കഫ്ഫാറതിൽ തൂവാലയും മന്തിയും

 📚

*കഫ്ഫാറതിൽ തൂവാലയും മന്തിയും ?*

______________________

ഈയിടെ, സത്യം ചെയ്ത ശേഷം അത് പൊളിച്ചവൻ പ്രായശ്ചിത്തം നൽകേണ്ട വിധം വിവരിക്കുന്ന ഒരു ക്ലാസ് ശ്രദ്ധയിൽ പെട്ടു. അടിമയെ മോചിപ്പിക്കാൻ കഴിയുന്നില്ലെങ്കിൽ, പത്ത് പേർക്ക് ഭക്ഷണമോ വസ്ത്രമോ നൽകണം. അത് മന്തിയായാലും 'ടവ്വലായാലും' മതിയെന്ന് ക്ലാസിൽ പറയുന്നു. ഇത് ശരിയല്ല. വിവരിക്കാം:

 

ഭക്ഷ്യവസ്തു ആണെങ്കിൽ നമ്മുടെ നാട്ടിൽ കൊടുക്കേണ്ടത് അരി,ഗോതമ്പ് ഇവയാണ്. അത്, വേവിക്കാതെ ധാന്യമായി തന്നെ കൊടുക്കണം. ഫിത്വ്‌റ് സകാതിൽ പറഞ്ഞ ധാന്യത്തിൻ്റെ വിശദീകരണങ്ങളെല്ലാം കഫ്ഫാറതിലും വരുമെന്ന് ഇമാമുകൾ വ്യക്തമാക്കിയിട്ടുണ്ട്.

(وَإِطْعَامِ عَشَرَةِ مَسَاكِينَ، كُلُّ مِسْكِينٍ مُدُّ حَبٍّ) أَوْ غَيْرِهِ مِمَّا يُجْزِئُ فِي الْفُطْرَةِ (مِنْ غَالِبِ قُوتِ الْبَلَدِ). اهـ

(تحفة: ١٠/١٦)

(قُلْت الْوَاجِبُ) الَّذِي لَا يُجْزِئُ غَيْرُهُ إذَا وُجِدَ الْحَبُّ (الْحَبُّ السَّلِيمُ) أَيْ مِنْ عَيْبٍ يُنَافِي صَلَاحِيَّةَ الِادِّخَارِ وَالِاقْتِيَاتِ كَمَا يُعْلَمُ مِنْ قَوَاعِدِ الْبَابِ. اهـ

(تحفة: ٣/٣٢٤)

ഭക്ഷ്യവസ്തു നൽകുമ്പോൾ, അത് സൂക്ഷിച്ചു വെക്കാൻ പറ്റും വിധത്തിലായിരിക്കണം. വേവിച്ച ഭക്ഷണം ഇതിനു പറ്റില്ലല്ലോ. അതിനാൽ പ്രായശ്ചിത്തം നൽകേണ്ടതിനെ 'ഭക്ഷണം നൽകുക' എന്ന് പ്രയോഗിക്കുന്നത് തെറ്റിദ്ധാരണ ഉണ്ടാക്കുന്നതാണ്. അപ്രകാരം പ്രയോഗിക്കരുതെന്ന് കീഴന ഓറിൽ നിന്നും ഉദ്ധരിച്ചു കേട്ടിട്ടുണ്ട്.

ളിഹാറിൻ്റെ പ്രായശ്ചിത്തം വിശദീകരിച്ചിടത്ത്

إطعام 

എന്ന് ഫുഖഹാഅ് പ്രയോഗിച്ചത്, ഭക്ഷണം നൽകിയാൽ മതിയെന്ന് തോന്നിപ്പിക്കുന്നുണ്ട്. പക്ഷെ, അത് ഖുർആനിൽ പറഞ്ഞ അതേ വാക്ക് തെരെഞ്ഞെടുത്തതാണെന്നും, ധാന്യമല്ലാത്തത് അനുവദനീയമാണെന്ന് ധരിക്കരുതെന്നും ഇബ്നു ഹജർ(റ) പ്രത്യേകം ഉണർത്തിയിട്ടുണ്ട്. അത്, സത്യത്തെ പൊളിച്ച കഫ്ഫാറതിലേക്കും ബാധകമാണെന്ന് പറയേണ്ടതില്ല, വ്യക്തമാണ്.

