. ഈ ആയത് ഓതാത്ത ദിവസമുണ്ടാകരുത്.

അവൻ്റെ അലംഘനീയമായ വിധികളിൽ തൃപ്തിയും വേണം. അല്ലാതെ, വേർപാടിൽ മനംനൊന്തിരുന്നത് കൊണ്ട് വല്യ കാര്യമൊന്നുമില്ല. പരലോക ഗുണം കിട്ടുന്ന കാര്യങ്ങളിൽ വ്യാപൃതരാവുക. അത് തന്നെയായിരിക്കും നമ്മുടെ കാര്യങ്ങളിലെല്ലാം ഉസ്താദിന് ഇഷ്ടം. അതായിരുന്നല്ലോ വിശ്രമമില്ലാത്ത അവരുടെ ജീവിതവും.

അവരുടെ നിലപാടുകളിൽ നിന്നും ഓർമ്മയിലുള്ള ചിലത് വിവരിക്കാം:

തൻ്റെ ഉസ്താദുമാരോട് കാണിച്ച ബന്ധം; അതൊരു സംഭവമായിരുന്നു. ചെറിയ കിതാബുകൾ ഓതിത്തന്ന, തന്നെ താനാക്കിയ ആ രണ്ട് ഉസ്താദുമാരെ വിശേഷിച്ചും (കോഴിക്കോട്ടെ ഉസ്താദ് എന്നും അരീക്കോട്ടെ ഉസ്താദ് എന്നുമാണ് പറയാറ്). ദർസ് ജീവിതത്തിൽ 'സ്വർഫും നഹ്‌വും' തിരിയിച്ചു തന്ന, ബാക്കി ദർസീ കിതാബുകളും മനസ്സിലാക്കിത്തന്ന പ്രിയപ്പെട്ട ഉസ്താദുമാർ - ഇവരെ വിട്ടിട്ട് ഒരു സംഗതിയും ഉസ്താദിനില്ല. അത് പഠിച്ചത് കൊണ്ടല്ലേ ബാക്കിയെല്ലാം ലഭിച്ചത് ! 

പ്രശസ്തിയുള്ളവരെ മാത്രം ഗൗനിക്കുന്ന സ്വഭാവം ഒരു വിദ്യാർത്ഥിയുടെ ജീവിതത്തിൽ ഒരിക്കലും ഉണ്ടാകരുത്. അത് ആപത്താണെന്ന് ഇമാം ഗസ്സാലി(റ) പ്രത്യേകം ഓർമ്മപ്പെടുത്തിയിട്ടുണ്ട്.

 നോക്കൂ, ഇമാം നവവി(റ)വിൻ്റെ ആദ്യകാല ഉസ്താദാണ് ഇബ്നു മാലിക്(റ). സ്വർഫും നഹ്‌വും ഭാഷയും പഠിച്ചെടുത്ത ഉസ്താദ്. നമ്മുടെ അൽഫിയ്യഃയുടെ മുസ്വന്നിഫ്. അവരെ പ്രതിപാദിക്കുമ്പോൾ ഇമാം നവവി(റ) കാണിക്കുന്ന ഭവ്യതയുണ്ടല്ലോ, അത് എത്രമാത്രമാണെന്ന് ആ ഉദ്ധരണികൾ കണ്ടാൽ തിരിയും:

وَقَالَ شَيْخُنَا أَبُو عَبْدِ اللَّهِ بْنُ مَالِكٍ إمَامُ الْعَرَبِيَّةِ فِي زَمَانِنَا بِلَا مُدَافَعَةٍ الخ. اه‍ 

(المجموع: ٤/٧٩)

ولكن قد جوز هذا هنا شيخنا جمال الدين بن مالك رضي الله تعالى عنه، وهو إمام أهل اللغة والأدب في هذه الاعصار بلا مدافعة الخ. اه‍ 

(تهذيب الأسماء واللغات: ٣/٦٢)

وقد جمع شيخنا جمال الدين بن مالك إمام أهل الأدب في وقته بلا مدافعة رضي الله تعالى عنه ... مع شدة معرفته، وتحقيقه وتمكنه واطلاعه وتدقيقه الخ. اه‍  

(تهذيب الأسماء واللغات: ٤/٦٠)

ഇമാം അവരുടെ ഉസ്താദിനെ പരിചയപ്പെടുത്തുന്ന വേളയിൽ വിവരിച്ചതല്ല ഇത്, വിഷയത്തിനിടക്ക്, ഉസ്താദിനെ ഉദ്ധരിച്ച് പറയാൻ വേണ്ടി പ്രയോഗിച്ചതാണ് ഇത്രയും ആദരവോടെ.  

'കോഴിക്കോട്ടെ ഉസ്താദ്'; അവർക്ക് കുറച്ച് ശിഷ്യഗണങ്ങളേ ഉണ്ടായിരുന്നുള്ളൂ. പിന്നീട് പ്രവാസിയാകേണ്ടി വന്നു. അവരുടെ കൂട്ടത്തിൽ തന്നെ പിന്നീട് ബിരുദമെടുക്കുവോളം പഠിച്ചത് അഗത്തി ഉസ്താദ് മാത്രമാണെന്ന് പറഞ്ഞതോർക്കുന്നു (തിരുത്തുണ്ടെങ്കിൽ വായനക്കാർ ഓർമ്മപ്പെടുത്തുമല്ലോ). മറ്റൊരാളും ഇല്ലെങ്കിലെന്താ, 'കോഴിക്കോട്ടെ ഉസ്താദിന്' ഈയൊരു ശിഷ്യൻ മാത്രം പോരെ, ഒരു മുതൽക്കൂട്ടിന് !

അല്ലെങ്കിലും, ഇൽമിലെ 'ബറകത്' എന്നാൽ തലയുടെ എണ്ണം (വിദ്യാർത്ഥികളുടെ എണ്ണം) നോക്കിയല്ല - كَمّ കൊണ്ടല്ല തീരുമാനിക്കുക, മറിച്ച്, كيف കൊണ്ടും, ثمرة (ഫലം) കൊണ്ടുമാണ്.

എൻ്റെ അഭിവന്ദ്യ ഗുരു ടി.ടി ഉസ്താദ് ഇടക്കിടെ ഇക്കാര്യം ഓർമ്മപ്പെടുത്താറുണ്ട്. "കിതാബ് നല്ലവണ്ണം പഠിക്കുന്നവരാക്കി മുതഅല്ലിമുകളെ മാറ്റണം, അല്ലാതെ എണ്ണം കുറെയുണ്ടായിട്ട് കാര്യമില്ലെടാ - " ധാരാളം ശിഷ്യസമ്പത്തുള്ള ടി.ടി ഉസ്താദിൻ്റെ ഉപദേശമാണിത്.

ഇബ്നു മാലിക്(റ)യുടെ ചരിത്രത്തിൽ ഇപ്രകാരമായിരുന്നല്ലോ. ശിഷ്യന്മാരുടെ കുറവ്. പക്ഷേ, ആ കൂട്ടത്തിൽ ഇമാം നവവി(റ) ഉണ്ടായി. അൽഫിയ്യഃയിലെ 

وهل فتى فيكم فما خلٌّ لنا # ورجل من الكرام عندنا

എന്ന ബൈതിലൂടെ മഹാൻ തന്നെ അത് സൂചിപ്പിച്ചല്ലോ. ഇമാം നവവി(റ)ലൂടെ ആ ഗുരുവിന് കിട്ടിയ നേട്ടം പറഞ്ഞാൽ തീരുമോ ?

ഇമാം ഇബ്നു മാലിക്(റ)യുടെ ഗുരുവായ ഇമാം ഇബ്നുൽ ഹാജിബ്(റ)വിനും വളരെ കുറഞ്ഞ ശിഷ്യരേ ഉണ്ടായിരുന്നുള്ളൂ. അവരുടെ സുഹൃത്തായ മറ്റൊരാളുടെ ദർസിൽ എഴുപതോളം വിദ്യാർത്ഥികളുണ്ടായിരുന്നു. ഒരിക്കൽ, കൂടുതൽ വിദ്യാർത്ഥികളുള്ള അദ്ദേഹത്തോട് ആ നാലിൽ പെട്ട ഒരാൾ പറഞ്ഞത്രെ: "മൗലാനാ, നിങ്ങൾക്ക് ഇത്രയധികം ശിഷ്യരെ ലഭിച്ചത് അല്ലാഹുവിൻ്റെ വലിയ നിഅ്മതാണ്. അങ്ങയുടെ സുഹൃത്തിന് നാല് വിദ്യാർത്ഥികൾ മാത്രമല്ലേയുള്ളൂ.."

മഹാൻ പ്രതികരിച്ചതിങ്ങനെ: "മിണ്ടാതിരിയെടോ, നീ പറഞ്ഞ ഈ എഴുപത് പേരും അങ്ങോട്ടു പോയിട്ട്, ആ നാലിൽ ഒരാൾ എൻ്റെടത്ത് പഠിക്കാൻ വരികയും ചെയ്തിരുന്നെങ്കിലെന്ന് ഞാനാഗ്രഹിക്കുന്നു.."

അതിനു മാത്രം കാമ്പുള്ളവരാണ് ആ നാലുപേരെന്നും അത്തരക്കാരെ ലഭിക്കലാണ് വലിയ ഭാഗ്യമെന്നുമാണ് മഹാൻ പറഞ്ഞത്. ഈ സംഭവം ഉദ്ധരിച്ച് ഇമാം ഇബ്നു ഹജർ(റ) പറയുന്നു:

وحينئذ، فينبغي لك ان تتأمل هذه القضية؛ لتعلم أن المدار ليس على كثرة الآخذين، وإنما المدار على انتفاعهم، ويشهد لذلك الحديثُ الصحيح، وهو أنه - صلى الله عليه وسلم - قال لعليّ - كرّم الله وجهه - (لأن يهدي الله بك رجلا واحدا خير لك من حُمُر النعم)، فجعل هداية الواحد تعادل تلك الناقات الحمر التي هي أشرف أموال العرب عندهم، ولم يبال بكون المهدي واحدا، لما تقرر أن المدار على حصول غاية التعليم وهي الوصول للمقصود من الهداية إلى ما الإنسان بصدده، لا كثرة الطلبة من غير وصول أحد منهم لذلك، فإن هذا لا ينظر الله إليه، ولا يعده فخرا إلا من كان علمه غير خالص لوجه الله تعالى، وإنما القصد به الرياء والسمعة والتوصل إلى الأعراض الكاسدة، والأغراض الفاسدة، وجمع الحطام من غير نظر إلى أنه يحاسب عليه، والناس في ذلك الموقف المهول قيام. اه‍

(ثبت ابن حجر الهيتمي - ٤٠٩)

"വിദ്യാർത്ഥികളുടെ എണ്ണത്തിലല്ല കാര്യം, അവരുടെ വിജ്ഞാനം ഉപകരിക്കുന്നതിലാണ്. - ഇത് ശരിക്കും ചിന്തിക്കേണ്ടതാണ്. ..... ലോകമാന്യവും പ്രശസ്തിയും മാത്രം കൊതിക്കുന്ന, മോശം സ്വഭാവക്കാർ മാത്രമേ വിദ്യാർഫികളുടെ എണ്ണത്തിൽ വമ്പ് കാണിക്കുകയുള്ളൂ, എന്നല്ല, അവരുടെയെല്ലാം കാര്യത്തിൽ ഇവൻ ചോദ്യം ചെയ്യപ്പെടുമെന്ന ഭയമാണ് വേണ്ടത്..."

