ഇസ്‌ലാം ഏകെ െെ ദവ_വിശ്വാസത്തിന്റെ_ധൈഷണികത

 #ഏകദൈവ_വിശ്വാസത്തിന്റെ_ധൈഷണികത

സന്ദേഹം 1

ദൈവം ഏകനായിരിക്കേണ്ട ആവശ്യം എന്ത്? ഒരുപാട് ഉണ്ടായാൽ എന്താണ് കുഴപ്പം?

നിവാരണം :

1. ഒന്ന് രണ്ടിന്റെ പകുതി ആവേണ്ട കാര്യമെന്ത് ? രണ്ടിന്റെ മൂന്നിലൊന്നോ നാലിലൊന്നോ ആയാലെന്താ കുഴപ്പം ? രണ്ടും രണ്ടും ചേർന്നാൽ നാലാവേണ്ട ആവശ്യമെന്ത് ? അഞ്ചായാലെന്താ കുഴപ്പം ? എന്നൊക്കെ ചോദിക്കും പോലെയാണിത്. അങ്ങനെ സംഭവിക്കൽ അസംഭവ്യമാണെന്ന കുഴപ്പമല്ലാത്ത മറ്റൊരു കുഴപ്പവുമില്ലെന്നു ചുരുക്കം.

2. രണ്ട് ദൈവങ്ങൾ / സർവ്വശക്തർ ഉണ്ടായാൽ എങ്ങനെയുണ്ടാകുമെന്ന് നോക്കാം. ഒരാൾ ഭൂമിയെ ഒരു ദിശയിലേക്ക് ചലിപ്പിക്കുന്നു, അപരൻ എതിർ ദിശയിലേക്കും. രണ്ടു പേരും ഒന്നിച്ച് അതിൽ വിജയിക്കുകയില്ല. അല്ലെങ്കിൽ, ഭൂമി ഒരേ സമയം രണ്ടു എതിർ ദിശകളിലേക്ക് സഞ്ചരിക്കേണ്ടി വരും.  

രണ്ടു പേരും പരാജയപ്പെടാനും പറ്റില്ല. കാരണം, അങ്ങനെ വന്നാൽ, സർവശക്തർ കഴിവ് കെട്ടവരാവുകയെന്ന വൈരുദ്ധ്യം അവിടെ വന്നു ചേരും. 

അതിനു പുറമെ, ഭൂമി ഒരേ സമയം രണ്ടു എതിർ ദിശകളിലേക്ക് സഞ്ചരിക്കുകയെന്ന അസംബന്ധം അതിലും വരും. കാരണം : ഒന്നാമൻ പരാജയപ്പെട്ടത് രണ്ടാമൻ ചലിപ്പിച്ചതിനാൽ നിലവിൽവന്ന ചലനം മൂലമാണ്. രണ്ടാമൻ പരാജയപ്പെട്ടത് ഒന്നാമൻ ചലിപ്പിച്ചതിനാൽ നിലവിൽവന്ന ചലനം മൂലവുമാണ്

സന്ദേഹം 2

രണ്ടു ദൈവങ്ങൾ പരസ്പരം ധാരണയിലെത്തിയാൽ പോരെ ?

നിവാരണം :

1. ബഹു ദൈവങ്ങൾ ഉണ്ടായിരുന്നുവെങ്കിൽ / ഉണ്ടാകാമായിരുന്നുവെങ്കിൽ,  ഉപര്യുക്ത അസംഭവ്യം സംഭവ്യമാണെന്ന് വരുമായിരുന്നു. അസംഭവ്യം സംഭവ്യമാകൽ, അസംഭവ്യമാണെന്നു / വൈരുദ്ധ്യമാണെന്നു വ്യക്തം. 