 (فَإِنْ عَجَزَ) الْمُظَاهِرُ مَثَلًا (عَنْ عِتْقٍ صَامَ شَهْرَيْنِ مُتَتَابِعَيْنِ ..... فَإِنْ عَجَزَ عَنْ الصَّوْمِ ... كَفَّرَ بِإِطْعَامٍ) أَيْ تَمْلِيكٍ وَآثَرَ  الْأَوَّلَ؛ لِأَنَّهُ لَفْظُ الْقُرْآنِ فَحَسْبُ إذْ لَا يُجْزِئُ حَقِيقَةُ إطْعَامِهِمْ ... (سِتِّينَ مِسْكِينًا). اهـ

 (تحفة: ٨/٢٠١)

(قَوْلُهُ الْأَوَّلُ) أَيْ الْإِطْعَامِ 

(قَوْلُهُ إذْ لَا يُجْزِئُ حَقِيقَةُ إطْعَامِهِمْ) أَيْ تَغْدِيَتِهِمْ أَوْ تَعْشِيَتِهِمْ اهـ مُغْنِي (شرواني)

_*'തൂവാല' മതിയാകുമോ*_

ഇനി, വസ്ത്രം നൽകുന്നതിൽ 'തൂവാല' മതിയാകുമോ ? ഇല്ല. വസ്ത്രമായി സാധാരണയിൽ പറയപ്പെടുന്ന വസ്തുവായിരിക്കണം. ഇമാമുകൾ ഉദാഹരണ സഹിതം വിശദീകരിക്കുന്നു:

أَوْ كُسْوَتِهِمْ بِمَا يُسَمَّى كُسْوَةً) وَيُعْتَادُ لُبْسُهُ... (كَقَمِيصٍ) وَلَوْ بِلَا كُمٍّ (أَوْ عِمَامَةٍ) ، وَإِنْ قُلْت أَخْذًا مِنْ إجْزَاءِ مِنْدِيلِ الْيَدِ (أَوْ إزَارٍ) أَوْ مِقْنَعَةٍ أَوْ رِدَاءٍ أَوْ مِنْدِيلٍ يُحْمَلُ فِي الْيَدِ أَوْ الْكُمِّ. اهـ 

(تحفة: ١٠/١٧)

ഇവിടെ, 

منديل 

എന്ന് പറഞ്ഞെങ്കിലും, അത് കൊണ്ട് ഉദ്ദേശം ഇക്കാലത്ത് പറയുന്ന ടവ്വൽ / തൂവാല അല്ല. പണ്ഡിതന്മാർ തോളിലിടുന്ന വല്ലി / ശാൽ ആണെന്ന് വ്യാഖ്യാതാക്കൾ വിശദീകരിച്ചിട്ടുണ്ട്.

(قَوْلُهُ: أَوْ الْكُمِّ) اُنْظُرْ مَا الْمُرَادُ مِنْ الْمِنْدِيلِ الْمَحْمُولِ فِي الْكُمِّ عِبَارَةُ الْحَلَبِيِّ قَوْلُهُ: أَوْ مِنْدِيلٍ أَيْ مِنْدِيلِ الْفَقِيهِ وَهُوَ شَالُهُ يُوضَعُ عَلَى كَتِفِهِ أَوْ مَا يُجْعَلُ فِي الْيَدِ كَالْمِنْشَفَةِ الْكَبِيرَة اهـ.

(شرواني: ١٠/١٧)

എന്നല്ല, ഇതിന് മതിയാകാത്തവ എണ്ണിയെണ്ണി പറഞ്ഞതിൽ നിന്നും ഇക്കാര്യം ഗ്രഹിക്കാവുന്നതേയുള്ളൂ. 

കണങ്കാൽ വരെ മറയുന്ന ഖുഫ്ഫഃ, ഖുഫ്ഫാസൈൻ - കയ്യുറകൾ, യുദ്ധമുഖത്ത് അണിയുന്ന ദിർഅ്, ചെരുപ്പ്, കാലുറ - ജൗറബ്, തൊപ്പി, അരപ്പട്ട, മുട്ടിന് താഴേക്ക് ഇറങ്ങാത്ത അടിവസ്‌ത്രം, വിരിപ്പ്, പണം സൂക്ഷിക്കുന്ന സഞ്ചി - ഇവയൊന്നും പറ്റില്ലെങ്കിൽ, തൂവാല മതിയാവില്ല എന്ന് വ്യക്തമാണ്. 

💫