ഓരോ മേഖലയിലും കഴിവ് തെളിയിച്ചവരെ കൊണ്ട് വന്ന് തൻ്റെ വിദ്യാർത്ഥികൾക്ക് ക്ലാസുകൾ സംഘടിപ്പിക്കുന്ന ഉസ്താദിൻ്റെ രീതി എടുത്ത് പറയേണ്ടതാണ്. വ്യാഴം, വെള്ളി ദിവസങ്ങളിലും വെക്കേഷനുകളിലും ഇത്തരം ക്ലാസുകൾ ഇടക്കിടെ മഅ്ദിനിൽ നടക്കാറുണ്ട്. തൻ്റെ വിദ്യാർത്ഥികൾ മറ്റുള്ളവരുടെ ശിഷ്യത്വം സ്വീകരിക്കുന്നത് ആനന്ദമായിട്ടാണ് കരുതേണ്ടത്. എല്ലാം തന്നിലൂടെ മാത്രം ആവാഹിച്ചെടുത്താൽ മതിയെന്ന ഭാവം വളരെ മോശമാണെന്ന് ഇമാമുകൾ പറഞ്ഞത് കാണാം:

وَمِنْ أَهَمِّ مَا يُؤْمَرُ بِهِ أَلَّا يَتَأَذَّى مِمَّنْ يَقْرَأُ عَلَيْهِ إذَا قَرَأَ عَلَى غَيْرِهِ وَهَذِهِ مُصِيبَةٌ يُبْتَلَى بِهَا جَهَلَةُ الْمُعَلِّمِينَ لِغَبَاوَتِهِمْ وَفَسَادِ نِيَّتِهِمْ: وَهُوَ مِنْ الدَّلَائِلِ الصَّرِيحَةِ عَلَى عَدَمِ إرَادَتِهِمْ بِالتَّعْلِيمِ وَجْهَ اللَّهِ تَعَالَى الْكَرِيمِ: وَقَدْ قَدَّمْنَا عَنْ عَلِيٍّ رَضِيَ اللَّهُ عنه الاغلاظ فِي ذَلِكَ وَالتَّأْكِيدَ فِي التَّحْذِيرِ مِنْهُ. اه‍ 

(المجموع- ١/٣٥)

"തൻ്റെ വിദ്യാർത്ഥികൾ മറ്റുള്ളവരിൽ നിന്ന് പഠിക്കുന്നത് കാണുമ്പോൾ പ്രയാസം തോന്നരുത്. ഒരുപാട് അധ്യാപകരിൽ കാണപ്പെടുന്ന അപകടമാണിത്. നിയ്യത് മോശമായതിൻ്റെയും മൗഢ്യത്തിൻ്റെയും ഫലമാണിത്. അല്ലാഹുവിൻ്റെ പ്രീതി കാംക്ഷിക്കാത്തതിൻ്റെ വ്യക്തമായ തെളിവുമാണിത്. അലീ(റ) ഇതിനെതിരെ ശക്തമായി താക്കീത് ചെയ്തിരുന്നു..."

എന്നാൽ, ബിദ്അത്, പിഴവ് കൂടുതലാവുക തുടങ്ങിയ കാരണത്താൽ തൻ്റെ വിദ്യാർത്ഥികളെ മറ്റു അധ്യാപകരിൽ നിന്നും തടയാമെന്ന് ശേഷം കൂട്ടിച്ചേർക്കുന്നുണ്ട്. ഇക്കാര്യം ഇമാം അവരുടെ തൻബീഹിലും വിവരിച്ചിട്ടുണ്ട്.

ഇപ്രകാരം തന്നെ, അറിയാത്തത് അറിയില്ലെന്ന് പറയാൻ വിദ്യാർത്ഥികളെ പഠിപ്പിക്കണം. അതൊരു കുറച്ചിലല്ല. നല്ല ശീലമായിട്ടാണ് മനസ്സിലാക്കേണ്ടത്. 

قال ابن عباس - رضي الله عنهما - إذا ترك العالم لا أدري أصيبت مقاتله

ഇമാം മാലിക്(റ)വിനോട് നാൽപത് മസ്അലഃകൾ ചോദിച്ച നേരം 36 എണ്ണത്തിനും لا أدري എന്ന് പറഞ്ഞത് جمع الجوامع ൽ ഓർമ്മപ്പെടുത്തിയിട്ടുണ്ട്. അത് ആ സമയത്ത് ഇജ്തിഹാദ് ചെയ്യാത്തതിനാലാണെങ്കിലും, അറിവില്ലാത്തത് അറിയില്ലെന്ന് പറയാൻ കാണിച്ച വിനയമാണ് ശ്രദ്ധിക്കേണ്ടത്. അല്ലാതെ, അറിവ് പകർന്നു കൊടുക്കാതെ പിടിച്ച് വെക്കണമെന്ന് ധരിച്ചു കൂടല്ലോ. അല്ലാമഃ യൂസി(റ) പറയുന്നു: 

ينبغي للعالم أن يورث أصحابه 'لا أدري' بكثرة ما يقوله، ويعلّم أن ذلك لا يضع من قدره، فإن الإحاطة متعذرة، ولا بد من أشياء تكون مجهولة، وهو محل لا أدري، ومن طمع في الإحاطة فهو جاهل، 

وقد سمعت قديما بعض المدرسين يفتخر ويقول: 'أنا اللذي لا أقف أبدا، إن لم أجد جوابا شغلت السائل في البحث في سؤاله.' وهذا بلاء عظيم، اجتمع فيه الجهل واللدد، والكبر والرضا عن نفسه. ونسأل الله العافية. اه‍ 

(القانون في أحكام العلم وأحكام العالم وأحكام المتعلم لأبي المواهب الحسن بن المسعود اليوسي المتوفى سنة ١١٠٢ ه‍ـ)

തൻ്റെ വിദ്യാർത്ഥികൾക്ക്, 'لا أدري' എന്ന് പറയാൻ പഠിപ്പിക്കണം, തന്നോട് ചോദിക്കുന്നതിന് മറുപടിയായി ഈ വാക്ക് പ്രയോഗിച്ച് കൊണ്ട് തന്നെയാവട്ടെ അത്. അത് തൻ്റെ സ്ഥാനത്തെ കുറക്കുന്നതല്ലെന്നും അവനെ പഠിപ്പിക്കണം. ചില കാര്യങ്ങൾ അജ്ഞാതമായി നിലനിൽക്കണം, എല്ലാം കൂടി അറിയുക എന്നത് അസംഭവ്യമാണ്. അങ്ങനെ കൊതിക്കുന്നവൻ വിഡ്ഢിയും.

ചില മുദർരിസുമാർ പറയുന്നതായി ഞാൻ കേട്ടു - ഇന്നുവരെ, ഏത് കാര്യത്തിലും അറിയാത്തതിൻ്റെ പേരിൽ ഞാൻ സ്റ്റെക്കായിട്ടില്ല. എനിക്കറിയാത്ത വല്ലതും വിദ്യാർത്ഥികളിൽ നിന്ന് ചോദ്യം വന്നാൽ, ആ ചോദ്യത്തിലുള്ള ഓരോ പ്രശ്നങ്ങൾ പറഞ്ഞ് അതിൽ വട്ടം കറക്കും ' - ഇത് വലിയ അപകടമാണ്. റബ്ബ് കാക്കട്ടെ.."

അഗത്തി ഉസ്താദിന് ഈ സ്വഭാവം ഉണ്ടെന്ന് മാത്രമല്ല, തൻ്റെ ശിഷ്യരിൽ നിന്ന് പഠിക്കുകയും ചെയ്യുമായിരുന്നു. അറിയാത്ത കാര്യങ്ങളെ വിദ്യാർത്ഥികളെക്കൊണ്ട് അന്വേഷിപ്പിച്ച് കണ്ടെത്തിക്കും, തനിക്കും കൂടെ പഠിക്കാൻ. ഞാൻ എന്തെങ്കിലും പറഞ്ഞാൽ, അത് മൂപ്പര് കേൾക്കാത്തതാണെങ്കിൽ കുട്ടികളെ വിളിപ്പിച്ച് എഴുതിയെടുപ്പിക്കും. വലിയ തഹ്ഖീഖുകൾ കിട്ടിയാൽ അടുത്ത രണ്ട് ക്ലാസിൽ കസർത്തി ഞെളിയണമെന്ന ചിന്തയില്ല.

വിദ്യാർത്ഥികൾക്ക് ആത്മവിശ്വാസം നൽകിക്കൊണ്ടാണ് ഉസ്താദിൻ്റെ ക്ലാസുണ്ടായിരുന്നത്. ഫറാഇള്(അനന്തരാവകാശ നിയമം), ഫലക് (ഗോളശാസ്ത്രം), ഹിസാബ് (ഗണിത ശാസ്ത്രം) തുടങ്ങിയ ഏത് ഫന്നുകളാണെങ്കിലും വളരെ സിമ്പിളായി കാര്യങ്ങൾ പറഞ്ഞു കൊടുത്താണ് പഠിപ്പിക്കുക. "ഇതെല്ലാം വളരെ ഈസിയാണ്, നിങ്ങൾക്കിതൊക്കെ കഴിയും" തുടങ്ങിയ വാക്കുകൾ പലതവണ ആവർത്തിക്കും. മിക്കപേർക്കും വഴങ്ങിക്കിട്ടാൻ അൽപം പ്രയാസപ്പെടുന്ന ഫന്നുകൾ തന്നെയാണ് യഥാർത്ഥത്തിൽ ഇവ, പക്ഷേ, ഉസ്താദിൻ്റെ വിഷയത്തിലുള്ള കഴിവ് കൊണ്ട് ലളിതമായി അവതരിപ്പിക്കുന്നതാണ്. അതിനെല്ലാം പുറമെ, 

الدين النصيحة 

بشروا ولا تنفروا، ويسروا ولا تعسروا.

(حديثان رواهما مسلم)

എന്ന ബാബിൽ പെട്ടതാണിത്. അത് പറയാറുമുണ്ടായിരുന്നു.

 നഹ്‌വിൽ إعراب ഉം تركيب ഉം റെഡിയാക്കുന്ന ക്ലാസുകളിലെ വിദ്യാർത്ഥികൾക്ക് 'ബിസ്മി'യെക്കുറിച്ച് നാല് ദിവസം, 'ഹംദി'നെക്കുറിച്ച് രണ്ട് ദിവസം ഇങ്ങനെ ക്ലാസെടുക്കാറുണ്ടെന്ന് ചിലരിൽ നിന്നും കേട്ടിട്ടുണ്ട്. യഥാർത്ഥത്തിൽ ഇത് വമ്പ് പറയേണ്ടതല്ല. ശൈഖ് സകരിയ്യൽ അൻസ്വാരീ(റ), അൽഫിയ്യഃയുടെ ഹാശിയഃ എഴുതിയ സ്വബ്ബാൻ(റ) തുടങ്ങിയ ചിലരെല്ലാം ബിസ്മി'യെക്കുറിച്ച് മാത്രം ഗ്രന്ഥം രചിച്ചിട്ടുണ്ട്. സകരിയ്യൽ അൻസ്വാരീ(റ)യുടെ പ്രസ്തുത കിതാബിന് ഇമാം ത്വബ്‌ലാവീ(റ)ക്ക് ഹാശിയഃയുണ്ട്. ഇങ്ങനെ 'ഹംദ്', 'കുല്ല്', 'أما بعد' തുടങ്ങിയവയെ സംബന്ധിച്ച് പ്രത്യേകം ഗ്രന്ഥങ്ങളും രിസാലഃകളും ഇമാമുകൾ രചിച്ചിട്ടുണ്ട്. ഇവയിലുള്ളതെല്ലാം വിദ്യാർത്ഥികളുടെ മുന്നിൽ അവതരിപ്പിച്ച് വിഷയങ്ങൾ സങ്കീർണ്ണമാക്കരുത്. അത്തരം ഗ്രന്ഥങ്ങളിലുള്ളത് മറച്ച് വെക്കണമെന്നല്ല, 'തഹ്സ്വീലി'ന് ശേഷം ഉൾക്കൊള്ളാവുന്നവർക്ക് അത്തരം 'മുബാഹസ'കൾ സംഘടിപ്പിക്കുകയാണ് വേണ്ടത്. ഹാശിയതുൽ മകൂദീയിൽ പറയുന്നത് നോക്കൂ:

لأن الشخص إذا تنازل مع المبتدئ لا بد أن يترك التحقيق في بعض المسائل. اه‍ 

(حاشية المكودي على الألفية)

വിദ്യാർത്ഥികളിൽ - തുടക്കക്കാരും, മധ്യസ്ഥാനത്തുള്ളവരും, തികഞ്ഞവരും - ഇങ്ങനെ മൂന്ന് വിഭാഗമായി തിരിച്ച് വിവരിച്ചത് കിതാബുകളിൽ കാണാം.

وأن يكون نافعا لمبتدي 

 به إلى المطولات يهتدي. اه‍ 

(سلم المرونق)

ഇതിൻ്റെ ശറഹുകളിൽ നോക്കുക.

المبتدي من ليس له قدرة على تصوير مسائل الفن اللذي يقرأ فيه، فإن قدر على ذلك فمتوسط، وإن قدر على إقامة دليلها فهو منته. اه‍ 

(حاشية بلال على إيضاح المبهم من معنى السلم- ٢٤)

( _തുടരും_ - إن شاء الله )

✍️

 _അഷ്റഫ് സഖാഫി പള്ളിപ്പുറം_ 

(കേട്ടെഴുത്ത് -

അബൂ ഹസന: ഊരകം)

💫

തയമ്മം ചെയ്താൽ മടക്കി നിസ്കരിക്കൽ നിർബന്ധമാവൽ എപ്പോൾ* ?

 *മുറിവിന് വേണ്ടി

തയമ്മം ചെയ്താൽ

മടക്കി നിസ്കരിക്കൽ നിർബന്ധമാവൽ എപ്പോൾ* ?