2. പരസ്പര ധാരണയിലൂടെയല്ലാതെ കാര്യം നടപ്പിലാക്കാൻ സാധിക്കാതിരിക്കുകയെന്നതും  കഴിവ് കേടു തന്നെയാണ്. ഒരു ദൈവം സൃഷ്ടിച്ചതു മൂലം കാര്യം അനിവാര്യവും വിപരീത കാര്യം അസംഭവ്യവുമായെന്നും ദൈവിക ശക്തിയുടെ വൃത്തത്തിൽ സംഭവ്യമായതു മാത്രമേ ഉൾപ്പെടുകയുള്ളൂ എന്നുമൊക്കെ പറഞ്ഞ് പിടിച്ചു നിൽക്കാൻ നോക്കരുത്. കാരണം : രണ്ട് പേരും ദൈവങ്ങളാണെങ്കിൽ, ഒരാളുടെ ശക്തിപ്രയോഗം വിജയിക്കുകയും അപരന്റേത് പരാജയപ്പെടുകയും ചെയ്യുമോ !

3. ധാരണയിലെത്തുന്നത് ഒരേവസ്തു അവർ രണ്ടുപേർ ചേർന്ന് സൃഷ്ടിക്കുവാനാണെങ്കിൽ അതു സാദ്ധ്യമല്ല.

എന്ത്കൊണ്ടെന്നാൽ, ഒരു കാര്യം സമ്പൂർണമായ രണ്ട് കാരണങ്ങളാൽ നിലവിൽ വരുക സാദ്ധ്യമല്ല. അല്ലെങ്കിൽ, അവയിലോരോന്നും സമ്പൂർണ കാരണങ്ങളല്ല. പ്രത്യുത, ഒരു കാരണത്തിന്റെ രണ്ട് അംശങ്ങളാണെന്നു വരും.

രണ്ടിലൊരാൾ നിർവഹിക്കണമെന്ന് അപരൻ തീരുമാനിക്കലാവട്ടെ വ്യർത്ഥവുമാണ്. കാരണം, അവൻ തീരുമാനിച്ചാലും ഇല്ലെങ്കിലും നിർവ്വഹിക്കുന്നവൻ ദൈവമെങ്കിൽ കാര്യം നടന്നിരിക്കുമല്ലൊ. 

4. പരസ്പരധാരണ രണ്ടു രൂപത്തിൽ വരാം.

എ. ഒരാളുടെ തീരുമാനത്തിന് അപരൻ നിർബന്ധിതനായി വഴങ്ങിക്കൊടുക്കുക. ഇങ്ങനെയാണെങ്കിൽ, രണ്ടാമൻ കഴിവു കെട്ടവനാണെന്ന് വരും 

ബി. ഒരേ കാര്യം രണ്ടു പേരും സ്വതന്ത്രമായി തീരുമാനിക്കുക.  തീരുമാനത്തിൽ അധിഷ്ഠിതമായത് കൊണ്ട് പ്രസ്തുത കാര്യം യാദൃശ്ചികമാവില്ല. എന്നാൽ, ഒരാളുടെ തീരുമാനം അപരന്റെ തീരുമാനത്തിൽ അധിഷ്ഠിതമല്ല.

രണ്ടുപേരും സർവ്വശക്തരും പൂർണ സ്വതന്ത്രരുമാണല്ലൊ. അപ്പോൾ, ഏകീകൃത തീരുമാനം യാദൃശ്ചികമായിരിക്കും, ചുരുക്കം കാര്യങ്ങളിൽ യാദൃശ്ചികത ഉണ്ടാകാമെങ്കിലും മുഴുവൻ കാര്യങ്ങളിലും  അതു സംഭവ്യമല്ല. 

     

«വാന-ഭൂവനങ്ങളിൽ അല്ലാഹുവല്ലാത്ത ദൈവങ്ങളുണ്ടായിരുന്നുവെങ്കിൽ അവ താറുമാറാകുമായിരുന്നു»

അബ്ദുൽ ജലീൽ സഅ്ദി രണ്ടത്താണി