1 തയമ്മം ചെയ്യുന്നവന്റെ മുറിവിൽ ധാരാളം രക്തം ഉണ്ടങ്കിൽ

2 തയമ്മത്തിന്റെ അവയവമായ മുഖം ,കൈ (മുട്ട് വരെ ) എന്നി അവയവങ്ങളിൽ ശീല  കൊണ്ടോ മറ്റോ വെച്ചുകെട്ടിയാൽ

3 വെച്ച് കെട്ടുന്ന ശീല പിടിച്ച് നിൽക്കാൻ ആവശ്യമായ അളവിനേക്കൾ കൂടുതൽ രോഗമില്ലാത്ത ഭാഗത്ത് നിന്ന് എടുത്തിട്ടുണ്ടങ്കിൽ

4 ശുദ്ധിയില്ലാതെ മറ വെച്ചാൽ (വുളു മുറിഞ്ഞ നിലക്ക് )

മേൽ പറയപ്പെട്ട നാല് ഘട്ടത്തിൽ നിസ്കരിച്ച നിസ്കാരം സുഖം പ്രാപിച്ചതിനുശേഷം വുളു ചെയ്തു മടക്കി നിസ്കരിക്കേണ്ടതാണ്.

മുറിവില്ലാത്ത ഭാഗത്തുനിന്ന് അല്പംപോലും കൂടുതൽ മറ എടുത്തിട്ടില്ലെങ്കിലും മറ പിടിച്ചുനിൽക്കാൻ ആവശ്യമായ അളവ് മാത്രമേ എടുത്തിട്ടുള്ളൂ എങ്കിലും ശുദ്ധിയോട് കൂടെ മറ വയ്ക്കുകയും ചെയ്താൽ ഊരാൻ പ്രയാസമാണെങ്കിൽ മടക്കി നിസ്കരിക്കേണ്ടതില്ല.

Aslam Kamil Saquafi parappanangadi

മൗലവിമാർ ചെയ്യുന്ന* *ബിദ്അത്തുകൾ -2*

 https://www.facebook.com/share/MQWWgUEdfbGH4mq2/?mibextid=oFDknk

1️⃣3️⃣2️⃣

മുജാഹിദ് പ്രസ്ഥാനം 

ഒരു സമഗ്ര പഠനം

✍️aslam saquafi payyoli 

*മൗലവിമാർ ചെയ്യുന്ന* 

*ബിദ്അത്തുകൾ -2*

➖➖➖➖➖➖➖➖➖➖➖

*ഇമാമത്ത് ശമ്പളം*

നബി(സ) ചെയ്യാത്തത് ചെയ്യരുതെന്ന് പഠിപ്പിക്കുന്നതാണ് മൗലവിമാർ തുടങ്ങിവച്ച ഏറ്റവും വലിയ ബിദ്അത്.  കാരണം ഇത് പ്രമാണവിരുദ്ധമാണ്. ബിദ്അത്തിനെ പണ്ഡിതർ നിർവ്വചിച്ചത് നാം നേരത്തെ മനസ്സിലാക്കി. 

നബി(സ)ചെയ്യാത്ത കാര്യങ്ങൾ അനാചാരങ്ങളാണെന്ന മൗലവിമാരുടെ പുതിയ ചിന്തകൾ ആത്മീയമായി വിശ്വാസികൾക്ക് വളരാനുള്ള കാര്യങ്ങൾക്ക് മാത്രമേ ബാധകമാകാറുള്ളൂ. മൗലവിമാരുടെ വരുമാനത്തിനുള്ള കാര്യമാണെങ്കിൽ ഈ 'അനാചാരങ്ങളൊ'ന്നും അവിടെ കടന്നു വരില്ല. 

ഒരുദാഹരണം നോക്കൂ, നബി(സ)യുടെ കാലത്ത് പള്ളിയിൽ ഇമാം, മുഅദ്ദിൻ,ഖത്തീബ് ഈ തസ്തികകളിൽ ഒന്നും  ശമ്പളം ഇല്ല. നബി(സ)വാങ്ങിയിട്ടുമില്ല കൊടുത്തിട്ടുമില്ല. 

" പ്രവാചകൻ(സ)ന്റെ കാലഘട്ടത്തിൽ ബാങ്ക് കൊടുക്കൽ ഒരു തൊഴിലായിരുന്നില്ല. മറിച്ച് മഹത്തായ ഒരു സ്ഥാനമായിരുന്നു. ബാങ്കിനോ ഇമാമത്തിനോ ഇന്നത്തെ പോലെ ശമ്പളവും ഉണ്ടായിരുന്നില്ല... ബാങ്ക് കൊടുക്കലും ഇമാമത്ത് നിൽക്കലുമൊക്കെ ഒരു തൊഴിലായി പരിണമിക്കുന്നത് പ്രവാചകന്റെ വിയോഗത്തിനുശേഷം ഒരുപാട് കാലം കഴിഞ്ഞാണ്." 

(വിചിന്തനം  2021 ഏപ്രിൽ 9 പേജ് : 34)

എന്നാൽ ഇന്നത്തെ അവസ്ഥയെന്താണ്. 

എത്ര മൗലവിമാരാണ് നിസ്കരിച്ചും ബാങ്ക് വിളിച്ചും ഖുതുബ നിർവഹിച്ചും 'ബിദ്അതാ'കുന്ന ശമ്പളം വാങ്ങുന്നത്. നബി(സ) വാങ്ങുകയോ കൊടുക്കുകയോ ചെയ്യാത്ത ശമ്പളം ആരാധന നിർവഹിച്ചതിന്റെ പേരിലല്ലേ വാങ്ങുന്നത്? ഇത് ഹലാലാകുമോ? അനിസ്‌ലാമികമല്ലേ? 

നബി(സ)എത്ര നിസ്കരിച്ചു? 

എത്ര ഖുതുബ നിർവഹിച്ചു? 

എത്ര പ്രഭാഷണങ്ങൾ നടത്തി?

ഏതെങ്കിലും ഒരു ഘട്ടത്തിൽ ശമ്പളം വാങ്ങിയിട്ടുണ്ടോ? കൊടുത്തിട്ടുണ്ടോ? സുന്നികൾ ചെയ്യുന്ന 'ബിദ്അത്തി'ന്റെ പട്ടിക നിരത്തുമ്പോൾ എന്തുകൊണ്ടാണീ 'ശമ്പളം' അതിൽ കാണാതെ പോകുന്നത്? ബാങ്ക് വിളിച്ചതിന്റെയും നിസ്കരിച്ചതിന്റെയും പേരിൽ ഒരു കാരക്കയെങ്കിലും കൂലിയായി നബി(സ)സ്വീകരിച്ചിരുന്നെങ്കിൽ നമുക്കിന്ന് പതിനായിരം ശമ്പളം വാങ്ങാമായിരുന്നു. നബി ശമ്പളം വാങ്ങാത്തത് കൊണ്ട് നമ്മൾ ശമ്പളം വാങ്ങരുത്; അത് ബിദ്അത്താകുന്നുവെന്ന് എന്തേ മൗലവിമാർ ഇപ്പോൾ പ്രസംഗിക്കാത്തത്?! 

ഒന്ന് സാമ്പത്തിക വളർച്ചയും മറ്റൊന്ന് ഈമാനിക വളർച്ചയുമാണ്. സമ്പത്ത് വളർച്ച മൗലവിമാർ പ്രോത്സാഹിപ്പിക്കും, ഈമാനിക വളർച്ച എന്ത് ദുർ ന്യായം പറഞ്ഞും അവർ ബിദ്അത്തായി പ്രഖ്യാപിക്കും.

🔅

കാഫിർ വിളിയിൽ* *മനം മടുത്ത് വഹാബികൾ*

 *കാഫിർ വിളിയിൽ* 

*മനം മടുത്ത് വഹാബികൾ*

ഒരു നൂറ്റാണ്ട് കാലമായി മുമ്പോട്ട് വെച്ച ആശയങ്ങൾക്കൊന്നും സമുദായത്തിൽ വേണ്ടതുപോലെ പ്രതികരണമില്ലാത്തതിലുള്ള മനമടുപ്പും മുസ്‌ലിംകളെ പച്ചക്ക് മുശ്രിക് കാഫിർ എന്ന് വിളിച്ചതിലുള്ള കുറ്റബോധവും നിറഞ്ഞുനിൽക്കുന്നതായിരുന്നു കെ എൻ എം പ്രസിഡണ്ട് ടി പി അബ്ദുല്ലക്കോയ മദനിയുടെ സംഘടനാ മുഖപത്രത്തിലെ അഭിമുഖം. 

ആത്മീയ വിദ്യാഭ്യാസവും പണ്ഡിതരോടുള്ള അനുസരണവും നിറഞ്ഞുനിന്ന ഒരു സമൂഹത്തിൽ അജ്ഞതയും അന്ധകാരവും ആരോപിച്ച് ആത്മീയത വറ്റി വരണ്ട ഇസ്‌ലാമിനെ പ്രചരിപ്പിക്കുകയെന്ന ബ്രിട്ടീഷുകാരുടെ അജണ്ടകൾക്ക് വെള്ളവും വളവും നൽകി വളർന്നുവന്ന മുജാഹിദ് പ്രസ്ഥാനത്തിന് മുഖ്യധാരാ മുസ്‌ലിംകളെ മുശ് രിക്കും കാഫിറുമാക്കുന്നതിന് യാതൊരു പ്രയാസവുമുണ്ടായിരുന്നില്ല. എന്നല്ല കാഫിർ വിളി വലിയൊരു ദഅവാ പ്രവർത്തനമായി ഏറ്റെടുത്തവരായിരുന്നു മൗലവിമാരും അണികളും. സ്വന്തം മിനഞ്ഞുണ്ടാക്കുന്ന ആശയങ്ങളെ അംഗീകരിക്കാത്തവരെയെല്ലാം മൗലവിമാർ കാഫിർ എന്നാണ് വിളിക്കുക. മുജാഹിദ് തൗഹീദ് ഭിന്നിച്ചപ്പോൾ 'കാഫിർ' എന്ന് അവർക്കിടയിലും വിളിക്കപ്പെട്ടു. 

ഇപ്പോൾ ഇതിൽ നിന്നെല്ലാം ഒരു മാറ്റം കെ എൻ എം പ്രസിഡന്റിൽ പ്രകടമായതിനു പിന്നിൽ 

ചുഴലി മൗലവിയുടെ പുതിയ കാഫിർ പ്രഭാഷണമാണ്. മുഖ്യധാരാ മുസ്‌ലിംകൾ നജസാണെന്നും കാഫിറാണെന്നും അവരുടെ മഹല്ല് പള്ളികൾ അമ്പലങ്ങളാണെന്നും അവിടെവെച്ച്  നിസ്കരിക്കരുതെന്നും പച്ചയായി പറഞ്ഞു കൊണ്ടുള്ള  പ്രസംഗം വഹാബികളുടെ തീവ്രമുഖം വ്യക്തമാക്കുന്നതായിരുന്നു. സുന്നികളെ വിവാഹം ചെയ്യുന്നതും  അനന്തരം എടുക്കുന്നതും ഖബർസ്ഥാനിൽ മറവ് ചെയ്യുന്നതും നിഷേധിക്കപ്പെടുന്ന അർത്ഥതലങ്ങളിലേക്ക് ആ പ്രസംഗം വ്യാപിച്ചപ്പോൾ ചുഴലിയെ തള്ളാനും കാഫിർ ഫത്‌വകൾ നിഷേധിക്കാനും വഹാബികൾ തയ്യാറാകേണ്ടി വന്നു. 

ടി.പി അബ്ദുല്ലക്കോയ മദനിയുടെ അഭിമുഖത്തിൽ നിന്ന് :

" അല്ലാഹുവല്ലാത്ത പലരോടും വിളിച്ചു പ്രാർത്ഥിക്കുന്നവർ തൗഹീദിൽ പിഴച്ചവരാണ്. അക്കാര്യം ബോധ്യപ്പെടുത്തുക എന്നല്ലാതെ അത്തരം ആളുകളെ മുശ് രിക്ക് (ബഹുദൈവവിശ്വാസി) എന്ന് പറയാവതല്ല. നിരവധി നൂതനാചാരങ്ങൾ ഇസ്‌ലാമിന്റെ പേരിൽ ചാർത്തിക്കൊണ്ട് സുന്നത്തിൽ പിഴവ് പറ്റിയ വരെ അക്കാര്യം പറഞ്ഞു മനസ്സിലാക്കാൻ ശ്രമിക്കുകയാണ് ഇസ്‌ലാഹി പ്രസ്ഥാനം ചെയ്യുന്നത്. അവരെ 'ബിദ്അത്തുകാർ' എന്ന് വിളിക്കാറില്ല... എന്നാൽ അവരെ മുശ് രിക്ക് കാഫിർ എന്നിങ്ങനെ വിളിക്കാൻ പാടില്ല... ഇതല്ലാതെ അവരെ കാഫിർ എന്ന് ബ്രാൻഡ് ചെയ്യപ്പെടാൻ പാടില്ല. "

(വിചിന്തനം വാരിക 2024 സെപ്റ്റംബർ 13 പേജ് 9)

ഒരു കാലം കഴിഞ്ഞാൽ സമൂഹം എല്ലാം മറന്നു കളയുമെന്ന ഉത്തമബോധ്യമുള്ളതുകൊണ്ടാവണം നിലവിൽ ഒരു വഹാബിക്കും സംശയമില്ലാത്ത മുശ് രിക്, കാഫിർ പ്രയോഗത്തെ മൗലവി നിഷേധിച്ചു കളഞ്ഞത്. സുന്നികളെ കാഫിറും മുശ് രിക്കുമാക്കിയ ദശകണക്കിന് പുസ്തകങ്ങളും പ്രഭാഷണങ്ങളും ഇപ്പോഴും ലഭ്യമാണ്. ടി.പി യുടെകൂടെ  ഏറെക്കാലം കെ എൻ എമ്മിന്റെ ജനറൽ സെക്രട്ടറിയായി പ്രവർത്തിക്കുകയും സംവാദങ്ങൾക്ക് നേതൃത്വം നൽകുകയും ചെയ്ത വഹാബി നേതാവാണല്ലോ എ.പി അബ്ദുൽ ഖാദിർ മൗലവി. അദ്ദേഹത്തിന്റെ ദൈവ വിശ്വാസം ഖുർആനിൽ എന്ന പുസ്തകത്തിൽ സുന്നികളെ പരിചയപ്പെടുത്തുന്നത് നോക്കൂ.

" അതുകൊണ്ട് അവരെ(അറേബ്യൻ മുശ് രിക്ക്)നമുക്ക് പാർടൈം മുശ് രിക്കുകൾ എന്ന് വിളിക്കാമെങ്കിൽ നമ്മുടെ കാലഘട്ടത്തിലെ ഭൂരിപക്ഷം ഏകദൈവ വാദികളെയും ഫുൾടൈം മുശ് രിക്കുകൾ (ബഹുദൈവാരാധകർ) എന്ന് വിളിക്കേണ്ടിവരും."

(പേജ് : 41) 

മുഖ്യധാരാ മുസ്‌ലിംകളെ മുസ്‌ലിംകളായി കാണാൻ കെ എൻ എം സെക്രട്ടറിക്ക് സാധിച്ചിരുന്നില്ല. 

ഇസ്തിഗാസ നടത്തുന്ന മുഖ്യധാരാ മുസ്‌ലിംകളെ കുറിച്ച് മുജാഹിദ് പണ്ഡിത സഭയുടെയും കെ എൻ എമ്മിന്റെയും സാരഥിയായിരുന്ന കെ കെ. ഉമർ മൗലവി എഴുതുന്നു :

" മുഹിയുദ്ദീൻ ശൈഖ് രക്ഷിക്കണേ എന്ന് തേടിയവൻ കാഫിറാകുന്നു. അങ്ങനെ തേടാൻ ഉപദേശിക്കുന്നവനും കാഫിറാകുന്നു. അതിനെ വിരോധമില്ലെന്ന് പറഞ്ഞവനും കാഫിറാകുന്നു. ആ വാദം ഉറപ്പിക്കാൻ വേണ്ടി ഖുർആൻ ആയത്ത് ദുർവ്യാഖ്യാനം ചെയ്തു തെളിവ് കൊടുത്തവൻ ആയിരം വട്ടം കാഫിറാകുന്നു. ഖുർആന്റെ അർത്ഥം പറയാൻ പാടില്ലെന്ന് പറഞ്ഞവൻ കാഫിറാകുന്നു. അങ്ങനെയുള്ളവരോട് 'അസ്‌ലം തസ്‌ലിം' എന്ന് പറയാൻ പാടില്ലെന്ന് പറഞ്ഞവനും കാഫിർ ആകുന്നു."

(സൽസബീൽ 1993 ഡിസംബർ പേജ്: 9 )

"... ഇവർ യഥാർത്ഥത്തിൽ ഇസ്‌ലാമിന്റെ ശത്രുക്കളായ മുശ് രിക്കുകൾ തന്നെയാണ് "

(സൽസബീൽ 1974 ഓഗസ്റ്റ് പേ : 9)

" പാവങ്ങളെ വഴിതെറ്റിക്കാൻ നടക്കുന്ന മുസ്‌ലിയാക്കന്മാർ അബൂ ജഹലിനെക്കാൾ കടുത്ത മുശ് രിക്കുകളാണെന്ന കാര്യത്തിൽ യാതൊരു സംശയവുമില്ല "

(സൽസബീൽ 1975 ഓഗസ്റ്റ് )

സുന്നികളുടെ നേതൃത്വത്തെ പേരെടുത്തു കൊണ്ട് തന്നെ കുഫ് റാരോപിച്ചിട്ടുണ്ട്.

" ഹസൻ മുസ്‌ലിയാരുടെ മതപ്രചരണവും വിശ്വാസ വ്യതിചലനവും അനാചാര കർമ്മ പ്രേരണയും ശരിക്കും ശ്രദ്ധിച്ചതിൽ നിന്നും എനിക്ക് ബോധ്യമായത് അദ്ദേഹം കാഫിറാണ് എന്നായിരുന്നു. "

(ഓർമ്മകളുടെ തീരത്ത് 338)

സമസ്ത പണ്ഡിത സഭയുടെ സാരഥികളെകുറിച്ച് ഉമർ മൗലവി എഴുതി :

" ശവം തിന്നുന്നത് അല്ലാഹു ഹറാം ആക്കി. അല്ലാഹുവല്ലാത്തവരുടെ പേരിൽ ബലിയറുക്കപ്പെട്ടത് തിന്നലും അല്ലാഹു ഹറാമാക്കി.

എന്നാൽ ഇത് രണ്ടും ഒരു കൂട്ടർ ഹലാലാക്കുകയും പിശാചിന്റെ ദുർബോധനം സ്വീകരിച്ച് തർക്കിച്ചു കൊണ്ടിരിക്കുകയും ചെയ്തിരുന്നു. അതുപോലെ തർക്കിച്ചു കൊണ്ടിരിക്കുന്ന കാന്തപുരം അബൂബക്കർ മുസ്‌ലിയാർ, ഇ.കെ അബൂബക്കർ മുസ്‌ലിയാർ, കൂറ്റനാട് മുസ്‌ലിയാർ പോലുള്ളവർ ഇന്നുമുണ്ടല്ലോ. അങ്ങനെയുള്ള തർക്കക്കാർക്ക് നിങ്ങൾ വഴങ്ങി കൊടുത്താൽ നിങ്ങൾ മുശ് രിക്കുകൾ തന്നെ എന്ന് അല്ലാഹു പറഞ്ഞിരിക്കുന്നത് ശ്രദ്ധിക്കുക. "

(സൽസബീൽ 1985 ഡിസംബർ പേജ് 18 )

ഇങ്ങനെ സുന്നികളെ കുറിച്ച് കാഫിർ മുശ് രിക് എന്നെത്ര സ്ഥലങ്ങളിൽ പ്രയോഗിച്ചിട്ടുണ്ട്. ഇതിൽ നിന്നെങ്ങിനെ വഹാബിസം കരകയറും.

ഈയടുത്ത കാലത്ത്  വഹാബിസത്തിൽ പിളർപ്പുണ്ടായപ്പോഴും മതത്തിൽ നിന്ന് അകത്താക്കലും പുറത്താക്കലുമല്ലേ സംഭവിച്ചത്. കെ ജെ യു മുഫ്തി എഴുതുന്നത് നോക്കൂ :

" ജിന്നുവാദികൾ ശിർക്ക് പ്രചാരകമായതുകൊണ്ട് തൗഹീദ് സംഘടനയിൽനിന്ന് പുറത്തു പോകേണ്ടി വന്നതാണ്. ഇരുട്ടും വെളിച്ചവും ഒരുമിച്ചു കൂടുകയില്ല. ജിന്ന്വാദികളുടെ വിഡ്ഢിത്തം നിറഞ്ഞ ചോദ്യങ്ങൾ ഭയങ്കരമാണെന്ന് അവർ സ്വയം മനസ്സിലാക്കുന്നുണ്ടെന്ന് വിചാരിക്കുന്നു. എന്നാൽ അത് ചിലന്തിവലയെക്കാൾ ദുർബലമാണെന്ന് അറിഞ്ഞിരിക്കുക. അകത്തേക്ക് വരാൻ ആഗ്രഹമുണ്ടെങ്കിൽ 'ലാ ഇലാഹ' എന്ന് പറയുമ്പോൾ ബൗദ്ധിക ജിന്നായ ഇലാഹിനെയും കൂടി നിഷേധിച്ച് 'ഇല്ലല്ലാഹു' എന്നതിൽ വിശ്വസിക്കാൻ കഴിയുമെങ്കിൽ തൗഹീദ് സംഘടനയ്ക്ക് നിങ്ങളെ ഉൾക്കൊള്ളാൻ കഴിയും അല്ലെങ്കിൽ കഴിയുന്നതല്ല. "

(തൗഹീദ് പുത്തൻദുർവ്യാഖ്യാനങ്ങൾക്ക് മറുപടി. പേജ്: 74 )

'ചെയ്യുന്നത് കുഫറാണ് ചെയ്യുന്നവൻ കാഫിറല്ല' എന്ന പുതിയ കണ്ടെത്തൽ പറയുന്ന വിഷയങ്ങളിൽ നേതൃത്വത്തിനുള്ള വിശ്വാസക്കുറവ് വഹാബികൾക്കിടയിൽ ചർച്ചയാവുന്നുണ്ട്. ശിർക്ക് ചെയ്യുന്നവരെ മുശ് രിക്ക് എന്ന് പറയാൻ പറ്റില്ലെങ്കിൽ പിന്നെ ആരാണ് മുശ് രിക്? കുഫ്ർ ചെയ്യുന്നവൻ കാഫിറല്ലെങ്കിൽ  പിന്നെ ആരാണ് കാഫിർ? 

ഇതിനു മറുപടിയെന്നോണം ടി.പി അഭിമുഖത്തിൽ പറയുന്നുണ്ട് മുഹമ്മദ് നബി ആരെയും കാഫിറേ എന്ന് അഭിസംബോധന ചെയ്തിട്ടില്ലെന്ന്.

'കാഫിർ' എന്നത് ഒരു തെറി വിളിയല്ല. വിശ്വസിക്കാത്തവൻ എന്നാണർത്ഥം. മുഹമ്മദ് നബി(സ)കൊണ്ടുവന്ന ആദർശങ്ങൾ വിശ്വസിക്കാത്തവർ എന്നാശയം . ഖുർആനിലെ 109 ആം അധ്യായം ആരംഭിക്കുന്നത് "പറയുക, അവിശ്വാസികളെ.."എന്നാണ്.

ടി.പിയോട് ഒന്നേ പറയാനുള്ളൂ. ആത്മീയ സഹായം ആത്മീയരിൽ നിന്ന് തേടുന്നത് ശിർക്കല്ല ; അത് സ്വഹാബികൾ മുതൽ ചെയ്തുവരുന്ന കാര്യമാണ്. ഇനിയെങ്കിലും സുന്നികൾ ചെയ്യുന്ന ആത്മീയ പ്രവർത്തനങ്ങളെ ശിർക്കാണെന്ന് ആരോപിക്കാതെ മുഖ്യധാരാ മുസ്‌ലിംകളിൽ ചേർന്ന് പ്രവർത്തിക്കുക. സമുദായത്തിൽ ഭിന്നിപ്പിന്  അന്ത്യം കുറിക്കുക.

ലൈലതുൽ മൗലിദ്; പരിഗണിക്കേണ്ട രാവ്.

 ✍️ അഷ്റഫ് സഖാഫി പള്ളിപ്പുറം

ലൈലതുൽ മൗലിദ്;

പരിഗണിക്കേണ്ട രാവ്.

തിരുനബി(സ്വ) തങ്ങളുടെ പിറവി കൊണ്ട് അനുഗ്രഹീതമായ രാവാണ് വരുന്നത്. അന്നേ ദിവസം ഇബാദതുകൾ കൊണ്ട് സജീവമാക്കണമെന്നും ചീത്തകളിൽ നിന്ന് വിട്ടു നിൽക്കാനും മഹാന്മാർ പറഞ്ഞിട്ടുണ്ട്. ഇബ്നു ഹജർ അൽ ഹൈതമി(റ) പറയുന്നു:

ولَقَدْ رَأَيْتُ مِنَ المُوَفِّقِينَ مَنْ يَتَحَرَّى في لَيلةِ المَوْلِد الشريف إِكْثَارَ الصَّدَقَةِ وإِخْفَاءَهَا بِحَسَبِ جُهْدِهِ، مَعَ إِحْيَاءِ تلك الليلةِ بِشُهُودِ کمالِهِ ﷺ بِقَلْبِهِ، وَمَا امْتَنَّ اللَّهُ بِوُجُودِهِ على الْعَالَمِ ، مَعَ إِكْثَارِ الصلاة والسلام . عليه بِلِسَانِهِ، ثُمَّ التَّضَرُّع إلى الله - سبحانه وتعالى أَنْ يَكُونَ مِنْ هُدَاةِ أُمَّتِهِ الْعَامِلِينَ بِكِتَابِ اللهِ وسُنَّتِه، فهذا مِنْ سُنَنِ العُلَماءِ العاملين، والأولياء والصالحين. اه‍ 

(النعمة الكبرى)

"രഹസ്യ സ്വദഖകൾ, സ്വലാതുകൾ, സലാമുകൾ, തിരുനബി(സ്വ) തങ്ങളെ പൂർണ്ണമായും ഖൽബിൽ നിറക്കുക, തങ്ങളിലൂടെ ലോകമാനം ലഭിച്ച റബ്ബിൻ്റെ നിഅ്മതിനെ ഓർക്കുക, അവനിലേക്ക് കൂടുതൽ വിനയാന്വിതനാവുക തുടങ്ങിയ കാര്യങ്ങളാൽ പ്രസ്തുത രാത്രി ധന്യമാക്കുന്നത് മുവഫ്ഫഖുകളായ മഹാന്മാരുടെ നടപടിയാണ് "

അബ്ദുസ്സലാം അല്ലഖ്ഖാനീ(റ) - ജൗഹറതുത്തൗഹീദിൻ്റെ മുസ്വന്നിഫായ ഇബ്റാഹീം അല്ലഖ്ഖാനിയുടെ മകനായ ഇദ്ദേഹം, ജാമിഉൽ അസ്ഹറിൽ, മിഅറാജ്, ബറാഅത് രാവുകളിലും ലൈലതുൽ ഖദ്റിലും ലൈലതുൽ മൗലിദിലും ഇശാ നിസ്കാരത്തിന് പ്രവേശിച്ചാൽ പിന്നെ, സ്വുബ്ഹ് നിസ്കാരം വരെ ഇബാദതുകളിൽ മുഴുകാറുണ്ടായിരുന്നു -

 ( القول المختار في ذكر الرجال الأخيار- ٦٧)

ഓറുടെ പിതാവും അന്നേ ദിവസങ്ങളിലെല്ലാം ഇപ്രകാരം ചെയ്യാറുണ്ടായിരുന്നു എന്നും അതേ കിതാബിൻ്റെ 147-ൽ പറയുന്നുണ്ട്. മൗലിദു രാത്രിയിൽ വിശുദ്ധ ഹറമിൽ വെച്ച് പ്രത്യേകമായ أنوار കൾ അനുഭവിച്ചതായി ശാഹ് വലിയ്യുള്ളാഹ് അദ്ദഹ്‌ലവീ(റ)യും പറയുന്നുണ്ട്( ഫുയൂളുൽ ഹറമൈനി ).

മഹാന്മാർ അവരുടെ കശ്ഫിൻ്റെ അടിസ്ഥാനത്തിൽ ഇങ്ങനെയല്ലാം അമൽ ചെയ്തിട്ടുണ്ട്. അതിനെല്ലാം റബ്ബിൻ്റെ ഭാഗത്ത് നിന്ന് പ്രത്യേകമായ ഫള്ല് ലഭിക്കുമെന്നും പറയുന്നു.

وأما من شهد ظهور نعمة ربّه الكبرى من إيجاده - صلى الله تعالى عليه وسلم - في مثلها، وأحياها على هذا الشهود فلا بدع أن يحصل له فضل لا يحصى، ويرقى مقامات لا تستقصى. اه‍ 

(النعمة الكبرى لابن حجر الهيتمي)

"ഇതുപോലുള്ള ഒരു ദിനത്തിലാണ് ലോകാനുഗ്രഹിയായ മുത്ത്റസൂൽ(സ്വ) തങ്ങളെ തിരുജന്മത്തിന് റബ്ബ് തിരഞ്ഞെടുത്തത് എന്നും ആ വിലമതിക്കാനാവാത്ത നിഅ്മതിൻ്റെ ശുക്റും മനസ്സിൽ ധ്യാനിച്ച് ഇബാദതുകൾ കൊണ്ട് സജീവമാക്കിയാൽ അവന് പെരുത്ത് ഫള്ലുണ്ടാവും, ഉയർന്ന ദറജഃകൾ മുന്നേറാനാവും, ഇതിൽ പുതുമയൊന്നുമില്ല.."

 എന്ന് കരുതി ഈ രാവ് ലൈലതുൽ ഖദ്റിനേക്കാൾ പുണ്യമാണെന്ന് വരില്ല. അന്നത്തെ അമലുകൾക്ക് ആ രാവിനെ പോലെ, അല്ലെങ്കിൽ അതിനേക്കാളേറെ ثواب ലഭിക്കുമെന്നും പറഞ്ഞുകൂടാ. നോക്കൂ:

തിരുനബി(സ്വ) തങ്ങൾ, ഗ്രാമീണനായ ഒരാളിൽ നിന്നും കുതിരയെ വാങ്ങിയിരുന്നു. ഈ ഇടപാടിൻ്റെ കാര്യത്തിൽ, പിന്നീട് അദ്ദേഹം തർക്കിക്കുകയും തിരുനബി(സ്വ) തങ്ങളുടെ ഭാഗത്ത് നിന്ന് സാക്ഷി വേണമെന്ന് ശഠിക്കുകയും ചെയ്തു. അപ്പഴാണ് خزيمة بن ثابت - رض അതുവഴി വരുന്നതും 'ഞാൻ സാക്ഷി നിൽക്കാമെ'ന്ന് പറയുകയും ചെയ്യുന്നത്. തർക്കമുന്നയിച്ചയാൾ വിഷയത്തിൽ നിന്നും പിന്മാറി. സ്വഹാബിയുടെ തത്സമയത്തെ ഇടപെടൽ തങ്ങളെ അത്യധികം സന്തോഷിപ്പിക്കുകയും ഒരു സ്ഥാനം നൽകി ആദരിക്കുകയും ചെയ്തു:

(من شهد له خزيمة أو شهد عليه فحسبه) 

 "ഖുസൈമത് ആർക്ക് വേണ്ടിയാണോ, അല്ലെങ്കിൽ ആർക്കെതിരെയാണോ സാക്ഷി പറഞ്ഞത് എങ്കിൽ, അയാൾക്ക് അതുമതി."

 സാക്ഷി സ്വീകാര്യമാവാൻ പുരുഷന്മാരാണെങ്കിൽ രണ്ട് പേർ നിർബന്ധമാണ്. അതേ സമയം ഖുസൈമത്(റ) തനിച്ച് നിന്നാൽ തന്നെ അത് രണ്ട് പേരുടെ സ്ഥാനത്താണ്. ഇവിടെ ذو الشهادتين എന്ന ഈ സ്ഥാനത്തിന് അർഹനായ അൻസ്വാരിയായ, ബദ്റിൽ പങ്കെടുത്ത പ്രസ്തുത സ്വഹാബിയുടെ ഈ ബഹുമതി മറ്റാർക്കുമില്ല. മതത്തിൻ്റെ കണിഷതയിലും സ്വിദ്ഖിലും അവരേക്കാൾ ഉത്തമരായ സ്വഹാബതാണെങ്കിൽ പോലും ഈ സ്ഥാനം ഖുസൈമത്(റ)വിന് മാത്രം അവകാശപ്പെട്ടതാണ്. ഇമാം മഹല്ലി(റ) ഇത് വ്യക്തമാക്കുന്നുണ്ട്:

فَمَا عَدَلَ عَنْ سَنَنِهِ ... لَا يُقَاسُ عَلَى مَحَلِّهِ لِتَعَذُّرِ التَّعْدِيَةِ حِينَئِذٍ كَشَهَادَةِ خُزَيْمَةَ «قَالَ - صَلَّى اللَّهُ عَلَيْهِ وَسَلَّمَ - مَنْ شَهِدَ لَهُ خُزَيْمَةُ فَحَسْبُهُ» فَلَا يَثْبُتُ هَذَا الْحُكْمُ لِغَيْرِهِ وَإِنْ كَانَ أَعْلَى مِنْهُ رُتْبَةً فِي الْمَعْنَى الْمُنَاسِبِ لِذَلِكَ مِنْ التَّدَيُّنِ وَالصِّدْقِ كَالصِّدِّيقِ - رَضِيَ اللَّهُ عَنْهُ - اه‍ 

(شرح جمع الجوامع: ٢/٢١٨)

എന്ത് മനസ്സിലായി ? ഓരോന്നിൻ്റെയും فضل കളും اختصاص കളും ഉള്ളിടത്ത് മാത്രം ചുരുക്കണം.

الاختصاصات لا يقاس عليها 

الْخَصَائِص لَا تَثْبُتُ بِالْقِيَاسِ.  

 അതിനേക്കാൾ ഉത്തമമായത് ഉണ്ടെങ്കിൽ പോലും അവ വകവെച്ച് കൊടുക്കാൻ പറ്റില്ല. മുകളിലുദ്ധരിച്ചത് ഒരു ഉദാഹരണം മാത്രം. ഇത്തരം ഒരുപാട് സംഭവങ്ങളും നിയമങ്ങളുമുണ്ട്. പറഞ്ഞു വന്നത്, തിരുജന്മം ഉണ്ടായ രാത്രിക്ക് ലൈലതുൽ ഖദ്റിനേക്കാൾ ഫള്ലുണ്ട് എന്നതിനെക്കുറിച്ചാണ്. ലൈലതുൽ ഖദ്റിൻ്റെ ശറഫ് പരിശുദ്ധ ഖുർആൻ വളരെ വ്യക്തമാക്കി പറഞ്ഞതാണ്. എന്നാൽ തിരുജന്മ രാത്രിക്ക് അത്തരം ഒരു ഫള്ല്, അല്ലെങ്കിൽ അതിനേക്കാളേറെ ഉണ്ടെന്ന് ഖുർആനിൽ നിന്നോ ഹദീസിൽ നിന്നോ വ്യക്തമല്ല. എങ്കിലും ഇമാം ഖസ്ത്വല്ലാനീ(റ) പല കാരണങ്ങളും മുൻ നിർത്തി തിരുജന്മ രാത്രിക്ക് ലൈലതുൽ ഖദ്റിനേക്കാൾ ശറഫുണ്ടെന്ന് പറഞ്ഞിട്ടുണ്ട്. ഇതിനെ ഇബ്നു ഹജർ അൽ ഹൈതമീ(റ) ഖണ്ഡിച്ചിട്ടുമുണ്ട്. അതിലെ ഒരു ഭാഗം ഇവിടെ കുറിക്കാം:

على أنا لو سلمنا أفضلية مولده لم يكن له فائدة، إذ لا فائدة في تفضيل الأزمنة إلا بفضل العمل فيها. وأما تفضيل ذات الزمن الذي لم يكن العمل فيه فليس له كبير فائدة. اه‍ 

(النعمة الكبرى لابن حجر الهيتمي)

 "അമലുകൾ ചെയ്ത് ഫള്ല് നേടാനാവുമെങ്കിലല്ലേ ഒരു സമയത്തിന് ഫള്ലുണ്ടെന്ന് പറയുന്നതിൽ കാര്യമുള്ളൂ. അതില്ലാതെ കേവലം ഒരു സമയത്തിന് ഫള്ലുണ്ടെന്ന് പറഞ്ഞത് കൊണ്ട് വലിയ ഫാഇദഃയൊന്നും വരാനില്ല.."

അപ്പോൾ ചെറിയ ഒരു ഫാഇദഃയുണ്ട്. അത് പറയാനാണിത് ഉദ്ധരിച്ചത്. അതെന്താണെന്നല്ലേ - ആ രാത്രിയുടെ ഫള്ല് വിശ്വസിക്കുക എന്നത് തന്നെ. ആ നിലയിൽ മാത്രം ഇതിനെ കണ്ട് ലൈലതുൽ ഖദ്റിനേക്കാൾ ഉത്തമമായ രാത്രി ലൈലതുൽ മൗലിദാണെന്ന് ചിലർ പറഞ്ഞിട്ടുണ്ട്.

 

( قوله فهي - ليلة القدر- أفضل ليالي السنة ) 

أي : في حقنا لكن بعد ليلة المولد الشريف ويلي ليلة القدر ليلة الإسراء ثم ليلة عرفة ثم ليلة الجمعة ثم ليلة النصف من شبعان وأما بقية الليالي فهي مستوية والليل أفضل من النهار وأما في حقه صلى الله عليه وسلم فالأفضل ليلة الإسراء والمعراج ؛ لأنه رأى ربه فيها شيخنا. اه‍ 

(شرواني: ٣/٤٦٢)

ലൈലതുൽ ഖദ്റിനെ ഉത്തമ രാത്രിയായി ഖുർആനിൽ തന്നെ വ്യക്തമാക്കിയിട്ടുണ്ടെങ്കിലും ശാരിഇൽ നിന്ന് أفضل الليالي ഇന്നതാണെന്ന് ഖണ്ഡിതമായി പറയാത്തതിനാൽ ആ രാത്രി ഏതാണെന്ന് കണ്ടെത്തുക ഗവേഷണപരമായ കാര്യമാണ്. വിശ്വാസ കാര്യങ്ങളിലും ചിലത് اجتهادي ഉണ്ട്. തുഹ്ഫഃ(1/27)യിൽ പറഞ്ഞ وجب ظنا اعتقاده എന്ന പരാമർശം ആ രൂപത്തിൽ മനസ്സിലാക്കേണ്ടതാണ്. അത് കൊണ്ട് ഗവേഷണാത്മകമായി പറഞ്ഞതാണ് എന്ന നിലയിൽ ഇമാം ഖസ്ത്വല്ലാനീ(റ)യുടെ വാക്ക് സ്വീകാര്യമാണ്. പക്ഷെ, അതിൽ പറയുന്ന ഫള്ലുകൾ ശാരിഇൽ നിന്ന് വ്യക്തമല്ലാത്തതിനാലും, ഖുർആനിൽ മറ്റൊരു രാത്രിക്ക് വ്യക്തമായ ഫള്ല് വന്നതിനാലും, 

ഫള്ല് വന്നിടത്ത് മാത്രം ചുരുക്കണം എന്ന അടിസ്ഥാന തത്വം അനുസരിച്ചും ഇമാമുകൾ തറപ്പിച്ച് പറഞ്ഞത് ഏറ്റവും ഉത്തമമായ രാത്രി ലൈലതുൽ ഖദ്റ് എന്ന് തന്നെയാണ്.

وقد نص الشارع على أفضليتها - اي ليلة القدر - ولم يتعرض لليلة مولده، ولا لأمثالها بتفضيل أصلا، فوجب علينا أن نقتصر على ما جاء، ولا نبتدع شيئا من عند نفوسنا القاصرة عن إدراكه إلا بتوفيق منه - صلى الله عليه وسلم. اه‍ 

(النعمة الكبرى لابن حجر الهيتمي)

 അതിനെതിരെ വന്ന അപ്രബലമായ ഒരു വീക്ഷണമായി മാത്രമേ ഇമാം ഖസ്ത്വല്ലാനീ(റ)യുടെ വാക്കിനെ കാണാനൊക്കൂ. അവരെ അനുകരിച്ച് ഇതേ വാദക്കാരായ മറ്റുള്ളവരുടെ വാക്കും ഇപ്രകാരം തന്നെ. ഇബ്നു ഹജർ(റ)യുടെ ഈ വാക്കുകൾ ഇവിടെ ചേർത്തു വായിക്കാം:

وَلَا يُغْتَرُّ بِتَتَابُعِ كُتُبٍ مُتَعَدِّدَةٍ عَلَى حُكْمٍ وَاحِدٍ فَإِنَّ هَذِهِ الْكَثْرَةَ قَدْ تَنْتَهِي إلَى وَاحِدٍ أَلَا تَرَى أَنَّ أَصْحَابَ الْقَفَّالِ أَوْ الشَّيْخِ أَبِي حَامِدٍ مَعَ كَثْرَتِهِمْ لَا يُفَرِّعُونَ وَيُؤَصِّلُونَ إلَّا عَلَى طَرِيقَتِهِ غَالِبًا، وَإِنْ خَالَفَتْ سَائِرَ الْأَصْحَابِ. اه‍ 

(تحفة: ١/٣٩)

 "ഒരു കാര്യം ഒരുപാട് ഗ്രന്ഥങ്ങളിൽ പറഞ്ഞെന്ന് കരുതി അതടിസ്ഥാനത്തിൽ അത് പ്രബലമാണെന്ന് തെറ്റിദ്ധരിക്കരുത്. എല്ലാം ഒരാളിലേക്ക് മടങ്ങുന്നതായിരിക്കാം.." 

ഇതെല്ലാം തിരുനബി(സ്വ)തങ്ങൾ ജനിച്ച അന്നത്തെ രാത്രിയെ സംബന്ധിച്ചാണ്. പിന്നീട് വർഷാന്തം വരുന്ന തിരുജന്മ രാത്രിക്ക് ഈ ഫള്ല് വകവെച്ചു കൊടുക്കുന്നത് മേൽപറഞ്ഞ ന്യായങ്ങൾ കൊണ്ട് തന്നെ വിമർശിക്കപ്പെട്ടതാണ്. അന്നത്തെ രാത്രിക്ക് ഫള്ലുണ്ടെന്ന് പറഞ്ഞവരും ആവർത്തിച്ച് വരുന്നതിന് ആ ഫള്ല് അവകാശപ്പെടുന്നില്ല.

ليلة مولده صلى الله عليه وسلم أفضل من الليلتين أي ليلة القدر وليلة الإسراء،.. المراد بليلة المولد الليلة المعينة لا نظائرها في كل سنة. اه‍ 

(حاشية الجمل: ٢/٣)

എന്നാൽ പ്രാമാണികമായി എഴുന്നള്ളിക്കാത്ത ചില ഗ്രന്ഥങ്ങളിൽ ആവർത്തിച്ച് വരുന്നതിനും ഫള്ലുണ്ടെന്ന് പറഞ്ഞിട്ടുണ്ട്. ബലഹീനമാണത്. ഇതുപോലെ മറ്റു മദ്ഹബുകാരുടെ ന്യായങ്ങളും വാദങ്ങളും നമുക്ക് ഇങ്ങനെയൊക്കെ സമീപിക്കാനേ കഴിയൂ. പ്രബലമായ അഭിപ്രായത്തിനെതിരെയുള്ള ഇത്തരം വാക്കുകളും ന്യായങ്ങളും ഹൈലൈറ്റ് ചെയ്യുന്ന ശൈലി ശരിയല്ല. മഹാന്മാരായ പണ്ഡിതന്മാർ ആക്ഷേപിക്കാതെ നടന്നുവരുന്ന നമ്മുടെ നാട്ടിലെ മുഅ്തമദിനെതിരായ ചില രീതികളെ ഈ അളവുകോൽ വെച്ച് കാണാനും പറ്റില്ല. പ്രബുല പ്രചാരം നേടിയ ജനങ്ങൾക്കിടയിൽ സ്ഥാനം പിടിച്ചവയാണ് അവ. 

ഫള്ലിൻ്റെ കാര്യം തന്നെ ഈ രൂപത്തിലാണെങ്കിൽ പിന്നെ, പ്രസ്തുത രാത്രിയിലെ ആരാധനകൾക്ക് പ്രതിഫലം കൂടുതൽ ലഭിക്കുമെന്ന വാദം ഇതിനേക്കാൾ അബദ്ധമാണ്. ലൈലതുൽ ഖദ്റിനേക്കാൾ ഫള്ലുണ്ടെന്ന ന്യായം പിടിച്ച് അന്നത്തെ ഇബാദതുകൾക്ക് ثواب ഉം കൂടുതലുണ്ടത്രെ!

നോക്കൂ, ഏറ്റവും أفضل ആയ സ്ഥലം ഭൂമിയിൽ ഏതാണെന്ന ചർച്ചയിൽ ഇബ്നു ഹജർ(റ) പറയുന്നു: "തിരുനബി(സ്വ) തങ്ങളുടെ തിരുശരീരത്തോട് ചേർന്ന് നിൽക്കുന്ന മണ്ണാണ് ലോകത്തെ ഏറ്റവും ഉത്തമ സ്ഥലം - അർശിനേക്കാൾ വരെ. അത് സർവ്വാംഗീകൃതവുമാണ്. അത് കഴിഞ്ഞിട്ടേ മക്കഃ എന്ന നാടിന് ഫള്ലുള്ളൂ." അപ്പോൾ, ഈ ഫള്ല് സ്ഥിരീകരണം കൊണ്ട് അവിടെ - ഖബ്‌റുശ്ശരീഫിലെ മണ്ണിൽ - ഇബാദത് ചെയ്യാനൊന്നും സാധിക്കില്ലല്ലോ. എന്നതിന് മറുപടിയെന്നോണം ഇമാം തന്നെ പറയുന്നു:

 وَالتَّفْضِيلُ قَدْ يَقَعُ بَيْنَ الذَّوَاتِ، وَإِنْ لَمْ يُلَاحَظْ ارْتِبَاطُ عَمَلٍ بِهَا كَالْمُصْحَفِ أَفْضَلُ مِنْ غَيْرِهِ فَانْدَفَعَ مَا لِبَعْضِهِمْ هُنَا وَيُسَنُّ الْمُجَاوَرَةُ بِهَا إلَّا لِمَنْ لَمْ يَثِقْ مِنْ نَفْسِهِ بِالْقِيَامِ بِتَعْظِيمِهَا وَحُرْمَتِهَا وَاجْتِنَابِ مَا يَنْبَغِي اجْتِنَابُهُ. اه‍ 

(تحفة: ٤/٦٤)

"അമലുമായി ബന്ധപ്പെടുത്താതെ തന്നെ ചിലപ്പോൾ ഫള്ലുകൾ വരാം. മറ്റു ഗ്രന്ഥങ്ങളേക്കാൾ മുസ്വ്‌ഹഫിന് സ്ഥാനമുള്ള പോലെ. അതിനാൽ, ഖബറുശ്ശരീഫിൻ്റെ ഫള്ല് പിടിച്ച് അതിന് ചാരെ നിൽക്കൽ സുന്നതാണെന്ന ചിലരുടെ കണ്ടെത്തൽ ശരിയായില്ല.."

അപ്പോൾ ഫള്ല് ഉണ്ടെന്ന് കരുതി അമലുകൾ ചെയ്യുന്നത് ശറഇൻ്റെ ഭാഗത്ത് നിന്ന് തേടണമെന്നില്ല. 

ഇവിടെ മറ്റൊരു സംശയം വന്നേക്കും, മക്കഃയുടെ ഫള്ല് ഖുർആനിലും ഹദീസിലും വ്യക്തമാണ്. തങ്ങളുടെ(സ്വ) ഖബറുശ്ശരീഫിന് നസ്സ്വ് ഇല്ലാതിരുന്നിട്ടും ഫള്ലുണ്ടെന്ന് പറഞ്ഞത് اجتهادي അല്ലേ എന്ന്. അത് പറ്റില്ലെന്ന് മുമ്പ് പറഞ്ഞതുമാണല്ലോ. ഇതിന് തുഹ്ഫഃയിൽ തന്നെ മറുപടിയുണ്ട്. പ്രമാണമായ إجماع ഉദ്ധരിച്ച് കൊണ്ടാണ് അത് പറഞ്ഞിട്ടുള്ളത്. ആ إجماع ന് ആധാരമായത് ഖുർആനോ തിരുഹദീസോ അവയുടെ സൂചനാർത്ഥങ്ങളോ ആയിരിക്കാം. إجماع സ്ഥിരപ്പെട്ട് കഴിഞ്ഞാൽ പിന്നെ അതിൻ്റെ مستند ലേക്കോ മറ്റു പ്രമാണങ്ങളിലേക്കോ നോക്കേണ്ടതില്ല.

തിരുനബി(സ്വ) തങ്ങളുടെ 'രിസാലതി'നെക്കുറിച്ച് ഇമാം ദസൂഖി(റ) പറയുന്നു:

واعلم أن الرسالة من الصفات الشريفة التي لا ثواب فيها، وإنما الثواب على أداء ما تحمله الرسول، وكم من صفة شريفة لا يثاب عليها كالمعارف الإلـهية والنظر لوجه الله الكريم الذي هو أشرف الصفات. اه‍ 

(حاشية الدسوقي على شرح أم البراهين للسنوسي ص: ١٠)

'രിസാലത്' എന്നത് ഒരു മഹത്തായ വിശേഷണമാണ്. പക്ഷേ, അതിന് ثواب ഇല്ല. ആ 'രിസാലത്' നിർവ്വഹിക്കുന്നതിലാണ് ثواب. ഇതുപോലെ ثواب ഇല്ലാത്ത എത്രയെത്ര സ്വിഫതുകളാണ്, ഇലാഹിയ്യായ മഅരിഫതുകളും, ഏറ്റവും വലിയ സ്വിഫതായ റബ്ബില്ലേക്കുള്ള ദർശനവും ഇതിനുദാഹരണമാണ്. അവയിലൊന്നും ثواب ഇല്ല."

ബേജാറാവണ്ട, ഇവിടെയെല്ലാം ثواب കിട്ടുന്നത്, ആ സ്വിഫതുകൾ നേടാനാവശ്യമായ നമ്മുടെ ഇബാദതുകളിലും ചെയ്തികളിലുമാണ്. റബ്ബിനെ കാണുക എന്നത് ഇഹലോകത്തെ കാര്യമല്ല. അതിന് ثواب ഉണ്ടെന്ന് പറയാൻ കഴിയില്ല. 

(ഇപ്പറഞ്ഞതിൽ നിന്നും ثواب ഉം معرفة الإلـهية യും രണ്ടാണെന്ന് കിട്ടി. )

ഇനി, ثواب അല്ലെങ്കിൽ أجر ഒരു കാര്യത്തിന് സ്ഥിരപ്പെടാൻ, ശാരിഇൻ്റെ ഭാഗത്ത് നിന്ന് അറിയിപ്പില്ലാതെ പറ്റില്ല. നോക്കൂ,

ഒരു ഹദീസ്, തിരുനബി(സ്വ) തങ്ങളിലേക്ക് ചേർത്ത് ഒരു സ്വഹാബി പറഞ്ഞാൽ, അതിന് مرفوع എന്ന് പറയും. ചേർക്കാതെ പറഞ്ഞാൽ موقوف എന്നും. ചിലപ്പോൾ موقوف ആണെങ്കിലും വിധിയിൽ അത് مرفوع ആയിരിക്കും. مرفوع حكما എന്നാണിതിന് പറയുക. അതിന് ഉദാഹരണമായി ഇമാം ഇബ്നു ഹജർ അസ്ഖലാനി(റ) പറയുന്നത് ഇങ്ങനെ:

مَا يَقُولُ الصَّحَابِيُّ ... مَا لَا مَجَالَ لِلِاجْتِهَادِ فِيهِ، وَلَا لَهُ تَعَلُّقٌ بِبَيَانِ لُغَةٍ أَوْ شَرْحِ غَرِيبٍ؛ كَالإِخْبَارِ عَنِ الأُمُورِ المَاضِيَةِ ... وَكَذَا الإِخْبَارُ عَمَّا يَحْصُلُ بِفِعْلِهِ ثَوَابٌ مَخْصُوصٌ أَوْ عِقَابٌ مَخْصُوصٌ. وَإِنَّمَا كَانَ لَهُ حُكْمُ المَرْفُوعِ لِأَنَّ إِخْبَارَهُ بِذَلِكَ يَقْتَضِي مُخْبِراً لَهُ، وَمَا لَا مَجَالَ لِلِاجْتِهَادِ فِيهِ يَقْتَضِي مُوَقِّفاً لِلْقَائِلِ بِهِ، وَلَا مُوَقِّفَ لِلصَّحَابَةِ إِلَّا النَّبِيُّ صلى الله عليه وسلم. اه‍ بحذف 

(نزهة النظر شرح نخبة الفكر: ١٨٢)

" ഗവേഷണത്തിന് വകുപ്പില്ലാത്ത കാര്യങ്ങൾ ഒരു സ്വഹാബി പറഞ്ഞാൽ അത് മറ്റൊരാൾ അറിയിച്ചു കൊടുക്കാനേ വഴിയുള്ളൂ. സ്വഹാബതിന് അത്തരം കാര്യങ്ങൾ വിവരിച്ചു നൽകാൻ തിരുനബി(സ്വ) തങ്ങളല്ലാതെ ഇല്ല. ഉദാ: ഒരു ചെയ്തിക്ക് പ്രത്യേകമായ ثواب അല്ലെങ്കിൽ عقاب ഉണ്ട് എന്ന് ഒരു സ്വഹാബി പറയുക."

അപ്പോൾ, ثواب ഉണ്ടെന്ന് പറയാൻ ഫള്ലിലും ഖുസ്വൂസിയ്യാതിലും പറഞ്ഞ പോലെതന്നെ ഗവേഷണം ചെയ്ത് പറയാൻ പറ്റിയ സംഗതിയല്ല. പിന്നെ എങ്ങനെയാണ് ലൈലതുൽ മൗലിദിൽ ഇബാദത് ചെയ്താൽ പ്രത്യേക ثواب ലഭിക്കുമെന്ന് പറയുക ? 

തുടക്കത്തിൽ പറഞ്ഞ പോലെ, അന്നേ ദിവസം ഇബാദതുകൾ ചെയ്യുന്നതിന് പ്രത്യേക ഫള്ല് കിട്ടുമെന്ന് പല മഹാന്മാരും പറഞ്ഞത് കാണാം. പക്ഷേ, ആ ഫള്ല് എന്നതിനർത്ഥം ثواب എന്നല്ല. ശാരിഇൽ നിന്ന് അറിയിപ്പില്ലാതെ ثواب ഉണ്ടെന്ന് പറയാൻ വകുപ്പില്ലല്ലോ. ثواب ഉം فضل ഉം വ്യത്യാസമുണ്ടെന്ന് ഖബറുശ്ശരീഫിൻ്റെ فضل നെ പറഞ്ഞ ഉദ്ധരണിയിൽ നിന്നും വ്യക്തവുമാണ്. അപ്പോൾ فضل എന്നതിന് റബ്ബിൻ്റെ ഭാഗത്ത് നിന്നുള്ള انوار കളും معارف കളും مدد أخروي - എന്നുമൊക്കെ പരിചയപ്പെടുത്താനേ പറ്റൂ. അവകൾ ثواب അല്ലാത്ത മറ്റൊരു സ്വിഫതാണെന്ന് ഇമാം ദസൂഖീ(റ)യുടെ ഉദ്ധരണിയിലും വ്യക്തമാണ്. പിന്നെ, മഹാന്മാർ പറയുന്ന ഫള്ലുകൾ അവർക്ക് ബോധ്യപ്പെട്ട കശ്ഫുകളുടെ - റബ്ബിൻ്റെ ഭാഗത്ത് നിന്നുള്ള അനുഭവ സാക്ഷ്യങ്ങൾ അനുസരിച്ച് പറയുന്നതാണ്. അവ ശാരിഇൻ്റെ വാക്കുകളോട് തുലനം ചെയ്യാനൊന്നും പറ്റില്ല. അത്തരം മഹാന്മാർക്ക് അനുഭവ ബോധ്യമുള്ളതിനാൽ അതിന് തെളിവ് വേണ്ടതില്ല. അവരെ വിശ്വസിക്കുന്നവർക്കും അംഗീകരിക്കുന്നവർക്കും അത് സ്വീകരിക്കാം. ചെയ്യാം. വേണ്ടാത്തവർക്ക് വേണ്ടെന്ന് വെക്കാം. 

ഫള്ലും ثواب ഉം വേർതിരിച്ചറിയാൻ പറയട്ടെ, മദീനഃയേക്കാൾ എത്രയോ ഇരട്ടി പ്രതിഫലം ലഭിക്കുമെന്ന് ശറഇൽ തീർത്തു പറഞ്ഞിട്ടുണ്ട്. എന്നിട്ടുമെന്തിനാ വിശ്വാസികൾ കുറഞ്ഞ ദിവസത്തെ ഉംറഃ പാക്കേജിലും നാല് ദിവസമെങ്കിലും മദീനഃയിൽ കിട്ടാൻ കൊതിക്കുന്നത് ?

പച്ച കുരുമുളകിൻ്റെ കൂട്ടത്തിൽ ഉണക്ക കുരുമുളകും ചേർത്ത് പച്ചയുടെ വിലക്ക് വിറ്റിട്ട് അങ്ങാടിയിൽ ചെന്ന് വമ്പ് പറഞ്ഞവനെ പൊട്ടനെന്ന് വിളിക്കും. എന്ന പോലെ മദീനഃയിൽ പോയി ഇത്ര ദിവസം കിട്ടിയെന്ന് സന്തോഷം പറയുന്ന വിശ്വാസികളെ ഈമാനുള്ളവർ കുറ്റപ്പെടുത്തുമോ, മക്കഃയിലെ ദിവസം കളഞ്ഞതിൻ്റെ പേരിൽ ? ഇല്ല. അവിടുന്ന് കിട്ടുമെന്ന് പ്രതീക്ഷിക്കുന്ന ഒരു ഫള്ലുണ്ട്, മഹത്വമുണ്ട്, മുത്ത്നബി(സ്വ) തങ്ങളുടെ സാമീപ്യം ലഭിക്കുന്നുണ്ട്. പക്ഷേ, ഇത് ثواب ആണെന്ന് ആരും പറയില്ല. 

എങ്കിലും, ലൈലതുൽ മൗലിദിൽ അവനുണ്ടാകുന്ന നബിസ്നേഹം, മറ്റു മുശാഹദഃകൾ ഇതിനെല്ലാം ഖൽബിൻ്റെ قصد ഉണ്ടാവുന്നുണ്ട്. അത് ഒരു فعل ആണല്ലോ. ആ നിലയിൽ അതിന് ثواب ഉണ്ടെന്ന് പറയണം. അത്തരം ഒരു വിശദീകരണം 

فلا بدع أن يحصل له فضل لا يحصى

എന്നതിന് വെക്കുകയും ചെയ്യാം.

ഇബ്നു ഹജർ അൽ ഹൈതമീ(റ) പറയുന്നു:

والحاصل أن اللائق بالقواعد وتحقيق الأدلة أنا إذا راعينا جلالته العظمى - صلى الله تعالى عليه وسلم - لم يمتنع علينا أن نقول: ليلة المولد من هذه الحيثية لها شرف أي شرف حتى على ليلة القدر. اه‍ 

(النعمة الكبرى لابن حجر الهيتمي)

 "ശരീഅത് നിയമങ്ങളിലെ അടിസ്ഥാനങ്ങളോടും, തെളിവുകളുടെ പിൻബലത്തോടും യോജിപ്പിച്ച് മനസ്സിലാക്കാൻ പറ്റുന്നത്, തിരുനബി(സ്വ) തങ്ങളുടെ ഉന്നതമായ പവിത്രത പരിഗണിക്കുക എന്ന നിലയിൽ ലൈലതുൽ മൗലിദിന് അങ്ങേയറ്റത്തെ ശറഫുണ്ട്, ലൈലതുൽ ഖദ്റിനേക്കാൾ തന്നെ.."

ഇപ്പറഞ്ഞത് ശറഫാണ്, ഫള്ലല്ല. തൊട്ടുമുമ്പ് ലൈലതുൽ ഖദ്റിനേക്കാൾ ഫള്ലുണ്ടെന്ന് പറഞ്ഞതിനെ ഓർ തന്നെ ശക്തമായി ഖണ്ഡിച്ചത് തുടക്കത്തിൽ ഉദ്ധരിച്ചല്ലോ. അതിന് ശേഷം, തിരുനബി(സ്വ) തങ്ങളുടെ പവിത്രത പരിഗണിച്ചു കൊണ്ട് ശറഫുണ്ടെന്ന് പറയുകയാണ് ഇബ്നു ഹജർ(റ). എന്തിനധികം, തൊട്ടുടനെ തന്നെ പറയുന്നു:

ولا يلزم من ذلك أفضليتها من حيث ذاتها على ليلة القدر، وإن قلنا إن التفضيل قد يكون بين الذوات لا باعتبار العمل كجلد المصحف وجلد غيره. اه‍

(النعمة الكبرى لابن حجر الهيتمي)

" ശറഫുണ്ടെന്ന് പറഞ്ഞത്തിൽ നിന്നും, ലൈലതുൽ മൗലിദ് എന്ന രാത്രിയെ, ഒരു രാത്രി എന്ന നിലക്ക് ലൈലതുൽ ഖദ്റിനേക്കാൾ ഫള്ലുണ്ടെന്ന് പറയാനേ പറ്റില്ല. മറ്റൊന്നിനെയും പരിഗണിക്കാതെ ഒരു കാര്യത്തിന് സ്വന്തം തന്നെ ചിലപ്പോൾ ഫള്ല് വരാം എന്നുണ്ടെങ്കിലും - ഇവിടെ അങ്ങിനെയില്ല.."

ഇവിടെ من حيث ذاتها എന്നത്, തിരുപ്പിറവി കൊണ്ട് അനുഗ്രഹിച്ച ദിനമാണന്നെ പ്രത്യേക مشاهدة യിൽ അന്നേ ദിവസം عمل ചെയ്യുന്നവന് ഫള്ലുണ്ടെന്നതിനോട് ഇടയാതിരിക്കാൻ പറഞ്ഞതാണ്. ആ അമലുകൾക്ക് ثواب ലഭിക്കും എന്നല്ല. ഫള്ലുണ്ടാവും എന്നാണ്. ഫള്ല് ഒരു സ്വിഫതായിട്ട് വേണം മനസ്സിലാക്കാൻ. അത്തരം സ്വിഫതുകൾക്ക് ثواب ഇല്ലെന്നും മുകളിൽ പറഞ്ഞിട്ടുണ്ട്. ഇങ്ങനെ സജീവമാക്കിയവന് ഫള്ലുണ്ടെന്ന് സ്ഥിരപ്പെടാൻ നസ്സ്വെവിടെ എന്ന് ചോദിക്കണ്ട. ഇത്തരം حضور القلب ഉം مشاهدة യും ഉള്ളവർക്കെല്ലാം നൽകുന്ന عام ആയ ഫള്ലിൽ പെട്ടതാണിത്. അത് നസ്സ്വ് കൊണ്ട് സ്ഥിരപ്പെട്ടതുമാണ്. മാത്രവുമല്ല, ഹുക്മുമായി ബന്ധിച്ച فضل കൾ സ്ഥിരപ്പെടാനാണ് നസ്സ്വിൻ്റെ പിൻബലം വേണമെന്ന നിർബന്ധം പറയുന്നത്. ഖുസൈമത്(റ)വിൻ്റെ ذو الشهادتين എന്നതിലും ഖബറുശ്ശരീഫിൻ്റെ فضل വിശ്വസിക്കുന്നിടത്തും അതുപോലെയുള്ള സ്ഥലങ്ങളിലെല്ലാം ഹുക്മുകൾ ബന്ധിക്കുന്നുണ്ട്. عمل ൻ്റെ فضل മനസ്സിലാക്കുന്നിടത്ത് അതില്ലല്ലോ. ഇവിടെ എതിർക്കപ്പെടുന്നത് ഹുക്മുമായും ثواب മായും ബന്ധപ്പെടുത്തി പറയുന്ന فضل നെയുമാണ്.

മേൽ പറഞ്ഞ فضل എന്നതിന് ثواب എന്നർത്ഥം പറയാൻ പറ്റാത്ത പോലെ مضاعفة എന്ന പ്രയോഗത്തിനും കൂടുതൽ ثواب എന്ന് വെക്കാൻ പറ്റില്ല. വിശുദ്ധ ഹറമുകളിൽ വെച്ച് നന്മ ചെയ്താൽ പതിന്മടങ്ങ് പ്രതിഫലം ലഭിക്കുമെന്ന് ശാരിഇൽ നിന്നും വന്നിട്ടുണ്ട്. ഇപ്രകാരം തെറ്റുകൾക്കും ശിക്ഷ വർദ്ധിക്കുമെന്ന് ഇബ്നു അബ്ബാസ് (رضي الله عنهما) യും മറ്റു ചിലരും പറഞ്ഞപ്പോൾ അതേപ്പറ്റി ഇബ്നു ഹജർ(റ) പറഞ്ഞത് ഇങ്ങനെ:

وَكَانَ ابْنُ عَبَّاسٍ وَغَيْرُهُ أَخَذُوا مِنْهُ قَوْلَهُمْ إنَّ السَّيِّئَاتِ تُضَاعَفُ بِهَا كَمَا تُضَاعَفُ الْحَسَنَاتُ أَيْ تَعْظُمُ فِيهَا أَكْثَرَ مِنْهَا فِي غَيْرِهَا لَا أَنَّهَا تَتَعَدَّدُ لِئَلَّا يُنَافِيَ الْآيَةَ وَالْأَحَادِيثَ الْمُصَرِّحَةَ بِعَدَمِ التَّعَدُّدِ فِي السَّيِّئَةِ وَآيَةُ {وَمَنْ يُرِدْ} [الحج: ٢٥] لَا تَقْتَضِي غَيْرَ ذَلِكَ الْعِظَمِ. اه‍ 

(تحفة: ٤/٦٤)

" വിശുദ്ധ ഹറമിലെ സൽകർമ്മങ്ങൾക്ക് പതിന്മടങ്ങ് ثواب കൂടുതൽ ലഭിക്കുമെന്ന ശാരിഇൻ്റെ വാക്കിൽ നിന്നും, അവിടെ വെച്ചുണ്ടാകുന്ന തെറ്റുകൾക്ക് കൂടുതൽ ശിക്ഷ ലഭിക്കുമെന്ന് ഇബ്നു അബ്ബാസ് (رضي الله عنهما) കണ്ടെത്തി പറഞ്ഞു. എന്നാൽ تضاعف എന്ന പ്രയോഗത്തിൽ നിന്നും കൂടുതൽ എണ്ണമുണ്ടാവുക എന്ന് മനസ്സിലാക്കാൻ പറ്റില്ല. പകരം തെറ്റിന് ഗൗരവമേറും എന്നേ പറയാനൊക്കൂ.."

ദൈർഘ്യം ഭയന്ന് ചുരുക്കട്ടെ. ചുരുക്കത്തിൽ ലൈലതുൽ മൗലിദ് സൽകർമ്മങ്ങളാലും ചീത്തയിൽ നിന്ന് വിട്ടുനിന്നും സജീവമാക്കേണ്ട, മാനിക്കേണ്ട രാവാണ്. പകലിലും തഥൈവ. അതിന് റബ്ബിൻ്റെ ഭാഗത്ത് നിന്ന് പ്രത്യേകമായ പരിഗണനയും ഫള്ലുകളും ഹൃദയ വെളിച്ചവും ലഭിക്കും. മഹത്തുക്കളിൽ നിന്നും ബോധ്യപ്പെട്ടവയാണിത്. എന്നുകരുതി, ലൈലതുൽ ഖദ്റിനേക്കൾ ഫള്ലുള്ള രാത്രിയാണെന്നോ, റമളാനിലെ ഇബാദതിനേക്കാൾ ثواب ലഭിക്കുമെന്നോ പറയേണ്ടതില്ല. അത്രമാത്രം പറയണമെങ്കിൽ പ്രാമാണികമായി ഉദ്ധരിക്കപ്പെടുന്ന ഇമാമുകളോ കർമ്മശാസ്ത്ര ഗ്രന്ഥങ്ങളിലോ സുതരാം വ്യക്തമാക്കണമായിരുന്നല്ലോ. 

ഒരു ഹദീസ് مقطوع بالكذب ആകുന്നതിൻ്റെ അടയാളമായി പറയുന്നത് നോക്കൂ:

(وَالْمَنْقُولُ آحَادٌ فِيمَا تَتَوَفَّرُ الدَّوَاعِي عَلَى نَقْلِهِ)

 تَوَاتُرًا كَسُقُوطِ الْخَطِيبِ عَنْ الْمِنْبَرِ وَقْتَ الْخُطْبَةِ مِنْ الْمَقْطُوعِ بِكَذِبِهِ لِمُخَالَفَتِهِ لِلْعَادَةِ. اه‍ 

(جمع الجوامع)

ഖത്വീബ്, ഖുത്വുബഃക്കിടെ മിമ്പറിൽ നിന്ന് വീണിട്ട്, ആരും അറിയാതിരിക്കുന്നതിൽ എന്തോ പന്തികേടില്ലേ? എന്ന പോലെ എല്ലാവരും അറിയേണ്ട കാര്യം خبر واحد ആയിട്ട് വരിക എന്നത് തന്നെ അത് ശരിയല്ലെന്നതിൻ്റെ രേഖയാണ്. 

കാര്യം തിരിഞ്ഞു കാണും. അവസാനിപ്പിക്കുന്നു. വിശേഷപ്പെട്ട ഈ ദിനരാത്രികൾ സജീവമാക്കാൻ അല്ലാഹു തആലാ തൗഫീഖ് ചെയ്യട്ടെ. ദുആകളിൽ പരസ്പരം ഉൾപ്പെടുത്തണെമെന്ന ദുആ വസ്വിയതോടെ.

(കേട്ടെഴുത്ത് -

അബൂ ഹസന: ഊരകം)

തിരുനബിയുടെ ജനനം മുഹറത്തിൽ ആശൂറാഇൽ ആണെന്ന് മുഹിയുദ്ധീൻ ശൈഖ് പറഞ്ഞിട്ടുണ്ടോ ?

 

തിരുനബിയുടെ ജനനം മുഹറത്തിൽ ആശൂറാഇൽ ആണെന്ന് മുഹിയുദ്ധീൻ ശൈഖ് പറഞ്ഞിട്ടുണ്ടോ ?

തിരുനബിയുടെ ജനനം റബി ഉൽ അവ്വലിലാണെന്ന് ധാരാളം പണ്ഡിതന്മാർ വിവരിച്ചിട്ടുണ്ട്.
മുഹ് യദ്ധീൻ ശൈഖ് അദ്ദേഹത്തിന്റെ അഭിപ്രായമായി മുഹറത്തിലാണ് തിരു നബി ജനിച്ചത് എന്ന് ഒരിക്കലും പറഞ്ഞിട്ടില്ല അത് വഹാബി പുരോഹിത വർഗ്ഗത്തിൻറെ പച്ചക്കളവ് മാത്രമാണ്.

കളവുകൾ മാത്രം പറഞ്ഞ് മത്സരങ്ങൾ സംഘടിപ്പിച്ചു സോപ്പുംപടി സമ്മാനം വാങ്ങിയ ഈ പിശാചുക്കൾ കളവ് മാത്രമേ പറയുകയുള്ളൂ

ചില വ്യക്തികൾ പറഞ്ഞു എന്ന് പറഞ്ഞു കൊണ്ടാണ് അദ്ദേഹം ആശൂറാഇന്റെ മഹത്വം പറയുന്നത്.
കൂട്ടത്തിൽ പത്താമത്തെ കാര്യമായി ആ വ്യക്തികൾ പറഞ്ഞ റിപ്പോർട്ട് കൊണ്ടുവരുക മാത്രമാണ് ചെയ്തിട്ടുള്ളത്.
മറ്റൊരാളുടെ റിപ്പോർട്ട് കൊണ്ടുവന്നാൽ അത് ശൈഖ് പറഞ്ഞതാണ് എന്ന് പറയാൻ ഒരിക്കലും സാധ്യമല്ല. അദ്ദേഹം ചിലരിൽ നിന്നും ഉദ്ധരിച്ചു എന്ന് പറയാനെ പറ്റൂ. മുഹറത്തിന്റെ മഹത്വം പറഞ്ഞപ്പോൾ ഇങ്ങനെ ചില റിപ്പോർട്ടിൽ വന്നിട്ടുണ്ട് ഇങ്ങനെ ചില ആളുകൾ പറഞ്ഞിട്ടുണ്ട് എന്ന് പറഞ്ഞു എന്ന് മാത്രം.
അതിൻറെ പേരിൽ അത് മുഹിയുദ്ധീൻ ശൈഖിന്റെ അഭിപ്രായമാണ് എന്നോ? അദ്ദേഹം അംഗീകരിച്ചു എന്നോ പറയുന്നത് വിഡ്ഢിത്തവും പച്ചക്കളവും പിശാചിന് പോലും തോൽപ്പിക്കുന്ന വിധത്തിലുള്ള  കള്ള നിർമ്മാണവും ആണ് . കിതാബുകളുടെ ബേസിക് പോലും അറിയാത്തവനിൽ നിന്ന് മാത്രമെ ഇത്തരം കള്ളത്തരങ്ങൾ ഉണ്ടാവുകയുള്ളൂ. ഇത്തരം കള്ളന്മാരായ ഒഹാബീ പുരോഹിതന്മാർ മഹാന്മാരുടെ ഗ്രന്ഥങ്ങളിൽ ഇത്തരം കള്ളത്തരങ്ങൾ എഴുന്നള്ളിക്കുമ്പോൾ ഖുർആനിലും ഹദീസുകളും എത്ര കള്ളത്തരങ്ങൾ പരിഭാഷയിലൂടെയും മറ്റും ഇവർ എഴുന്നള്ളിച്ച് ജനങ്ങളെ കബളിപ്പിക്കുന്നുണ്ടെന്ന് ബുദ്ധിയുള്ളവർ മനസ്സിലാക്കുക

മുത്ത് നബിയുടെ ജനനവർഷം പോലും അറിയാത്ത വ്യക്തിയാക്കി ചിത്രീകരിച്ചുഅവിടുത്തെ നിസ്സാരപ്പെടുത്തുകയും . ഇങ്ങനെ ഒരാൾ ജനിച്ചിട്ടേയില്ല എന്ന് പറയുന്ന ആളുകളോട് സമമാവുകയും അവർക്ക് സഹായം ചെയ്യുകയുമാണ് ഇവർ ചെയ്തുകൊണ്ടിരിക്കുന്നത്

അസ് ലം കാമിൽ സഖാഫി
പരപ്പനങ്ങാടി
https://chat.whatsapp.com/25iXC28SbjWFoTZeUBXBoh